256
məhkəmələrin baxması nəticəsində yaranmış adət kimi qiymət-
ləndirir.
434
İnzibati ədliyyənin fransız modeli sanki inzibati orqanlara
“ikinci şansın verilməsi” prinsipinə əsaslanır. Belə ki, qanunun
nəzərdə tutduğu hallarda inzibati orqanın müvafiq aktından
narazı qalan şəxs ilk növbədə inzibati orqanın özünə müraciət
etməlidır. Məsələn, Şəhərsalma Məcəlləsinin 600-1 maddəsinə
əsasən, inzibati orqanın qərarından narazı qalan şəxs ilk növbədə
şikayət ərizəsi ilə orqanın özünə, ondan imtina cavabı aldıqdan
sonra isə məhkəməyə aktı ləğvetmə tələbinə dair iddia ilə
müraciət edə bilər.
435
İnzibati orqan isə aktının məhkəmə baxışının predmeti kimi
dəyərləndirilməsinə yol verməmək üçün əvvəlki qərarını də-
yişdirə, ləğv edə və ya yenidən nəzərdən keçirə bilər. İnzibati
orqanın öz qərarını yenidən nəzərdən keçirməsi prosesi (recours
administratif préalable) inzibati orqanların seçim haqqına əsasən
həyata keçirilsə də, bəzi hallarda məcburi mərhələ kimi çıxış
edir. Bu proseduru bir yandan inzibati orqanla vətəndaşlar
arasında daha əhatəli bir dialoqun yaradılmasına, digər tərəfdən
isə son illərdə iş yükü artan inzibati məhkəmələrə yönələn
iddiaların sayının azaldılmasına dəstək kimi də qiymətləndirmək
olar.
436
Inzibati məhkəmə icraatından bəhs edərkən aşağı instan-
siyanın qərarından verilən apellyasiya şikayəti mexanizminin
əhəmiyyətini də vurğulamaq lazımdır. Apellyasiya – yenidən
434
Старилов Ю.Н. Административная юстиция: конец ХIХ – начало ХХ века.
Хрестоматия. Ч.1. Воронеж: Изд. Воронежского Гос. Унив-та, 2004, с. 645
435
Code de l‟urbanisme. http://www.legifrance.gouv.fr.
436
İngiltere, Galler, Fransa, Almanya ve Hollanda İdari Yargı Sistemlerindeki
Mahkeme Öncesi İşlemler. Türkiye’de idare hukukunda mahkeme öncesi işlemlerinin
olası gelişimine yönelik karşılaştırmalı bir araştırma. Dünya Bankası, 2010, s. 41, 54
257
başlamaq mənasını ifadə edən hüquq termini olaraq birinci
instansiya məhkəməsinin verdiyi qərarın yuxarı instansiyada
araşdırılmasını nəzərdə tutur
437
. Məlum olduğu kimi, apel-
lyasiya daha ədalətli və doğru qərarın verilməsinə yönəlmiş
mexanizm olmaqla, ədalət mühakiməsinin vacib ünsürlərindən
birini təşkil edir. Apellyasiya məhkəmələrinin ilk nümunələrinə
Roma hüququnda rast gəlinir. Roma hüququnda işə birinci
baxan hakimin qərarına qarşı ikinci bir hakimə müraciət üsulu
“appellatio” adlandırılırdı.
438
İnzibati ədliyyə sistemi fransız modelinin təsiri altında for-
malaşan ölkələrin əksəriyyətində inzibati apellyasiya məhkə-
mələrinin yaradılması fikri də müsbət qarşılanmışdı. İsveç,
Almaniya, İspaniya kimi bir çox Avropa dövlətlərində inzibati
məhkəmə icraatında apellyasiya mexanizmi formalaşdırıldı.
Lakin, hazırda bu mexanizmi tətbiq etməyən ölkələr də möv-
cuddur. Məsələn, Türkiyə Cümhuriyyəti belə ölkələrdəndir.
Fransız modeli Türkiyə cümhuriyyətində də inzibati məhkəmə
icraatının formalaşmasına öz təsirini göstərmişdir. Türkiyədə
qurulan inzibati ədliyyə modeli Fransadan qaynaqlandığı üçün
ədəbiyyatlarda “Fransa sistemi” və ya “İnzibati rejim” kimi də
adlandırılır
439
. Fransa modelinə əsaslanaraq 10 may 1868-ci il
tarixində Türkiyədə ilk dəfə olaraq “ Şurayi-Devlet” yaradıldı.
R.Çağlayan haqlı olaraq bu qurumun yaradılmasını ölkədə
437
Sancakdar O. İdari yargıda istinaf sistemi üzerine düşünceler // Danıştay ve İdari
Yargı Günü 144 Yıl. Sempozyum Kitabı. Danıştay Hizmetlerini Güçlendirme Vakfı.
ANKARA, 2012, s. 14
438
Yıldırım K.M. Hukuk Devletinin Gereği: İstinaf. İstanbul: Nesil matbaacılık,
2000,
s. 122
439
Atay E.E. İdare Hukuku. 2.Baskı. Ankara: Turhan Kitapevi, 2009, s. 29
258
inzibati məhkəmə icraatının formalaşdırılması üçün atılan ilk
addım kimi qiymətləndirir
440
.
Şurayi Dövlət həm qanunvericilik, həm də idarəetmə
funksiyalarını həyata keçirirdi
441
. Özünün daxili nizamnaməsini,
həmçinin ədliyyə nizamnaməsini, ədliyyə məhkəmələrinin
mühakimə üsulu nizamnaməsini də hazırlayan Şura yeni
məhkəmə sistemi üçün zəruri olan prosessual qanunlar da qəbul
etmişdi. Fəaliyyət sahələri kifayət qədər geniş olan Şuraya 19
sentyabr 1886 –cı il tarixdə Şuranın mühakimə dairəsinə mə-
murları mühakimə etmək səlahiyyəti də verildi. 1887-ci ildə isə
məmurların mühakiməsi üçün Şuranın daxilində xüsusi
nümayəndəlik formalaşdırıldı. Tədricən bu qurumlar Şuranın
daxilində dərəcəli məhkəmələrə çevrildilər. Məhz bu tarixdən
sonra Şurayi Dövlətin əsas vəzifəsi məmurları mühakimə
etməkdən ibarət oldu. 1896-cı ildə vətəndaşlara birbaşa olaraq
Şurayi Dövlətə müraciət etmək hüququ verildi
442
.
Fransız modelinin təsiri ilə yaransa da, ondan fərqli olaraq,
Türkiyədə qurulan inzibati ədliyyə modelində inzibati apel-
lyasiya məhkəmələri formalaşdırılmadı. İnzibati məhkəmə
sistemi iki instansiyadan ibarət şəkildə formalaşdırıldı. Türkiyə
Konstitusiyasının 125 -ci maddəsinin birinci bəndi ilə idarənin
hər cür aktlarına və hərəkətlərina qarşı məhkəməyə müraciət
etmək imkanı təsbit olundu. 1982 –ci ildə qəbul olunan 2575
saylı Danıştay qanunu, 2576 saylı “Bölgələrdə inzibati məh-
kəmələr, inzibati məhkəmələr və vergi məhkəmələrinin qruluşu
440
Çağlayan R. İdari Yargıda Kanun Yolları
(kararlara karşı başvuru yolları)
. 2.Baskı.
Ankara: Asil Yayın Dağıtım Ltd. Şti, 2006, s. 28
441
Karahanoğulları O. Türkiyede idari yargı tarihi. Doçentlik çalışması. Ankara:
Ankara Üniversitesi Siyasal Bilgiler Fakültesi, 2005, s. 177
442
Karahanoğulları O. Türkiyede idari yargı tarihi. Doçentlik çalışması. Ankara:
Ankara Üniversitesi Siyasal Bilgiler Fakültesi, 2005, s. 170
Dostları ilə paylaş: |