111
çalışmışdır.
Babək vətənin müstəqilliyi uğrunda ərəblərlə 20 ildən artıq
qanlı müharibələr apardı. İnsanın mənəvi kamilliyi uğrunda
mübarizədə Nəsiminin dərisi soyuldu. ”Nahamvar” Azərbaycan şeir
dilini şam kimi əriyərək Füzuli zirvəyə qaldırdı...
Şah İsmayılda bunların hamısı vardı. O, insanın mənəvi
kamilliyi, vahid ölkə - vahid hakimiyyət işini, Azərbaycan dilinin
hüdudsuz imkanlarını üzə çıxarmaq, ona rəvac vermək ideyasını
vəhdətdə götürürdü. Səfəvilərin kamil ”batin” əqidəsi, ideya və inamı
vahid Azərbaycan idi - Azərbaycan torpaqlarını, Azərbaycan
mədəniyyətini birləşdirmək, vahid şəklə salmaq, bütöv görmək arzusu
idi. Birləşməli olan Azərbaycan torpaqlarını ayıran sərhədlər Arazın
üzərindəki Xudafərinin sağ və sol sahillərində nəfəs-nəfəsə dayan-
mışdı. Bu sərhədləri yox etmək, körpünü vətən övladlarının üzünə
açmaq, onu işlək yola çevirmək tarixin qarşıya qoyduğu ən mühüm
vəzifə idi və İsmayıl bunu çox yaxşı başa düşürdü. Elə buna görə də
”Xudafərin körpüsü”ndə Xudafərin həm müstəqim, həm də məcazi
mənada - Səfəvilərin ”batin” əqidəsinin məna özəyini təşkil edən bir
vasitə kimi verilmişdir.
Əsər boyu Səfəvilərin ”batin” əqidəsi, bu əqidə uğrunda
mübarizənin gedişi ilə tanış oluruq. Səfəvilərin tarixi məqsədini, hə-
yata keçirmək istədikləri ideyanı müəllif qırx ilə qədər hakimiyyətdə
olmuş Şirvanşah Fərrux Yasarla gənc İsmayılın eyni məsələ barədə
fikirlərini qarşılaşdırmaqla daha obrazlı ifadə etmişdir. Fərrux Yasar
Gödək Əhmədin öldürülməsindən istifadə edərək Azərbaycan tor-
paqlarını parçalamaq, dağıtmaq, Şirvan torpaqlarını Qarabağ hesabına
genişləndirmək istəyir: ”Mənə Qarabağ lazımdı, cəhənnəm olsun
Qaradağ, cəhənnəm olsun Təbriz, cəhənnəm olsun Ərdəbil, Əhər, Mi-
şkin, Marağa, Xoy, Mərənd.” Bunlar ”qoca siyasətçi”nin daxili
düşüncələridir. Vətənə xain olan əksər feodal hakimlər əsrlər boyu bu
cür düşünmüşlər. Bir ölkəni, bir məmləkəti, bir xalqı birləşdirmək
yox, parçalamaq, qarət etmək, qardaş qırğınları hesabına öz sərvətini
artırmaq, torpaqlarını genişləndirmək!. .
On üç yaşlı İsmayılın niyyəti tamamilə başqadır. İlk yürüş
zamanı körpünün tağlarını sayaraq, Xudafərin üzərində müqəddəs
düşüncələrə dalır: ”Bu tağlar mənim yaşım qədərdi. Görünür, bu,
yaxşı əlamətdi. İlk dəfədir ki, Xudafərindən keçirəm. Bu yol həmişə
açıq olsun. Qaradağ Qarabağa, Qarabağ Şirvana qarışsın. Mən bütün
qapıları açmağı özümə məqsəd seçmişəmsə, Xudafərin körpüsü də
açıq olar inşallah.” Fərrux Yasarın fikirlərinin əksinə olaraq,
112
Xudafərini uçurub-dağıtmaq yox, işlək yola çevirmək, Təbrizdən
Dərbəndə qədərki Azərbaycan torpaqlarını birləşdirmək İsmayılın əsas
arzusudur. O, bu arzunu həyata keçirmək üçün qızılbaş bayrağı altında
on beş il gecə-gündüz qılınc çalır, Şirvanı, Dərbəndi, Bakını, Qarabağı
Azərbaycanın cənub vilayətləri ilə birləşdirərək qüdrətli bir dövlət
yaradır.
Şirvandan başlamaq, Şirvanı Azərbaycanın cənub vilayətləri
ilə birləşdirmək Səfəvilərin daim ümdə məqsədi olmuşdur. İsmayılın
babası Cüneyd də, atası Şeyx Heydər də öz canlarını bu yolda qurban
vermişlər. Azərbaycanın birliyini Şirvansız təsəvvür etmək qeyri-
mümkün olduğu üçün İsmayılın da ilk yürüşü bu torpaqlara olur.
Qüdrətli və tədbirli gənc sərkərdə bilirdi ki, Şirvanşahlar dövlətini
təslim etdikdən sonra digər əraziləri birləşdirmək nisbətən asan ola-
caqdır.
İsmayıl tarixin qarşıya qoyduğu vəzifəni - ulu babalarının mü-
qəddəs arzusunu həyata keçirmək üçün fanatik müridlərin köməyinə
arxalanmalı olur. Dinin, fanatizmin ağılları əsir etdiyi bir dövrdə yal-
nız güclü bir inanc əsasında qüvvə toplamaq mümkün idi. Bu inanc
hələ ata-babalarının vaxtından beyinlərdə yer eləmiş qızılbaş-şiə
təriqəti oldu. İsmayıl şəraiti, insanların düşüncəsini, əqidə məsələlərini
real qiymətləndirərək, şiəlikdə Azərbaycanın müstəqilliyini görürdü:
”Sünni olmağa mən heç vaxt razılaşa bilmərəm. Günbatanda Bəyazid
bizi öz içində əridər.” Elə buna görə də hakimiyyəti ələ alan kimi,
”evin içi”ndən başlayır, ilk növbədə Təbriz camaatını şiəliyə dəvət
edir. Sonralar ölkəyə bədbəxtliklər gətirmiş sünni-şiə məsələlərindən
İsmayıl ciddi addım zamanı ordusunu, tərəfdarlarını çoxaltmaq üçün
istifadə edir, mövcud şəraitdə belə bir vasitəyə arxalanmadan iş
görməyin mümkün olmadığını yaxşı dərk edir.
İsmayılın qələbəsində şeyx nəslinin - ulu babalarının nüfuzu
az iş görməmişdir. Müridlərin düşüncə və inamını nəzərə aldığı
üçündür ki, onları Şirvan üzərinə yeridərkən özünün əsl böyük
niyyətini deyil, Şirvan hakimlərinin şeyx nəslinə düşmən
münasibətini, təriqət uğrunda mübarizəni ön plana çəkir: ”Mən babam
Şeyx Səfiyəddinin batin əqidəsini açsam, bu özünü ölümə verənlər
məni daşqalaq eləyər, hamısı üz döndərər. Baxmayaraq o əqidə daha
gözəl, insanlar üçün daha vacibdi. Bu qədər tayfaların fikrini bir
eləmək naminə gərək onları bir təriqətdə birləşdirək.” İsmayıl düz
fikirləşir: tarixin irəli sürdüyü vəzifəni yerinə yetirmək üçün o,
müəyyən bir inanca arxalanmalı idi, əks təqdirdə, müridlərin hər biri
tarixin gedişini onun qədər dərk etməli idi ki, bu da mümkün deyildi.
113
Elə bu əqidə ilə də İsmayılın məsləkdaşları güclü və sarsılmaz
bir ordu yarada bilirlər. Bu ordunu təşkil edən müridlər İsmayılın yol-
unda duran güclü maneələrə qarşı on iki qırmızı dilim papaq ba-
şlarında, bir əllərində sufi-qızılbaş bayrağı, bir əllərində sivri qılınc
ölüm-dirim mübarizəsinə atılırlar.
İsmayıl tarixdə olduğu kimi, romanda da ağıllı və istedadlıdır.
Yaşının az olmasına baxmayaraq, o, müdrik qoca müridləri mat qoya-
caq bir zəka sahibidir. Düzdür, Hüseyn bəy Lələ, Dədə bəy, Qara Piri
bəy, Bayram bəy, İlyas bəy, Əbdi bəy, Xadim bəy, Nəcməddin Gilani,
Zəkəriyyə Keçəçi kimi dostlar, sərkərdələr, vəzirlər ona məsləhətlər
verir, onu istiqamətləndirməyə çalışırlar, lakin o yalnız məsləhətlərin
əsiri deyildir: onun öz mühakiməsi, hadisələrdən nəticə çıxarmaq, həm
də düzgün nəticə çıxarmaq qabiliyyəti vardır. O böyük yolun ba-
şlanğıcında - ilk yürüşlərindən birində Şirvanı təslim edib, Gülüstan
qalasını xeyli müddət ala bilmədikdə, bu onun tarixi Sözüdür ki, ro-
mana da daxil edilmişdir: ”İndi mən sizdən soruşuram: bizə hara
lazımdı? Gülüstan, ya Azərbaycan?” Bu sözlər Hüseyn bəy Lələnin
də, qoşun başçılarının da ağlını işıqlandırır. Müridləri hərəkətə gətirən
də onun bu qabiliyyəti, qorxmazlığı, igidliyi, uzaqgörənliyidir. Oxucu
görür ki, qılınc çalıb ad çıxaran sərkərdələr Kür çayını keçməyə cürət
etmədikdə, birinci o özü atını çaya salıb o taya keçir və ordunu
cəsarətləndirib ardınca aparır.
F.Kərimzadə Şah İsmayılın fəaliyyətinin hər anını
mənalandırmağa çalışmışdır. İsmayıl şahlıq taxtına çıxsa da, qızıl tax-
tın üstündə çox oturmur. Bu cəhəti yazıçı yaxşı işləmiş və İsmayılın
düşüncələrinin məntiqini ustalıqla əsaslandırmışdır. Şirvanşah Fərrux
Yasarı məğlub edib qayıtdıqdan sonra İsmayıl hər tərəfdə güclü
düşmənlər görür. Günbatanda Sultan Bəyazid kimi qüdrətli hökmdar,
Diyarbəkrdə Əlvənd Mirzə məqam gözləyir; Şirazı, İsfahanı, Bağdadı
Murad Mirzə əldə saxlayır. Heç Şirvanda da işlər tam qaydasında
deyil. Ətraf dövlətlərin hakimləri siyasət xatirinə onunla hesablaşmalı
olsalar da, onu ”uşaq”, ”dərviş” adlandırır, hələ möhkəmlənməmiş
qızılbaş hakimiyyətini beşikdə ikən məhv etmək üçün tədbirlər hazır-
layırlar. Hələlik təkcə Azərbaycan
*
Səfəvilərin hökmranlığı altındadır.
Şah İsmayıl yaxşı başa düşür ki, azərbaycanlıların yayıldığı, yaşadığı
əraziləri birləşdirməsə, ölkə bir olmasa, onun qüdrətindən, gücündən
danışmağa dəyməz. Bu tarixi vəzifəni yaxşı dərk etdiyi üçün İsmayıl
*
«Àçÿðáàéúàí» äåäèêäÿ òàðèõÿí Úÿíóáè Àçÿðáàéúàí ÿðàçèëÿðè íÿçÿðäÿ òóòó-
ëóð.
Dostları ilə paylaş: |