47
Respublikanın xalq artisti Hüseynağa Hacıbababəyovun adını çəkmə-
liyik. Onu da deyək ki, Hacıbababəyov hələ 1912-ci ildən opera səh-
nəsində baş rolların ifaçısı idi. Üzeyir Hacıbəylinin “Leyli və Məcnun”
operasında Məcnunu, “Əsli və Kərəm” operasında Kərəmi, “Arşın mal
alan” musiqili komediyasında Əsgər və Süleymanın partiyalarını yarat-
mışdır. Yüksək tenor-altino səsinə malik olan H.Hacıbababəyov əvvəllər
qadın rollarında da müvəffəqiyyətlə çıxış edərdi. O, Leyli, Əsli, Gülçöhrə
və haqqında söz açdığımız “Şah İsmayıl” operasında Gülnaz rolunun
gözəl ifaçısı idi. Eyni zamanda H.Hacıbababəyov o dövrdə Şah İsmayıl
rolunda da tez-tez çıxış edirdi.
Şah İsmayıl rolunu Respublikanın xalq artisti Əlövsət Sadıqov da
şövqlə yaratmışdır.
Bu obrazda sonralar Arif Babayev, Baba Mahmudoğlu, Canəli
Əkbərov, Qulu Əsgərov, Bakir Haşımov, Əli Mehdiyev və başqaları
müvəffəqiyyətlə çıxış etmişlər.
“Şah İsmayıl” operasında Aslan şahın obrazın yaratmış bariton səsə
malik professional müğənni, Respublikanın xalq artisti Məmmədtağı
Bağırovu xüsusi qeyd etmək lazımdır.
Məmmədtağı Bağırovdan sonra bu obrazı uzun illər Respublikanın
xalq artisti Ağababa Bünyatzadə oynamışdır. Onu da deyək ki, Aslan Şah
rolunda rus aktyorları da oynamışlar. Biz xüsusilə Nikolskinin və Levinin
adını qeyd etmək istərdik. Bu nə ilə əlaqədardır? Azərbaycan opera
teatrında əvvəllər həm kişi və həm də qadın səsləri çatışmırdı. Bunun
üçün də bariton və bas səs tələb edilən partiyalarda rus aktyorları çıxış
edərdilər. Özü də Azərbaycan dilində. Xatırladaq ki, Nikolski sonralar
“Şahsənəm” operasında Bəhram bəyin, “Koroğlu”operasında isə İbrahim
xanın rolunda oynamışdır.
Onu da qeyd edək ki, Alsan şahın I pərdədən ariyasını siz dəfələrlə
bəstəkarın nəvəsi SSRİ xalq artisti Müslüm Maqomayevin ifasında
eşitmisiniz.
Aslan şah rolunda Qafar Əliyev, Şahlar Quliyev, Əli Haqverdiyev də
məharətlə oynamışlar.
Ərəbzəngi obrazından söz açarkən onu demək olar ki, bu obraz
qəhrəmani, igid, cəsur xüsusiyyətləri özündə əks etdirən ilk qadın
obrazıdır. Bu obrazın ilk ifaçılarından biri olan Respublikanın xalq artisti
Həqiqət Rzayevanın adını çəkməliyik. Həqiqət Rzayevanın yaradıcılıq
həyatında Ərəbzəngi onun ilk böyük roludur. Aktrisa özü bu rolda çıxış
etməyini belə xatırladır: “Mən bu rolda ilk qadınam ki, artistlərdən Əli
Zülalovun və Məhəmmədtağı Bağırovun başından qadın parikini
çıxartmışam”. Doğrudan da Həqiqət Rzayevaya qədər Ərəbzəngi rolunda
həmişə kişi aktyorları çıxış etmişlər. Onu da qeyd etmək lazımdır ki,
Həqiqət Rzayeva böyük səhnəyə qədəm qoyan ilk qadın muğam
48
ifaçılarındandır. O, bir sıra rolların mahir ifaçısı idi. Üzeyir Hacıbəylinin
opera və musiqili komediyalarında H.Rzayevanın Leyli (“Leyli və
Məcnun”), Əsli (“Əsli və Kərəm”) və s. obrazlarını oynaması milli
musiqi tariximizdə yüksək yer tutmuşdur.
Həqiqət Rzayevadan sonra Ərəbzəngi rolunun mahir ifaçısı Respub-
likanın xalq artisti Gülxar Həsənova sayılır. Gülxar Həsənova həmçinin
“Leyli və Məcnun” operasında Leyli və Leylinin anasını, “Əsli və
Kərəm” operasında Əslini, “Koroğlu” operasında Xanəndə qızı və başqa
obrazların yaradıcısı olmuşdur.
Onu da deyək ki, Ərəbzəngi obrazını bir neçə il orijinal ifaçılıq üslubuna
malik Respublikanın xalq artisti Rübabə Muradova gözəl yaratmışdır. Bu
rolda həmçinin Simuzər Hətəmova da bir neçə il çıxış etmişdir.
Gülzar obrazının gözəl ifaçılarından biri ilk Azərbaycan professional
qadın müğənnisi, SSRİ xalq artisti Şövkət Məmmədovanın adını
çəkməliyik. Bu rolda uzun illər SSRİ xalq artisti Firəngiz Əhmədova
çıxış etmişdir. Gülzar rolunu Gülnarə Əhmədova, Dilarə Babayeva,
Xədicə Babayeva və başqaları da oynamışlar.
Gördüyümüz kimi, Müslüm Maqomayevin “Şah İsmayıl” əsəri opera
sənətinin inkişafında, eləcə də yeni klassik opera üslubunun yaranmasına
təkanverici bir qüvvə kimi böyük və əhəmiyyətli rol oynamışdır.
Ədəbiyyat siyahısı
1.
Əbdülqədir İsmayılzadə. Məktub. “Sədayi-həqq” qəzeti, 26 aprel 1913-cü il.
РЕЗЮМЕ
Тогрул Асадуллаев
Статья посвящена опере «Шах Исмаил» Муслима Магомаева. Здесь осве-
щается информация о история создания оперы, новые характерные черты, сово-
купность принципов мугамной оперы с Европейскими музыкальными формами,
богатство музыкального языка и первые исполнители главных образов.
Ключевые слова: Мугам-опера, либретто, Мирза Абдулгадир Исмаилзаде.
SUMMARY
Togrul Asadullayev
The article is devoted to the opera "Shah Ismail" of Muslim Magomaev. Author no-
ticed history of opera, innovation features, coordination of the principles of the mugham
opera and forms of European music, richness of the musical language and information
about the first performers of the main images of opera were reflected.
Key words: Mugam-opera, libretto, Mirza Abdulgadir İsmailzadeh.
Rəyçilər: Professor Ramiz Zöhrabov;
Professor Fəxrəddin Dadaşov.
49
AZƏRBAYCAN MİLLİ KONSERVATORİYASI
«KONSERVATORİYA» № 2, 2011
___________________
Bəstəkarların yaradıcılığı Творчество композиторов
Malik QULİYEV
Azərbaycan Milli Konservatoriyasının professoru
Arzu QULİYEVA
Azərbaycan Milli Konservatoriyasının dosenti
AZƏRBAYCAN HƏSRƏTİLƏ YAŞAYAN BƏSTƏKAR
(Əli Səliminin xatirəsinə həsr olunur)
Açar sözlər: Azərbaycan, Əli Səlimi, “ Ayrılıq ”, tar.
Əli Səliminin adı Azərbaycanda ilk növbədə bir bəstəkar kimi tanınır.
Həm musiqiçilər, həm də musiqiçi olmayanlar belə onun məşhur “Ayrılıq”
mahnısını çox gözəl bilirlər. Hətta bir çoxları müəllifin kimliyinin fərqinə
varmadan, bundan xəbərsiz olanlar belə, bu mahnının heç olmasa birinci
bəndinin sözlərini zümzümə edərək oxuyurlar. Yaddaşlarda həkk olan,
ürəklərdə yer tapan, ayrılıq həsrəti ilə yaşayan hər bir kəsin özəl duyğularını
titrədən melodiya sanki “insan damarlarındakı qanı dondurur”, bir neçə
dəqiqəlik də olsa əsəblərimizə sakitlik gətirir, düşündürür, özümüzdən asılı
olmayaraq bizi xəyallar aləminə aparır, yaddaşımızı vərəqləyir. Sanki harasa
tələsərək gedən, fikrində onlarla problemi olanların qulaqları “Ayrılıq”
mahnısının sədalarını eşitdikdə istər-istəməz ayaq saxlayır, bir anlıq da olsa,
problemlərindən uzaq olur, həyatın keşməkeşliyini unudur. Bu mahnının
sehrindən feyzyab olmamaq mümkün deyildir. Sözləri musiqini, musiqisi
isə sözlərini tamamlayan mahnı bütün dünyanı dolaşaraq neçə-neçə qəlbləri
riqqətə gətirmişdir. Məşhur türk və Azərbaycan müğənniləri - Əməl Sayın,
Ququş, Zəki Müren, Rəşid Behbudov son dövrlərdə isə Yaqub Zurufçunun
ifasında səslənərək Türkiyədən, İrandan başlamış, Amerika, Balkan
ölkələrinə qədər bir çox məmləkətlərin konsert salonlarında, televiziya
kanallarında bu günə kimi “Ayrılıq” mahnısı səslənir. Əcnəbilər
mahnının sözlərini anlamasalar da, musiqisini heyranlıqla dinləyirlər.
Belə gözəl sənət nümunəsi yaradanların həyatı, yaradıcılığı bəzən
diqqətdən kənarda qalır. Onların haqqında doğru-dürüst məlumatımız
belə olmur. Əli Səlimi də bu şəxsiyyətlərdən biridir. İranda, cənubi
Azərbaycanda adı çox yaxşı tanınan musiqiçi haqqında biz daha az
məlumata sahibik. Bu səbəbdən də hazırki məqaləmizi məhz, məşhur
“Ayrılıq” mahnısının müəllifi olan bəstəkarımız Əli Səlimiyə həsr etməyi
qarşımıza məqsəd qoymuşuq. Əli Səlimi odlar yurdu Azərbaycanımızın
Dostları ilə paylaş: |