AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
43
endirilib və namaz qılmasına imkan verilməyib. Rəisin hərəkətlərindən prokurorluğa
şikayət etsə də, onun bu şikayəti ciddi şəkildə araşdırılmayıb.
Hərəkatın sədr müavini Elçin Qasımov seçkilərin şəffaf keçirilməməsi və
T.Bağırzadəyə qarşı polis idarəsində edilən zorakılıqlarla bağlı hakimiyyəti həm
Facebook sosial şəbəkəsində, həm də bəzi portallarda sərt şəkildə tənqid edib. Bu
çıxışlarından 1 gün sonra onu noybarın 5-də Maştağa kəndində evinə gələrkən polis
əməkdaşları saxlayaraq Sabunçu Rayon Polis İdarəsinə aparıblar. Noyabrın 6-da
Sabunçu Rayon Məhkəməsinin qərarı ilə o, fəallara qarşı istifadə edilən polisə tabe
olmama ittihamı ilə 30 sutka inzibati həbsə atılıb. Bu müddət ərzində Nardaranda
Hərəkatın başqa üzvlərinin həbsi ilə yekunlaşan əməliyyat keçirilib. Bundan sonra
E.Qasımova da ağır ittihamlar irəlü sürülərək cinayət işi başlanıb və barəsində həbs
qətimkan tədbiri seçilib.
Onun hansı səbəbdən həbsini öyrənmək, ona dəstək olmaq və sərbəst buraxılmasına
çağırış etmək üçün Müsəlman Hərəkatı Birliyinin fəalları noyabrın 5-də polis
idarəsinin qarşısına toplaşıblar. Burada polis zor tətbiq edərək fəalları həbs edib, onlar
ilkin olaraq inzibati qaydada həbs olunsalar da, sonradan onlara cinayət işi açılıb və
azadlıqdan məhrum ediliblər.
Bu hadisədən 3 həftə sonra, noyabrın 26-da T.Bağırzadənin müvəqqəti olaraq
məskunlaşdığı Nardaran qəsəbəsində Daxili İşlər Nazirliyi və Dövlət Təhlükəsizlik
Xidməti birgə əmliyyat keçirib, nəticədə 2 polis də daxil olmaqla 7 nəfər öldürülüb.
T.Bağırzadə və daha 16 nəfər bu əməliyyat nəticəsində həbs edilib. Bu hadisədən
sonra Müsəlman Hərəkatı Birliyi tərəfdarlarının fəalları həm Bakıda (əsasən
Nardaranda), həm də regionlarda həbs olunublar.
Noyabrın 5-də baş vermiş hadisədən sonra Hərəkata, onun sədri T.Bağırzadəyə qarşı
mediada ardıcıl və genişmiqyaslı kampaniyaya start verilib. Noyabrın 10-da
hakimiyyətə yaxınlığı ilə tanınan politoloq İlqar Altay Baş Prokurora müraciət edərək
T.Bağırzadə barədə cinayət işinin açılması və onun fəaliyyətinin araşdırılması ilə
bağlı müraciət ünvanlayıb. Müraciətində o, T.Bağırzadənin fəaliyyətini İran-fars
rejiminin agenturasının güclənməsi kimi təqdim edib
47
. Bu müraciət də daxil olmaqla,
Hərəkatı və onun sədrini qaralayan materialar yayılmağa başlanıb. Bütün ölkə
ərazisində yayılan “Xəzər” telekanalında “Din pərdəsi altında təxribat törədənlər” adlı
süjet göstərilib və süjetdə Hərəkat üzvlərinin təqsirsizlik prezumpsiyası hüququ
pozularaq onlar cinayətkar adlandırılıb
48
.
Noyabrın 10-da Hərəkata qarşı başlanılmış bu kampaniya ilə bağlı onun fəalları
bəyanatla çıxış edib və onlara qarşı əsassız qarayaxma kampaniyası aparıldığını
bildiriblər. Hərəkatın heç bir qanunsuz fəaliyyətlə məşğul olmadığı, Azərbaycan
Respublikasının Konstitusiyasından və qanunlarından kənar heç bir tələblərinin
olmadığını bildiriblər.
49
T.Bağırzadənin özü onun üçüncü dəfə həbsinə hazırlıq
getdiyini və istəilən təxribatla üzləşə biləcəyini mətbuata açıqlayıb. Açıqlamasında
vurğulayıb ki, dinc yollarla mübarizə aparırlar və onlara böhtan atanları məhkəməyə
47
http://bit.ly/2d5HoeT
48
http://bit.ly/2cIi790
49
http://bit.ly/2cWUyMv
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
44
verəcəklər.
50
Hərəkata qarşı aparılan kampaniyanın tərkib hissəsindən biri onun dini
icma kimi qeydiyyata alınmaması ilə bağlı olub. Dini Qurumlarla iş üzrə Dövlət
Komitəsinin Sədri Mübariz Qurbanlı telekanallara və qəzetlərə müsahibəsində bu
qurumun dini icma kimi rəsmi qeydiyyatının olmamasını vurğulayıb və bunun
yolverilməz olduğunu deyib. Hərəkatdan bu məsələyə münasibət bildirilib ki, Hərəkat
dini icma deyil, qeyri-hökumət təşkilatıdır, onun qeydiyyata alınması üçün Ədliyyə
Nazirliyinə müraciət edilib və sənədlər qeydiyyatdan imtina barədə cavabla birlikdə
bir neçə dəfə geri qaytarılıb.
Noyabrın 26-da keçirilən əməliyyatdan sonra da Hərəkata və onun üzvləri əleyhinə
ictimai kampaniya davam etdirilib. Müxtəlif icmalar və regionlardan Hərəkatın
fəaliyyəti tənqid edilib, onun üzvlərinin cinayət məsuliyyətinə cəlb olunmasını,
Prezident İlham Əliyevin siyasətinin dəstəklənməsini özündə əks etdirən müraciətlər
dövlət agentliklərində və hakimiyyətə yaxın KİV-lərdə yayılmağa başlayıb,
51 52 53
Qafqaz Müsəlmanları İdarəsi əməliyyatın keçirildiyi gün gecə saatlarında siyasi
məzmunlu xüsusu bəyanatla çıxış edib
54
.
Göründüyü kimi, T.Bağırzadə azadlığa çıxdıqdan sonra davamlı olaraq hüquq
mühafizə orqanlarına çağırılıb və ona xəbərdarlıqlar edilib. Bununla belə o, çağırıldığı
bütün dövlət qurumlarına vaxtında gedib. Sədri olduğu təşkilatsa rəsmi dövlət
qeydiyyatına alınmaq üçün Ədliyyə Nazirliyinə müraciət edib, T.Bağırzadə davamlı
olaraq mətbuata açıqlama və müsahibələr verib, Konstitusiya və qanunlar əsasında
fəaliyyət göstərdiklərini bildirib.
d. Tale Bağırzadə və Müsəlman Birliyi Hərəkatının başqa üzvlərinə və
tərəfdarlarına qarşı irəli sürülmüş ittihamlar, məhkəmə prosesləri, işgəncə və pis
rəftarın digər formaları barədə şikayətlər
Noyabrın 26-da keçirilən əməliyyatdan sonra Daxili İşlər Nazirliyi (DİN) və Baş
Prokurorluq əməliyyatla bağlı birgə məlumat yayıb
55
. Yayılmış məlumatda vurğulanır
ki,
Tale Bağırov, Elman Ağayev, Zülfüqar Mikayılov və Əbülfəz Bünyatov
dövlətin
konstitusiya quruluşunun zorla dəyişdirilməsi, şəriət qanunları ilə idarə edilən dini
dövlət qurulması məqsədilə Müsəlman birliyi adlı hərəkat yaradıblar. Adları çəkilən
şəxslər Bakı şəhərindən və respublikanın başqa bölgələrindən özlərinə tərəfdarlar
toplayıb, onları müxtəlif növ odlu silah, döyüş sursatı, partlayıcı maddə və qurğularla
təchiz edərək cinayətkar dəstə yaradıblar. Həmçinin,
paytaxtın Nardaran qəsəbəsində
qanunsuz yığıncaqlar keçirərək respublikanın əhalisini hakimiyyətə qarşı qaldırmağın
yollarını müzakirə edib, bununla bağlı tərəfdarlarına göstərişlər verib və əhaliyə
çağırış vərəqələri paylayıblar. Silahlı cinayətkar dəstənin hər bir üzvünün üzərinə
düşən konkret vəzifələr, o sıradan hakimiyyət nümayəndələrinə qarşı terror aktları
törədəcək məsul şəxslər müəyyən edilib.
50
http://bit.ly/2cz1kay
51
http://bit.ly/2d6cGQI
52
http://bit.ly/2cYYZoh
53
http://bit.ly/2d6d6ql
54
http://bit.ly/2d6cVeA
55
http://bit.ly/2cupLYt