152
işində böyük rol oynamışdı. Ən əsası odur ki, Azərbaycan Xalq Cümhuriyyəti az yaşasa da, xalqımızda
azadlıq, müstəqillik fikirlərini daha da gücləndirmiş oldu".
1920-ci il aprelin 28-də Azərbaycanda sovet hakimiyyəti elan edilməsi ilə ölkədə milli-mənəvi
dəyərlərin qorunması məsələsi əsl mənada ciddi sınaqlardan çıxmalı oldu. Rusiya sovet hökumətindən
asılı olan Azərbaycan Sovet Sosialist Respublikası hökuməti 1920-1922-ci illərdə formal da olsa
müstəqilliyini qoruyub saxlaya bildiyindən və həmin dövrdə hökumətə Azərbaycan xalqının böyük oğlu
Nəriman Nərimanov başçılıq etdiyindən milli-mənəvi dəyərlərimizdən, onların qorunub saxlanmasının
vacibliyindən dövlət səviyyəsində az da olsa, danışmaq mümkün olurdusa, 1922-ci ilin sonunda
Azərbaycan artıq üzvü olduğu ZSFSR tərkibində SSRİ-yə daxil edildikdən sonra ümumiyyətlə,
azərbaycançılıq, soykökə qayıdış, milli-mənəvi dəyərlər mövzularında hər hansı söhbət açmaq belə
millətçilik kimi damğalanır və təqib olunurdu. 20-30-cu illər repressiyaları qurbanlarının əksəriyyətini
təşkil edənlər elə milli ruhu və dəyərlərini qoruyub saxlamış adamlar olmuşdular. Dövlət başçımız Hey-
dər Əliyev həmin dövrdən danışarkən demişdir: "...bu dövr çox mürəkkəb, ziddiyyətli dövr - bir tərəfdən,
hakim rejimin repressiyaları, xalqımızın ənənələrinə, mənəviyyatına göstərilən təzyiqlər, məhrumiyyətlər
və məhdudiyyətlər, ikinci tərəfdən isə, eyni zamanda xalqımızın böyük inkişaf yolu olmuşdur".
Əlbəttə, sovet hakimiyyəti illərində nailiyyətlərimiz də olmuşdu, xalqımız savadlanmış, onun
mədəni səviyyəsi yüksəlmiş, Azərbaycanın böyük elmi yaranmış, respublikamızın milli mədəniyyəti
yüksək səviyyələrə qalxmışdır. Lakin bunlar kommunist ideologiyasının rəhbər və istiqamətverici rolunu
tanımaq şərtilə əldə edilmişdi. Çünki başqa cür düşünmək belə olmazdı. Milli-mənəvi dəyərlər, soykökə
qayıdışla bağlı hər hansı müstəqil ideyalarla çıxış etmək sadəcə olaraq qadağan idi.
1991-ci il oktyabrın 18-də SSRİ-nin dağılması ərəfəsində Azərbaycanın dövlət müstəqilliyi
haqqında Konstitusiya Aktının elan edilməsi ilə Azərbaycan yenidən itirilmiş istiqlaliyyətini özünə
qaytarsa da, istər daxili, istərsə də xarici siyasətində əsl müstəqilliyə nail ola bilmədiyi kimi, dövlət
səviyyəsində milli-mənəvi dəyərlərin qorunması və yaşadılması üçün də əslində heç nə edə bilmədi.
Sanki hamının başı hakimiyyət uğrunda mübarizəyə qarışmışdı. Heç kimin yadına düşmürdü ki, axı
Azərbaycan Müsəlman Şərqində birinci olaraq öz müstəqil, demokratik dövlətini yaratmış, lakin onu
daxili ziddiyyətlər və mürəkkəb beynəlxalq şərait üzündən cəmi 23 ay saxlaya bilmişdi. Axı 70 il
keçdikdən sonra yenidən əldə etdiyimiz müstəqilliyimizin də aqibəti elə ola bilər və biz bir xalq kimi
ümumiyyətlə dövlətçilikdən məhrum ola bilərik. Bəs nəticəsi necə oldu? Ölkəmizin ərazisinin 20 faizi
Ermənistan tərəfindən işğal olundu, bir milyondan artıq qaçqın və məcburi köçkünlərimiz çadırlarda ağır
vəziyyətdə yaşamağa məcbur edildi, ölkəni separatçılıq meylləri bürüdü, hakimiyyət böhranı vətəndaş
müharibəsinə gətirib çıxardı... Azərbaycanın başının üstünü yenidən öz müstəqilliyini itirmək təhlükəsi
aldı.
Belə bir ağır şəraitdə xalqın təkidli tələbi ilə 1993-cü il iyunun 15-də hakimiyyətə qayıdan Heydər
Əliyev qısa müddətdə bütün bu neqativ hallara son qoyaraq hər cür separatçılıq meyllərini aradan
qaldırdı, ölkədə ictimai-siyasi sabitliyi bərqərar etdi, iqtisadiyyatı fəlakətli vəziyyətdən qurtarmaq üçün
islahatlar proqramını işləyib hazırladı və həyata keçirməyə başladı, ölkənin təbii sərvətlərindən xalqın
faydalanması üçün inkişaf etmiş dövlətlərlə çoxsaylı neft müqavilələrinin bağlanmasına, Ermənistanla
müharibədə atəşkəs əldə edilməsinə nail oldu. Azərbaycanın ərazi bütövlüyünün təmin olunması şərtilə
Ermənistanla müharibəyə son qoymaq üçün fəal sülh siyasəti yeritmək mövqeyini bütün dünyaya bəyan
etdi.
Bu siyasət dünya birliyində, beynəlxalq təşkilatlarda rəğbətlə qarşılandı. Hazırda dünyanın ən aparıcı
dövlətləri Azərbaycanın mövqeyini dəstəkləyir və onu müdafiə edirlər.
Digər məsələlərdə olduğu kimi, milli-mənəvi dəyərlər məsələsinə münasibətdə də Heydər Əliyevin
mövqeyi aydın və qətidir: "Müstəqilliyi elan etmək, onun qorunması və möhkəmləndirilməsi
istiqamətində dövlət tədbirləri həyata keçirmək nə qədər vacib olsa da, əsl müstəqilliyi qazanmaq üçün
bu, hələ azdır.
Gərək hər bir insan və xüsusən gənc nəsil müstəqilliyin nə qədər müqəddəs olduğunu bütün varlığı
ilə dərk etsin, onu qorumaq və möhkəmləndirmək üçün hər cür qurban verməyə hazır olsun. Bunun üçün
isə o, ilk növbədə yüksək mənəviyyata malik olmalıdır, xalqımızın milli- mənəvi dəyərləri onun
şəxsiyyətinin mahiyyətini təşkil etməlidir. O, azərbaycançılığın, mənsub olduğu Azərbaycan xalqının
mədəniyyətinin, ədəbiyyatının, incəsənətinin, elminin nə olduğunu dərindən bilməlidir".
Müstəqillik illərində biz dövlət başçımızın bu dəyərli tövsiyələrini rəhbər tutaraq milli-mədəni
irsimizi, tariximizi, milli sənətimizi ideoloji buxovlardan və qadağalardan xilas etmək yolunda çox
uğurlu
addımlar ata bilmişik.
Milli-mənəvi dəyərlərimizə yiyələnməkdə gənc nəslin milli ruhda tərbiyə olunması məsələsi dövlət
başçımız tərəfindən əsas vəzifələrdən biri kimi irəli sürülmüşdür. Dövlət başçımız bu məsələdən bəhs
edərkən belə deyir: "Gənclərimiz milli ruhda tərbiyə olunmalıdır, bizim milli-mənəvi dəyərlərimizin