114
taxtda oturmaqdan çəkinir. Çəkinir ki, taxtda oturmaqla arxayınlaşar,
ata-babaların ona tapşırdıqlarını yerinə yetirə bilməz, vətəndə yadlar,
yağılar at oynadar. İsmayıl yaxşı başa düşür ki, babalarının istəyini, öz
arzularını, tarixin istəklərini həyata keçirmək üçün o, heç vaxt rahat
olmamalıdır və olmayacaqdır: ”Onun yeri anadan olandan bəri nə
qədər narahat idisə, indi də elə narahat olmalıdır. Bir ana bətnində ra-
hat olmuşdu, bir də bu fani, vəfasız dünyadan köçəndən sonra rahat
olar.” İsmayıl bilir ki, o, günlərini döyüşlərdə, at belində keçirməli,
böyük əqidə yolunda daim qılınc çalmalı və hər dəqiqə pərvanə kimi
özünü oda atmağa hazır olmalıdır. Az müddət ərzində babası Uzun
Həsənin hakimiyyəti altında olmuş torpaqları qılınc gücünə geri alır.
Gənc və qüdrətli şah özünü fiziki cəhətdən hazırlamaqdan çəkinmir -
pələnglə döyüşmək qüdrətinə malik olduğunu nümayiş etdirir. Mənəvi
cəhətdən də son dərəcə saf və təmizdir - bu cəhətdən bütün feodal
hakimlərindən fərqlənir. ”Əxlaq pozulubsa, o səltənəti heç nə qurtara
bilməz” deyə, Sultan Bayqaranın timsalında əxlaqsız hakimlərin
ölkəyə necə böyük ziyan vurduğunu söyləyir.
İsmayıl həm də şairdir, ”Xətai” təxəllüsü ilə Azərbaycan
dilində gözəl şeirlər yazır, öz eşqini, istəyini, vətən məhəbbətini incə,
lirik şeirlərlə dilə gətirir, təriqət ideyalarını şeir dili ilə təbliğ edir.
Əsərdə tarixi şəxsiyyət və hadisələrdən, qədim toponim və
etnonimlərdən bəhs edilərkən bəzən onların bədii-etimoloji təhlili də
verilmişdir. Bunların bir qismini elmi baxımdan da ağlabatan saymaq
olar. Bəzən ”Xəta” tayfa adı ilə bağlı izah edilən Xətai təxəllüsü İs-
mayılın öz dilində müəllif tərəfindən belə mənalandırılmışdır: ”Mirzə
Əli, mən anadan olanda dünyaya yox, xətalar içinə düşmüşəm. Bunu
hamı bilir. Amma həmişə mənə bir hikmətli səs deyir ki, bu xətaların
hamısından çıxacaqsan. O xəta sözü taleyimdə yox, gələcək
ləqəbimdə qalacaq.” Xətainin sözləri onun öz taleyini həqiqətə uyğun
səciyyələndirir.
F. Kərimzadə Şah İsmayılın bir sıra mənəvi keyfiyyətlərini
(elə keyfiyyətlər ki, onların yoxluğu bəşəriyyətə indi də bəlalar gətirir)
yüksək səviyyədə əks etdirə bilmişdir.
İsmayıl rüşvətin, rüşvətxorluğun, əliəyriliyin, əqidəsizliyin,
vətənsizliyin düşmənidir. O, ölkənin qazısı və sədri Məhəmməd
Kaşini, ”biz rüşvəti dara çəkməliyik”, - deyə, aldığı rüşvətlə - qızıl
pullarla birlikdə asdırır, bu murdar pulları yoxsulların zəhmətilə
qazanılmış xəzinə pullarına qarışdırmağı rəva bilmir. Məhəmməd
Kaşinin xəyanətini aşkar edən kimi, ayıq olmadıqları üçün dərhal son
dərəcə sədaqətli olan Hüseyn bəy Lələni əmiri-üməra, Dədə bəyi
115
qorçubaşı vəzifəsindən azad edir. Ölkənin müxtəlif yerlərindən,
müxtəlif tayfalardan - Qacarlar, Bayandurlar, Bəydillilər, Zülqədərlər,
Şamlılar, Təkəlilər, Bayatlar, Ustaclılar arasından gəlib qızılbaşlara
qoşulan Dədə bəy, Qara Piri bəy Qacar, Şeyx Nəcməddin Gilani,
Zəkəriyyə Keçəçi, Əbdi bəy, Dəli Dovraq kimi ağıllı, igid, tədbirli
adamlara arxalanır, onlarla məsləhətləşir, lakin onların heç bir yanlış
hərəkətinə, səhvinə güzəşt etmir, göz yummur. Ən yaxın
məsləkdaşlarını ölkənin ən təhlükəli mövqelərində yerləşdirib, o
yerlərin hakimi təyin edir, qalalar tikdirir, ölkənin müdafiə qüdrətini
daim artırır. Əqidəsizliyi, gündə bir padşaha qulluq göstərdiyi üçün
Xorasanın məşhur qazısını dar ağacından asdırır.
İsmayıl eyni zamanda mehriban və qayğıkeşdir. Murada qay-
ğısı, Taclıbəyimə, Bəhruzəyə məhəbbəti, Bağdadda tapdığı kənizləri
Səkinəyə mehribanlığı, necə olur-olsun onu sağaltmaq cəhdi şahın xa-
rakterinin insani cizgilərini əks etdirir. Lələni vəzifədən götürsə də,
unutmur, halını-vəziyyətini soruşur, qəlbinə dəyib-dəymədiyini bil-
mək istəyir; ümumi əqidə uğrunda mübarizədə öz sərtliyinə bəraət
qazandırsa da, heç kəsin əməyini itirmir. ”Vətəni qoruyarlar, vətən
olar”, - deyən İsmayıl özü bu müdrik kəlamının ardıcıl icraçısı kimi
fəaliyyət göstərir.
Romanın ikinci kitabında çox ibrətamiz bir əhvalat təsvir
edilmişdir. Bəyazid elində üsyan edən şiələrə divan tutulur və onların
doqquz nəfəri güclə qaçıb Təbrizə - uğrunda canlarını fəda etdikləri
şaha pənah gətirirlər. Ənam gözlədikləri halda, şah dərhal onların əl-
qolunu bağladır və dara çəkilmələrini əmr edir. Heç kəs onu bu
fikirdən daşındıra bilmir. Qərarının düzgünlüyünü yalnız o özü başa
düşür: ”Axı bu fərarilərə, doğma torpaqlarını qoyub qaçanlara bundan
əskik cəza versə, onda Xorasandan da, Bağdaddan da onun dili bir,
qanı bir qardaşları qaçıb gələr. Yurd, torpaq özgələrə qismət olar. Nə
vaxta qədər bu millət öz canının qorxusundan vətənini, torpağını atıb
qaçacaq... Mən hələ fərman verməliydim ki, onların meyitlərini də
aparıb gəldikləri torpağa basdırsınlar.” Vətən və millət, doğma torpaq
naminə ən ədalətli hökmdür və tarix boyu unudulmamalıdır. Bu gün
daha müasirdir.
Şah İsmayıl müdrik, hazırcavab və tədbirlidir. Şeybani xanın
yüsür təsbeh və dərviş köşkülü göndərməklə onu təhqir etmək
istədiyini başa düşən kimi, Bəyaziddə şahzadələrin çəkişməsini, Bağ-
dadın və Şirazın yenidən alınmasını əsas tutaraq, dərhal onunla qəti
döyüşün yetişdiyini qərarlaşdırır. Şeybani xanla döyüşdə incəsənətin
gücündən istifadə edir. Özünü peyğəmbərin xəlifəsi hesab edən bu
116
qoca və qəddar hökmdarı son dərəcə məharətlə düşünülmüş bir taktika
ilə məhv edir. O, sakit və ağıllı qonşulara hörmət edir, onu vadar
etməyincə qardaş qanı tökmək istəmir.
Son döyüşdə şahın igidliyi, düşmənin güclü sərkərdələrini qıl-
ıncla doğraması, ağır toplar və tüfənglər qarşısında, qeyri-bərabər dö-
yüşdə cəsarəti, hiylə əl atmadan böyük rəşadətlə, mərdliklə açıq dö-
yüşə girməsi onun qüdrətli bir dövlət başçısı, gözəl bir şair olmaqdan
əlavə, həm də həqiqi bir qəhrəman olduğunu göstərir.
Şah İsmayılın mühüm keyfiyyətlərindən biri də yüksək sənət
adamlarını qiymətləndirməsi, himayə etməsi, onlar üçün şərait yarat-
masıdır. O, Sultan Məhəmməd, Behzad, Fransisko kimi rəssam və
nəqqaşları, Həbibi, Qurbani kimi söz, saz ustalarını ətrafına toplayır,
onlara qayğı göstərir, bərk ayaqda onların düşmən əlinə keçməməsi
üçün tədbirlər görür. Şairlər məclisində şəxsən iştirak edir, Həbibi,
Kişvəri, Süruri, Şahi, Tüfeyli, Matəmi, Nəqqaş kimi sənətkarları
dinləyir, öz şirin bayatıları, Qurbaninin xalq ruhundan süzülüb gələn
qoşmaları ilə onlara istiqamət verməyə çalışır, Qurbanini nümunə
gətirməklə, daha sadə, daha xəlqi bir dildə yazmağa çağırır. Onu da
qeyd edək ki, romanın ”Çaldıran döyüşü” hissəsində ədəbiyyatımızda
ilk dəfə olaraq Qurbaninin bədii obrazı yaradılmışdır. Müəllif Qurbani
yanğısını, Qurbani sözünün qüdrətini, Qurbani sazının təsirini çox
gözəl əks etdirə bilmişdir.
M.Arif vaxtilə yazırdı: ”Oxucular bizdən xalqımızın tarixini və
müasir həyatını bütün ictimai, milli, psixoloji keyfiyyətləri ilə əks
etdirən real, canlı, tipik xarakterlər tələb edirlər; xalqımızın mədəni ink-
işafını özündə əks etdirən məharətlə ümumiləşdirilmiş cazibədar
surətlər tələb edirlər.” Bizə elə gəlir ki, F.Kərimzadə yazıçıların qarşıs-
ında duran bu cür tələblərə diqqət və məsuliyyətlə yanaşmış, tipik
xarakterlər, cazibədar obrazlar yaratmış, İsmayılın mühitini göstərmək
üçün dövrün bir sıra hakimlərinin - Sultan Yaqub, Bəysunqur, Rüstəm
Mirzə, Gödək Əhməd, Fərrux Yasar və başqalarının ictimai-siyasi
mövqeyini əks etdirən tarixi-bədii icmallar verməli olmuşdur.
Romanda Uzun Həsənin tarixi xidmətlərinin təsviri və
görkəmli Ağqoyunlu sərkərdəsinə müəllif münasibəti rəğbət doğurur.
Bu nəhəng adam öz ağlı, bacarığı, hakimlik və sərkərdəlik qabiliyyəti
ilə yaddan çıxmır. O, öz qılıncının qüdrəti ilə ”Dərbənddən başlamış
Bağdada, Diyarbəkrdən tutmuş Xorasana qədər” böyük bir ərazidə
Azərbaycan torpaqlarını birləşdirmiş, güclü Ağqoyunlu sultanlığı
yaratmaqla Səfəvilərin böyük arzusu üçün zəmin hazırlamışdır. Uzun
Həsənin uğurlarında anası Sara xatunun - azərbaycanlı ilk diplomat
Dostları ilə paylaş: |