f.e.n. Salman SÜLEYMANOV
70
İnsandır ən böyük qüvvə cahanda (8, 8).
Və yaxud:
Göyün şöhrətidir yerin insanı (8, 9).
Başqa bir yerdə şair insana dünyanın ən qiymətli varlığı kimi önəm
verərək onu göylərə qaldırır. Qaranlıq, soyuq, dar məzara insana görə qiymət
verən şair yazır:
Soyuq məzara da zinnətdir insan (8, 8).
Belə misalları istənilən qədər artırmaq olar. Səməd Vurğunun yaradıcılı-
ğını öyrəndikcə yeni-yeni aforizmlər üzə çıxır.
Onun yaradıcılığını araşdırarkən aşıq şeiri üslubunda yazılan şeirləri də
diqqəti cəlb edir. Onları oxuduqca bu şeirləri şifahi xalq ədəbiyyatı nümunə-
lərindən seçmək çox çətindir:
Əzəldən məsəldir: taleyi, bəxti
Cehizdə sınarlar, bu bir adətdi.
Vurğunam sənə mən, fələk nə etdi?
Məhəbbət ümidim əlimdən getdi (7, 26).
Şairin şeirləri onun xalqın psixologiyasına, düşüncə tərzinə, təfəkkürünə
yaxından bələd olduğunu göstərir. Onun «Yadıma düşdü», «Ala göz-lər»,
«Gülə-gülə», «Dağlar», «Bənövşə», «Ceyran», «Yada sal məni» və s. qoşma
və gəraylıları aşıq poeziyası üslubunda yazılmasına baxmayaraq, xalqın
həyat tərzindən, etnoqrafiyasından da xəbər verir:
Göylərə baş çəkir Göyəzən dağı,
Axşam açıq olur ayın qabağı;
Bizim gəlinlərin bayramqabağı
Fəsəli yaymağı yadıma düşdü (7, 284).
Və yaxud da şair «Danışmaq» rədifli qoşmasında yazır:
Qoy söz alım bir günahsız dodaqdan,
Səməd Vurğun yaradıcılığında şifahi xalq ədəbiyyatının izləri
71
Düşmən baxıb həsəd çəksin uzaqdan,
Yar bəzənib çıxan zaman otaqdan,
Başındakı güllü şaldan danışaq (7, 307).
Paşa Əfəndiyevin təbirincə desək, «gəraylı da, qoşma da musiqi ilə bağ-
lıdır. Hecaların, sözlərin quruluşu elədir ki, onlar musiqi üstündə getmə-lidir;
belə olmasa, o, qoşma, yaxud gəraylı olmaz» (5, 66).
Bu fikrə arxalanaraq deyə bilərik ki, Səməd Vurğunun əsərlərinin bö-yük
əksəriyyətinə mahnı bəstələnib. Aşıq poeziyası üslubunda yazdığı əsərləri isə
bir çox aşıqların dilində əzbər olmuş, onlar belə əsərləri «Qəhrəmani», «Dü-
beyti», «Orta sarıtel» havaları üstündə oxumuşlar.
Yuxarıdakı misallardan da göründüyü kimi, Səməd Vurğun bütün ya-ra-
dıcılığı boyu şifahi xalq ədəbiyyatından, xalq yaradıcılığından bəhrələnmiş
və öz əsərlərində onlardan geniş şəkildə istifadə etmişdir.
f.e.n. Salman SÜLEYMANOV
72
ƏDƏBİYYAT
1.
Abdullayev Bəhlul. Haqqı səsi. Bakı,1989
2.
Azərbaycan Folklor Antalogiyası. V kitab, Qarabağ folkloru, Bakı, 2000
3.
Azərbaycan Folklor Antalogiyası. XII kitab, Zəngəzur folkloru,
Bakı, 2005
4.
Quliyev Ş., Abbasov T., Quliyev F. Cəbrayıl. Bakı, 1993
5.
Əfəndiyev Paşa. Səməd Vurğun və xalq yaradıcılığı. Bakı, 1992
6.
Uşaq Ensikolopediyası. 3 cilddə, I cild, Bakı, 1987
7.
Səməd Vurğun. Əsərləri. 7cilddə, I cild, Bakı, 1985
8.
Səməd Vurğunun aforizmləri. Bakı, 1987
9.
Səməd Vurğun. Əsərləri. 7cilddə, III cild, Bakı, 1986
10.
Çəmənzəminli Y.V. Qızlar bulağı. Bakı, 1987
Səməd Vurğun yaradıcılığında şifahi xalq ədəbiyyatının izləri
73
XÜLASƏ
Şifahi xalq ədəbiyyatına yaxından bələd olan Səməd Vurğun xalqın ya-
ratdığı ecakar nümunələrdən yan keçməmiş və hətta xalq yaradıcılığın-dan
birbaşa bəhrələnmişdir. Onun yaradıcılığında aforizmləri, məsəlləri, qoş-maları,
gəraylıları və s.-ni yazılı ədəbiyyat nümunəsi kimi yox, şifahi xalq ədəbiy-
yatının ən gözəl nümunəsi kimi görürük. «Qız qayası», «Aslan qayası», «Bu-
laq əfsanəsi», «Ayın əfsanəsi» və s. kimi folklor nümunələri şairin yaradı-
cılığında əsas yerlərdən birini təşkil edir. Onun bu əsərləri Azərbaycan ədə-
biyyat tarixində əfsanə və rəvayət canrının araşdırılmasında yeni bir mərhələ
yaradır.
RESUME
Being closely acquainted with the folklore, Samad Vurgun didn’t keep
apart the miraculous examples created by nation, and he even directly be-
nefited by the folk art. We see aphorisms, sayings, poems, garaylies and ot-
hers not only as the examples of the written literature, but also as a won-
derful example of folklore. “ The girl’s rock ”, “ The lion’s rock ”, “ The
spring myth ”, “ The moon myth ” and other folklore examples are take one
of the main places in poet’s work. His works open a new stage on inves-
tigating the myth and legend genres in the history of the Azerbaijan lite-
rature.
Mübariz CAMALOV
74
ƏBDÜLƏZİZ BUXARİYƏ GÖRƏ ƏMR MƏFHUMU
∗
i.e.n. Mübariz Camalov
∗
Əmr məfhumu dilçilik, məntiq, bəlağat elmləri ilə yanaşı fiqh üsulunun
da mühüm məfhumlarından biridir. Əmrin fiqh üsulu baxımından əhəmiy-
yətli olmasının səbəbi dini ehkamın böyük bir qisminin əmr formasında olan
nəslərə əsaslanmasıdır. Bununla əlaqədar olaraq məşhur hənəfi fəqihi Sə-
raxsi Üsul adlı əsərinə əmr məfhumu ilə başlarkən, kitaba bu mövzuyla
başlamasının səbəbini belə izah edir: əmr məfhumu fiqh üsuluna başlanğıc
olaraq ən uyğun məfhumdur, çünki əmr məfhumu ilə halallar haramlardan
ayrılır və bu şəkildə şəri ehkam bilinir
1
. Buxarinin əmr məfhumuna verdiyi
əhəmiyyəti də dörd ciltlik Kəşful-Əsrar adlı məşhur fiqh üsulu əsərinin bir
cildini əmr məfhumuna sərf etməsindən anlaya bilərik.
Müxtəlif tərifləri olan əmrin Əbdüləziz Buxari tərəfindən də doğru qəbul
edilən tərifi belədir: əmr, üstünlük yolu ilə felin tələb olunmasına dəlalət
edən sözdür
2
. Bu tərif içərisində üç ünsürə diqqət yetirmək lazımdır. Bunlar
söz, fel və felin yerinə yetirilməsini tələb edən, danışanla dinləyən arasındaki
münasibət, yəni əmr edənin qarşısındakından mövqe cəhətdən üstün olması.
Bu ünsürlər haqqında geniş məlumat vermək daha məqsədəuyğundur.
Əmrin ünsürlərindən biri olan söz, əmr etmə felinin söz ilə olduğunu
göstərir. Yəni əmrdən danışmaq üçün sözlü bir buyuruğun, kəlamın olması
lazımdır. Kəlam xaricindəki ünsiyyət vasitələri yaxud hər hansı bir hərəkətin
edilməsi əmr mənasına gələ bilməz. Bununla birlikdə əmrin mahiyyətinin
kəlam olduğunu düşünməmək lazımdır. Buxari və bir çox digər üsul aliminin
də qeyd etdiyi kimi əmrin həqiqi varlığı insanın daxilində mövcud olan
∗
Bu məqalə 2006-cı ildə Mərmərə universiteti Humanitar Elmlər İnstitutunda
müdafiə olunan “Əbdüləziz Buxariyə görə əmr məfhumu” adlı doktorantura
dərəcəsi elmi işinin xülasəsidir.
∗
BDU İlahiyyat fakültəsinin müəllimi.
1
Səraxsi,, Əbu Bəkir Məhəmməd ibn Əhməd, Usulus-Səraxsi, thq., Əbul-Vəfa əl-
Əfqani, Darul-Kutubil-İlmiyyə, Beyrut, I, 11.
2
Buxari, Kəşful-Əsrar, I, 242.
Dostları ilə paylaş: |