120
aradan qaldıra bilər. Hər bir obraz yaşına, ictimai və fərdi mövqeyinə,
sosial və dini hadisələrə münasibətinə görə danışdırılmışdır. Müəllif
tarixi hadisə və obrazları bədii ədəbiyyata gətirərkən dilin leksik-
frazeoloji, struktur-semantik imkanlarından öz yazı manerasının
hüdud və tələblərinə uyğun şəkildə faydalanmışdır.
Bütün bunlar zəmanət verir deyək ki, ”Xudafərin körpüsü”,
anadan olmasının 500 illiyi günlərində, gözəl şair, qüdrətli dövlət
başçısı Şah İsmayıl Xətainin xatirəsinə, 500 il əvvəlki babalarımıza,
500 il əvvəlki mədəniyyət və tariximizə qiymətli hədiyyədir.
1985
121
SİZİNLƏ BİRGƏ
Şair qəlbi nurlu olur. Həqiqi şair dünyanı işıq selində, işıq
içində görür. Sevimli şairlərimiz Rəsul Rzanın və Nigar Rəfibəylinin
qəlbi və həyata baxışı da daim nurlu olmuş, onların hər biri öz
mənəvi-insani keyfiyyətləri, yüksək yaradıcılığı ilə qəlbimizdə əbədi
məskən salmış, hər biri könüllərə işıq saçan əbədi xatirəyə çevrilmiş-
dir. Anarın yaxın vaxtlarda oxuculara təqdim etdiyi ”Sizsiz” povesti
bu iki işıqlı sənətkarın xatirələri ilə bağlı bir çox sirlərin qiymətli
açarıdır.
Xalq şairi Rəsul Rza yaşadı və bir şair kimi, bir vətəndaş kimi,
bir ictimai xadim kimi cəmiyyətdə əbədi iz qoydu. Onu tanıyanlar
tanıdılar, tanımayanlar, şəxsən görməyənlər əsərlərindən və ”Sizsiz”
povestindən tanıdılar. Anar gözəl bir üslubda yazdığı bu əsərlə 30 il,
60 il əvvələ, hətta bəzən sənədlərin dili ilə daha uzaqlara getsə də,
xatirə-povest daha çox R.Rza və N.Rəfibəyli ömrünün son 20 ilini,
illərin üzərinə gəlib tarixə çevrilmiş son 20 pilləni əhatə edir.
R.Rza və N.Rəfibəylinin yüz gün ərzində bir-birindən xəbərsiz
”öz çöl dünyalarına” göz yummaları nə qədər kədərlidirsə, ”Sizsiz”in
yaranması bu kədəri dəf etmək yolunda bir təsəlli kimi o qədər vacib
idi. Biz onlardan ayrılan kimi, yenidən onlara qovuşduq; o qədər də
uzaqlaşmamış, yenidən onlarla görüşdük, şair ömrünün fərdi və bəşəri
keyfiyyətləri ilə daha yaxından tanış olduq.
”Sizsiz” təsirli bir dil ilə yazılıb; vətənini məhəbbətlə sevən,
varlığı, onun yaxşısını, pisini dərin-dərin duyub düşünən, öz içəri
dünyasından keçirən bir vətəndaş duyğusu ilə, daxili yanğı ilə, olub-
keçənləri, bütün ağrılarına dözərək, dərin qatlardan qaldırmaq yolu ilə
yaradılıb. Adi vaxtlarda ailə yazışmaları, bədii sitatlar, epistolyar üs-
lub nümunələri yorucu ola bilərdi, lakin povestdə hadisələr düzümü
elə əlaqələndirilmiş, hər iki şairin həyatı ilə bağlı detallar elə hərəkətə
gətirilmişdir ki, elə bil, acılı-şirinli əziz xatirələrini oxuyursan. Üzdən
nəzər salmaqla nə məqsədlə, hansı şəraitdə yazıldığı elə bir maraq
doğurmayan Rəsul və Nigar şeirlərinin təsir mənbəyi, mayası ay-
dınlaşır, şair duyğusu, şair istəyi, şairin məhəbbəti, qəzəb və nifrəti,
şair qəlbinin iztirab və həyəcanları oxucunu riqqətə gətirir. ”Sizsiz”
bir daha təsdiq edir ki, böyük adamların dərdi də böyük olur. R. Rza
və Nigar xanım hamar yolla getməmiş, kəskin mübarizələrlə dolu
həyat yolu keçmişlər. R. Rza dəfələrlə təmkinli və qüdrətli şair qələmi
ilə ədalətsiz hücumları dəf etmişdir. ”Rənglər” silsiləsindən olan
şeirlərinə qarşı bu cür hücumlara məntiqi poetik cavabları hələ o
122
vaxtlar biz gənclərdə dərin təsir oyatmışdı. İlk Azərbaycan ensik-
lopediyasının yaranması uğrunda böyük cəsarət, əmək və coşqunluqla
iş aparırdı. Rəsul Rza həmişə yeni fikir, düşündürən söz söyləməyə
çalışmış və buna görə də oxucu təfəkkürünün qapalı qapılarının açıl-
masında xüsusi xidmət göstərmişdir.
Anar xatirə-povesti qələmə alarkən həqiqətə sadiq qalacağını
bildirmiş, buna ciddi əməl etməklə, fakt və hadisələrin real məntiqi
təsviri ilə oxucunu hadisələr axarına sala bilmişdir. Əsərdə kədər də,
sevinc də, göz yaşı da, gülüş də, nifrət də, hörmət də, əsəbilik də, mü-
layimlik də, qəzəb də, məhəbbət də, səbirsizlik də, təmkin də, böyük
ata, qayğılı ana, sevgili övlad münasibətlərinin əks qütblü kom-
ponentləri kimi hər biri öz yerindədir. Lakin bu da bir həqiqətdir ki,
insan öz içəri dünyasından keçənlərin hamısını olduğu kimi əhatə edə
bilmir. İçəri dünyanın bir günlük həyatı cild-cild kitablara sığmazdı.
Buna görə də povestin müəllifi, təbii olaraq, əsas xəttin, əsas cizgilərin
obyektiv ifadəsinə çalışmış və buna nail olmuşdur.
Povest Anarın özünün də bir insan, bir şəxsiyyət, bir yazıçı
kimi ”içəri dünyası”nı əks etdirir, onun cəmiyyətə, varlığa, insan
hisslərinə, ətraf mühitə münasibətini aşkara çıxarır: ”... çöl dünyamız-
dan içəri dünyamıza gəlmək istəyən hər yeni insanı, ideyanı, təəssüratı
sərhəddə çək-çevirə salırıq, yüz ölçüb-bir biçirik - bu gələn kimə
bənzər, bu gələn nəyə bənzər?” Rəsuldan və Nigar xanımdan yaza-
yaza, nadanlığı, riyakarlığı, yaltaqlığı, əyriliyi - R.Rzanın daim döyüş-
düyü qeyri-kamillik əlamətlərini yazıçının içəri dünyası qəzəblə qarşı-
layır, nifrətlə qırmanclayır. İnsan təbiəti, insanın mənəvi-psixoloji
aləmi təsəvvür etdiyimizdən qat-qat dərindir, mürəkkəb və
ziddiyyətlidir; bu dərinliyə, bu mürəkkəbliyə enə bilmək, bu ziddiy-
yətlərin kökünü göstərmək, onu, onun naqis cəhətlərini hərtərəfli dilə
gətirmək olduqca çətindir, insan ömrünə ”balta çalan” bu ”dibi
görünməz uçurumlar”ın dibinə çatmaq qeyri-mümkündür: ”İçərimizdə
dibi görünməz uçurumlarımız, yarğanlarımız, quyularımız da var. Elə
dərinliklərimiz var ki, onların dibinə bəlkə də insan heç zaman çata
bilməyəcək; içərimizdə çala-çuxurlarımız var, keçilməz
cəngəlliklərimiz var, göz-gözü görməyən zülmətlərimiz var. Və elə
insan ömrünə balta çalan da bu çala-çuxurlar, bu cəngəlliklər, bu
zülmətlərdir.” Bu sözlər insanın cəhalətini, bu cəhalətin dərinliklərini
elmi, fəlsəfi və psixoloji baxımdan çox dürüst ifadə edir.
”Sizsiz”də toplanmış xatirələr oxucunu ”Heç bir qüvvə, heç
bir möcüzə ilə geri dönməyəcək” baxışlar, gülüşlər, sevinclər,
mübarizələr, sözlər, fikirlər dünyasına aparır, fərəhlilər fərəh gətirir,