73
Mühazirə 24.
Nəqliyyat vasitələrinin texniki
vəziyyətinin saxlanilma üsullari
NV-nin istismarında TQ və T sistemi
Profilaktik və təmir xarakterli texniki təsirlər
Nəqliyyat vasitələrinin bütün istismarı dövründə texniki vəziyyətini tələb edilən
səviyyədə saxlamaq üçün təsir üsullarından biri kimi «Texniki qulluq və təmir sistemi»nin
təcrübədə özünü doğrultmuş xarakterik xüsusiyyətlərindən istifadə edirlər. Sistemin əsasını
müxtəlif təyinatlı texniki təsirlər təşkil edir.
İstismar zamanı hərəkət tərkibinin aqreqat və mexanizmlərinin texniki vəziyyətinin
parametrlərinin yürüşdən (işləmə müddətindən) asılı olaraq dəyişmə qanunauyğunluqlarının
öyrənilməsi nəqliyyat prosesində onun işləmə qabiliyyətinin idarə edilməsinə imkan verir. Bunun
üçün kompleks texniki təsirlərin yerinə yetirilməsi lazım gəlir ki, bunlar profilaktik və bərpa
xarakterli olurlar. Birinci qrup təsirlər texniki qulluğu, ikinci qrup isə təmiri təşkil edir.
Profilaktik xarakterli texniki təsirlər vasitəsilə nəqliyyatın texniki vəziyyəti normal halda
saxlanılır, təmir xarakterli təsirlər vasitəsilə isə onun itirilmiş işləmə qabiliyyəti bərpa edilir.
Hərəkət tərkibinin işləmə qabilyyətinin yüksək səviyyədə saxlanılmasında məqsəd
gələcəkdə baş verəcək imtinaların və nasazlıqların qarşısını qabaqcadan almaqla (imtinanın baş
verməsi üçün zəmin yaranmasının) onun məhsuldarlığından maksimum istifadə etməkdir. Buna
görə də müəyyən yürüşlərdən sonra məcburi surətdə bir sıra texniki tədbirlər (TQ) həyata
keçirilir. Elə bu baxımdan texniki qulluq planlı şəkildə yerinə yetirilir. Təmir isə hərəkət
tərkibinin itirilmiş işləmə qabiliyyətini bərpa etdiyi üçün təlabata görə (imtinalar baş verdikdən
sonra) aparılır.
Nəqliyyatın işləmə qabiliyyəti əsasən müxtəlif xarakterli texniki təsirləri özündə
birləşdirən bu iki variant vasitəsilə idarə edildiyindən onlar birlikdə texniki qulluq və təmir
sistemini təşkil edir.
Texniki qulluq və təmir sisteminin əsas vəzifəsi istismar dövründə etibarlılığı normal
səviyyədə saxlamaq, texniki hazırlıq əmsalını yüksəltmək, hərəkət təhlükəsizliyini təmin etmək,
texniki təsirləri minimum əmək və material xərcləri ilə yerinə yetirmək və s. bu cür keyfiyyətləri
ödəməkdir.
Texniki qulluq və təmir sisteminin prinsipial əsasları (növləri, əməliyyatları, yürüşləri,
təşkili) «Avtomobil nəqliyyatının hərəkət tərkibinin texniki qulluğu və təmiri» Əsasnaməsində
verilmişdir. Əsasnamədə texniki qulluq və təmir üçün verilmiş bütün normativ göstəricilər
texniki istismar baxımından yerinə yetirilmiş elmi-tədqiqat işlərinin və qabaqcıl ANM-nin
təcrübələri nəticəsində müəyyən edilmişdir.
Əsasnamə iki hissədən ibarətdir. Birinci hissədə TQ və təmirin növləri, başlanğıc normativ
göstəriciləri, istismar şəraitinin təsnifatı, normativ parametrlərin korreksiya olunma qaydaları,
TQ və təmirin təşkili üsulları, TQ əməliyyatlarının nomenklaturası göstərilir. İkinci hissədə isə
hər bir əsas baza avtomobili üçün konkret normalar verilmişdir.
Texniki qulluq və təmir sisteminin xarakteristikası
Texniki qulluq obyekti kimi nəqliyyat vasitəsi, onun ayrı-ayrı aqreqat və mexanizmləri
qəbul edilir. Bu elementlərdə bir çox xəbərdaredici texniki təsirlər (bərkitmə, yağlama,
nizamlama və s.) yerinə yetirilir. Bu texniki təsirlərin (texniki qulluq işlərinin) miqdarı
həddindən artıq çoxdur. Hər bir aqreqatda və ya sistemdə TQ işlərinin müxtəlif yürüşlərdən
sonra yerinə yetirilməsi tələb edilir. Belə olan halda hərəkət tərkibi fasiləsiz olaraq həm TQ-da,
74
həm də nəqliyyat prosesində iştirak etməli olur. Bu, müəssisədə işlərin təşkil edilməsini
çətinləşdirdiyi kimi, nəqliyyatın boş dayanma müddətini də artırır. Nəqliyyatdan səmərəli
istifadə etmək üçün profilaktik xarakterli eyni adlı (və ya texnoloji cəhətdən bir-birinə yaxın
olan) texniki təsirləri qruplaşdırıb, hamısını müəyyən yürüşdən sonra yerinə yetirirlər. Beləliklə,
hərəkət tərkibinin TQ keçməsi üçün müəssisəyə gəlmələrinin sayı azalır.
Texniki qulluqda aparılan əməliyyatların (işlərin) qruplaşması TQ növlərinin yaranmasına
və onlarm müxtəlif yürüşlərdən sonra yerinə yetirilməsi məcburiyyətinə səbəb olur.
Avtomobillərin TQ və təmiri üçün olan Əsasnaməyə görə aşağıdakı texniki qulluq növləri
müəyyən edilmişdir: gündəlik qulluq (GQ), texniki qulluq (TQ-1, TQ-2) və mövsümü texniki
qulluq (MTQ). Bu texniki qulluqlar bir-birindən görüləcək işlərin həcmi, əməliyyatların sayı və
qulluqlar arası yürüşlərlə fərqlənirlər (texniki qulluqlar arası yürüşlərə periodiklik də deyilir).
Texniki qulluqlar arası yürüşlər avtomobilin tipindən və istismar şəraitindən asılı olaraq
müəyyən edilir.
Avtomobilin istismar şəraiti yolun texniki vəziyyəti, onun tipi, yolda hərəkətin gərginliyi,
yerin relyefi, iqlimin dəyişməsi və s. göstəricilərlə xarakterizə edilir.
Gündəlik qulluğun əsas vəzifəsi hərəkətin təhlükəsizliyinin təmin edilməsi baxımından
avtomobilin ümumi texniki vəziyyətini nəzərdən keçirmək, xarici görünüşünü estetik cəhətdən
normal səviyyədə saxlamaq və onu istismar materialları ilə təmin etməkdir. Avtomobildə GQ
işləri növbələr arası vaxtda (avtomobil işdən qayıdandan sonra) yerinə yetirilir. Bəzi işlər
(məsələn, avtomobilin yanacaqla təmin edilməsi) hərəkət tərkibi xəttə çıxmazdan qabaq aparılır.
GQ işlərinin əsasmı yığışdırma, yuma və qurutma əməliyyatları təşkil edir. Bu işlər avtomobilin
kabinəsində, banmda, kapotun altında və ümumiyyətlə bütün avtomobildə yerinə yetirilir.
Avtomobillərdə tələbata görə sanitar emalı da aparıla bilər.