81
bədənə sərbəstlik üçün şərait yaranmasına imkan verən ruhdur və
ona görə də son məsuliyyət ruhun üzərinə düşür. Düzdür, burada
ruhun mübarizliyi əsas şərtlərdən biri, ruhun normallığı ondan da
əsas şərtdir, lakin ruhun mübariz olması üçün insan, ruhi vasitəylə
öz gündəlik hal yaşantılarından duyduğu nəticəyə görə ağılla ən
düzgün yol seçməlidir.
Ruhun gücü ilə ağıl hərəkətə gəlir, ağılın seçdiyi yola varlıq söz-
süz əməl edir, yalnız bir şərt istisnalıq təşkil edir: bədənin fiziki im-
kanları. Lakin ağılla idarə olunan hər şey öz qaydasınca olur. Bəzən
bu qaydanı daha böyük səbəblərlə qarşılaşanda pozmaq cəhdləri də
olur, ancaq bu mümkün deyildir, çünki o qaydanı nizamlayan ən
ali varlıq ən kamil ağıla malikdir və ən böyük ağıl sahibinin niza-
mının əksinə getmək ağılsızlıqdır, bu mümkün də deyildir. Bəzən
belə hallarda, yəni insanların məhdud düşüncələri və laqeydliyi nə-
ticəsində, hər hansı bir səbəbdən Yer kürəsində böhranlı vəziyyət
yarananda yad varlıqların peyda olması çoxalır. Çünki bizdən daha
ağıllı varlıqlar hiss edirlər ki, Yer kürəsindəki böhranlı vəziyyət ha-
radasa kainatda ümumi tarazlığın pozulmasına
səbəb olar və bu da
onların gələcək həyatı üçün təhlükə törədə bilər. Həm də buradan
belə bir nəticə də aydın olur ki, daha az dərkə malik olan varlıqlar
daha çox dərkə malik olan varlıqların nəzarəti altındadırlar. Demə-
li, həyat sadədən mürəkkəbə doğru keçdiyi təkamül prosesində özü
üçün mürəkkəbdən sadəyə doğru bir təkamül prosesi hazırlayır.
Lakin ən böyük idarə edən ən ali varlığa məxsusdur. Bu idarəçilik
zəminində insan orta mövqedə dayanır. Lakin buradan belə bir nə-
ticə meydana çıxa bilər ki, idarə edən idarə etdiyini fiziki cəhətdən
həmişə mənimsəyir, bu maddiliklə bağlı bir haldır, özü də sadədən
mürəkkəbə doğru getdikcə təcavüzkarlıq meyli azalır. Ən ali varlıq
isə ən ədalətlidir.
Səmalılar imkan daxilində insanlardan uzaq olmağa çalışırlar.
Bunun bir neçə səbəbləri var. Əsas səbəb insanlarla səmalılar ara-
sındakı dərk fərqidir. Səmalılar daha geniş imkanlara və texnologi-
yaya malik olduğundan onların Yer kürəsindəki müəyyən hərəkətlə-
ri və fəaliyyəti insanlar arasında vahimə, heyrət və təəccüb doğurur.