77
VII. YEKUN YOXLAMA FORMASI VƏ
QİYMƏTLƏNDİRMƏ
Yekun yoxlama forması test üsulu ilə və ya yazılı
formada verilən imtahandır.
7.1. QİYMƏT ŞKALASI. YEKUN QİYMƏT
(QİYMƏTLƏNDİRMƏNİN METODİKASI)
Bakı Dövlət Universitetində tətbiq edilən çoxballı
qiymətləndirmə sistemi tələbənin tədris prosesindəki
fəaliyyətinin, əldə etdiyi bilik və bacarıqların aşağıdakı
istiqamətlər üzrə qiymətləndirilməsini və ona fənnin
öyrənilməsi üzrə differensiallaşdırılmış yekun qiymətlərinin
verilməsini nəzərdə tutur. Bu zaman tələbənin semestr
ərzində mühazirə dərslərinə davamiyyəti, seminar (məşğələ)
dərslərində fəal iştirakı, həmçinin sərbəst işin yekunları bal
strukturuna daxil edilir. Tələbənin “Jurnalistika və müasir
dövrün qlobal problemləri” fənni üzrə toplaya biləcəyi balın
maksimum miqdarı 100-ə bərabərdir:
- Imtahanın nəticəsi – 50 bala qədər;
- semestr ərzində dərsə davamiyyət – 10 bala qədər;
- semestr ərzində seminar məşğələlərində fəal
iştirak – 30 bala qədər;
- mühazirə dəftəri – 5 bala qədər;
- sərbəst iş – 5 bala qədər.
Cəmi – 100 bal.
78
Qiymət şkalası
Qeyri-
kafi
Qənaət-
bəxş
Kafi Yaxşı Çox
yaxşı
Əla
F E D C B A
51
baldan
aşağı
51-60
bal
61-70
bal
71-80
bal
81-90
bal
91-100
bal
Qiymətlərin izahı:
A - əla nəticə;
B -
çox yaxşı nəticə;
C -
yaxşı nəticə;
D -
kafi nəticə;
E -
kafi qiymətin minimal tələblərinə cavab verir;
F -
qeyri-kafi nəticə, ya müəyyən olunmuş qaydada
kursun təkrar keçilməsini, ya da tələbənin təhsil
müəssisəsindən xaric olunması üçün təqdimat
verilməsini nəzərdə tutur.
7.2. AKADEMİK ETİKA
Yazı işlərində (müstəqil və ya yaradıcı) olan bütün
sitat və istinadlar diqqətlə yoxlanılır. İstifadə olunan sitatlar
orijinalın məzmunu ilə tam üst-üstə düşməlidir: qramatik
formanın dəyişdirilməsinə yol verilmir, boş yerlər işarə
olunur. Yazı işlərinin köməkçi aparatı (biblioqrafik siyahılar,
haşiyələr, istinadlar, əlavələr, cədvəllər, sxemlər və s.)
79
mövcud standartlara uyğun tərtib edilir (bax, məsələn:
Hüseynov Ş.A. Mətbu irsimizdən səhifələr. “Çənlibel” NPM,
2007, 484 s.; Əhmədli N. Con Milton və onun
“Areopagitika” əsəri //Azərbaycan, 2009, № 2, s. 54-72;
Mehdiyev R. Azərbaycanın efir məkanı: problemlər və
vəzifələr. “Azərbaycan” qəzeti, 2 oktyabr 2009; ABŞ-da
şəbəkə neytrallığı haqqında yeni qaydalar qəbul olunub.
http://www.rabita.az/view.php?lang=az&menu=118&id=503
2). İşin sonunda bütün istifadə olunan mənbələrin tam
siyahısı (əlifba sırası ilə) verilir.
Müəllifin öz işinə başqa müəllifin işindən müəyyən
parçaları ona istinad etmədən daxil etməsi, başqa müəlliflərin
fikir və ideyalarını mənbəni göstərmədən təqdim etməsi
yolverilməzdir. Bu qayda İnternetdən götürülmüş mənbələrə
də aiddir - saytın tam ünvanı göstərilməlidir. Bütün plagiat
halları istisna olmalıdır.
80
VIII. KURSUN TƏDRİS-METODİK
TƏMİNATI
8.1. QLOBAL PROBLEMLƏRƏ AİD TERMİN
VƏ ANLAYIŞLARIN İZAHLI LÜĞƏTİ
Alfa şüaları - helium nüvəsindən ibarət olur və müsbət enerji
daşıyır. Lap dərinə hopmaq və canlı toxumanın açıq hissəsinə
həddən artıq çox ziyan vurmaq qabiliyyətinə malikdir (bax
“Radiasiya”).
Areal - müxtəlif növlərin və ekosistemlərin yayılma sahəsi.
Təbiətin mühafizəsi problemi hər şeydən əvvəl arealların və
təbii ekosistemlərin qorunub saxlanılması problemidir.
Atmosferdə, kosmik fəzada və su altında nüvə silahı
sınağının qadağan edilməsi haqqında müqavilə - 1963-cü
il mayın 5-də Moskvada imzalanmışdır, üç mühitdə nüvə
silahının sınaqdan keçirilməsini qadağan edir.
Bataqlıqlaşma - daimi həddən ziyadə nəmlilik və qızdırlma-
nın təsiri ilə, son nəticədə bataqlığın əmələ gəlməsinə gətirib
çıxaran, torpağın və landşaftın dəyişilməsi prosesi.
BER – canlı toxumalarda bədənin qəbul etdiyi enerjinin və
bu enerjinin təsirini gücləndirən və ya azaldan digər
faktorlarla qarşılıqlı təsirini nəzərdə tutan ekvivalent doza
vahidi. 600 ber-lik doza adətən altmış gün ərzində ölümlə
nəticələnən sonuca gətirib çıxarır.
Beta şüaları - atom nüvəsindən ayrılan elektrondur və bir
mənfi enerji daşıyır. Hopma qabiliyyəti alfa şüalarına
nisbətən çox, qamma şüalarına nisbətən isə azdır. Dəriyə
düşdükdə yanıq, opqanizmə düşdükdə isə xərçəng əmələ
gətirir.
Biliyin iqtisadiyyatı – bilik sektorunun həlledici, bilik
istehsalının isə iqtisadi inkişafın mənbəyi rolunu oynadığı
iqtisadiyyat.
81
Bioakkumulyasiya - orqanizmdə udulan maddələrin miqdarı
çıxan maddələrin miqdarından çox olduğu zaman canlı
orqanizmdə kimyəvi maddələrin olması. Bu , toxumalarda
maddələrin sıxlığının artmasına gətirib çıxarır.
Biokütlə - yanacaq qismində istifadə oluna bilən istənilən
üzvi material - odun, quru bitkilər, orqanik tullantılar.
Biomüxtəliflik - heyvanların və bitkilərin növlərarası
müxtəlifliyi. Ekosistemdə növlərin zənginliyi və müxtəlifliyi
onların normal yaşamaları, mövcud olmaları üçün vacibdir,
bioloji zənginliyin və uyğunlaşmanın əsasıdır. İnsan
fəaliyyəti heyvanların və bitkilərin təbii məskunlaşma
sahələrinin itirilməsinə, təbii resursların həddən artıq
istismarına, həmçinin yerli və gətirilmə heyvan və bitki
növləri arasında özünü qoruyub saxlamaq uğrunda
mübarizənin güclənməsinə gətirib çıxarır. Bütün bunlar vəhşi
təbiətin mənzərə və genetik müxtəlifliyinə mənfi təsir
göstərir. Tropik meşələr və mərcan rifləri (sualtı qayalar)
kimi zəngin növlərin məskunlaşdıqları arealların sahəcə
azalması vəhşi təbiətin genofondunun tükənməsinə, inkişaf
sisteminin və ətraf mühitdə baş verən dəyişikliklərə
uyğunlaşmanın zəifləməsinə səbəb olur.
Biotexnologiya - ərzaq istehsalı və ya ərzağın növünün
dəyişdirilməsi, bitkilərin və heyvanların cinsinin yaxşılaşdı-
rılması və ya da xüsusi məqsədlərlə mikroorqanizmlərin
yaradılması üçün canlı orqanizmlərdən və ya həyati
proseslərdən istifadə olunan istənilən texnika.
Biotəhlükəli tullantılar - qida tullantıları istisna olmaqla,
patoqen orqanizmlərin mənbəyi və ya daşıyıcısı ola bilən və
utilizasiyası vacib olan insan və heyvan mənşəli istənilən
maddə. Bu cür tullantılara toxuma və orqanlar, qan
elementləri, iltihablar, sarğı və ya bunabənzər materiallar
aiddir.
Boloniya konvensiyası – Avropa İttifaqı üzvləri, təhsil
sahəsində Avropa ölkələrinin əldə etdikləri nailiyyətlərin
Dostları ilə paylaş: |