Uilyam Şclıspir
DÜNYA ƏDƏBİYYATI KLASSİKLƏRİ
Ey gözlərim, baxın ona son dəfə!
Ey qollarım, qucun son dəfə onu!
Həyatın qapısı dodaqlanm, siz
Hər şeyi məhv edən qəddar ölümlə
Bağlanan daimi müqaviləyə
İndi möhür vurun saf bir öpüşlə.
Gəl, ötkəm bələdçim, qorxmaz sükançım,
Həyat tufanında sınmış gəmimi
Biryolluq sıldırım qayalara çırp.
İçirəm eşqimin şərəfinə mən.
(İçir).
Namuslu əczaçı, sözün doğruymuş,
Zəhərin necə tez təsir eləyir!
Ölürəm yarımı öpə-öpə mən.
(Ölür.)
Qəbiristanlığın o biri tərəfindən rahib Lorenso
əlində fənər, ling və bel daxil olur.
L o r e n s o .
Müqəddəs Fransisk, özün kömək ol!
Zəif ayaqlarım büdrəyir tez-tez,
Çuxura düşməyim. Aha, o kimdir?
B alt a z a r . Dost adamdır, yaxşı tanıyır sizi.
L o r e n s o .
Tanrı xoşbəxt etsin səni, əziz dost.
Mənə bir de görüm, orda boş yerə
Gözsüz kəllələrə, iyrənc qurdlara
Elə işıq saçan o məşəl nədir?
Mənə elə gəlir, yanır özü də
Kapulettilərin sərdabəsində.
B a l t a z a r .
Elədir. Ordakı, müqəddəs ata,
Sizin dostunuzdur, mənimsə ağam.
L o r e n s o . O kimdir?
B a l t a z a r . Romeo.
L o r e n s o . Çoxdan ordadır?
144
downloaded from KitabYurdu.org
B a 11 a z a r. Yarım saat olar.
L o r e n s o .
O sərdabəyə,
Gəl, mənimlə gedək.
B a 11 a z a r.
Qorxuram, ata.
Burda olduğumu ağam bilməyir.
O mənə dedi ki, burda dayanıb Əgər
məni güdsən, öldürəcəyəm.
L o r e n s o .
Onda dur yerində. Mən tək gedərəm.
Məsə ürəyimi titrədir qorxu,
Qorxuram başıma fəlakət gələ.
B a l t a z a r .
Bu ağacın altda yatmışdım indi.
Yuxuda gördüm ki, ağam kimləsə
Vuruşub öldürdü onu.
L o r e n s o
(sərdabəyəyaxınlaşır).
Romeo!
Ah, ah, məqbərənin daş pilləsinə Bu
qan ləkələri tökülüb hardan? Sükut
mənzilinə atılmış belə Qanlı qılınclann
mənası nədir?
(Məqbərəyə girir).
Romeo, ağarıb bəti-bənizi.
Bəs o kimdir? Mecə? Qraf Parisdir?
Qanına qəltandır? Hansı nəhs saat,
Görəsən törədib bu müsibəti? Cülyetta
tərpənir.
Cülyetta oyanır.
C ü l y e t t a .
Oh, əziz atam!
Bəs hanı sevgilim, ömür yoldaşım?
Yaxşı yadımdadır, bilirəm ki, mən
Burda olmalıydım, burdayam indi. Bəs
hanı Romeom?
Səhnə arxasından səs-küy eşidilir.
145
downloaded from KitabYurdu.org
Uilyam Şchspir
DÜNYA ƏDƏBİYYATI KLASSİKLƏRİ
L o r e n s o .
Xanım, gələn var.
Dinlə bir səs-küyü! Tez çıxıb gedək Bu
ölüm, yoluxma, dərd yuvasından.
Bizim qüvvəmizdən güclü bir qüvvə
Tamam alt-üst etdi planımızı.
Gəl, gəl, gedək burdan. Ömür yoldaşın,
Odur, bax, böyrünə yıxılıb, ölüb.
Paris də ölübdür. Dayanma, gedək,
Mən səni rahibə bacılarının Yanına,
kilsəyə aparacağam.
Keşikçilər gəlir, heç nə soruşma,
Cəld ol, əziz qızım, gedək, Cülyetta.
Yenə səs-küy eşidilir.
Mən qala bilmərəm bu yerdə bir dəm.
C ü l y e t t a .
Get, ata, mən burdan getməyəcəyəm.
Rahib Lorenso gedir.
Əlindəki nədir, şüşədir görən?
Zəhərdir, ömrünü məhv etdi erkən.
Ah, xəsis sevgilim! İçib büsbütün,
Mənə bir dama da saxlamayıbdır.
Öpəcəyəm onun dodaqlanndan,
Yəqin, zəhər qalıb onlarda bir az,
Mənim ölməyimə kömək eləyər.
(Romeonu öpür).
Necə də istidir dodaqları, ah!
B i r i n c i k e ş i k ç i
(səhnəarxasından).
Oğlan, göstər görək, o yer
haradır?
C ü l y e t t a .
Doğrudan, səs gəlir. Gərək cəld olum.
Gəl, gəl, xoşbəxt xəncər!
(Romeonun xəncərini qınından çıxarır.)
146
downloaded from KitabYurdu.org
Qının, bax budur.
(Xəncəri köksünə sancır.)
Sən dincəl burada, mənsə qoy ölüm.
Romeonun cəsədi üstünə yıxılıb ölür.
Keşikçilər Parisin nökəri ilə daxil olurlar.
N ö k ə r .
Buradır, buradır, məşəl yanan yer.
B i r i n c i k e ş i k ç i .
Yerə qan tökülüb, gedin, tez olun,
Arayın, axtarın qəbiristanlığı.
Bir adam tapsanız, tutun, saxlayın.
Bir neçə keşikçi gedir.
Dəhşətli mənzərə! Qraf burda ölüb,
Cülyettasa tamam qan içindədir.
Yenicə keçinib, istidir canı,
O ki dəfn olalı düz iki gündür.
Get, danış Hersoqa, qaç, xəbərdar et
Kapulettiləri, Montekkiləri.
Siz alın türbəni mühasirəyə!
Başqa keşikçilər də gedirlər.
Fəlakətin yeri tapılıb ancaq,
Onun səbəbini tapmalıyıq biz.
Bir neçə keşikçi Baltazarla birlikdə geri qayıdır.
İ k i n c i k e ş i k ç i .
Bu zad Romeonun xidmətçisidir,
Biz onu tutmuşuq qəbiristanlıqda.
B i r i n c i k e ş i k ç i .
Hersoq gələnədək saxlayın onu.
Başqa keşikçilər rahib Lorenso ile
birlikdə geri qayıdırlar.
147
downloaded from KitabYurdu.org
Dostları ilə paylaş: |