357
VÜSAL ƏRƏFƏSİNDƏ
Ömrümgünüm.
Heç bilsən
Səndən nə istəyirəm:
Bir gecənin içində
Bütöv bir ömrə dəyən
Xatirə istəyirəm.
Bilsən nə istəyirəm:
Enib o sahilə gəl.
Bakı işıqlarından
Boynunda silsilə gəl,
Enib o sahilə gəl!
Fərqi yoxdur, bu axşam
Bahar olsun, qış olsun.
Ya dünyaya gül səpən
Gürşad bir yağış olsun,
Təki mənim rəfiqəm
Mənə doğru can atsın,
Təki vüsal
Hicranı
Yolda azdırmış olsun.
Göyərçin əllərini
Tutum,
Qəlbimlə tutum.
Özözümü unudum,
Yerigöyü unudum.
Əllərinin ətrini,
Tellərinin ətrini
Çəmənçəmən mən udum,
Baharbahar mən udum.
Yanında yer vermə,
yox,
Qəlbində yer ver mənə.
O gülü istəmirəm,
Gözündən gül dər mənə,
Könlündən gül dər mənə.
358
XƏLİL RZA ULUTÜRK
SEÇİLMİŞ ƏSƏRLƏRİ
Təkcə busə deyil,
Yox,
Ruhunu istəyirəm.
Ürəyinin başında
Xəlil! deyə mələyən
Ahunu istəyirəm.
Sevincini,
qəmini,
ahını istəyirəm.
Ən təmiz duyğuların
Qaymağını ver mənə.
Vətən eşqilə dolu
Cəsur qız qəlbindəki
O qaynar diləklərin
Qaynağını ver mənə.
Vulkanlı dağ kimiyəm,
Ancaq elə bilmə ki,
Buz bulaq istəyirəm.
Füzulidən şeir oxu,
Odlanmaq istəyirəm.
Gəl, ağ bənizindəki
Natəvan səhərilə.
Ürəyinə sığmayan
Vətən şərqilərilə!
Dünyaya nur saçmağı
Eləmisən sən adət.
Ayaq tutub yeriyir
Ayağınla səadət.
Gəl! Ey mənim könlümdə
Baharı tər saxlayan,
Məni hörüklərilə
Bu dünyaya bağlayan!
Gəl! Ömrümüz qovuşsun
Şərikli ömür kimi.
Hardasa cida düşən,
359
Muğandasa görüşən
Araz kimi, Kür kimi.
“BayatıŞiraz” üstə
Ötəcəyik bu axşam.
Duyğular dünyasında
İtəcəyik bu axşam.
Qanadlanım bu axşam,
Uçum səninlə birgə,
Bütün Azərbaycanı
Qucum səninlə birgə!
Lənkəran.
1965
SƏN BƏZƏNƏNDƏ
Qırmızı geyinib sən çıxma evdən
Qorxuram od tutub alışa dünya.
Mavi geyinəndə cilvələnmə çox,
Qorxuram özünü göylər tanıya.
Sən ağ geyinəndə ehtiyatlı ol!
Səadət boynuna biçilir, ey gül.
Qorxuram qoşulub ağ buludlara,
Uçasan, qalxasan ulu qatlara!
Qara geyinəndə işıq saçırsan
Qaranlıqda yanan ulduzlar kimi.
Nə qədər gedirəm, uzaqlaşırsan,
Əlim ulduzlara çata bilərmi?
Amandır, bir azca sadə geyin sən.
Amandır, bir azca ucuz geyin sən.
Onsuz da sərməstəm, al da geyinsən,
Tirmə də, ipək də, şal da geyinsən.
360
XƏLİL RZA ULUTÜRK
SEÇİLMİŞ ƏSƏRLƏRİ
Bu gün geyinmisən qızılı donu
Payıza bürünmüş baharsan, nəsən?
Əynində atəşim, odum bil onu
Keçdiyin yollara qızıl səpirsən.
Mən dərzi olsaydım... kirpiklərimi
İynəsap edərdim, başdan keçərdim.
Bütün geyimləri atıb bir yana,
Sənə öz könlümü paltar biçərdim.
Bütün geyimlərdə ehtiyatlı ol,
Xəbərdar edirəm səni, ey sənəm:
Bütün geyimlərdə məhəbbətimdən
Alışa bilərsən, yana bilərsən.
1987
SƏNİN GÖZLƏRİNİ SEVİRƏM ANCAQ
(“Məhəbbət dastanı” poemasından)
Bilgəh... axşam çağı... dəniz qırağı.
Hər gümüşü ləpə ayna qırığı.
Onlar çimib çıxmış sudan yenicə,
Ürəklər sevdalı, duyğular incə.
Batır yavaşyavaş uzaqda günəş,
Yığışır sulardan narıncı atəş.
Təktək ulduzlar da sayrışıb gülür,
Ləpələr dəydikcə qumlar süzülür.
Onlar da sular tək coşubdaşırlar,
Deyirlər, gülürlər, qaqqıldaşırlar.
Səsləri dənizə min səda salır,
361
Qayalar dinləyib sükuta dalır.
Oğlan məhəbbətlə süzür yarını,
Qız sıxıb qurudur gur saçlarını.
Elə ki, hörərək atır arxaya,
Ay həsədlə baxır yerdəki Aya.
Əlində çəkməsi qız yeridikcə,
Ayağı altında qum xışıldayır.
Oğlan öz yarını seyr elədikcə
Özünü hamıdan bəxtiyar sayır.
Dönüb sual verir yarına birdən:
Əzizim, de, məni çoxmu sevirsən?
Qız ayaq saxlayır, dayanır, durur,
Oyanır qəlbində nəcib bir qürur.
Qız, qara qaşların altında gülən
İşıqlı, mehriban gözlərə baxır.
Qız elə baxır ki, sanki ömrünə,
Bəxtinə açılan səhərə baxır.
Bu gözlər həm məsum, həm saf, həm dərin,
Ən təmiz, ən dərin düşüncələrin
Aynası – gözlər.
Bu gözlər yarından bir cavab gözlər.
Əzizim, de, məni çoxmu sevirsən?
Qız gülür, ayrılır düşüncələrdən.
O necə söyləsin indi eşqini?
O, həm qürurludur, həm də utancaq.
Deyir: Vallah, düzü, yaman qarasan.
Sənin gözlərini sevirəm ancaq.
Elə bu cümlə də bəsdir sevənə,
Şadlanır, nur yağır, gülər üzündən.
362
XƏLİL RZA ULUTÜRK
SEÇİLMİŞ ƏSƏRLƏRİ
Qızı qucaqlayıb qaldırır göyə,
Öpür iki dəfə ala gözündən.
Bu dəm bir meh əsir mavi Xəzərdən,
Xoş bir səda gəlir göy ləpələrdən.
Sahil bağları da səslənir birdən;
Elə bil dil açır hər incə yarpaq:
Sənin gözlərini sevirəm ancaq.
Ulduzlar içindən bir ulduz axır,
Göyün ətəyində bir iz buraxır.
Oğlan o işığa, o izə baxır,
Bircə xətt şeirdir o gümüş zolaq:
Sənin gözlərini sevirəm ancaq.
Qarşıda can alan bir qız dayanmış,
Baxır, bir aləmdir o xumar baxış.
Necə də gözəldir o canı yanmış.
Allah, gör nə deyir o dil, o dodaq:
Sənin gözlərini sevirəm ancaq.
1961
MƏHƏBBƏT ALƏMİ
Heç ola bilməz ki, tale bu boyda
Ümman məhəbbəti bəxş etsin mənə.
Bu qədər işıqlı bir sərvinazı,
Qaraqaş, qaragöz bir ağboğazı,
Sözü baldan dadlı, qəlbi qanadlı,
Addımı kamana, tara bənzəyən,
Bahar nəfəsilə ərzi bəzəyən,
Dinəndə ağzından güllər saçılan,
Gecələr hüsnündə səhər açılan,
Dostları ilə paylaş: |