207
Yazılı kurikulum nümunələri yaxşı formalaşdırıldıqda və diqqətlə hazırlandıqda
istifadə üçün yararlı olur.
Dəstəklənən kurikulum – onun çatdırılması və dəstəklənməsi üçün xüsusi
vəsait yaradılan kurikulumdur. Dəstəklənən kurikulumların tətbiqində müəllimin
həlledici rolu vardır. Dəstəklənən kurikulum digər növdən olan kurikulumlar arasında
mərkəzi rol oynayır.
Şərh edilən kurikulumlardan biri də tədris edilən kurikulum hesab edilir. Bu
kurikulum, əslində, çatdırılan kurikulumdur. Adından da göründüyü kimi, bu
kurikulum bilik və bacarıqların şagirdlərə çatdırılması prosesini əhatə edir.
Tədris edilən kurikulum yazılı kurikulumla eyniyyət təşkil etmir. Başqa sözlə,
tədris edilən kurikulum yazılı kurikulumun davamı kimi yaranır. Yazılı kurikulum
konkret olaraq məqsəd, fəaliyyət və resursları əhatə etsə də, nümayiş etdirilən
materiallar, sinif otağında aparılan tədris prosesinin mahiyyəti barədə məlumat verə
bilmir.
Tədris edilən kurikulum isə imkan verir ki, müəllim fərdi bacarıqlara malik
olsun və onları nümayiş etdirə bilsin. Tədris edilən kurikulumu, əsasən, müəllim
hazırlayır. Eyni zamanda prosesin sonunda qiymətləndirmə aparır. İlk növbədə
şagirdlərin daha sonra özünün fəaliyyətini dəyərləndirir.
Gizli kurikulum – daha çox özünün qapalı tərəfləri ilə seçildiyindən bu cür
adlanır. Bu məsələdən bəhs edən mütəxəssislər onu tədqiq edilməmiş kurikulum,
yaxud da şifahi nəzərdə tutulan kurikulum adlandırırlar.
Gizli kurikulumun mühüm səciyyəvi cəhətlərindən biri onun müəyyən plana
istinad etməməsi, situativ xarakter daşıması ilə bağlıdır.
5.3.2. Fənn kurikulumlarının səciyyəvi səhətləri.
Yeni fənn kurikulumları özünün aşağıdakı səciyyəvi xüsusiyyətləri ilə fərqlənir:
Fənn kurikulumları nəticəyönümlü xarakterə malikdir.
208
Bu xüsusiyyət onu əvvəlki proqramlardan kəskin şəkildə fərqləndirir.
Nəticəyönümlülük müasir kurikulumun hazırlanmasında nəzərə alınan
didaktik prinsiplərdən biri hesab edilir. Təlim prosesində əldə olunacaq nəticələrin
əvvəlcədən müəyyən olunması və onun məzmuna gətirilməsi bu prinsipin başlıca
cəhətidir.
Nəticəyönümlülüyün olması, ilk növbədə, təlim fəaliyyətinə əsaslanır,
bütövlükdə təlim prosesinin mahiyyətini təşkil edən son nəticəni görməyə imkan
verir. Fənn kurikulumunda təlim nəticələri müxtəlifdir: ümumi və xüsusi nəticələr.
Hər bir fənn kurikulumunda özünə yer tutan bu nəticələr tədrisdə həm məzmunu
müəyyənləşdirmək, həm də qiymətləndirmə aparmaq baxımından əhəmiyyətlidir.
Məzmunu ifadə edən belə nəticələr hökumət tərəfindən təsdiq olunur.
Azərbaycanda belə bir sənəd hazırlanmış və təsdiq edilmişdir. Məzmun xətləri və
siniflər üzrə hazırlanan nəticələr isə ümumiyə uyğun xüsusi nəticələr kimi təsdiq
olunur.
Fənn kurikulumları şagirdyönümlülüyü ilə seçilən sənəddir.
Fənn kurikulumlarında öz əksini tapan bütün nəticələr şagirdlərə, onların
inkişafının izlənilməsinə yönəldilmiş, şagird şəxsiyyətinin formalaşması və inkişafı
diqqət mərkəzində saxlanılmışdır.
Fənn kurikulumlarında şagird nailiyyətinin qiymətləndirilməsi üzrə işin
məzmunu bilavasitə bir subyekt kimi təlim alana yönəldilmişdir. Qiymətləndirmə
standartlarında şagirdlərin fəaliyyəti, üzərində işlədikləri məzmun və şərait
elementləri ilə yanaşı, onların əldə edəcəkləri minimum nailiyyətlər də ifadə
edilmişdir. Bu zaman şagirdin minimum təlim şəraiti, fizioloji və psixoloji durumu
nəzərə alınmışdır. Şagird şəxsiyyətinin bütün parametrdə inkişaf istiqamətləri diqqət
mərkəzində saxlanılmalıdır.
Fənn kurikulumları konseptual sənəddir. “Azərbaycan Respublikasında ümumi
təhsilin Konsepsiyası (Milli Kurrikulumu)” sənədindəki müddəalar respublikada hər
hansı fənn üzrə fəaliyyətlər sistemini ümumiləşdirmək baxımından konseptual
209
xarakter daşıyır. Ona görə də fənn kurikulumları öz növbələrində həm də çərçivə
sənədi hesab edilir. Nəticələr şəklində olan məzmun təhsil pillələri və siniflərə aid
məzmun xətləri üzrə kurikuluma daxil edilir. Standartlar səviyyəsində təqdim
olunmuş siniflər üzrə nəticələrin sərhəddi standartlar və alt standartların hüdudunda
müəyyənləşir.
Fənn kurikumları inteqrativ xarakter daşıyır. Bu ilk növbədə, onun ümumtəhsil
məktəbləri üçün hazırlanması və şagird şəxsiyyətinin və onlarda həyati bacarıqların
formalaşdırılması ilə bağlıdır. Ona görə də kurikulumlarda əks olunmuş təlim
nəticələri (təlim standartları) biri-digərini tamamlamaq, möhkəmləndirmək, davam
etdirmək baxımından elə ardıcıllıqla verilir ki, onların vasitəsilə şagird şəxsiyyətinin
formalaşması və inkişafını izləmək mümkün olur.
Bu əlaqələr məzmun və istiqamətinə görə iki yerə ayrılır: şaquli, üfüqi
inteqrasiya.
Şaquli inteqrasiya daha çox fənnin siniflər və mərhələlər arasındakı əlaqəsini,
üfüqi isə müxtəlif, lakin uyğun gələn fənlərin əlaqəsini ehtiva edir. Bütün hallarda
şagirdlərin inteqrativ standartlar əsasında ölçülə bilən bacarıqlara yiyələnmələri diqqət
mərkəzində saxlanılır.
Fənn kurikulumları qabaqlayıcı xarakter daşıyır.
Bu onun konseptuallığından irəli gəlir. Kurikulumlar bütün təlim nəticələrini
əks etdirməklə sondakı nailiyyətləri fərz etməyə imkan yaradır. Öyrənmə prosesində
əldə edilən nailiyyətin hansı səviyyədə olmasını müəyyənləşdirmək üçün şərait əmələ
gəlir.
Bütün bu səciyyəvi cəhətlər fənn kurikulumunu digər təhsil sənədlərindən
fərqləndirməyə imkan verir. Belə ki, bu sahədə araşdırmalar aparan tədqiqatçıların
fikirlərinə görə fənn proqramı ilə kurikumlarını eyniləşdirmək doğru deyildir.
Pedaqoji ədəbiyyatlarda tədris proqramları dövlət sənədi kimi dəyərləndirilir.
Göstərilir ki, “Tədris proqramı ayrı-ayrı fənnlərdən bilik, bacarıq və vərdişlərin,
Dostları ilə paylaş: |