Vətəndaş Bərabərliyi və İnteqrasiyası Dövlət Strategiyasının və 2017-ci il Fəaliyyət Planının yerinə yetirilməsi üzrə hesabat
29
Gürcüstan Cəzaçəkmə və Probasiya Nazirliyinin sosial şöbəsi qeyri-gürcüdilli məhkumların gürcü dilinin
tədrisi proqramına qoşulmasını təmin edir. 2017-ci il ərzində 74 qeyri-gürcüdilli məhkum gürcü dilinin tədrisi
kurslarında iştirak etmişdir.
Gürcüstan Ədliyyə Tədris Mərkəzi Gürcüstanın qeyri-gürcüdilli vətəndaşlarına pulsuz gürcü dili kursları
təklif etdi. 2017-ci il ərzində dövlət dilinin tədrisi kursu Marneuli bələdiyyəsi Sadaxlı kəndinin (23 iştirakçı) və
Saqareco bələdiyyəsi Yarmuğanlı kəndinin (16 iştirakçı) ictimai mərkəzlərində həyata keçirildi.
IV. Etnik azlıqların mədəniyyətlərinin qorunub saxlanması və tolerant mühitin təşviqi
Hesabat dövründə müxtəlif proqram və layihələrin, eləcə də tədbirlərin həyata keçirilməsi davam etdirildi.
Bütün fəaliyyətlər etnik azlıqların mədəniyyətlərini qoruyub saxlamaq, inkişaf etdirmək və populyarlaşdırmaq
məqsədini daşıyırdı. Mədəni özünüifadəni dəstəkləmək və növbəti inteqrasiya məqsədilə muzey və teatrların
fəaliyyətlərinin maddi cəhətdən dəstəklənməsi mühüm əhəmiyyət kəsb edirdi.
Teatrların dəstəklənməsi
ÜHHŞ Petros Adamyan adına Erməni Peşəkar Dövlət Teatrı 115 tamaşa, o cümlədən 3 premyera
nümayiş etdirdi. Tamaşalara 3592 tamaşaçı qatıldı. İl ərzində teatra 396 000 lari civarında maliyyə
dəstəyi göstərildi.
ÜHHŞ Heydər Əliyev adına Tbilisi Azərbaycan Peşəkar Dram Teatrı 7 tamaşa, Qardabanidə 2
səyyar tamaşa, 2 premyera, Türkiyənin Adana şəhərinə 1 qastrol səfəri (tamaşaya 850 tamaşaçı təşrif
etdi) təşkil edildi. İl ərzində teatra 220 881 lari civarında maliyyə dəstəyi göstərildi.
ÜHHŞ Aleksandr Qriboyedov adına Dövlət Peşəkar Rus Dram Teatrı 103 tamaşa keçirmiş, 3147
tamaşaçısı olmuşdur. Magilov şəhərində 20 qastrol səfəri, 2 səyyar tamaşa keçirilmişdir. Teatra 1
089 000 lari maliyyə ayrılmışdır.
Muzeylərin dəstəklənməsi
ÜHHŞ David Baazov adına Gürcüstan Yəhudiləri və Gürcü-Yəhudi Münasibətlərinin Tarixi
Muzeyi – David Baazov adına Gürcüstan Yəhudiləri və Gürcü-Yəhudi Münasibətlərinin Tarixi
Muzeyinin dəstəyi ilə “Gürcüstan yahudilərinin poeziyası antalogiyası” kitabı nəşr olundu. 2017-ci ildə
Bat Yamda (İsrail) “Eşkol Paisi” adına mədəniyyət mərkəzində kitab təqdimatı keçirildi. Əsər 26 əsrlik
gürcü-yəhudi birgə yaşayışına həsr olunub. Muzeyin fəaliyyəti çərçivəsində 2 sərgi, 1 axşam, 1 yubiley
tədbiri, 1 görüş keçirilmiş, radio və televiziyada 2 veriliş lentə alınmışdır. İl ərzində muzeyə 115 000 lari
məbləğində maliyyə dəstəyi göstərilmişdir.
ÜHHŞ Mirzə Fətəli Axundov adına Azərbaycan Mədəniyyət Muzeyində -2017-ci ildə 4 sərgi,
sənədli filmlərin nümayişi, 2 mədəni-maarifləndirici tədbir, 1 təqdimat keçirildi. İl ərzində muzey üçün
ayrılmış maliyyə məbləği 37 000 lari təşkil etmişdir;
ÜHHŞ Smirnovlar Muzeyi –muzey aprel ayında açıldı və onun ümumi büdcəsi 63 216 lari təşkil edir.
Üç
tədbir keçirilmiş, o cümlədən film təqdimatları və görüşlər təşkil edilmişdir.
Vətəndaş Bərabərliyi və İnteqrasiyası Dövlət Strategiyasının və 2017-ci il Fəaliyyət Planının yerinə yetirilməsi üzrə hesabat
30
İl ərzində etnik azlıq nümayəndələrinin mədəni irsi, maddi və qeyri-maddi mədəni sərvətlərinin qorunması
məsələlərinə xüsusi diqqət ayrıldı.
Mədəni irsi abidələrin reabilitasiyası
Almaniya Federativ Respublikasının qrant proqramı əsasında ayrılmış 50 000 avro çərçivəsində “Alman
kolonistlərinin Gürcüstanda memarlıq irsi” kitabının çap olunması planlaşdırılıb.
Həmçinin Aspindza bələdiyyyəsində, Ota kəndində və Axalsixe bələdiyyəsində, Saxuneti kəndində məscidlərin
bərpası layihələrinin hazırlanması nəzərdə tutulub.
Mədəni tədbirlərin dəstəklənməsi
2017-ci ildə Gürcüstanda Mədəniyyət və Abidələrin Mühafizəsi Nazirliyi “Etnik azlıqların dəstəklənməsi”
prioriteti üzrə 185 750 lari maliyyə ayırdı. Prioritet çərçivəsində mədəniyyət xadimi olan etnik azlıq
nümayəndələrinin sərgilərinin, nəşrlərinin, tamaşaların, yaradıcılıq axşamlarının və sair mədəniyyət tədbirlərinin
dəstəklənməsi prosesi davam etdirildi. Prioritetlər çərçivəsində 14 layihə dəstəkləndi (Əlavə nömrə 3).
Mədəniyyətlərarası dialoqun dərinləşdirilməsi və vətəndaş inteqrasiyası prosesinin dəstəklənməsi məqsədilə
Barışıq və Vətəndaş Bərabərliyi Məsələləri üzrə Gürcüstan Dövlət Naziri Aparatı müvafiq idarələrlə
əməkdaşlıq əsasında aşağıdakı tədbirləri həyata keçirdi:
“Pankisoba 2017” –Dövlət Naziri Aparatının iştirakı və Kaxeti diyar administrasiyasının təşkilatçılığı
ilə Duisi kəndində Pankisoba bayramı keçirildi. Tədbirlər çərçivəsində müxtəlif nazirliklərin
fəaliyyətlərini əks etdirən sərgilər təşkil olundu. Xalq bayramı çərçivəsində
mədəni, idman və
maarifləndirici tədbirlər keçirilmiş, əməkdar və fəxri vətəndaşlar mükafatlandırılmışlar.
Vaynax mədəniyyəti həftəsi –Dövlət Naziri Aparatı və Qori Dövlət Tədris Universiteti ilə əməkdaşlıq
çərçivəsində əsrarəngiz bir proqram həyata keçirildi. Buraya konsertlər, kütləvi mühazirələr, kist
folkloru və incəsənət nümunələrinin sərgisi, Vaynax mövzusu əsasında hazırlanmış təqdimat, Pankisi
dərəsi və pankisi bölgəsində yaşayan kist qadınlar barəsində çəkilmiş video çarxların təqdimatı, kist
şairlərinin yaradıcılığı ilə tanışlıq, uşaq teatrı tamaşaları, idman tədbirləri və s. daxil idi.
Multi-etnik incəsənət festivalı “Bir səma altında –mədəniyyətlərin dialoqu” – Gürcüstan BMT
Assosiasiyasının maliyyə dəstəyi, eləcə də Gürcüstan Mədəniyyət və Abidələrin Müdafiəsi Nazirliyi,
İdman və Gənclərlə İş üzrə Nazirliyin əməkdaşlığı ilə ənənəvi multietnik incəsənət festivalı olan “Bir
səma altında –mədəniyyətlərin dialoqu” keçirildi. Festivalda gürcü və Gürcüstanda yaşayan etnik azlıq
nümayəndəsi gənclər iştirak edirdi. Həmçinin 2017-ci il ərzində festival çərçivəsində iki konsert də
keçirildi (Axalsixe və Rustavi şəhərlərində).
Dövlət Naziri Aparatının təşkilatçılığı ilə Msxeta şəhərində Gürcüstanın müstəqillik gününə həsr
olunmuş folklor konserti keçirildi. Konsert çərçivəsində etnik azlıq nümayəndələri “Pələng dərisi geymiş
pəhləvan” əsərindən gürcü və ana dillərində parçalar oxudular. Məhz bu tədbirdə Dövlət Naziri Aparatı