STRATEJİ TƏHLİL | Say 7-8 • 2014
44
Siyasi modernləşmə nəzəriyyələri çərçivəsində “müasirlik” anlayışı
xronopolitoloji başa düşülən müasirliklə həmahənglik təşkil etmir
Ənənəvi yanaşmalarda cavab verilməsi mümkün olmayan bir sıra sualları
yeni konsepsiya izah etməyə çalışır. Suallar isə çoxdur: Klassik modernləşmə
dövründən fərqli olaraq XXI əsrdə hansı daha aktualdır – zaman, yoxsa məkan
(ərazi) üzərində hökmranlıq? Modernləşən cəmiyyətlərdə müasir, yetkin
cəmiyyət qurmaq nəyin sayəsində mümkün olur? İnkişafın düzgün modeli necə
müəyyən edilir? Burada milyonlarla vətəndaşın əməyi sərf edilir, milli təbii və
humanitar resurslar, insan kapitalı, sosial kapital səfərbər edilir. Bütün ölkələr
bunlara rəğmən sonda birmənalı olaraq modernləşməyə nail ola bilirlərmi?
Əgər cavab mənfidirsə, bu, konkret dövlətlərdə siyasi lider tərəfindən həm ta-
rixi zaman fürsətinin itirilməsi, maddi və mənəvi itkilər, həm də inkişaf edən
cəmiyyətlərdən əhəmiyyətli dərəcədə geri qalmağı və qət edilməsinə artıq heç
bir ümid yerinin qalmadığı durumu şərtləndirir. Dünyanın qabaqcıl ölkələrinin
qət etdiyi tarixi yol baxımından postmodern dövrə keçid modernləşmə
proseslərinin davam etdiyi cəmiyyətlərə yenidən baxmağa vadar edir. Başlıca
sual, təbii ki, modernləşmənin zaman faktoru ilə bağlıdır. Onun sürəti necə
olmalıdır, bu yol ən çoxu və ya ən azı neçə il müddətinə qət edilməlidir? Siyasi
modernləşməyə ölkədə neçə nəslin səyləri nəticəsində nail olmaq olar?
Suallar kimi cavablar da müxtəlifdir. Məsələn, qeyd edilir ki, Yaponiya
təcrübəsində müharibədə dağılmış ölkənin dünyanın ikinci iqtisadiyyatına
çevrilməsi kimi fövqəladə mürəkkəb problemin həlli cəmi bir nəslin həyat
müddətində reallaşmışdır. Sonrakı, növbəti nəsil Yaponiyanı adambaşına düşən
gəlir sahəsində dünyada birinci yerə çıxarmışdır.
Bu baxımdan modernləşmə proseslərinin zaman baxımından davamiyyəti,
sonda müəyyən məqsədlərə nail olmaq və ya olmamaq məsələləri öz-
özlüyündə təhlil tələb edən mühüm məqamlardır.
Qloballaşan dünyada siyasi modernləşmə proseslərinin tədqiqində yeni
analitik metodun istifadə edilməsi mövcud təcrübənin nəzəri əsaslarını “siyasi
zaman” amilini də nəzərə almaqla araşdırmağı zəruri edir. Siyasi modernləşmə
proseslərinə xronopolitoloji baxış bir çox məqamlardan irəli gəlir. Burada keç-
miş, indi və gələcəyin ümumi mənzərəsi və proseslərin inkişaf meyillərinin
izlənilməsi ilə gələcəyə dair təsəvvürləri formalaşdırmaq, sivilizasiyanın
gələcəyinə dair reallıq hissinə əsaslanan qənaətlər əldə etmək mümkün
olur. Eyni zamanda tərəqqi anlayışının artıq ənənəvi başa düşülən mənası
yenilənir. Ən vacibi isə bu cür yanaşma əldə edilən təcrübənin daha obyektiv
dəyərləndirilməsinə imkan verir. Klassik və yeni demokratiya ölkələrinin eyni
“zaman arşını” ilə ölçməyin düzgün olmadığını aşkara çıxarır. Siyasi zamanların
ölkədən ölkəyə çoxçalarlı və çoxşaxəli axara malik olduğunu göstərir. Nəhayət,
siyasi zamanın müxtəlif ölkələrdə alternativ variantlarda təzahür etməsini
xüsusilə modernləşmə proseslərinin təhlilində müəyyən edir.
Başqa sözlə desək, bu yeni analitik metodun istifadə edilməsi modernləşmə
nəzəriyyələrinin nə üçün bu dərəcədə müxtəlif olmasını və modernləşmə
Say 7-8 • 2014 |
STRATEJİ TƏHLİL
45
təcrübələrinin
zaman
parametrinə
həssaslığını üzə çıxarır. Müasir dövrdə
mövcud olan dövlətlərin nə üçün hamı-
sının “müasir-modern” olmamasına, qlo-
bal modern dalğasının çağırışlarına cavab
verə bilməməsinə aydınlıq gətirir. Dünya
birliyində qlobal və lokal (
qlokal -
U.Bek)
modern mərhələsinin nə üçün çeşidli za-
man templərinə və ritminə malik olmasına
aydınlıq gətirir.
Xronopolitoloji yanaşmada müasir dövr
“mürəkkəb zaman və mürəkkəb məkan”
anlayışları ilə ifadə edilir. Onun səbəbi dün-
ya dövlətlərinin müxtəlif məkanlarda, lakin
eyni zamanda - bir-biri ilə yanaşı olan qlobal modern və postmodern zamanda
mövcud olmasıdır. Bu, müxtəlif ölkələrin fərqli siyasi zaman duyumudur. Nəticə
odur ki, bütün cəmiyyətlər heç də siyasi zamanı reallaşdırmaq potensialına, ba-
carığına malik deyil. Zaman əvvəlki vaxtlarla müqayisəedilməz dərəcədə post-
modern siyasi reallığın
simvolu, atributudur.
Məsələ burasındadır ki, modern cəmiyyətlərin postmodernə transformasi-
yasını təmin edən mexanizmləri başa düşmək nəzəri konseptuallaşma olmadan
mümkün deyil. Belə ki, nisbətən son dövrlərdə ənənəvi cəmiyyət mərhələsindən
yeni çıxmış və həmin an postmodern dövrə keçid vəziyyətində olan “yeni in-
dustrial ölkələrin” təkamülü, eləcə də Şərqi Asiyanın (Yaponiya və s.) təcrübəsi
onların təkamül spesifikasını izah edir. Bu ölkələr üçün postmodernə keçid
həm də müasirliyə doğru hərəkətin bilavasitə davamı olmuşdur. Hər iki proses
qarşılıqlı bağlılıq təşkil edir.
İnkişaf paradiqmalarının bu cür çulğaşması hazırda Azərbaycan üçün də
səciyyəvidir. Bu mənada Azərbaycanda postmodernləşmə müasir dünyada
gedən təkamül meyillərinin çoxşaxəli məcmusu, inkişafa mane olan ənənələrin
tədricən tarixdə qalması və mütərəqqi təcrübədən bəhrələnmə kimi özünü
büruzə verir.
Azərbaycanda siyasi modernləşmə proseslərinə
xronopolitoloji yanaşmanın tətbiqi məsələləri
Azərbaycan əsrlər boyu tarixi-coğrafi mövqeyinə görə “geosiyasi konstan-
ta” statusuna malik olmuşdur. XXI yüzillikdə onun bu statusda öz mövqeyini
möhkəmlətməsi daha da uğurla davam edir. Azərbaycan dünyanın həm siyasi,
həm də mədəni-mental “xəritəsində” özünəməxsus yerə malikdir.
Dövlətçilik tarixinin son bir əsrdən çox dövrü həm də modernləşmə
1
tarixi
olmuşdur. Bu proses heç yerdə asan və rəvan keçməmiş, miqyaslı sosial part-
1 Modernləşmə ən ümumi mənada, ümumavropa kontekstində götürüldükdə, orta əsrlərin son mərhələsində Avropadan
başlanğıcını götürmüş ənənəvi cəmiyyətlərin müasir, “rasional sivilizasiyaya” çoxşaxəli və müxtəlif formalı keçidini ifadə edən
proses kimi başa düşülür.
Azərbaycan əsrlər boyu
tarixi-coğrafi mövqeyinə
görə “geosiyasi konstanta”
statusuna malik olmuşdur. XXI
yüzillikdə onun bu statusda
öz mövqeyini möhkəmlətməsi
daha da uğurla davam edir.
Azərbaycan dünyanın həm
siyasi, həm də mədəni-mental
“xəritəsində” özünəməxsus
yerə malikdir.