366
olarmı? İnanmaq olarmı ki, bir kəl ilə işləri düzələcək? İnanmaq olarmı ki, iyirmi girvənkə buğda ilə yolçu kimi
dolanmayacaqlar? Qaçqınlar yolçu deyillər. Onlara yolçu kimi baxmaq olmaz. Onları köhnə halına qaytarmaq
lazımdır. Bu da göstərilən pullar ilə olmaz. Hamınıza məlumdur ki, indi əkin vaxtıdır, biçin vaxtıdır. Çox yerdə
fəhlə azdır. Bu qaçqınları ki otuz min deyirlər, əyər ümuri-xeyriyyə nəzarəti bunların siyahısını tutsa idi, onları
fəhlə lazım olan yerlərə göndərsə idi, indiki hal həmi onlar üçün, həmi əkinçilər üçün yaxşı olardı, həm də
xəzinə fayda görərdi. Bu saat biz görürük Şamaxı ki, bir ildir dağılıb, bu vaxtacan onlara heç bir köməklik
edilməyib, ancaq bu yaxın zamanlarda eşidirik ki, bir komisyon düzəlibdir. Və halanki bu gərək çoxdan ola idi.
Bıçağacan gərək orada fəhlə işləyə idi. Bununla bir növ nəzarətin işsizliyinə və az hərəkətinə çıxmaq olar.
Bundan sonra nəzarətin bir çox işi buğda almaq kimi, buda çox sistemsiz keçir. Bunu gərək mərkəzi bir orqan
ola ki, alınan mallar o mərkəzdə toplana idi. Yəqin şeydir ki, bir yerdə çoxlu mal alına, onu bir növ ucuz və
asanda almaq olar. habelə onda bir növ inanmaqda olar ki, rəddi-bədəl olmaz. Bir yerdə mallar cürbəcür yollar
ilə alınır, onda, əlbəttə bir çox nöqsanlarda olur. Bunu nazir özü də təsdiq edir ki, Şamaxıda olan məmurlarda
çox nöqsanlar var. Onların çoxu qulluqdan xaric olub. Bundan məlum olur ki, sistemsiz görülən bir iş yaxşı
deyildir. Mən demirəm ki, pulu buraxmayaq, bəlkə bir qədər artıq buraxaq. Bu öylə bir şeydir ki, oradan pulu
əsirgəmək olmaz. Lakin bununla bərabər gərək xahiş edək ki, buraxılan pullar əməlli sərf olunsun və ondan
xeyir əmələ gəlsin.
Sədr - Söz Hacı Kərim Saniyevindir.
Hacı Kərim Saniyev - Möhtərəm məbuslar! O yerdə möhtac oldu, hər kəsin oraya kömək borcudur. Amma
müavinətdən qaçmaq olmaz. Amma mətləb oradadır ki, öylə bir üsul təyin olunsun ki, o pul ki, cəmaət öz
çibindən çıxarır, onlar arizlərə çatsın. İndiyə qədər ki, pullar sərf olmuşdur, göstərir ki, pullar yerinə
çatmamışdır. Naxçıvana gedən pulları bilirsiniz. Qaçqınlara buğda paylanır, 1.500 siyahı göstərilir. Fəqət
hazırda 200 nəfər də yoxdur. Görürsünüz ki, bir nəfər on ailə üçün buğda aldı. Halbuki, bir nəfərin on ailəsi
olamaz. Əldə heç bir məlumat yoxdur. Gərək baxılsın təhqiq edilsin. Uezdlərin birisində nəzarət tərəfindən iki
(tkaçski) fabrika açıldı. Kağız üzərində qaldı. Maaşlı müdiri var, məmurları
[841 - 842]
məvacib alır, əmələ
işləməyir. Uezdlərin birisində anbar müdiri, mühafizəçi var, katibi var, anbar icarə edilmişdir. Amma içində heç
zad yoxdur. Məmurlar məvacib alıb yeyir, qaçqınlara heç bir şey verilmir. Rayonda qaçqınlara altı yüz put arpa
və neçə kasa, boçqa damıq. Bu cür şeylər çoxdur. Təkrar etmək artıqdır. Və üç nəzarətin məmurları elə deyirlər,
bir də parlamanda da bir üzv olsun bu kafi deyildir. Məclisi-məbusan üzvü gərək çoxdan ola idi. Qaçqınların
siyahisi tutulmalı idi. On üç kənd qaçqına gərək adı ilə göstərilə idi, tainki bizim əlimizdə məlumat olsun və ona
görə də pul buraxılsın. İkinci təklifim də budur ki, üç nəzarət deyil mərkəzlərdə cəmi nəzarətlərin
nümayəndələrindən ibarət bir komisyon olsun və əhali tərəfindən də oraya adamlar seçilsin. Nə qədər adam çox
olarsa, o qədər də iş düz olar. Mən təklif edərkən ümid edirəm ki, məclis bu təklifimi qəbul edəcəkdir.
Sədr - Söz Sultan Məcid Qənizadənindir.
Sultan Məcid - Qaçqınların fəna halda olduğunu iki ildir görürük. Nə qədər ürək yanğısı ilə bunu seyr
edirdiksə də lazım olan kömək edilməmişdir. Vaxtında seym tərəfindən pullar buraxıldı. Amma çox təəssüf ki
kömək alınmadı. Həqiqət-də də fəna halda qaldılar. Ac qaldılar. Verilən un, libas verilir - onda ediləcək kömək
görülməyir. Bir növ halları yaxşı olsun, əvvəl ac idi, şimdi də acdır. Əvvəl çılpaq idi, şimdidə çılpaqdır. Onlara
ianə kömək lazımdır, öylə kömək olsun ki, onlar rahat oluban haçanki məşğul ola bilsinlər. Bu yolda ümuri-
səltənətində gərək ziraət və sənətdə irəli olsunlar. Qaçqınların birisi Şamaxı qaçqınlarıdır. Digər qaçqınlar da
Zəngəzur qaçqınlarıdır. Bu qaçqınların bir çoxları geri, yerlərinə qaytarılır. Onların bəzi paraları aclıqdan qırılır.
Bunlara azdan-çoxdan bir şey verilir. Tainki işləyə bilsinlər. Şamaxı əhalisinə isə kömək edilib də evləri olsa bir
növ dolana bilərlər. Çox təəssüf ilə deyə bilərəm ki, əgər hökumət tərəfindən bu qaçqınların verilən pullara
sataşan olmasa idi daha kömək lazım olmaz idi. Çünki, bəla o qədər böyükdür ki, əlindəki pulu alıblar, üstündən
əlbəsəsini də soyublar... Bu Şamaxıdır. Amma Zəngəzurda iş daha fənadır. Qaldı ki deyirlər Zəngəzurun halı
fənadır. Onların köməyi nəinki ziraət, toxum, öküz, paltar alıb verməklə
[842 - 843]
düzələcək. Xeyir,
düzəlməz. Necə ola bilir düzəlsin ki, yağı dörd ətrafı basıbdır. Öz canı, nəfsi-həyatı xətərdədir. Necə ola bilər
düzəlsin ki, onun gözü daima ətrafdadır ki, görək bu saat hankı tərəfdən ona güllə vuracaqlar. Bir ziraət əhli ki,
xətərdə olsun ona 5 kotan da versək bir iş görə bilməz. Deyirəm ki, Zəngəzur qaçqınlarının əhvalı kotan, öküz
və böylə şeylər alıb verməklə düzəlməz. Onlara başqa yol ilə kömək eyləmək lazımdır. Hökumət əvvəlcə
onların həyatını təmin etməlidir. Sonra 18 milyon deyil, daha çox verilsin, bəlkə də verilmək lazım gələcək.
həyatları təmin edilmədən nə qədər pul verilsə onlar onları təmin etməz. Ona görə mən təklif edirəm ki, bu pul
buraxılır, buraxılsın, buraxılacaq da. Ancaq hökumətə təklif olunsun ki, Zəngəzur qaçqınlarına kömək etmək
istəyirsə bu cür onlar yaşaya bilməzlər. Ciddi tədbirlər və təşəbbüslər lazımdır.
Sədr - Söz Ağa Aşurovundur.
Ağa Aşurov - Burada verilsin, verilməsin bu sözlər barəsində 2 rəy olmaz. Əlbəttə gərək verilsin. Ancaq
qədəri üstündə və necə verilsin üstündə danışmaq olar. Əvvəla budur ki, bir Zəngəzur uyezdi üçün 3 ayda 18
milyon para istənilir. Böylə Zəngəzur uyezdi kimi uyezlərdən bizdə 14 uyezd var. Sultan Məcid dediki bəs
Şamaxı uyezdi necə olsun amma onun yadından çıxdı ki, Göyçay uyezdi də var ki, bolşevik zamanında bərbad