43
Áèáëèîãðàôèéà
Qələm dostları, ədəbiyyat,
mədəniyyət xadimləri və oxucuları
Hidayət haqqında
Hidayət şairdir, nasirdir,
dövlət xadimidir, ictimaiyyətçi-
dir. Onun çoxsaylı və həm də sanballı bədii, poetik, eləcə də
publisist əsərləri geniş oxucu kütləsi tərəfindən sevilə-sevilə
oxunur. Hidayət sakit təbiətli, mədəni bir ziyalıdır. Qayğıkeşlik
onun varlığına hopduğundan o daim xeyirxahlıq etmiş, bir çox
insanlara arxa olmuşdur.
Hidayətdə olan milli qeyrət onun bütün yazılarında, rəsmi
və qeyri-rəsmi fəaliyyətində özünü göstərir...
Hidayət dəyərli vətəndaşdır, vətən oğludur.
Budaq Budaqov,
akademik
“Şəxsiyyəti və yaradıcılığı ilə xalqın məhəbbətini və dərin
hörmətini qazanmış Hidayətin əsərlərini oxuculara bu qədər
sevdirən nədir” sualının düzgün cavablarından biri də, yəqin
ki, belə olardı: “Onun əsərlərinin dilinin gözəlliyi və təbiiliyi.”
Həmişə köksündə olduğu ana torpağın, gəzib dolaşdığı
meşələrin, suyunu içdiyi büllur bulaqların, bütün varlığı ilə
sevdiyi və həmişə arasında olduğu sadə insanların nəfəsi, səsi
var onun əsərlərində. Xəlqilik və səmimilik Hidayətin şeirləri-
nin, nəsr və dram əsərlərinin dilinin canında və qanındadır.
Şəxsiyyəti ilə yaradıcılığı hər zaman qırılmaz vəhdətdə olan
şair, nasir, dramaturq Hidayətin dili ilə daima oxucuları arasın-
da olan, onlarla şirin söhbətlər
edən vətəndaş Hidayətin dili
arasında bənzərsiz bir uyğunluq var və bu bənzərsiz uyğunluq
böyük alman alimi Vilhelm Humboldtun sözlərini yada salır:
44
Ùèäàéÿò
“Xalqın dili onun ruhudur və xalqın ruhu onun dilidir - bundan
güclü olan eynilik təsəvvür etmək çətindir”.
Ağamusa Axundov,
akademik
Hidayət müəllimin pərəstişkarları təkcə Azərbaycanda
deyil, onun hüdüdlarından kənarda da kifayət qədərdir. Əbəs
deyildir ki, onun 20-dən çox xarici dillərə tərcümə olunmuş
əsərləri müxtəlif ölkələrin xalqları tərəfindən rəğbətlə qarşıla-
nır, sevilə-sevilə oxunur. Hidayət müəllim bəşəri bir yazıçı
olduğuna görə, dünya ədəbi-bədii nümunələrinin bir qismini
ana dilimizə çevirərək, xalqlar arasında salınan ədəbi ünsiyyət
körpülərinin daha da möhkəmlənməsinə zəmin yaradır.
Hidayət müəllimin ictimai xadim kimi fəaliyyəti Azərbay-
canın dövlət müstəqilliyinin bərpasına, bərqərar olmasına,
möhkəmləndirilməsinə, eləcə də xalqlar arasında əlaqələrin ge-
nişləndirilməsi, millətlər arasındakı münasibətlərin yaxşılaş-
dırılması istiqamətində görülən işlərə lazımi töhfələr verməkdə
davam edir. Bu fəaliyyətin dövlətimiz
tərəfindən layiqincə qiy-
mətləndirilməsi hamımızı ürəkdən sevindirir. Onun vətənin
yüksək təltiflərindən olan “Şöhrət” ordeninə, “Azərbaycan
Respublikasının Əməkdar incəsənət xadimi” fəxri adına layiq
görülməsi ölkəmizdə ona verilən qiymətin dəyərli məzmununu
təcəssüm etdirir.
Əhliman Əmiraslanov,
akademik
Vətəndaşlıq Hidayətin çoxcəhətli yaradıcılığının cövhəri,
mahiyyətidir. O, yeni mərhələdə Azərbaycanda dərin ictimai
məzmunlu vətəndaş poeziyasının, yüksək vətəndaşlıq ruhuna
malik olan publisistikanın və səhnəyə həyat nəfəsi bəxş edən
dramaturgiyanın əsas yaradıcılarından biri kimi böyük nüfuz
qazanmışdır. Ciddi vətəndaşlıq mövqeyi və məsuliyyət şair,
publisist və dramaturq Hidayəti bütün yönləri ilə tam şəkildə
45
Áèáëèîãðàôèéà
mənalandırır.
Hidayətin sözü də, özü də təmənnasız, məsuliy-
yətdən yoğrulmuş vətəndaşlığın şərəfli taleyini yaşamaqda da-
vam edir. Əxlaqi-mənəvi dəyərlərə, cəmiyyət hadisələrinə və
söz sənətinə münasibətdə illərdən bəri davam edən məsuliyyət
duyğusu Hidayətə bir şəxsiyyət kimi də, sənətkar kimi də
ucalıq gətirir. Şairin avtoportret səpkili şeirlərinin hamısında
yüksək əxlaqi-mənəvi dəyərlər, şəxsiyyətin bütövlüyü və əsl
vətəndaş mövqeyi ifadə olunur. Geniş mənada Hidayətin yara-
dıcılığı onun ömrünün, taleyinin poetik monoloqudur. Lakin
şair bir taleyin monoloqunu millətin monoloquna çevirməyi
bacarmışdır.
Və bu monoloq həmişəki sabit, təmkinli tempi,
milli qayəsi, ictimai dəyərləri, həqiqi vətəndaşlıq yanğısı ilə
çağlamaqda davam edir.
İsa Həbibbəyli,
akademik
Hidayətin ilk şeir kitabına ön söz yazmışam. Sonradan
başqa kitabları haqqında ürək sözlərimi söyləmişəm. Amma
ürəyim hələ boşalmayıb, əksinə, son illər daha da dolub, çünki
torpaq təəssübü, xalqımızın mənəviyyatını əks etdirən can yan-
ğısı, mərdliklə namərdliyin, düzlüklə əyriliyin əlbəyaxa vuruşu
getdikcə onun yaradıcılığında
elə təbii, eyni zamanda elə qaba-
rıq canlanır ki, hətta şeirin janrlarına sığmır, nəsrə çevrilir, kə-
sərli publisistikaya çevrilir...
Hidayət həm bir vətəndaş, həm də yazıçı kimi sözün düzü-
nü deməyə çalışır və buna nail olur.
Bəxtiyar Vahabzadə,
Xalq şairi, akademik
Hesab edirəm ki, Hidayət Orucovun bioqrafiyası iftixar et-
məli və öyrənməli ömür yoludur! Bütün bu üstün keyfiyyətləri-
nə görə mən Hidayət Orucovu həmişə həyatının mənasını xal-
qa, Vətəninə təmənnasız xidmətdə görən aydın zəkalı, milli
mənafeyi həmişə şəxsi mənafedən üstün tutan və bütün ədəbi,
46
Ùèäàéÿò
mədəni və dövlətçilik fəaliyyətini bu müqəddəs amala həsr et-
miş nurlu şəxsiyyət kimi tanıyır,
dərin hörmət və ehtiram bəs-
ləyirəm. Hidayət Orucov tanınmış yazıçı, dövlət xadimi
olmaqla yanaşı, xeyirxah insan, hamıya örnək olan vətəndaş
ziyalı və ziyalılığı yüksək tutan dövlət adamıdır. Ziyalı millətin
yoluna işıq tutan, insanları haqqa, ədalətə, sülhə, dostluğa,
barışa səsləyən böyük hərflə yazılan İNSANdır. Ziyalı xalqın
düşünən beyni, mənəvi diriliyidir. Ziyalı Vətən və millət
yolunda zəkasını, ağlını, intellektual potensialını əsirgəməyən
İNSANdır. Ziyalı həm xalqına, dövlətinə, dövlətçiliyinə səda-
qətlə xidməti ilə, onlara verdiklərinin sanbalı və miqyası ilə
böyükdür. Ziyalı üçün Vətən sevgisindən, millət duyğusundan
ali hiss yoxdur!!!
Hidayət Orucov məhz bu sadaladığım milli-mənəvi dəyər-
ləri
özündə cəmləşdirən, fəaliyyətində onları gerçəkləşdirən
milli ruhlu, vətəndaş qeyrətli, xeyirxah ziyalılarımızdandır...
Misir Mərdanov,
professor
Hidayətin yaradıcılıq yolu ilə yaxından tanışlıq göstərir ki,
o, 60-70-ci illərdə daha çox bir şair, 80-ci illərin birinci
yarısında daha çox bir nasir, həmin onilliyin ortalarından sonra
isə daha çox bir publisist kimi məşhurlaşmışdır. Əlbəttə, bu cür
yaradıcılıq təkamülünün yalnız subyektiv maraq, daxili tələbat-
la əlaqədar olduğunu söyləmək düzgün deyil. Şeirdən nəsrə,
oradan da publisistikaya keçmək (və əlavə edim ki,
müəyyən
tarixi ardıcıllıqla keçmək) birinci növbədə dövrün, Azərbaycan
cəmiyyətində baş verən ictimai-siyasi, ideya-estetik proseslə-
rin, təbəddülatların təsirinin nəticəsi idi. Hidayət yaradıcılığı-
nın xarakteri təbiət etibarı ilə cəmiyyət yazıçısıdır, onun bədii
təfəkkürü cəmiyyətlə nəfəs alır, gücünü, enerjisini ictimai
həyatdan götürür və ona görə də ictimailəşir.
...Mən əminəm ki, Hidayətin yaradıcılığı bundan sonra da
mənsub olduğu xalqın həyatını bu və ya digər mərhələdəki
sosial düşüncəsini kifayət qədər geniş, əhatəli,
müfəssəl bir