STRATEJİ TƏHLİL | Say 1 (12) • 2015
146
ya gələn və gedən turistlərin sayı, respublika əhalisinin yerli turist xidmətindən
müxtəlif formada istifadəsi, turist infrastrukturunu yaradan obyektlərin sayı və
həmçinin onların keyfiyyəti ilə ölçülür. Həmçinin turist obyektlərinin planlaşma-
sı, turist tələbatının xarakteri, marketinq strukturu və standartlara uyğun xidmət
sferası ilə ölçülür. Turizmin marketinq xidməti, ayrı-ayrı sahələrin göstəriciləri
ilə tarazlı inkişaf meyillərinə malikdir. Belə ki, hər hansı struktur dəyişmələri
turizmin marketinq strukturu və maddi-texniki bazasının inkişafında öz əksini
tapır. Turizmin inkişafı makrosəviyyədə iqtisadi artımın və həmçinin ümumi
daxili məhsulun bölgüsü və yenidən bölgüsünün tərkib hissəsi kimi müxtəlif
ölkələrdə özünün qanunauyğunluqları ilə seçilir. Azərbaycanda turizmin poten-
sial göstəricisi, onun əhalisinin sayı, əhalisinin turist xidmətindən istifadə etmək
qabiliyyətinə malik olan kontingentlərinin sayı, həmçinin turizmin maddi-tex-
niki bazasını təşkil etmək üçün maliyyə resurslarının miqdarı ilə müəyyənləşə
bilir. Təbii ki, potensial imkanlar həmin imkanların turizm dövriyyəsinə cəlb
edilməsi ehtimalından, konkret proqramlar və iqtisadi təşkilati tədbirlərin
məcmusu ilə müəyyənləşir. Bütövlükdə turizmin mövcud vəziyyəti ilə onun
perspektivi arasında müəyyən ətalət və variant olsa da, islahatlar şəraitində və
gəlirlərinin perspektiv artım sürətinə malik olan Azərbaycanda bu transforma-
siya keyfiyyətli və çox güclü olmalıdır.
Turizmin təşkili üçün mövcud olan resurslar bunlardır: a) turist qəbul
edən ölkənin təbii xüsusiyyətləri (coğrafi vəziyyəti, iqlim xüsusiyyətləri, ərazi
quruluşu, bitki örtüyü və heyvanlar aləmi); b) ölkənin sosial-mədəni mühiti
(mədəniyyəti, adət-ənənələri, dünyəvi və dini quruluşu, qonaqpərvərliyi, milli
mentaliteti); c) turizm infrastrukturu.
Son illər Azərbaycanda iqtisadi sabitlik qorunub saxlanılmış, qeyri-neft
sektorunun və regionların inkişafı daha da sürətlənmiş, valyuta ehtiyatla-
rının səmərəli idarə edilməsi təmin olunmuş, sahibkarlığa dövlət dəstəyi
gücləndirilmiş, özəl bölmənin inkişafı üçün azad rəqabət və münbit investisiya
mühiti yaradılmış, əhalinin sosial rifahı daha da yaxşılaşmışdır. Əgər əvvəlki
illərdə iqtisadi artım əsasən neft sektorunun hesabına baş verirdisə, 2011-ci
ildən başlayaraq bu tendensiya dəyişməyə başlamışdır. 2012-ci ildə ümumi da-
xili məhsulun artımı tamamilə qeyri-neft sektorunun hesabına formalaşmış və
2,2 faiz olmuşdur. Qeyd etmək lazımdır ki, qeyri-neft sektoru üzrə artımın 9,7
faiz təşkil etməsi 2012-ci ilin mühüm iqtisadi uğuru kimi dəyərləndirilə bilər.
Artıq ümumi daxili məhsulda qeyri-neft sektoru neft sektorunu üstələmiş və
ÜDM-də payı artaraq 52,7 faizə çatmışdır [18].
Qeyd edək ki, xüsusilə informasiya texnologiyaları və turizm kimi Azərbaycan
üçün qeyri-ənənəvi olan sahələrdən gələn gəlirin ÜDM-də xüsusi çəkisinin art-
ması olduqca diqqətəlayiqdir. İnformasiya texnologiyalarının inkişafı və tətbiqi
dairəsinin genişlənməsi elektron xidmətlərin göstərilməsini, elektron ticarətin
və elektron ödəmələrin genişlənməsini təmin edirsə, turizm həm əhalinin
həyat səviyyəsinin yaxşılaşdırılmasında və məşğulluğunun artmasında, həm
də turizm bölgələrinin inkişafında və infrastrukturun yenilənməsində özünü
göstərir. Neft strategiyasının reallaşmasının ilk dövrlərində dövlət büdcəsinin
və bütövlükdə iqtisadiyyatın neft gəlirlərindən asılılığı kimi narahatlıq artıq öz
əhəmiyyətini itirməkdədir.
Say 1 (12) • 2015 | STRATEJİ TƏHLİL
147
Azərbaycanda regional sosial turizm mərkəzləri ilk növbədə sağlamlığın
bərpasına yönəlib, daha çox sosial xarakter daşıyır və müəyyən əhali qrupu
üçün nəzərdə tutulub. Məlumdur ki, sosial turizm müxtəlif kateqoriyalı insan-
ları – tələbələri, təqaüdçüləri, əlilləri, müharibə və əmək veteranlarını əhatə
edir. Sosial turizmin əsas iştirakçıları aztəminatlı ailələrdir. Burada imtiyazlar
yalnız yaş məhdudiyyətinə malik olmur, həm də maddi vəziyyətlə bağlı verilir.
Təcrübə göstərir ki, sosial turizmin əsas məqsədi təşkilatın, müəssisənin inki-
şafına səbəb olan daha fəal işçilərin əməyinin mükafatlandırılmasıdır. Sosial
turizmin maliyyə mənbələri dövlət və bələdiyyələrin sosial ehtiyaclara ayırdığı
vəsait, sosial sığorta və sosial təminat fondları və s. ola bilər. Sosial turizm
fərdi əsaslarda həyata keçirilsə də, onda kollektiv və təşkilati forma üstünlük
təşkil edir. Sosial turizmin əsas məqsədi yalnız sağlamlığın bərpa edilməsi de-
yil, həm də istirahət edənlərin mədəni ehtiyatlarının zənginləşməsi, onların ta-
rixi təfəkkürünün genişlənməsi və s. ilə bağlıdır. Azərbaycanda sosial turizm
əsasən regional səviyyədə inkişaf edir. Burada yerli büdcə hesabına uşaqların,
ahılların, veteranların, həmçinin digər zəif müdafiə olunan əhali təbəqələrinin
istirahəti həyata keçirilir [19].
Bu gün turizmin sosial xüsusiyyətlərindən biri də əhalinin məşğulluğunun
təmin edilməsi sahəsi kimi çıxış etməsidir. Belə ki, turizm turist şirkətlərində,
mehmanxanalarda, turizm mərkəzlərində, sanatoriya və pansionatlarda işlər
təqdim etməklə məşğulluğun təmin edilməsinə yardım edir, dövlət və sahib-
karlar tərəfindən dəstəklənən səyahətlər isə sosial bərabərliyin azalmasına,
müxtəlif sosial qruplar arasındakı sosial uçurumun zəifləməsinə şərait yaradır.
Hazırda sosial turizm bilavasitə regional və regional sahə səviyyəsində inki-
şaf edir. Sosial turizm mənbələri büdcədən ayrılan vəsait hesabına təmin edilir
[20]. Bakıda, Gəncədə, Naxçıvanda və ölkənin digər şəhərlərində xarici qonaq-
ları qəbul edə bilən müasir mehmanxana və hotellər fəaliyyət göstərir. Res-
publikamızın bütün regionlarını əhatə edən 100-dən artıq turizm firması xarici
turistlərin qəbulu və yerli əhaliyə turist xidmətlərinin göstərilməsi ilə məşğul
olur, 149 mehmanxana rəsmi qeydiyyatdan keçmişdir. Həmin hotellərdə
yerlərin ümumi miqdarı 5000-dən artıqdır. Turizm üçün əlverişli regionlarda
müasir səviyyəli özəl müalicə və istirahət mərkəzləri istifadəyə verilib. Turizm
sahəsində əldə olunan nailiyyətlər ölkəmizə gələn turistlərin statistikasında
da özünü göstərir. Dünya Turizm Təşkilatının məlumatına əsasən, son 2 ildə
ölkəyə gələn turistlərin sayı 41 faiz yüksəlib. 2001-ci ildə Azərbaycana gələn
xarici vətəndaşların sayı 767 min nəfər olduğu halda, 2005-ci ildə onların sayı 1
milyon 177 min, 2010-cu ildə isə 1 milyon 963 min nəfərə yüksəlmişdir.
2002-ci ildə ölkə iqtisadiyyatı ölkəmizə gələn turistlərdən 432 milyon ma-
nat gəlir götürdüyü halda, 2009-cu ildə bu rəqəm 1 milyard 122 milyon ma-
nata yüksəlib. Hər il Azərbaycanda 25-50 yeni mehmanxana, hotel, motel və
digər turist yerləşdirmə obyektinin təməli qoyulur. 2001-ci ildə Azərbaycanda
93 hotel və yerləşdirmə obyekti fəaliyyət göstərirdisə, 2010-cu ildə onların sayı
artıq 499-a çatmışdır, Bakı və regionlarda istifadəyə veriləcək yeni hotellərin
sayı 50-ə yaxındır. Hazırda 50-yə qədər mehmanxana kompleksinin inşası da-
vam etdirilir. 2002-ci illə müqayisədə yerləşdirmə yerlərinin sayı 3 dəfə artıb.
Xüsusilə 2002-2003-cü illərdə iş adamlarında turizm sahəsinə böyük maraq
Dostları ilə paylaş: |