12
BÖLMƏ III:
Dilimiz- varlığımız
Yubiley tədbirlərinin keçirilməsi:
Azərbaycan dili statuslu, minillik yaddaş tariximizin bütün incəliklərini
ifadə etmək iqtidarında olan, həyatın bütün sahələrinin modullarını özündə
əks etdirən, bütün təqiblərə, təzyiqlərə müqavimətli, dünya dilləri sırasında
bərabər hüquqlu mövqeli, zəngin yazılı və şifahi ədəbiyyatı olan dildir. Dil
millətin hər bir nümayəndəsinə xidmət edən və ən azı bu xidmətə görə hər
birimizin borclu olduğumuz sahədir. Və sözün geniş mənasında milli mənlik
şüurunun fövqündə dayanan sahədir. Hər birimiz dilin bizə olan xidməti
qarşısında onu qorumalı və yaşatmalıyıq. Dil bütün imkanlarını ifadə etməklə
potensial çəkisini nümayiş etdirən sahədir. O, xidməti borcunu heç kəsdən
əsirgəmir. Ancaq ondan istifadə edənlər fərqlənir: intelektual səviyyəsinə,
qabiliyyətinə, yaşına, dilə olan məhəbbətinə və sairəyə görə.
Bəli, 1 avqust Azərbaycan Əlifbası və Azərbaycan dili günüdür. Hər il
olduğu kimi, bu il avqustun 1-də bu milli varlığımız, milli dilimiz olan Ana
dilimizi təbliğ etmək üçün respublikamızın hər bir təhsil ocaqlarında, idarə və
təşkilatlarında, ali təhsil ocaqlarında, məktəb və məktəbəqədər təhsil ocaqlarında,
lisey və gimnaziyalarda, kitabxana və muzeylərdə və s. yerlərdə geniş miqyaslı
tədbirlər palnı hazırlanır. Belə tədbirlərin hazırlanmasında məqsəd, Ana dilimizin
zənginliyini, ahəngdarlığını təbliğ etmək, Azərbaycan əlifbasını dünyaya
tanıtmaqdan ibarətdir.
Beləki, 1 avqust Azərbaycan Əlifbası və Azərbaycan dili günü münasibətilə
F.Köçərli adına Respublika Uşaq Kitabxanasında geniş və maraqlı tədbirlər planı
hazırlanmışdır. Tədbirlər planına müxtəlif cür sərgilərin hazırlanması,
viktorinaların, şeir, rəsm, inşa müsabiqələrinin keçirilməsi, ədəbi-bədii gecələrin
keçirilməsi salınmışdır. İlk əvvəl Kitabxanamızda 1 avqust Azərbaycan Əlifbası və
Azərbaycan Dili günü münasibətilə təşkil olunan kitab sərgisi ilə sizləri yaxından
tanış etmək istəyirəm. Sərgi müxtəlif başlıqlar altında keçirilə bilər. Məsələn:
“Dilim dillər tacıdır”, “Dilimiz varlığımız”, “ Ana dili-ana südü”, “Ana dilimiz-
qeyrətimiz, milli sərvətimiz”, “1 avqust Azərbaycan Əlifbası və Azərbaycan dili
günüdür” və s.
13
Başlıq:
“1 avqust Azərbaycan Əlifbası və Azərbaycan dili günüdür”.
1.
Sərəncamlar.
2.
Görkəmli insanların Azərbaycan əlifbası və Azərbaycan dili haqqında
söylədikləri sitatlar.
3.
Azərbaycan əlifbası və Azərbaycan dili haqqında olan kitabların nümayişi.
4.
Rəsm və əl işləri sərgisi.
5.
Şeir parçası.
Mənim ana dilim-keçmişim, ulum,
Sonsuz gələcəyə uzanan yolum,
Sən adlı Vətənin qurbanı olum,
Ana Vətənimin anası dilim!
İsa Cavadoğlu
Sitatlar:
14.
Ana dilini bilməmək, ana dilini qiymətləndirməmək, şübhəsiz ki, xalq
qarşısında böyük qəbahətdir.
Heydər Əliyev
Ümummilli lider
15.
Hər bir xalq öz dili ilə yaranır. Ancaq xalqın dilini yaşatmaq, inkişaf
etdirmək və dünya mədəniyyəti səviyyəsinə qaldırmaq xalqın qabaqcıl
adamlarının, elm, bilik xadimlərinin fəaliyyəti nəticəsində mümkün olur.
Heydər Əliyev
Ümumilli lider
16.
“Dil hər bir millətin milliliyinin əsasıdır. Ona görə də hər bir gənc öz ana
dilini, müasir Azərbaycan dilini ən incəliklərinə qədər bilsin və bu dildən
istifadə etsin. Biz müstəqil Azərbaycanda Azərbaycan dilini dövlət dili
etiyimiz kimi, cəmiyyətimizdə də, xalqımızın içində də Azərbaycan dilini
mütləq hakim dil etməliyik”.
Heydər Əliyev
Ümumilli lider
1.
Ərəb və fars kəlmə və ibarələrinin şövq və həvəsində olub, ehtiyac olmadığı
halda onları ana dilinə qatıb-qarışdırmaq, bizim əqidəmizə böyük səhvdir.
Vaxta ki, ana dilində şeyin özünün məxsusi adı var və yainki ana dili ilə bir
mənalı bəyan etmək və bir əhvalatı necə ki, lazımdır söyləmək mümkün
olur, insaf deyil ki, elm göstərmək və “mollalıq” izhar etmək iddiatına
14
düşüb, kəlamı qəliz ibarələrlə və çətin anlaşılan ərəb və fars sözləri ilə
doldurub, əsil mənanı daha da dərinə salmaq və onun üzünə qəliz
ibarələrdən toxunmuş pərdə çəkmək...
Dil nə qədər açıq, sadə olsa bir o qədər gözəl, göyçək və məqbul olar.
Firudin bəy Köçərli
Görkəmli ədəbiyyat maarifçisi, pedaqoq
2.
Ana dili! Bir dil ki, mehriban bir vücud öz məhəbbətin sənə bu dildə bəyan
edir. Bir dil ki, sən hələ beşikdə ikən bir lay-lay şəkilində öz ahəng və
lətafətini sənə eşitdirib, ruhun ən dərin guşələrində nəqş bağlayıbdır.
Nəriman Nərimanov
Ictimai-siyasi xadim, yazıçı
3.
Bizim yəqinimizdir ki, dili dolaşıq şəxsin fikri də dolaşıqdır. İbarəpərdazlıq
fikrin boşluğuna və bir dərəcədə yoxluğuna dəlalət eləyir. Doğru və salamat
fikirli adamların kəlamı həmişə aydın, açıq və düzgün olur.
“Molla Nəsrəddin” jurnalından
4.
Bədii dil xalqın mənəvi sərvəti olmaqdan əlavə insanların fikrini,
hissiyyatını, zövqünü tərbiyə edən çox güclü vasitədir.
Mirzə İbrahimov
Xalq yazıçısı, dramaturq
5.
İnsanın şərəfinin bir dəlili də nitqidir. Lazımdır ki, hər kəs elə danışsın, elə
yazsın ki, onu mümkün mərtəbədə avam da başa düşsün...Həqiqət, qəzetə
camaat üçündür, camaat qəzetə üçün deyildir.
Həsən bəy Zərdabi
Azərbaycanın görkəmli nümayəndəsi, alim
6.
Düşüncəsi, ağlı sağlam olan kəs,
Luzumsuz sözləri söyləməz əbəs.
Qızışanda dili səbr etsə bir az,
Tutduğu işindən peşiman olmaz.
Nizami Gəncəvi
Azərbaycan ədəbiyyatının görkəmli nümayəndəsi, şair