Azərbaycan respublikasi föVQƏladə hallar naziRLİYİ SƏnayedə İŞLƏRİn təHLÜKƏSİz göRÜLMƏSİ VƏ dağ MƏDƏn nəzarəTİ DÖVLƏt agentliYİ azərbaycan respublikasi əMƏYİn mühafiZƏSİ VƏ

3.1.1.18 Növbədə üç dəfədən az olmayaraq rotorun yanından və nasosxanadan hava nümunə-si qazanalizator vasitəsilə götürülməlidir.
3.1.1.19 Qazma zamanı quyudan çıxan məhlulun temperaturu mütəmadi olaraq ölçülməlidir.
3.1.1.20 Növbə dəyişəndə qazma sahəsi ƏBM məhsullarından təmizlənməlidir.


Qazaoxşar maddələrdən istifadə edilməklə qazma
3.1.1.21 Qazma zamanı qazaoxşar maddələrdən istifadə edtikdə işçi meydançaya mayenin, şlamın, tozun və qazın daxil olmaması üçün quyu ağzını hermetikləşdirən qurğunun bütün hissələri saz vəziyyətdə saxlanılmalıdır.
3.1.1.22 Quyu ağzı birləşmələrin atqı xətləri küləyin istiqamətindən asılı olaraq bir xətt üzrə yerləşdirilməlidir.
3.1.1.23 Qazaoxşar maddələrdən istifadə etməklə qazma və qaz laylarının açılması prosesində istifadə olunan atqı xətlərinin uzunluğu 100m-dən az olmamalıdır.
3.1.1.24 Qazma kəmərinə lay qazlarının daxil olmasının qarşısını almaq üçün kəmərin alt hissəsində əks klapan quraşdırılmalıdır.
3.1.1.25 Qazma aləti hər dəfə quyuya endirilməzdən əvvəl qazma boru kəmərindəki əks klapanın sazlığı yoxlanılmalıdır.
3.1.1.26 Preventorların germetikliyi və sazlığı alətin hər endirmə-qaldırma əməliyyatından əvvəl və növbədə 1dəfədən az olmayaraq yoxlanılmalı, yoxlamanın nəticələri növbə jurnalında qeyd edilməlidir.
3.1.1.27 Qazma prosesindən əvvəl quyu ağzını germetikləşdirən qurğu, qazaoxşar agenti quyuya vurmaqla, üfürülməklə germetikliyə yoxlanılmalıdır. Kipləşdirici hissələrdə aşkar edilən nasazlıqlar dərhal aradan qaldırılmalıdır.
3.1.1.28 Qazaoxşar maddələrin tətbiqi ilə aparılan qazma zamanı qaz təzahürü baş versə, buruğun işçi meydançasından və mümkün qaz təzahürü yerindən hava nümunəsi götürülməli və qazanalizatorla fasiləsiz olaraq analiz aparılmalıdır. Qazma zamanı quyudan çıxan havanın da qaz analizi aparılmalıdır.
3.1.1.29 Buruğun işçi meydançasında qaz-hava qarışığının aşağı partlayış qatılıq həddi 20% təşkil etdikdə, qazma işləri dayandırılmalı, sızma yerləri aşkar edilib ləğv olunmalıdır.