Azərbaycanın ictimai həyatında gənclərin iştirakı
Yüklə 0,55 Mb. Pdf görüntüsü
|
göstərici Azərbaycan kimi ölkə üçün kifayət qədər əhəmiyyətlidir. Amerika Birləşmiş Ştatlarında təhsil almaq üçün göndərilən gənclərimizin seçimi məqsədilə 2009-cu ildə bu ölkənin müvafiq qurumları ilə Təhsil Nazirliyi arasında əməkdaşlıq haqqında Saziş imzalanmışdır. Bu sazişə əsasən hər il Azərbaycanın bir neçə vətəndaşı Beynəlxalq Təhsil İnstitutu (İİE) ilə əməkdaşlıq çərçivəsində magistratura pilləsində təhsil almaq üçün ABŞ universitetlərinə göndərilir. Son iki il ərzində bu proqramdan 11Azərbaycan gənci istifadə etmişdir. ABŞ-da BTİ (İİE) ilə əməkdaşlıq çərçivəsində tələbələrin əksəriyyəti humanitar ixtisaslar və “iqtisadiyyat və idarəetmə” ixtisası üzrə təhsil almaq hüququ əldə etmişlər. Dövlət Proqramının icrasının ikinci, 2008/2009-cu tədris ilində xaricdə təhsil alanların sayı 2 dəfədən çox artaraq dünyanın 16 ölkəsinin qabaqcıl universitetlərində 134 nəfər təşkil etmişdir. 2008/2009-cu tədris ilində azərbaycanlı tələbələrin təhsil aldığı ölkələrin siyahısında ilk 3 yeri – Fransa, Böyük Britaniya və Almaniya tuturdu. CNOUS-la əməkdaşlığın davamı nəticəsində Fransaya göndərilən tələbələrin sayı 27 nəfərə çatdı. Dövlət Proqramının icrasının 1-ci ili ilə müqayisədə 2-ci il magistratura səviyyəsi üzrə təhsilini xaricdə davam etdirmək üçün göndərilən tələbələrin sayında ciddi dəyişikliklər baş vermişdir. 2009/2010-cu tədris ilində xaricdə təhsil almaq hüququ qazananların sayı 300 nəfərdən çox olmuşdur. Onlar müasir Azərbaycanı dünyanın 20 ölkəsində təmsil etmiş, əldə etdikləri akademik göstəricilərlə universitet rəhbərliyinin və tələbələrin 80 Xaricdə təhsil rəğbətini qazanmağa nail olmuşlar. Qeyd olunan tədris ilində azərbaycan tələbələrinin təhsil aldığı ölkələrin siyahısında ilk 3 yeri – Böyük Britaniya, Türkiyə və Almaniya tutmuşdur. Almaniyanın akademik mübadilə xidməti ilə əməkdaşlıq davam etmiş, hansı ki, bunun da nəticəsində 2009/2010-cu tədris ilində Almaniyada təhsil alanların sayı 46 nəfərə çatmışdır. İqtisadiyyat və idarəetməyə və bu sahədə kadr hazırlığının yüksək səviyyədə həyata keçirildiyi Böyük Britaniya universitetlərinə marağın daha çox olması 2009/2010-cu tədris ilində bu ölkənin ali məktəblərində təhsil almaq hüququ qazanan Azərbaycan tələbələrinin sayını 89-a yüksəltdi. Beləliklə, 2009/2010-cu tədris ilində xaricdə təhsil Dövlət Proqramı çərçivəsində təhsil almaq hüququ qazananların çoxu iqtisadiyyat və idarəetmə, sosial və humanitar elmlər, tibb elmləri və s. istiqamətlər üzrə olmuşlar. Dövlət Proqramının icrasının 3-cü ilində bakalavr və magistratura pilləsi üzrə təhsil almaq üçün göndərilən tələbələrin sayı 100-ü ötdü. Rezidentura səviyyəsi üzrə də təhsil almaq üçün göndərilənlərin sayında ciddi artım müşahidə olundu. Dövlət Proqramının icrasının dördüncü, 2010/2011-ci tədris ilində xaricdə təhsil almaq hüququ qazananların sayı 275 nəfər təşkil etdi. Daha çox tələbə Almaniya, Türkiyə və Böyük Britaniyaya göndərilmişdir. DAAD təşkilatı ilə aparılan məqsədyönlü əməkdaşlıq nəticəsində Almaniya Proqram çərçivəsində təhsil alan tələbələrin sayına görə ilk yerdə dayandı. Xaricdə təhsil Dövlət proqramı çərçivəsində 2010/2011-ci tədris ilində tibb, informasiya-kommunikasiya texnologiyaları, 81 Azərbaycan ictimai həyatında gənclərin iştirakı mühəndislik, fundamental elmlər, kənd təsərrüfatı kimi istiqamətlər üstünlük təşkil etdi. Qeyd etmək lazımdır ki, Proqramın icrasının ilk illərində xaricdə təhsil üçün göndərilən tələbələrin çoxu iqtisadiyyat, humanitar və sosial elmlər üzrə ixtisaslara üstünlük verirdilərsə, 2010-cu ildən etibarən bir sıra prioritet ixtisaslar müəyyən edildikdən sonra namizədlərin mühəndislik, tibb, informasiya- kommunikasiya texnologiyaları kimi ixtisas sahələrinə maraqlarının artdığı müşahidə olundu. 2011/2012-ci tədris ilində Dövlət Proqramında məzmun və forma baxımından mütərəqqi dəyişikliklər baş verdi. Onlar ilk növbədə ictimaiyyəti təhsilin prioritet istiqamətləri haqqında məlumatlandırmaq, sənəd qəbulu üçün kifayət qədər vaxt ayırmaq (6 iyundan - 20 avqust 2011-ci ilədək), həmçinin elektron ərizə formalarının qəbulu haqqında olmuşdur. Azərbaycan Respublikasının Prezidenti yanında Təhsil üzrə Komissiyanın tövsiyələri əsasında respublikanın kadrlara olan tələbatı nəzərə alınmaqla Dövlət Proqramı çərçivəsində 2010/2011-ci tədris ilindən etibarən xarici ölkələrdə təhsil üçün növbəti ixtisaslar prioritet olaraq elan olunmuşdur: – informasiya texnologiyaları; – mühəndislik; – neft sənayesi; – tibb;
– riyaziyyat; – fizika; – biologiya; – kimya;
82 Xaricdə təhsil – ekologiya; – kənd təsərrüfatı; – mühasibat uçotu. Dövlət Proqramının beşinci ilində xaricdə təhsil almaq hüququ qazananların sayı 400 nəfərdən artıq olmuş və Azərbaycan Respublikasının daha dinamik inkişafı məqsədilə ölkə üçün ehtiyac duyulan ixtisaslar üzrə kadr hazırlığı davam etdirilmişdir. 2011/2012-ci tədris ilində Türkiyə*, Böyük Britaniya və Almaniya tələbələrin təhsil üçün göndərildikləri ölkələr siyahısında ilk 3 yeri tutmuşlar. Bu tədris ilində bakalavr pilləsində təhsil almaq hüququ əldə edənlərin sayı ötən tədris ilindən fərqli olaraq magistr pilləsi üzrə təhsil alanların sayından çox oldu. Dövlət proqramının icra olunduğu 2007-ci ildən 2012-ci ilədək olan dövr ərzində Azərbaycan gəncləri dünyanın 24 ölkəsinin 200 qabaqcıl universitetlərinə (Türkiyə, Almaniya, ABŞ, Böyük Britaniya, Belçika, Fransa, Rusiya, İsveç, İsveçrə, İrlandiya, İspaniya, İtaliya, Çexiya, Niderland, Kanada, Cənubi Koreya, Avstriya, Çin, Avstraliya və s.) təhsil almaq üçün göndərilmişlər. Hərçənd, 2007-ci ildə təhsil üçün ən çox tələbə Rusiyaya, 2011-ci ildə isə Türkiyəyə göndərilmişdir. Almaniya, Kanada, Rusiya və Türkiyədə təhsil almaq hüququ qazanan tələbələrin sayı artır, eyni zamanda təhsil üçün Fransa və Niderlanda göndərilənlərin sayı isə azalır. Nəzərdən keçirilən dövrdə Dövlət Proqramı üçün tibb ixtisasları daim prioritet olmuş və bu gün də bu istiqamət üzrə təhsil alan tələbələrin sayı üstünlük təşkil edir. Bu, ölkə 83 Azərbaycan ictimai həyatında gənclərin iştirakı Yüklə 0,55 Mb. Dostları ilə paylaş:
|