Azərbaycan respublikasi föVQƏladə hallar naziRLİYİ SƏnayedə İŞLƏRİn təHLÜKƏSİz göRÜLMƏSİ VƏ dağ MƏDƏn nəzarəTİ DÖVLƏt agentliYİ

3.1.1.3 
Daxiliyanma mühərrikli qazma nasosları çətin yanan materialdan tikilmiş ayrıca 
otaqlarda quraşdırıla bilər. 
3.1.1.4 
Daxili yanma mühərrikləri yerləşdirilən otaqlarda yanacaq və silgi materiallarının 
saxlanılması qadağandır. 
3.1.1.5
Daxili yanma mühərriklərinin yanacaq çənləri ilə binaların xarici divarları və buruq 
tikililəri arasındakı məsafə 40m-dən az olmamalıdır. Yanacaq xəttində iki bağlayıcı qurğu 
olmalıdır: biri yanacaq çəninin yanında, digəri isə maşın zalının xarici divarından 5m məsafədə 
quraşdırılmalıdır. 
Qeyd: Ayrıca otaqda yerləşdirilmiş daxili yanma mühərrikinin həmin otağın içərisində həc-mi 
200 litrə qədər olan yanacaq tutumunun quraşdırılmasına icazə verilir.
3.1.1.6 
Atqı xəttinin otağın divarından, döşəməsindən və ya tavanından keçən yerlərində 
odadavamlılıq həddi 0,75 saatdan az olmayan materiallardan hazırlanmış germetikləşdirici 
qurğular quraşdırlımalıdır. 
3.1.1.7 
Transformatorlar (yarımstansiyalar) elə yerləşdirilməlidir ki, onların altında qazma 
məhlulunun və ya leysan sularının qalması mümkün olmasın. 
3.1.1.8 
Buruğa neft vannaları üçün gətirilən neft qapağı kip bağlanan tutumlarda olmalıdır.
3.1.1.9 
Nefti tutumlara və quyulara vurmaq üçün istifadə edilən boru xətləri yerlə birləşdiril-
məlidir. 
3.1.1.10 
Neftvurma aqreqatları quyu ağzında, küləkdöyən tərəfdə yerləşdirilməlidir. 
3.1.1.11
Qazmaquyularını daxili yanma mühərriklərinin işlənmış qazları quyu ağzından 15 m, 
intiqal blokunun yan örtüyündən 5 m (işlənmiş qazlar borularının üfüqi quraçdırılan halı üçün), 
bu blokun damının kənarından ən azı 1,5 m-dən az olmayan məsafələrə(işlənmiş qazlar 
borularının çaquli quraçdırılan halı üçün) kənarlaşdırılmalıdır. İşlənmiş qaz boru xətləri 
qığılcım-yağ tutucuları ilə təchiz olunmalı, onların kənarlaşdırılma sxemi isə bu qazların işçi 
zonalara düşməsini istisna etməlidir.