271
dövlət hakimiyyətinin vahidliyi prinsipinə zidd hesab edərək
tamamilə ləğv etdi. Elə həmin ildə Federal İnzibati Məhkəmə
yaradıldı və inzibati məhkəmə icraatının əvəzinə vətəndaş
müraciətlərinə əsasən qaldırılan və qanunda formal prosedur
qaydaları təsbit olunmayan icraat təsis olundu.
1953-cü ildə Almaniyada “Sosial məhkəmələr haqqında”
qanun qəbul olundu. Bu qanun Konstitusiyada göstərilən
inzibati məhkəmə icraatının üç sahəsindən birində prosessual
münasibətləri tənzimləyən ilk qanun oldu. Beləliklə, maliyyə
məhkəmə icraatı inzibati məhkəmə icraatının xüsusi növü kimi
qanunvericilikdə öz təsbitini tapdı. Tədricən, maliyyə-məhkəmə
yurisdiksiyası da formalaşdı.
1960-cı ildə “İnzibati Məhkəmə İcraatı haqqında” Əsas-
namə qəbul olundu. Əsasnamədə inzibati məhkəmə icraatının
inzibati orqanlardan asılı olmayan məhkəmələr tərəfindən
həyata keçirilməsi müəyyən olundu. Elə həmin ildə inzibati
yurisdiksiyanın müxtəlif sahələri də qanunvericilik qaydasında
təsbit olundu. Yalnız az sayda məsələlərin tənzimlənməsi
torpaqların səlahiyyətində qaldı.
Nəhayət ki, ötən əsrin 70-ci illərində Almaniya Demokratik
Respublikasında inzibati hüquqa münasibət dəyişməyə baş-
ladı.1976 – cı ildə “İnzibati prosessual fəaliyyət haqqında” qa-
nun qəbul olundu
467
1978-ci ildə “İnzibati və maliyyə məh-
kəmələrinin yurisdiksiyası sferasında məhkəmələrin iş yükünün
azaldılması haqqında” qanun qəbul olundu. 14 dekabr 1988-ci il
tarixli “İnzibati qərarların məhkəmə aidiyyəti və icraatı haq-
qında” qanunun qəbul edilməsi ilə ümumi yurisdiksiya məhkə-
mələrinə inzibati qərarların məhdud dairəsindən də olsa şikayət
467
Заммерман П.К., Старилов Ю.Н. Административное юстиция (производства) в
Германии: история развития и основные черты // Государство и право, 1999, № 7, с. 70-77
272
vermək imkanı təsbit olundu. 1990-cı il dekabrın 17-də isə inzi-
bati məhkəmə prosesinin yeni qaydada tənzimlənməsi barədə
qanun qəbul olundu. Qanun inzibati prosesdə çevikliyi və şəffaf-
lığı təmin etməyə yönəlmişdi.
Beləliklə, inzibati məhkəmələrin yaradılması, eləcə də
hakimiyyətlərşt bögüsü nəzəriyyəsinin praktiki surətdə həyata
keçirilməsi, idarəetmənin konstitusiyon formalarının müəyyən-
ləşdirilməsi, qanunda dövlətlə vətəndaşın qarşılıqlı hüquqlarının
təsbit olunması, “polis” və “polis fəaliyyəti” terminlərinin məz-
mununun məhdudlaşdırılması Almaniyada dövlətin çoxsaylı
sferalarındakı idarəetmə münasibətlərini tənzimləyən yeni inzi-
bati hüququn meydana çıxmasına zəmin oldu.
Müasir Almaniyada məhkəmə hakimiyyətinin sistemi hü-
dudunda həm ümumi inzibati yurisdiksiyalı, həm də xüsusi
inzibati yurisdiksiyalı (maliyyə, sosial, intizam) inzibati məh-
kəmələr fəaliyyət göstərir. İnzibati məhkəmələrin sistemi
üçpilləli struktura malikdir: torpaqların inzibati məhkəmələri
(yerli inzibati məhkəmələr), torpaqların yuxarı inzibati məhkə-
mələri və federal inzibati məhkəmə.
Hər bir torpaqda birinci instansiya kimi vətəndaşların
vəzifəli şəxslərin qərarlarından verdikləri şikayətlərə baxan
ikidən dördədək sayda inzibati məhkəmə fəaliyyət göstərir.
İkinci instansiya kimi torpaqlarda fəaliyyət göstərən Ali inzibati
məhkəmə, son instansiya kimi isə Federal İnzibati Məhkəmə
çıxış edir. Ölkədə 52 yerli, 16 apellyasiya və 1 federal məhkəmə
fəaliyyət göstərir.
468
Qeyd edək ki, 1952-ci il Konstitusiyasının
468
Muradov X.H. İnzibati mübahisələrin məhkəmə aidiyyatına dair mülahizələr. Naxçıvan MR
Ali Məhkəməsinin Bülleteni, 2012 (1)
http://www.supremecourt.nakhchivan.az /bulleten
_2012_1_s6c1.html
273
95-ci maddəsinin 1-ci bəndinə əsasən yaradılan Federal İnzibati
Məhkəmə ölkədə fəaliyyət göstərən beş ali məhkəmədən biridir.
Həm ümumi, həm də xüsusi yurisdiksiyalı inzibati məh-
kəmələr ədalət mühakiməsini məhkəmə icraatına dair aktlara
(məsələn, 1965-ci il tarixli “Maliyyə məsələləri üzrə məhkəmə
icraatı haqqında” qanun, “Sosial məsələlər üzrə məhkəmə icraatı
haqqında” 1975-ci il tarixli qanun və s.) əsasən həyata keçirirlər.
İnzibati məhkəmələrin səlahiyyət dairəsi hüquqpozmanın
subyektinə görə (Fransada olduğu kimi) deyil, pozulan hüququn
xarakterinə görə müəyyən olunur. Belə ki, əgər pozulan ümumi
hüquqdursa, Konstitusiya Məhkəməsinə aid olan işlərdən başqa,
bütün mübahisələr inzibati məhkəmələrə aid olur.
Fransada olduğu kimi, Almaniyada da inzibati məhkəmə
icraatında universal aidiyyət qaydası fəaliyyət göstərir. Bu cür
aidiyyət qaydasına əsasən, inzibati tribunallar (məhkəmələr)
inzibati məsələlərlə əlaqədar istənilən şikayəti onların aid
olduqları ictimai münasibətlər sferasını nəzərə almadan baxıb
həll edə bilərlər. Qeyd edək ki, ədəbiyyatda haqlı olaraq bu
xüsusiyyət inzibati ədliyyənin kontinental modelini anqlosakson
modelindən fərqləndirən əsas cəhətlərindən biri hesab olunur.
469
Qeyd edək ki, alman inzibati hüququnda publik hüquq
sahəsinə aid olan konkret məsələni nizama salmaq və ya həll
etmək üçün inzibati orqan tərəfindən qəbul edilən hər bir qərar
və ya sərəncam inzibati akt hesab edilir.
470
Almaniya “İnzibati
mühakimə üsulu haqqında”qanununa əsasən, inzibati aktdan
469
Сажина В.В. Административная юстиция: к теории и истории вопроса // Советское гос-
ударство и право, 1989, № 9, с. 40 ; Хаманева Н.Ю. Защита прав граждан в сфере испол-
нительной власти. М.: Изд-во ИГиП РАН -1997, с. 121-122 ; Конституционное (государ-
ственное) право зарубежных стран. Особенная часть. Страны Европы: Учебник. Т. 3 / Але-
бастрова И.А., Андреева Г.Н., Маклаков В.В., Новикова С.С., и др. Отв. ред. Страшун Б.А.
М.: БЕК, 1998, с. 402-403
470
Cəfərov İ.M. İnzibati icraat (elmi–nəzəri şərh). Bakı, 2011, s. 54
Dostları ilə paylaş: |