78
prosessual hüquq sahəsində hüquqi faktlar kimi çıxış edir və
müvafiq olaraq prosessual hüquq münasibətlərinin yaranmasına,
dəyişdirilməsinə və ya xitamına səbəb olur. Buna görə də məz-
mununu məhkəmənin müəyyənləşdirdiyi əsas maddi-hüquqi
münasibətlərə məhkəmə aktının qəbulu nəticəsində prosessual
hüquq münasibətləri də qoşulur. Bu münasibətin əsas məz-
mununu isə məhkəmə aktına riayət etmək vəzifəsi təşkil edir.
Hüququn tətbiqi aktlarından olan məhkəmə qərarı kompleks
təbiətə malik olub, eyni zamanda həm fərdi hüquqi tənzimləmə
vasitəsi, həm hüquqi fakt kimi çıxış edir, həm də tənzimləyici
(hüquqverici), hüquq təminedici (hüquq mühafizə) funksiyaları
yerinə yetirir.
Beləliklə, hüquqi dövlətdə inzibati orqanların məsuliyyət
mexanizmi kimi çıxış edən inzibati məhkəmə icraatının
aşağıdakı hüquqi nəticələri fərqləndirə bilərik:
1) məhkəmənin inzibati akt qəbul etmək səlahiyyəti olan
qurumdan öz hərəkətlərinin əsaslılığını və qanuniliyini əsaslan-
dırmağı tələb etməsi;
2) məhkəmə qaydasında müvəqqəti xarakterli müdafiə
tədbirlərinin tətbiq edilməsi;
3) inzibati aktın ləğvi, dəyişdirilməsi, inzibati orqanın üzə-
rinə müəyyən hərəkətləri yerinə yetirmək, icranın nəticələrini
aradan qaldırmaq, inzibati akt qəbul etmək öhdəliyinin qoyul-
ması.
Fikrimizcə, inzibati məhkəmələrin səlahiyyət dairəsini
inzibati orqanların aktları və hərəkətləri ilə məhdudlaşdırmaq
inzibati orqanlara aid olmayan, amma, ictimai xidmətlə məşğul
olan qurumların fəaliyyətini diqqətdən kənar qoya bilər. Buna
görə də inzibati məhkəmə icraatının aidiyyət dairəsinə yalnız
79
inzibati orqanların aktlarının deyil, ümumiyyətlə inzibati xarak-
terli bütün hərəkətlərin aid edilməsi məqsədəuyğun olardı.
Təsadüfi deyildir ki, demokratik və qabaqcıl avropa döv-
lətlərində qanunvericilik funksiyasını həyata keçirən nüma-
yəndə kimi hakim də xalqın hüquq düşüncəsinin ifadəçisi hesab
olunur. Bu isə onu göstərir ki, yalnız inkişaf etmiş hüquq
düşüncəsinə malik olan xalq məhkəmənin cəmiyyətdəki rolunu
dərk edərək onu hüquq qaydasının qoruyucusu kimi qiymət-
ləndirə bilər.
Yuxarıda qeyd olunanları ümumiləşdirərək belə bir mühüm
nəticəyə gəlmək olar ki, inzibati prosesdə məhkəmənin proses
iştirakçılarına yardım etmək vəzifəsi özlüyündə inzibati orqan-
ların fəaliyyətində qanunçuluğun və intizamın möhkəmləndi-
rilməsi üçün məhkəmənin ədalətli və real nəzarət mexanizmi
olduğunun bariz sübutudur. Bu cür yardım formal, aydın
olmayan tələblər üzündən proses iştirakçılarının öz subyektiv
hüquqlarını müdafiə etmək kimi potensial imkanlarından is-
tifadə etməmək hallarının qarşısını almağa yönəlmişdir. İnzibati
məhkəmə icraatı yalnız formal təşkil olunduğu halda deyil,
məhz real icra mexanizminə malik olduğu təqdirdə hüquqi
dövlətin zəruri elementlərindən biri kimi çıxış edir. Bunun üçün
mükəmməl prosessual təminat və müdafiə tədbirlərindən ibarət
olan məhkəmə icraatı formalaşdırılmalıdır.
Hüquqi dövlətdə inzibati məhkəmənin mövqeyi maksimum
dərəcədə fəal olduğundan inzibati proses obyektiv həqiqətin üzə
çıxarılmasına, inzibati orqanların məsuliyyət mexanizminin
möhkəmləndirilməsinə zəmin olan hüquqi-psixoloji təsir funksi-
yasını da yerinə yetirir. Müəlliflərdən S.R.Hondu haqlı olaraq
inzibati məhkəmə icraatında həyata keçirilən məhkəmə baxı-
şının psixoloji funksiyasını xüsusi olaraq vurğulayır. Müəllif
80
yazır ki, tərəflər məhkəmə baxışında iddia və etirazlarını şəxsən
hakimin hüzurunda anlatmaq imkanına malik olduqları üçün
əhəmiyyəti və özəlliyi ilə seçilən cəhətləri daha qabarıq nəzərə
çatdıra bildikləri üçün özlərini rahat hiss edirlər
116
.
Məhkəmə prosesinin digər növlərində olduğu kimi inzibati
prosesdə də hələ qədim romalıların istifadə etdiyi "nemo
inauditus damnari potest" (heç kim dinlənilmədən mühakimə
oluna bilməz) prinsipi qüvvədədir. Məhkəmədə izahat vermək
vəzifəsi inzibati orqanın məsuliyyət mexanizmində mühüm
faktorlardan biridir. Məhkəmə işin hallarının tam müəyyən-
ləşdirilməsi və obyektiv qiymətləndirilməsi üçün əhəmiyyət
kəsb edən bütün yazılı izahatların təqdim olunmasına yardım
etməlidir.Yazılı izahatda inzibati orqan iddiaçının tələbinin
mahiyyəti ilə əlaqədar olaraq işin halları ilə əlaqədar ona məlum
olan məsələlər barəsində məlumat verir.
İzahatın inzibati prosesdə sübutetmə funksiyası və məh-
kəmədə şəxsən iştirakın təmin olunması kimi iki funksiyası
vardır. Sübutetmə izahatın əsas funksiyası olub, mübahisənin
mahiyyəti üzrə həlli üçün zəruri olan məlumatların verilməsinə
yönəlir. Məhkəmədə şəxsən iştirakın təmin olunması isə inzibati
orqanın cavabdeh qismində məhkəmə zalında iştirak etməsinə
və bununla da onun izahatının daha mötəbər və inandırıcı
olmasına yönəlir.
Müəlliflərdən S.S. Kurılyev şəxsi izahatın mahiyyəti ilə
əlaqədar olaraq yazırdı ki, məhkəmədə işə bir tərəfin iştirakı
olmadan baxılması ona zəngin sübutetmə mənbəyi olmadan
116
Hondu S.R. İdarî Yargılama Usulünde Duruşma Yapılması ve Uygulamadaki
Durum // Danıştay Dergisi, 2012, № 89,s. 6
Dostları ilə paylaş: |