81
3) Fasiləsiz nəzarətlə aparılan texniki qulluq (bu halda əməliyyatlar texniki vəziyyəti tələb
edilən səviyyədə saxlamaq üçün fasiləsiz müşahidə əsasında tələbata görə yerinə yetirilir);
4) Texniki vəziyyətlərin səviyyəsinə və ya tələbata görə təmir (təmirin həcmi və icra anı hər
bir nəqliyyat vasitəsinin sazlığına və işləmə qabiliyyətinə görə müəyyən edilir, texniki vəziyyət
isə texniki sənədlərdə göstərilmiş həcmdə və müddətdə nəzarətdə saxlanılır).
Hər bir texniki qulluq və təmir üzrə qəbul edilmiş iş həcmi onun xarakteristikası adlanır.
Eyni xarakteristikaya malik qarşılıqlı münasibətdə olan TQ və təmirlər arasındakı yürüş (vaxt)
təmirlər arası dövr adlanır.
Dəmir yolu nəqliyyatında tələbata görə təmir lokomotivin yürüşündən asılı olmayaraq
təyin edilir (istismar vaxtı faktiki aşkar olunan imtinalara və ya texniki qulluq prosesində
müəyyənləşdirilən nasazlıqlara görə təyin edilir).
Xəbərdar edici təmir (planlı) lokomotivin (vaqonun) müəyyən yürüşündən sonra təyin
edilir. Bu təmirin əsasını isə normal istismar şəraitində imtinalara səbəb olan lokomotivin texniki
vəziyyəti üzərində aparılmış müşahidələr təşkil edir.
Dəmir yolu nəqliyyatında fəaliyyətdə olan TQ və təmir sistemi üçün aşağıdakı xarakter
xüsusiyyətlər nəzərə alınır:
a) Lokomotivin (və ya vaqonun) təmirə saxlanılması müəyyən (normalaşdırılmış) yürüşdən
və ya işləmə müddətindən sonra yerinə yetirilir;
b) Təmir işləri faktiki qeyd edilmiş iş həcminə əsaslanır;
c) Profilaktik təmir işləri avadanlıqda imtinalar baş verdikdən sonra deyil, onların
qabaqcadan qarşısını almaq üçün təşkil edilir və s.
Dəmir yolu nəqliyyatında qüvvədə olan TQ və təmir sistemi (planlı) aşağıdakıları əhatə
edir.
- TQ-1, TQ-2 və TQ-3 - lokomotivlərdə pozğunluqların qarşısını almaqla onların işləmə
qabiliyyətini tələb edilən səviyyədə saxlamaq, fasiləsiz və təhlükəsiz imtinasız hərəkətini təmin
etmək, həmçinin sanitar- gigiyena tələblərini ödəmək;
- TQ-4 - təkər cütlərini çıxarmadan kəmərlərini (çənbərini, qovşağını) yonmaq; bu TQ-u
bəzən TQ-3 ilə birləşdirərək icra edirlər.
Məxsusi olaraq sərnişin və yük (o cümlədən avtomat refrejerator) vaqonları üçün texniki
qulluq növləri təyinatlarına görə planlaşdırılır.
- CT-1, CT-2 və CT-3 - əsas istismar xarakteristikalarını bərpa etmək (müxtəlif aqreqatları,
qovşaqları və detalları əvəz etmək, sınaq və nizamlama işlərini yerinə yetirməklə);
- ƏT-1- dəmir yolu nəqliyyatının bütün təşkil edicilərinin tam resursunu və istismar
xarakteristikaların bərpa etmək;
- ƏT-2 ƏT-l-ə əlavə olaraq baza detallarını (aqreqatları, qovşaqları) bərpa etmək, elektrik
xətlərini tam əvəz etmək.
Dəmir yolu nəqliyyatı üçün verilmiş TQ və CT növlərinin xarakterik xüsusiyyətləri və
yerinə yetirilmə prinsipləri texniki ədəbiyyatlarda və s. geniş şərh edilir. Bununla belə, nəzərdə
tutulmalıdır ki, vaqonlara olan TQ işlərindən başqa onun bəzi məsul hissələri (buks, avtotormoz,
təkər cütü) də əlavə olaraq yoxlamadan keçirilir. Müvafiq texniki ədəbiyyatlarda həmçinin yük
və sərnişin vaqonlarının təmir periodiklikləri, texniki qulluqlar arası yürüşləri, əmək tutumları və
s. xüsusi normalar vaqonların tipindən asılı olaraq şərh edilir.
TQ və CT-in texnoloji prosesi
Texniki qulluq və təmir sisteminin Əsasnaməsinə görə profilaktik xarakterli işlər məcburi
olaraq müəyyən yürüşlərdən sonra yerinə yetirilir. Profilaktik xarakterli işlərin müəyyən
ardıcıllıqla yerinə yetirilmə prosesinə texniki qulluğun texnoloji prosesi deyilir.
Texniki qulluq texnoloji prosesinin əsas vəzifəsi odur ki, minimum vaxt sərf etməklə
görülən işlər yüksək keyfiyyətlə yerinə yetirilsin. Bununla işçilərin əmək məhsuldarlığı yüksəlir.
Texniki qulluq bir çox əməliyyatlardan ibarətdir ki, bunların hər biri qulluğun texnoloji
prosesinin tərkib hissəsinin təşkil edir. Əməliyyat dedikdə nəqliyyat vasitəsində yaxud onun hər
hansı aqreqatında, mexanizmində, sistemində texniki xidmət zamanı kompleks şəkildə ardıcıl
yerinə yetirilən təsirlərin cəmi başa düşülür.
82
Texniki qulluq zamanı avtomobildə aparılan əməliyyatların sayı çoxdur. Bu əməliyyatlar
öz xarakterlərinə, istifadə edilən avadanlığa və yerinə yetirilmə şəraitlərinə görə aşağıdakı
qruplara bölünür: a) yığışdırma, yuma və qurutma (xarici qulluq) işləri; b) diaqnostika və
nizamlama işləri; c) elektrotexniki işlər; q) bərkitmə işləri; d) yağlama işləri; e) şin işləri; j)
avtomobilin istismar materialları ilə (xüsusən yanacaqla) təchiz olunma işləri. Avtomobildə
xarici qulluq işləri sürücünün kabinəsində, platformada, kuzovda, kapotun içərisində görülən
yığışdırma, yuma və qurutma işlərini əhatə edir.
Diaqnostika və nizamlama işlərinə aqreqatların, mexanizmlərin və sistemlərin (xüsusilə
alışdırma və qida sistemlərinin) işləmə qabiliyyətlərinin yoxlanılması, nasazlıqların yaranma
səbəblərinin aydınlaşdırılması və avtomobildə yerinə yetirilən bütün nizamlama (alışdırmanın
qabaqlama bucağının və s.-nin) işləri daxildir.
Detalların yivli birləşmələrinin (boltların, sancaqların, qaykaların) texniki vəziyyətlərinin
yoxlanılması, çatışmayan bərkitmə elementlərinin yerinə qoyulması, nasaz detalların yeniləri ilə
əvəz edilməsi və bu kimi işlər bərkitmə işlərini təşkil edir.
Elektrotexniki işlər qida mənbələrinin (akkumulyator, generator) və enerji sərfedicilərin
(bata-reyalı alışdırma sisteminin cihazları, starter, işıqlandırma, siqnal və nəzarət-ölçü cihazları)
texniki vəziyyətlərinin xaricdən yoxlanılması, kontakt nöqtələrinin (birləşmələrinin) çirkdən
təmizlənməsi, elektrik avadanlığı elementlərinin diaqnostikası, nasazlıqların aradan qaldırılması
və nizamlama işlərini əhatə edir.
Yağlama işləri avtomobilin karterindəki yağların dəyişdirilməsi, karterlərə yağın əlavə
edilməsi, transmissiyanın oynaqlı birləşmələrinin və yastıqlarının, hərəkət hissələrinin açıq
düyünlərinin, həmçinin sükan idarəsində yerinə yetirilən yağlama işlərini əhatə edir. Yağlama
işlərinə həm də av-tomobilin müxtəlif texniki mayelərlə (tormoz, amortizator) təchiz edilməsi və
süzgəclərin təmizlənməsi (əvəz edilməsi) işləri də daxildir.
Şin isləri şinlərin daxili təzyiqlərinin yoxlanılması, onların normal qiymətə gətirilməsi,
protektora ilişib qalmış iti əşyaların kənar edilməsi, şinlərin xaricdən texniki vəziyyətlərinin
yoxlanılması (təmirin iş həcmini müəyyən etmək üçün) və texniki qulluq zamanı şinlərin yerinin
dəyişdirilməsi işlərindən ibarətdir.
Texniki qulluqda görülən əməliyyatların yuxarıdakı qayda ilə qruplara bölünməsinin
zəruriliyi ondadır ki, bu halda işlərin xarakterinə uyğun olaraq müvafiq ixtisaslı işçilərdən,
böyük məhsuldarlığa malik mexanikləşdirmə və avtomatlaşdırma vasitələrindən istifadə edilir.
Texniki qulluğun bir və ya bir neçə eyni adlı işləri (əməliyyatları) istehsalat sahəsinin
müəyyən hissəsində yerinə yetirilir ki, həmin sahə lazımi avadanlıqla (cihazlarla, tərtibatlarla,
qurğularla, alətlərlə və s.) təchiz edilir. Bu istehsalat sahəsinə işçi postu deyilir. İşçi postunda
eyni zamanda bir neçə fəhlə işləyə bilər. İşçi postunda bir fəhlənin xidmət etdiyi sahəyə işçi yeri
deyilir.
Texniki qulluqdan fərqli olaraq nəqliyyat vasitələrində məcburi olaraq cari təmirin yerinə
yetirilmə səbəbi onun konstruksiyasında yürüşdən asılı olaraq imtina və nasazlıqların baş
verməsidir.
İstisrmar prosesində imtina və nasazlıqlar detalların hazırlanması üçün istifadə edilən
materialların korroziyaya məruz qalması, köhnəlməsi, mexaniki xassələrininin dəyişməsi,
nizamlamaların pozulması və s. bu kimi halların nəticəsində baş verir. Belə xoşa gəlməz halları
aradan qaldırmaq üçün, yəni elementlərin işləmə qabiliyyətini bərpa etmək üçün cari təmir
yerinə yetirilir. Cari təmir aqreqat və mexanizmlərin tam və yaxud natamam sökülməsi ilə
əlaqədardır. Bu vaxt sıradan çıxmış (yaxud zədələnmiş) hissə ya tamamilə yenisilə əvəz edilir, ya
da təmir edilib yerinə qoyulur. Deməli, cari təmir dedikdə istismar prosesində yaranan
imtinaların aradan qaldırılması başa düşülür. Texniki istismarın əsas problemlərindən biri cari
təmirin iş həcminin yerinə yetirilməsi üçün tələb edilən material və əmək xərclərini aşağı
salmaqdır. Bunun üçün istehsalat, xüsusilə cari təmirin texnologiyası müxtəlif qabaqcıl üsullarla
(ixtisaslaşdırılmış briqada üsulu, aqreqat sahə üsulu, mərkəzləşdirilmiş idarə etmə üsulu) təşkil
edilir.