70
Xüsusi metodlara - avtomobilin konkret aqreqat və qovşaqlarında istifadə olunan
diaqnostika metodları aid edilir. Məsələn, 1)
Birləşmələrin kipliyinə görə; 2)
Həndəsi ölçülərinə
(araboşluqlara, yerdəyişmələrə, lüftlərə) görə; 3) elektrik və elektron avadanlığının
parametrlərinə (gərginlik, cərəyan şiddəti, ossilloskop vasitəsilə alınan ossilloqram və s.) görə; 4)
mühərrikin işlənmiş qazlarının kimyəvi tərkibi və müxtəlif zəhərli komponentlərin
konsentrasiyasına görə; 5) mühərrikin, ötürmələr qutusunun,baş ötürücünün karter yağında
yeyilmə məhsullarının yığılma dinamikasına görə.
Diaqnostika metodları diaqnostik parametrlərin fiziki mahiyyətinə görə aşağıdakı kimi də
qruplaşdırılaraq təsnif edilə bilər:
1. Avtomobillərin istismar xüsusiyyətləri (dinamiklik, yanacaq qənaətliliyi, hərəkət
təhlükəsizliyi, ətraf mühitə təsir və s.) parametrlərinin ölçülməsi;
2. Avtomobilin işləməsini müşayiət edən proseslərin (qızma, vibrasiya, səs-kqy və s.)
parametrlərinin ölçülməsi;
3. Avtomobilin mexanizmlərinin texniki vəziyyətini bilavasitə xarakterizə edən həndəsi
kəmiyyətlər.
Adətən, diaqnostika zamanı «ümumidən xüsusiyə doğru» prinsipi tətbiq olunur: belə ki,
birinci qrup metodlar əsasən ümumi diaqnostikada, ikinci və üçüncü qrup metodlar isə lokal
diaqnostikada istifadə olunur. Bu metodların mahiyyəti bu və ya digər formada yuxarıda
açıqlanmışdır.
Diaqnostika metodlarının müxtəlifliyi və fiziki mahiyyətlərinin fərqlənməsi hər bir konkret
hal üçün daha məqsədəuyğun metodu seçməyi tələb edir. Məsələn, kardan valının vurması
mexaniki üsulla və ya stroboskopik metodla, idarə olunan qabaq təkərlərin qurulma bucaqları
mexaniki tərtibatla və ya optik stenddə təyin edilə bilər. Metodun seçilməsinə təsir edən əsas
amillər aşağıdakılardır: metodun informativliyi və dəqiqliyi; metodun universallıq dərəcəsi; bu
metodda işlərin məhsuldarlığı; təşkilati-iqtisadi amillər.
Təşkilati-iqtisadi amillər ANM-də diaqnostikanın təşkilindən - axın xətti, universal və ya
ixtisaslaşdırılmış postların olmasından, həmçinin hərəkət tərkibinin tipindən, avadanlığın
qiymətindən, müvafiq kadrların olmasından asılıdır.
Diaqnostikanın TQ və CT-in texnoloji prosesində yeri
Texniki diaqnostika təyinatı, avadanlığı, aparılma rejimi və TQ-un texnolojiprosesində yeri və s.
xüsusiyyətləri ilə xarakterizə edilir.Diaqnostikanın ANM-də tətbiq edilməsi nöqteyi-nəzərindən
onun TQ və CT zonalarında tutduğu yerinin öyrənilməsi xüsusi əhəmiyyət kəsb edir.
Diaqnostika ilə digər istehsalat zonaları (TQ, CT, dayanacaq) arasındakı texnoloji əlaqə
diaqnostika prosesinin mahiyyətindən irəli gəlir. Belə ki, diaqnostika avadanlığı ilə yoxlanılan
sistemin texniki vəziyyətini qiymətləndirən diaqnostik parametr (S) ölçülür, özünün bııraxıla
bilən sərhəd ([S]) və TQ-lar arası yürüş içərisindəki ııormativ qiyiməti ilə (
H
S
) müqayisə edilir,
nəticədə avtomobilin hansı istehsal zonasına ehtiyacı olduğu aydınlaşdırılır (şəkil …).
71
Şəkil…. Müəssisənin istehsalat zonaları arasındakı texnoloji əlaqə
Diaqnostikanın TQ və CT-in texnoloji prosesində yeri müəyyən edilərkən istismar şəraiti,
müəssisədə olan diaqnostik avadanlığın miqdarı və xüsusiyyəti, həmçinin diaqnostika işlərinin
ixtisaslaşma dərəcəsi də nəzərdə tutulmalıdır (şəkil … ).
Şəkil… Diaqnostikanın TQ və CT-in texnoloji prosesi ilə birlikdə
təşkilinin universal sxemi
Sxemdən göründüyü kimi nəqliyyat prosesini başa vurmuş avtomobillər müəssisəyə gəldikdə
əvvəlcə texniki nəzarət postunda (TNB) yoxlanılır və adətən gündəlik qulluq zonasına göndərilir.
Bu zonadan keçmiş avtomobillər gözləmə zonasına (müxtəlif texniki təsirləri gözlədikdə),
yaxud da dayanacağa gedirlər. D-1-dən keçən avtomobillərdə nasazlıq aşkar edilərsə, onda onlar
gözləmə zonası vasitəsilə CT-ə, avtomobillər texniki cəhətdən sazdırsa, bu halda dayanacağa
yollanırlar. Gözləmə zonasindan avtomobillər TQ-1, TQ-2, CT, D-l və D-2 zonalarına gedə
bilərlər.
TQ-1 və TQ-2-dən keçəcək avtomobillər (əvvəlcədən planlı surətdə tərtib edilmiş
qrafikə görə) uyğunolaraq D-l və D-2 zonalarında yoxlanıldıqdaıı sonar dayanacağaa (avtomobil
sazdırsa) və ya gözləmə zonasına (cari təmirə ehtiyacı varsa) gedirlər. Avtomobili CT-ə
hazırlamaq üçün TQ-2 keçəcək avtomobillər D-2-ni 1-2 gün qabaq keçirlər.
TQ-1, TQ-2 və CT zonalarından keçən avtomobillərdə yerinə yetirilən texniki təsirlərin
keyfiyyətini yoxlamaqnəzarət diaqnostikasından (ND) istifadə edilir.Nəzarət diaqnostikası
əvəzinə TQ və CT zonalarında yerləşdirilmiş diaqnostika stendlərindən və cihazlarından istifadə
etməklə də görülən işlərin keyfiyyətini yoxlamaq olar.
72
ANM-dəki avtomobillərin sayindan və tipindən, diqnostik avadanlığın tərkibindən və istehsalat
sahəsindən asılı olaraq D-l-i TQ-1 ilə birlikdə təşkil etmək olar.Bu halda D-l-in avadanlığı TQ-l-
in axın xəttindəkİ postların arasındapaylanır.
Şəkil… -da TXS-da diaqnostikanın TQ və CT zonalarının texnoloji prosesində
yerləşdirilməsinin funksional sxemi (avtomobillərin hansı istehsalat sahəsindən keçəcəklərini
xarakterizə edir) verilmişdir.
TXS-na daxil olan avtomobillər texniki nəzarətpostunda yoxlanılır, görüləcək profilaktika və
təmir xarakterli işlərin həcmimüəyyən edilir. Avtomobil dayanacaqda saxlanılır və müştəri
naryad-sifariş yazdırır.Sonra avtomobil yığışdırma-yuma işləri keçməklə (əgərehtiyacı varsa) və
yaxud birbaşa gözləmə zonaşına gətirilir.Oradan isə müvafiq istehsalat zonasına verilir. Nəhayət,
tələb olunan texniki təsirləri keçmiş avtomobil sahibinə qaytarılması üçün dayanacağa gətirilir.
Müştərinin sifarişi ilə avtomobilin texniki vəziyyətidiaqnostika postlarında (D-l və ya D-2)
yoxlanıldıqdan sonra təmir ehtiyacı meydana çıxarsa, bu halda avtomobil CT zonasma
göndərilir.
Şəkil … Fərdi minik avtomobilləri üçün diaqnostikanın, TQ-un və CT-in
texnoloji prosesinin birlikdə təşkil edilmə sxemi
Diaqnostikanın TQ və CT-in texnoloji prosesində yerinin düzgün təyin ediiməsi onun
avadanlığına veriləcək tələbləri müəyyənləşdirməyəimkan verir.Hərəkət təhlükəsizliyini təmin
edən mexanizmlərin diaqnostikası (D-1) üçün yüksək sürətli, avtomatik təsir edən texniki
vasitələr (avadanlıqlar) lazımdır.Avtomobilin aqreqatlarının və mexanizmlərinin texniki
vəziyyətlərini hərtərəfli yoxlamaq üçün (D-2) onun dinamiki, texniki - iqtisadi göstəricilərini
təyin etməyə imkan verən və qaçış barabanları olan dinamometrik diaqnostika stendləri
olmalıdır.
Bu tələblər birinci növbədə diaqnostikanın tətbiq edilməsinin iqtisadi
səmərəliliyinimüəyyən edir. ANM-də hərəkət tərkibinin texniki vəziyyətinin diaqnostikasının
iqtisadi səmərəliliyi isə tətbiq edilən üsuldan, avadanlıqdan, onların istifadə olunma
dərəcəsindən, optimal diaqnostika normalarından və rejimlərindən, həmçinin texnoloji prosesin
düzgün təşkil edilməsindən asılıdır.