Say 1 (12) • 2015 |
STRATEJİ TƏHLİL
153
malikdir. KİV-in fəaliyyət istiqamətləri insan
hüquq və azadlıqlarına hörmət, demokratik-
lik, kütləvi informasiyanın azadlığı,
dəqiqlik,
müstəqillik, obyektivlik, sosial əməkdaşlıq
prinsiplərinə əsaslanmalıdır. Bu gün informa-
siyanın keyfiyyət prinsipi insan və cəmiyyət
üçün böyük əhəmiyyət kəsb edir. İnforma-
siya insana hər şeydən əvvəl düşünmək, öz
rolunu və yerini müəyyənləşdirmək üçün la-
zımdır. KİV-in vətəndaş cəmiyyətinin sosial
və siyasi inkişafı ilə bağlı proseslərdəki rolunu müəyyənləşdirmək üçün onun
informasiya, analitik və əyləncə kimi funksiyalarına baxmaq lazımdır.
Dövlətin müəyyən inkişaf mərhələlərində digər funksiyalar da meydana çı-
xır. Fərz olunur ki, bu gün KİV-in ideoloji funksiyasının xüsusilə vurğulanmasına
ehtiyac var. KİV vasitəsilə şəxsiyyətdə vətəndaşlıq hissini formalaşdırmaq va-
cibdir. E.P.Proxorovun fikrincə, KİV-in ideoloji funksiyası ümumbəşəri dəyərlər
haqqındakı təsəvvürləri yaymağa, onların müasir cəmiyyətin həyatında il-
kin rola malik olmalarına inandırmağa, vətəndaşlığın məzmun və xarakterini
müəyyənləşdirməyə xidmət edir [3, s.96].
Demokratiya heç də ictimai münasibətlərin tənzimlənməsində öz-özünə,
birdən-birə yaranan sosial-siyasi dəyər göstəricisi deyildir. Demokratiya ictimai
formasiyalar kimi dinamik xarakter daşıyır və daim təkmilləşməyə məruz qalır
[4, s.252]. Əlbəttə ki, formasiyalara bənzər dinamiklik müəyyən mənada nisbi
qəbul olunmalıdır. Çünki formasiyalar bir-birini əvəz etdikcə köklü dəyişikliklərə
məruz qalırsa, demokratiyadakı dəyişikliklər təkmilləşmələrlə müşahidə olunur
və informasiya proseslərinin hüquqi tənzimlənməsini özündə hər zaman ehtiva
edir. İnformasiyanın vətəndaş cəmiyyəti daxilində inkişaf mərhələlərinə nəzər
saldıqda bunu aydın görmək mümkündür.
Səmərəli media yayımı KİV-vətəndaş cəmiyyəti münasibətlərində reputa-
siyanı genişləndirir və aparıcı agentliklərlə etimadın qurulmasına səbəb olur.
Media sahəsində qanunvericiliyin təkmilləşməsi həm də cəmiyyətdə bu qu-
rumları vacib ictimai rəy təsisatına çevirmiş olur.
KİV-lərin müstəqilliyi informasiya cəmiyyətinin də yaranmasına səbəb olur.
Bu cəmiyyətdə informasiya və biliklər ən mühüm resurs və başlıca əmtəədir
ki, bu da vətəndaş cəmiyyətinin sturukturunun zənginləşməsi deməkdir.
Vətəndaşların, cəmiyyətin və dövlətin həyatında informasiyanın, informasiya
resurslarının və texnologiyalarının rolunun artması informasiyadan sui-istifadə
hallarına qarşı yeni KİV peşəkarlığını vətəndaş cəmiyyəti üçün zəruri edir.
2. Fikir və söz azadlığı insan azadlığının real təzahürü
üçün olduqca vacibdir
İstər qloballaşma və qlobal informasiya məkanına inteqrasiya, istərsə də
informasiya cəmiyyətinin qurulması təkcə Azərbaycanın qarşısında duran
KİV-in fəaliyyət istiqamətləri
insan hüquq və azadlıqlarına
hörmət, demokratiklik,
kütləvi informasiyanın
azadlığı, dəqiqlik, müstəqillik,
obyektivlik, sosial əməkdaşlıq
prinsiplərinə əsaslanmalıdır.
STRATEJİ TƏHLİL | Say 1 (12) • 2015
154
faktor deyil, bütövlükdə müasir informa-
siya cəmiyyətlərini düşündürən məsələdir.
Bütün insanlar azad şəkildə istənilən müm-
kün formada təqdim oluna bilən informa-
siya yarada bilərlər. Təqdimatının tipindən
və formasından asılı olaraq informasiya
açıq, kütləvi xarakter daşıyan, konfidensi-
al və s. ola bilər. İnformasiya qanuna və
ya bağlanmış müqaviləyə əsasən istənilən
formada digər fiziki və hüquqi şəxslərə
ötürülə bilər. Fiziki və hüquqi şəxslər in-
formasiyanın yayılmasını KİV vasitəsilə,
şifahi çıxışlarla, informasiya sistemləri və
şəbəkələri, yaxud başqa vasitələrlə qa-
nunun tələblərinə uyğun şəkildə həyata
keçirirlər. İnformasiyanın bəzi növləri
isə vətəndaşa şəxsən aid olur: məsələn,
müəllif hüququ ilə qorunan informasiya.
Vətəndaş bu informasiya üzərində bütün
səlahiyyətlərə malikdir.
Fikir və söz azadlığı, öz fikrini sərbəst
ifadə etmək insan azadlığının real təzahürü
üçün olduqca vacibdir. Lakin bu azadlıq
mütləq, sərhədsiz ola bilməz. Söz ünsiyyətin əsas vasitəsi olduğu üçün insa-
nın şüur və davranışına çox güclü təsir göstərir. O, yarada və dağıda, sosial
yüksəlişə və ya güc tətbiqetməyə çağıra, insanın daxili aləmini zənginləşdirə
və ya mənəviyyatını alçalda bilər. Söz azadlığı ilə bağlı müəyyən mənəvi və hü-
quqi məhdudiyyətlərin vacibliyi bununla şərtlənir. İ.Kant yazırdı: “Mənəviyyat
və siyasətin əsl birliyi yalnız hüquq əsasında mümkündür, onun zəmanəti isə
aşkarlıqdır... Söz azadlığı xalqın yeganə palladium hüququdur” [5, s.45]. İn-
sanın fikirləri onun daxili aləmini, şüurunun məzmununu xarakterizə edir,
fərdiliyini müəyyənləşdirir. Şəxsi fikir şüurun daha çox hərəkətdə olan elemen-
tidir. Əminlik şəxsiyyətin dəyərlər oriyentasiyasını xarakterizə edən dayanıqlı
baxışlar sistemidir.
Söz azadlığı prinsipi dedikdə, təkcə hamıya subyektiv hüquqlar verilməsi
deyil, həm də onların qarşısında müəyyən vəzifələrin qoyulması başa düşülür.
Bəzən verilən hüququn vəzifə və mənəvi dəyərlər üzərində üstünlüyü situa-
siyası yaranır ki, bu da KİV fəaliyyəti sahəsində həmin hüquqdan sui-istifadə
deməkdir.
Hüquqdan sui-istifadə institutu hüquq və əxlaqın qarşılıqlı əlaqəsinin
aspektlərindən biridir. Hüquq əxlaqla üst-üstə düşməyəndə KİV yaranmış
münaqişəni əyani surətdə nümayiş etdirir. Dövlət cəmiyyətin bütün üzvləri
üçün vacib olan qanunauyğun davranışın sərhədlərini qanunun köməyi ilə
müəyyənləşdirir. Qanunauyğun davranışın sərhədlərini genişləndirdikcə KİV
Fikir və söz azadlığı, öz fikrini
sərbəst ifadə etmək insan
azadlığının real təzahürü
üçün olduqca vacibdir.
Lakin bu azadlıq mütləq,
sərhədsiz ola bilməz. Söz
ünsiyyətin əsas vasitəsi
olduğu üçün insanın şüur və
davranışına çox güclü təsir
göstərir. O, yarada və dağıda,
sosial yüksəlişə və ya güc
tətbiqetməyə çağıra, insanın
daxili aləmini zənginləşdirə
və ya mənəviyyatını alçalda
bilər. Söz azadlığı ilə bağlı
müəyyən mənəvi və hüquqi
məhdudiyyətlərin vacibliyi
bununla şərtlənir.