33
Səttarxan öz silahdaşlarının köməyilə Təbrizin müdafiəsinə qalxmış və
Sədrəzəm Eynüddövlə ilə onun şilləvuranları Rəhim xanla Maku xanın başçılıq
etdiyi silahlı dəstələri Təbrizdən qovmuşdur. Bundan sonra şah, çar polkovniki
Lyaxovu Tehranın hərbi qubernatoru təyin etdi. Səttarxan isə ayıq bir
sərkərdə olduğu üçün Təbrizdə hərbi düşərgə yaratmışdı. Polkovnik Lyaxov
kazak süvarilərindən ibarət böyük bir dəstə ilə Təbrizə hucum edərkən onları
Sərdari-millinin mücahidlərdən ibarət dəstəsi sərrast atəşlərlə qarşıladı.
Lyaxovun kazak süvarilərindən ibarət olan dəstələri böyük itgi verərək geri
çəkilməyə məcbur oldular.
Bu, dünya ictimaiyyətinin diqqətini cəlb edən bir hadisə idi. “Molla
Nəsrəddin” jurnalının mühərrirləri yaxşı bilirdilər ki, İranda əksinqilaba
başçılıq edən Məhəmmədəli şahdır. Buna görə də onlar şahı əsas tənqid
hədəflərindən birinə çevirmişdilər. 1908-ci ildə M.Ə.Sabir ölkənin var-
dövlətini xaricilərin ayağı altına atan Məhəmmədəli şah haqqında belə
yazırdı:
Mən şahi-qəvi şövkətəm, İran özümündür!
İran özümün, Rey, Təbəristan özümündür!
Abad ola, ya qalsa da viran özümündür!
Qanuni-əsasi nədi, fərman özümündür!
Şövkət özümün, fəxr özümün, şan özümündür!
Şahın ordusu mücahidlərə məğlub olandan sonra, Güney Azərbaycanda
inqilabi hərəkata, xüsusilə fədailərin silahlı döyüşlərinə bilavasitə Səttarxan
başçılıq eləməyə başladı. Şah isə nəyin bahasına olursa olsun inqilabi hərəkatı
yatırtmaq istəyir, gah kazaklardan, gah ingilislərdən ibarət dəstələri
Səttarxanın üzərinə göndərir, gah da erməni daşnak Yefremin başçılıq etdiyi
kafirlər ordusunu azərbaycanlalıların üzərinə saldırırdı. Bu qanlı vuruşmalar
dövründə “Molla Nəsrəddin” hadisələrə çox düzgün münasibət bəsləyirdi.
“Molla Nəsrəddin” jurnalının rəhbəri böyük dramaturq və publisist
C.Məmmədquluzadə yazırdı:
34
“Bu günlərdə İranda istibdad və ədalət bərk çarpışır. Yekə bir millətin
dini, namusu, huququ, vətəni təhlükədədir. Kimsəsizlik ucundan ola bilər
ədalət tərəfi basılsın. O vaxt milyonlarca məzlumun dadü-fəryadı, bu
günkündən artıq göylərə qalxacaqdır. Bir udum suya həsrət qalıb, can verən
balaların, qarınları yırtılan ana-bacıların halı Kərbəla vaqiəsindən kənarda
qalmayacaqdır. Bu gün Kərbəla meydanı Azərbaycandakı vətənpərvərlik
meydanıdır. Hər kimin ürəyində bir cüzi din, namus, vətən hissi varsa,
oranın qeydinə qalmalıdır. Axıtmalı qanlarımız, ehsan etməli pullarımız varsa,
gözümüzün qabağında ürək parçalayan Azərbaycan matəmgahı durur.
1
Onu da qeyd etmək lazımdır ki, Məşrutə hərəkatı zamanı Qafqazdan,
əsasən də Quzey Azərbaycandan gələn mücahidlərin yerləşdirilməsində
təşkilatçılıq işləri Xiyabaniyə tapşırılmışdı. Xiyabani eyni zamanda səngərləri
dolaşıb, mücahidləri maarifləndirməklə və ruhlandırmaqla məşğul olurdu.
Mücahidlər Səttarxanın başçılığı ilə çar polkovniki Lyaxovun kazak
briqadasına, ingilis silahlı qüvvələrinə, erməni-daşnak Yefremin polis
dəstələrinə və şah qoşunlarına iki günlük vuruşmada qalib gələndən sonra
iyulun 13-də Tehrana daxil oldular. Paytaxt əhalisi mücahidləri öz xilaskarı
kimi qarşıladı. Bu zaman İran şahı qorxusundan qaçıb rus səfirliyində
gizlənmişdi.
Bu ərfədə İran mətbuat orqanlarından Tehranda çıxan “Sure-İsrafil”,
Rəştdə çıxan “Nəsime-şimal”, “Amuzqar” və başqa qəzetlər bu hadisəni
nikbin əhval-ruhiyyə ilə öz səhifələrində dərc etmişdilər. “Nəsime-şimal”ın
baş redaktoru Seyid Əşrəf Gilani Şimali Azərbaycan mətbuat orqanlarını İran
haqqında daha çox yazmağa, Təbriz mübarizlərini, Səttarxanın tarixi
qəhrəmanlığlarını daha çox tərif etməyə çağırırdı.
Məşrutə hərəkatı alovlanırdı. Hər yandan azadlıq, hüriyyət sədaları
göylərə yüksəlirdi. Rus konsulu vəziyyəti belə görüb Səttarxanı aldatmaq
məqsədilə, ona sülh təklif elədi. Lakin şanlı sərkərdə ona sərt cavab verdi:
1
C.Məmmədquluzadə “Molla Nəsrəddin” jurnalı, №2, 1909.
35
“Biz kimsəyə hərb açmadıq, sadəcə millətimizi, vətənimizi, insan haqlarımızı
mürtəcelərdən qoruyuruq”.
Səttarxanın qətiyyətini görən rus konsulu riyakarcasına iyrənc bir siyasi gediş
eləmək istədi, rus himayəsini qəbul etmək təklifini irəli sürdü.
Səttarxan isə öz növbəsində ona belə cavab verdi: “Mən və
arxadaşlarım özümüzü başqasının bayrağı altında deyil, öz bayrağımız altında
görmək istəyirik”.
Bundan sonra Rusiyadan İran şahına böyük bir ordu köməyə gəldi.
Səttarxana isə Anadıludan kömək gəldi. Xəlil bəy başına bir dəstə toplayıb
Səttarxanı müdafiə elədi.
Lakin həyatın amansız bir hökmü var: düşmən sayca çoxdursa, azın
məğlubiyyəti labüddür. Şahın Çar Rusiyası ilə birləşən qüvvələri Məşrutə
hərəkatını qan içində boğdu. Edamlar, qətllər, hüriyyət yolunda şəhid
olanların qızıl qanı naləyə, fəryada dönüb ərşə yüksəldi. Azəri xalqının
hüriyyət istəyi beləcə boğuldu.
Məşrutə hərəkatının qızğın dövründə Xiyabani “Əncüməni-milliyi-
Təbriz”ə üzv seçilmiş, 1909-cu ildə işə başlayan II çağırış Məclisə millət
vəkili seçilmişdi. Bu Məclis “Şah Bankı”ndan 250000 funt kredit alıb hərbi
islahat çərçivəsində jandarm təşkilatı yaratmaq üçün İsveçdən iki zabit
gətirmişdi. Maliyyə sistemini islah etmək məqsədilə, amerikalı Morqan
Şusterin başçılığı ilə, iki maaliyə mütəxəssisi də İrana dəvət olunmuşdu.
Bütün bunlar ölkədə yeni bir islahat dönəminin başlandığını göstərirdi.
İslahatçıların qarşısındakı İran bu şəkildə səciyyələndirilə bilər: rus əsgərləri,
xüsusən Güney Azərbaycanda əhəmiyyətli təsirə malik idilər; idari işlərdə
başıpozuqluq hökm sürürdü; məşrutə hərəkatı başlayandan sonra feodallar
dövlətə vergi ödəməyi dayandırmışdılar; dövlət iqtisadi böhran içində idi;
ölkədə insanların malının və canının təhlükəzliyi təmin olunmurdu.
II çağırış Məclisdə siyasi partiyalar rəsmiyyət qazanmışdılar və iki
partiya ortaya çıxmışdı. Bunlardan biri inqilabçı və demokrat təmayüllü
“Demokrat-amiyun” (Demokrat Partiyası), digəri isə “İctimaliyun-Etiqaliyun”
Dostları ilə paylaş: |