69
70
71
72
4. 6. Müxtəlif torpaq - iqlim şəraitinin həna bitkilərinin
böyümə və inkişafına təsiri
Bitkilərin həyat qabiliyyətinin əsas göstəricilərindən biri
onların böyüməsi və inkişafıdır. Yeni iqtisadi bölgələrə
introduksiya
edilmiş
bitkilərin
böyümə
və
inkişaf
qanunauyğunluqlarının öyrənilməsinin böyük əhəmiyəti vardır.
Bitkilər böyümə və inkişaflarının tarixən formalaşmış və irsən
möhkəmləndirilmiş qanunauyğunluqlarını qoruyub saxlaya
bilirlər. Lakin, onları yeni becərmə şəraitinə gətirdikdə öz həyat
funksiyalarını az və ya çox dərəcədə dəyişməli olur. Nəzərə
alınmalıdır ki, yeni becərmə şəraiti bitkilərdə böyümə və
inkişaf xüsusiyyətlərinin qismən dəyişilməsinə və müəyyən
morfoloji əlamətlərin meydana çıxmasına səbəb olur. Həna
bitkiləri də Azərbaycan şəraitinə introduksiya olunduğuna görə
onun da böyümə və inkişaf xüsusiyyətlərini dəyişməsi nəzərdə
saxlanılmalıdır. Bununla əlaqədar olaraq Azərbaycanın Gəncə -
Qazax və Şirvan bölgələri şəraitində həna bitkilərinin böyümə
və inkişaf xüsusiyyətlərini öyrənməyi qarşımıza məqsəd
qoymuşuq.
1991-1993 - cü illərdə apardığımız tədqiqatlar zamanı müx-
təlif torpaq - iqlim şəraitində becərilən həna bitkilərinin böyü-
mə dinamikası hərtərəfli tədqiq edilmişdir. Bu məqsədlə
vegetasiyanın başlanmasından sonuna qədər hər ayın axırında
bitkilərin hündürlüyü, çətirinin diametri ölçülmüş və morfoloji
göstəriciləri qeyd edilmişdir.
Тorpaq - iqlim şəraiti ilə əlaqədar olaraq 4 aylıq standart
ölçüdə həna şitilləri Şirvan bölgəsində aprelin III ongünlüyündə
Gəncə - Qazax bölgəsində isə may ayının III ongünlüyündə
(torpaqda 18
0
C temperatur şəraitində) birbaşa açıq sahəyə
çıxarılaraq müxtəlif qida sahəsində əkilmişdir. Qeyd etmək
lazımdır ki, şitillər açıq sahəyə çıxarılan zaman onların
kökbağlama qabiliyyətini artırmaq məqsədilə əsas kökündən 10
73
- 12 sm, yerüstü hissəsindən isə 20 sm saxlamaqla qalan
hissələr kəsilmişdir.
Bitkilər əkildikdən sonra açıq sahəyə uyğunlaş-
madıqlarından yarpaqlarını tökürlər. Hər iki bölgədə əkilən
bitkilərdə 12-15 gün sonra yeni sıx yarpaqlar əmələ gəlir.
Bitkilər əkildikdən sonra 12-25 gün ərzində zəif böyüyürlər.
Hərarətin yüksəlməsi ilə əlaqədar olaraq müxtəlif torpaq iqlim
şəraitində becərilən bitkilərdə intensiv böyümə müşahidə edilir.
Belə ki, həna bitkisi qida sahəsindən asılı olaraq Şirvan
bölgəsində iyul ayında 15-19 sm böyüyür. Avqust ayında isə
bitkilərin boyu 50,7 - 73,5 sm-ə çatır. Bitkilərin hündürlüyə
intensiv böyüməsi ilə bərabər çətirin də intensiv böyüməsi
başlanır. Göründüyü kimi avqust ayında həna bitkisində çətirin
diametri 27- 45 sm-ə bərabər olur (cədvəl 4. 7).
Gəncə - Qazax bölgəsində isə avqust ayında həna bitkisinin
boyu qida sahəsindən asılı olaraq 53,4 - 76,4 sm-ə çətirinin
diametri isə 28,5 - 50,5 sm-ə bərabər olmuşdur.
Vegetasiyanın sonunda biçilməyib saxlanmış bitkilərin
hündürlüyü Şirvan bölgəsində 56,5 - 103,4 sm, çətirin diametri
isə 45,5 - 70,2 sm olmuşdur. Gəncə - Qazax bölgəsində isə bu
göstəricilər müvafiq olaraq 60,5 - 120,2 sm, və 50,0 - 72,0 sm
olmuşdur.
Qeyd etmək lazımdır ki, hər iki bölgədə becərilən
bitkilərdə böyümə vegetasiyasının əvvəlindən axırına qədər
davam edir. Lakin, oktyabr ayından başlayaraq havanın və
torpağın temperaturunun aşağı enməsi ilə əlaqədar olaraq
bitkilərin boyümə intensivliyi də azalır. Noyabr ayında 10-12
0
C temperaturda bitkilərin böyüməsi dayanır. Тemperaturun
sonrakı aşağı enməsi bitkilərin yerüstü hissəsinin məhvinə
səbəb olur. Bitkilərin yerüstü hissəsinin məhv olması Şirvanda
noyabrın axırlarına, Gəncədə isə əvvəllərinə təsadüf edir.
Тədqiqatlarımızda hər iki bölgədə becərilən həna
bitkilərinin qida sahəsindən asılı olaraq vegetativ orqanlarının
74
75
morfoloji göstəriciləri əsas və yan budaqların sayı, əsas gövdə
üzərində buğumarasının sayı və uzunluğu, eləcədə də
yarpaqların ölçüləri müqayisəli öyrənilmişdir. Тədqiqatın
nəticələri cədvəl 4. 8 və 4. 9- da verilmişdir.
Bitkiyə verilən qida sahəsindən asılı olaraq vegetasiyanın
sonunda Şirvanda becərilən həna bitkilərində əsas budaqların
sayı orta hesabla 1,5 - 3,0, yan budaqlarının sayı 25,0 - 41,6,
əsas gövdə üzərində buğumayrasının sayı 33,9 - 53,2 ədəd,
buğumarasının uzunluğu 0,9 - 1,4 sm, yarpaqların sayı 652,2 -
880,9 ədəd, yarpağın uzunluğu 1,9 - 2,8 sm eni isə orta hesabla
1,3 - 2,0 sm olmuşdur (cədvəl 4. 8).
Gəncə - Qazax bölgəsində becərilən həna bitkilərinin
Şirvanda becərilən bitkilərlə müqayisəsindən aydın oldu ki, bu
bölgədə eyni qida sahəsində becərilən bitkilərin morfoloji
göstəriciləri Şirvanda becərilən bitkilərə nisbətən artıqdır. Belə
ki, qida sahəsindən asılı olaraq vegetasiyanın sonunda Gəncə -
Qazax bölgəsində becərilən həna bitkilərində əsas budaqların
sayı orta hesabla 2,0 - 4,0 ədəd, yan budaqların sayı 28,4 - 58,4
ədəd, əsas gövdənin üzərində buğumarasının sayı 41,4 - 68,2
ədəd, uzunluğu isə 1,3 - 2,1 sm, yarpağın sayı 744,1 - 1376,8
ədəd, uzunluğu 2,0 - 3,1 sm, eni isə 1,5 - 2,5 sm təşkil etmişdir
(cədvəl 4. 9).
Müxtəlif torpaq - iqlim şəraitlərinin həna bitkilərinin
böyümə dinamikasına təsirinin öyrənilməsindən bu nəticəyə
gəldik ki, həna bitkisi ona verilən qida sahəsi nə qədər artıq
olarsa o qədər də intensiv böyüyür və morfoloji göstəriciləri
yüksək olur. Bu hal hər iki bölgədə özünü göstərir. Onu da
qeyd etmək lazımdır ki, həna bitkiləri Gəncə - Qazax bölgəsi
şəraitində Şirvan bölgəsinə nisbətən daha yaxşı böyüyüb
inkişaf edirlər.
Dostları ilə paylaş: |