Salman Süleymanov
8
orduları Çaç, Fərqanə və Kaşğara qədər irəliləyir. Beləliklə, artıq 715-ci ilə qədər
xilafət ərazilərinə qatılan bu torpaqlarda artıq Әrəb xilafəti bütün öz dövlətçilik üsul-
idarəsilə kök salmağa başlayır. Təbii ki, bu dövlətçiliyin tərkibinə mədəniyyət, elm,
təhsil də daxil idi və xilafət siyasətinin bir qolu kimi inkişaf edirdi. Lakin tarixi
mənbələr ərəblərin xilafətin başqa yerlərində olduğu kimi, bu ərazilərə də Әrəbistan
yarımadasından ərəblərin köçürüldüyünü qeyd etməkdədirlər. Beləliklə, bu
ərazilərdə də ərəb mədəniyyəti, müqəddəs Qurani-Kərim yayılır, mədrəsələr,
məscidlər tikilir, ərəb dünyasından gətirilən kitablar əl-əl gəzir və ərəb mədəniyyəti,
ərəbdilli mədəniyyət, müsəlman mədəniyyəti bütün genişliyi ilə inkişaf edirdi. Bu
mənada, təbiidir ki, bu mədəniyyətin yayılması və inkişafı nəticəsində sonralar bu
xalqlar arasından əl-Farabi, əl-Biruni, İbn Sina, əl-Xarəzmi və s. kimi görkəmli
şəxsiyyətlər çıxmış və nəinki ərəb mədəniyyətinə, Şərq mədəniyyətinə,
ümumiyyətlə, dünya mədəniyyətinə əvəzsiz xidmətlər göstərmişlər. Maraqlıdır ki,
bu dahi şəxsiyyətlərin böyük əksəriyyəti türkdilli xalqlara mənsub olmuşdur. Bu
mənada, bir qədər sonra, XI əsrdə yaşayıb-yaratmış, böyük türkoloq Mahmud
Kaşğarini də xüsusi qeyd etmək lazımdır. Belə ki, tarixi mənbələrin verdiyi
məlumata görə Mahmud Kaşğari XI yüzilliyin əvvəllərində Әrəb xilafətinin ən
ucqar nöqtələrindən biri olan, Çinlə sərhəddə yerləşən Kaşğarda doğulub, böyüyüb
boya-başa çatmış, ilk təhsilini burda almış, ərəb dilinə burda yiyələnmiş, eyni
zamanda, ərəb mədəniyyətinin ilk xüsusiyyətləri ilə burda tanış olmuşdur. Mahmud
Kaşğarinin ərəb dilini, ərəb dilçilik tarixini, ərəb mədəniyyətini mükəmməl
bilməsinin nəticəsi idi ki, öz əsərlərini ərəb dilində, ərəb dilçi alimlərinin üslubunda
yazmış, xüsusilə, bizə gəlib çatan, türkoloji elmin başında duran “Divanü lüğat-it-
türk” əsərini dahi ərəb alimi Xəlil İbn Әhmədin “Kitabul-ayn” əsərinə oxşadaraq
qələmə almışdır. O, özü bu barədə kitabının girişində belə yazır: “Türk və ərəb
dillərinin atbaşı bərabər yürüdükləri bilinsin deyə Xəlilin “Kitab ül-əyn”də elədiyi
kimi, mən də işlək sözlərlə arxaik kəlmələri bu kitabda birlikdə vermək niyyətində
idim... Xəlilin tutduğu yolun türk dili üçün dəxi məqbul olduğunu göstərə bilmək
məqsədilə aşağıda işlədilən və işlədilməyən misalları yazdım” (5, 57). Doğrudur,
tədqiqatçılar sonralar Mahmud Kaşğarinin Bağdada getdiyini, orada yaşadığını və öz
kitabını xəlifəyə təqdim etdiyini qeyd etsələr də, hər halda bu faktın özü xilafətin ən
ucqar nöqtələrində belə, ərəb dilinin yayıldığını və ərəb dilində yazılmış elmi
əsərlərin belə ucqarlara gedib çıxaraq, ərəbdilli mədəniyyətin inkişafına xidmət
etdiyini göstərməkdədir. Təbii ki, ərəb mədəniyyətinin, ərəb dilinin ucqarlarda və
xüsusilə türkdilli xalqlar arasında yayılmasını göstərən daha bir sıra amilləri misal
Ərəb-Türk-Azərbaycan ədəbi əlaqələr tarixinin ilk dövlərinə qısa bir nəzər
9
gətirmək olar. Belə ki, türkdilli xalqlar ədəbiyyatında əruz vəznində yazılmış Yusif
Xas Hacib Balasaqunlunun “Qutatgu bilik” əsəri də bilavasitə ərəb, islam
mədəniyyətinin təsirinin nəticəsi idi. Belə ki, mənşə etibarilə ərəb vəzni olan əruz
vəznində yazıb-yaratmaq əslində o qədər də asan məsələ deyildi və müəllifdən
yüksək bilik və Şərq poeziyasına, ərəb ədəbiyyatına dərindən bələd olmağı tələb
edirdi. Bu mənada, XI əsrdə bu poemanın yaranması da ərəb mədəniyyətinin,
xilafətin ən ucqar nöqtələrində yayılmasının bariz göstəricisidir. Lakin bu faktları
qeyd edərkən, bir məsələni də söyləmək lazımdır. Belə ki, ərəb dilinin, ərəb
mədəniyyətinin Orta Asiya xalqlarının, xüsusilə türkdilli xalqlar arasında
yayılmasının əsas səbəbı, əsas mənbəyi bu zaman ərzində Orta Asiyada mövcud
olmuş Qaraxanilər dövləti (840-1212) idi. Qaraxanilər dövləti isə Orta Asiyada ilk
türk islam dövləti kimi məşhurdur.
Qeyd etdiyimiz kimi, ərəblər hələ Türküstana, Orta Asiyaya, Kaşğara gedib
çıxmazdan əvvəl xilafətin mərkəzinin qonşuluğunda, Azərbaycanda türk xalqları ilə
qarşılaşmış, onlarla siyasi, iqtisadi, mədəni, elmi əlaqələr qurmuşlar. Rəvayətə görə,
Әməvi xəlifəsi Müaviyə bir dəfə, qədim tarixə bələd olan yəmənli Abid ibn Şariyəyə
belə sual verir: “Türklər və Azərbaycan nə deməkdir?” Abid cavab verir:
“Azərbaycan – qədimdən türklərin yaşadığı ölkədir” (2, 174).
Әrəb qoşunlarının Azərbaycana ilk yürüşü 639-cu ilə təsadüf edir. 654-cü ildə
isə Salman İbn Rabiənin komandanlığı ilə Azərbaycana göndərilən ərəb ordusu
xalqın müqavimətini qıraraq Təbriz, Naxçıvan, Beyləqan və Bərdəni işğal edir. VIII
əsrin 30-cu illərində Mərvan İbn Məhəmmədin başçılığı ilə bu ölkəyə təqribən 150
minlik ərəb ordusu göndərilir və Azərbaycan ərazisində ərəb tayfaları
yerləşdirilməyə başlayır. Akademik Ziya Bünyadov bu prosesdən danışarkən yazır:
“Tez bir zamanda istər Azərbaycanda, istərsə Arranda məskən salanların demək
olar, hamısı həm şimaldakı, həm də cənubdakı ərəb tayfaları idi... Vaxtilə ərəblərin
məskən saldıqları yaşayış məntəqələrinin adında indiyədək “ərəb” sözü qalmışdır.
Həmin kəndlərin əhalisi indi də özünü “ərəb” adlandırır və bunlar antropoloji
cəhətdən başqalarından aydın fərqlənirlər... Həmin kəndlərdə yaşayanların dediyinə
görə, keçən əsrin ortalarınadək onların bir hissəsi korlanmış ərəb dilində danışırdı.
Bu kəndlər xilafətin məhz şimal sərhədləri boyunca, əsas orta əsr ticarət yolları
üzərində yerləşirdi. Şərqdən qərbə doğru həmin kəndlər Azərbaycan SSR-in
aşağıdakı rayonlarındadır: Quba - Әrəbli, Әrəbkeymuraz, Әrəbdəhnə, Әrəbhacı;
Şamaxı – Әrəblər, Әrəbuşağı, Әrəbqədim, Әrəbşamlı, Әrəbşahverdi; Kürdəmir –
Әrəbqiyaslı, Әrəbçəltikçi, Әrəbsarvan; Göyçay – Әrəbcəbirli, Әrəbxana,