217
mərhələsinin təşkili üçün çox vacibdir. Deklorativ biliklərdən şagirdin idraki
fəaliyyətinin təşkilində düzgün istifadə edilməlidir.
• Prosedural bilik prosesi ehtiva edir. Bu bilik növü hər hansı fənn üzrə
mühüm vərdiş və proseslər kimi qəbul edilə bilər. Problemin həlli zamanı istifadə
edilən biliklər prosedural biliklər hesab edilir. Prosedural biliyin deklorativ bilikdən
fərqi ondan ibarətdir ki, bu biliklər tapşırığın yerinə yetirilmə prosesində tətbiq edilir.
Bu səbəbdən prosedural biliyi Blumun taksonomiyasında tətbiq mərhələsi ilə
əlaqələndirmək olar.
• Kontekstual bilik hər hansı prosesdə əldə edilən yeni informasiya və ya
müəyyən informasiyalara tətbiq edildikdə yeni məna alan informasiyalar kimi
dəyərləndirilir. Kontekstual nəzəriyyəyə əsasən, təlim o zaman baş verir ki, şagird öz
bilik dairəsi çərçivəsində yeni informasiyalar və ya biliklər emal etsin.
İnformasiyaların emalı məzmunda yeni məna axtarmaqla və həmin mənaları
inandırıcı şəkildə əlaqələndirməklə həyata keçirilir.
Bilik kateqoriyalarının standartlar üzrə uyğun nisbətlərə bölgüsü aşağıdakı
məsələlərin nəzərə çatdırılmasına və həyata keçirilməsinə xidmət edir:
a) informasiyalar sadəcə yaddaşda mühafizə olunmalı deyil, onlar problemin
həllində səmərəli istifadə edilməlidir.
b) informasiyalar şagirdlər tərəfindən yeni informasiyaların yaradılmasına
yardımçı olmalıdır.
Fəaliyyətin xüsusiyyətləri. Məzmun standartlarında fəaliyyət taksonomiyaların
köməyi ilə sistemləşdirilir. Müxtəlif taksonomiyalardan yalnız üçü – idraki
(koqnutiv), emosional və psixomotor taksonomiyalar mütəxəssislər tərəfindən təhsil
üçün əhəmiyyətli hesab edilmişdir.
İdraki fəaliyyəti əks etdirən standartlar, ilk növbədə, intellektual bacarıq və
vərdişlərin inkişaf etdirilməsinə istiqamətlənir. B.Blumun adı ilə bağlı olan
fundamental idraki taksonomiyalarda düşünmə bacarıqları sadədən mürəkkəbə doğru
mərhələlərə görə təsnif edilir. Bu taksonomiya ona görə fundamentaldır ki, sonrakı,
218
daha mürəkkəb idraki bacarıqların (problem həlletmə, mühakimə yürütmə, isbatetmə,
əlaqələndirmə) əsasını təşkil edir. Fənn üzrə məzmun standartlarının fəaliyyət
(bacarıq) komponentinin tərtibində idraki bacarıqlar sistemli şəkildə işlənir. Standart
mütəxəssisləri hesab edirlər ki, idraki taksonomiyaların bütün mərhələləri hər bir sinif
üzrə standartlarda öz əksini tapmalıdır. Lakin həmin mərhələlər hər sinifdə şagirdlərin
yaş həddi nəzərə alınmaqla sinifdən-sinfə, sadədən mürəkkəbə doğru inkişaf
etdirilməlidir. Həmçinin hər üç taksonomiyaların bütün mərhələlərini ifadə edən
feillər də müəyyənləşdirilmişdir. Feil idraki bacarığın taksonomiyanın hansı
mərhələsinə aid olduğunu əks etdirir. N. Gronland bu məsələ ilə bağlı
araşdırmalarında taksonomiyaların mərhələlərinin səciyyəvi xüsusiyyətlərini və
onları əks etdirən feilləri müəyyən etmişdir.
Cədvəl 11.
Blumun taksonomiyasının mərhələlərinin səciyyəvi xüsusiyyətləri.
Mərhələ
Şagird davranışının xüsusiyyətləri
Bilmə
Yadda saxlama; xatırlama, tanıma; yadıma salma
Anlama
İzahetmə; məsələni bir ifadə vasitəsindən digər ifadə
vasitəsinə çevirmə; öz sözləri ilə təsviretmə
Tətbiqetmə
Problem həlletmə; müəyyən nəticələr əldə etmək
üçün informasiyaları tətbiqetmə
Təhliletmə
Bir yerdə necə mövcud olduğunu göstərmək üçün
parçalama, bölmə; ünsiyyətin əsasını təşkil edən strukturu
tapma; motivləri müəyyənləşdirmə
Sintezetmə
Həm şifahi formada, həm də fiziki obyekt ola bilən
unikal (yeganə), orijinal (ilkin) məhsulun yaradılması
Dəyərləndirmə
Məsələ haqqında mühüm qərarlar çıxarma;
mübahisələri və ya fikir müxtəlifliklərini həlletmə
219
Cədvəl 12.
Blumun taksonomiyasının mərhələlərini ifadə edən feillər
Mərhələ
Fəaliyyət göstəriciləri olan feillər
Bilmə
Müəyyən edir, təsvir edir, sadalayır, sıralayır, seçir
Anlama
Fərqləndirir, izah edir, nümünələr gətirir
Tətbiqetmə
Dəyişir, hesablayır, istifadə edir, işlədir, nümayiş etdirir
Təhliletmə
Ayırır, hissələrə bölür, əlaqələndirir, fərqləri əsaslandırır,
müəyyən edir
Sintezetmə
Yaradır, tərtib edir, yazır, ifadə edir
Dəyərləndirmə
Müqayisə edir, qarşılaşdırır, mühakimə yürüdür
Taksonomiyalar standartların həm tərtibində, həm tətbiqində, həm də
qiymətləndirilməsində mühüm rol oynayır.
Standartlarda nəzərdə tutulan ikinci əsas məsələ şagirdlərin dəyərlərə
münasibətini inkişaf etdirməkdən ibarətdir. Bu məsələnin həllində affektiv
(emosional) taksonomiyaların rolu əvəzsizdir. Affektiv taksonomiyalar şagirdlərin
hiss, yanaşma, dəyər və emosiyalarının inkişafının təşkilində böyük əhəmiyyətə
malikdir.
D.Krasvol 1964-cü ildə affektiv taksonomiyasının təsnifat sistemini
yaratmışdır. Bu taksonomiyanın beş mərhələsi müəyyən olunmuşdur.
N.Gronland affektiv taksonomiyalarla bağlı araşdırmalarında hər mərhələnin
səciyyəvi xüsusiyyətlərini və onları əks etdirən feillər sırasını vermişdir.
220
Cədvəl 13.
Affektiv taksonomiyanın mərhələləri və onların səciyyəvi xüsusiyyətləri
Mərhələ
Şagird davranışının xüsusiyyətləri
Məqbulsayma
Şagird hər hansı bir təlim prosesində iştirak etmək üçün
stimullaşdırılır. Bu standartlarda məsələlər əşyanın
mövcudluğunu anlamadan ona seçimli yanaşmaya qədər
inkişaf etdirilir.
Reaksiyavermə
Şagird təlim prosesində fəal iştirak edir, suallara cavab,
hadisələrə reaksiya verir. Bu standartlarda şagirdin zövq və
maraqlarının axtarılması və fəaliyyətdə tətbiqi vurğulanır.
Dəyərləndirmə
Şagirdin hər hansı əşya və ya hadisəni dəyərləndirməsinə
xidmət edir. Bu standartlar baş verənlərə münasibətin təhlil
edilməsi üçün şərait yaradır
Təşkiletmə
Şagirdin dünyagörüşünün formalaşmasına xidmət edən
standartlar bu mərhələyə əsaslanır.
Dəyər və ya
dəyərlər sistemini
xarakterində
əksetdirmə
Bu mərhələdə fərd davranışlarını nəzarətdə saxlayan və
həyat tərzini müəyyənləşdirən dəyərlər sisteminə malikdir.
Bu məzmun standartları şagirdin şəxsi, ictimai və
emosional davranışının formalaşmasına yardımçı olur.
Cədvəl 14.
Affektiv taksonomiyanın mərhələlərini əks etdirən feillər
Mərhələ
Şagird davranışının xüsusiyyətləri
Məqbulsayma
Soruşur, cavab verir, dəstəkləyir, riayət edir
Reaksiyavermə
Kömək edir, müzakirə edir, nümayiş etdirir,
təqdim edir, oxuyur, şeir söyləyir, danışır
Dəyərləndirmə
Oxuyur, məruzə edir, fikir mübadiləsi edir,
dəvət edir, öyrənir, çalışır, münasibətini
bildirir, izah edir
Təşkiletmə
İcra edir, dəyişir, müqayisə edir, müdafiə
edir, təşkil edir, hazırlayır
Dostları ilə paylaş: |