133
A a
müraciət edir və müvafiq kəlamlarını misal göstərir. Məsələn, “Xos-
rov və Şirin” poemasında Məhin Banu Şirinin Xosrovla ovlaqda
görüşməsini eşitdikdə: Sənin bəzəyindir ismət, nəzakət, – deyib onu
öz namusunu qorumağa çağırır :
Görsə ki, fəvah, ismətli qızsan,
Elçi göndərəcək adətlə, inan.
Adın bu dünyada namuslu qalar,
Olarsan cahanda böyük hökmdar (57, 119).
Məhin Banunun öyüd-nəsihətinə əməl eyləyən Şirin növbəti
görüş zamanı Xosrov ondan murad diləyərkən öz ismətini qoru-
yaraq, ona rədd cavabı verir və onu da namuslu olmağa dəvət edir:
İki yaxşı adı bədnam eyləmək,
İsməti itirmək, söylə nə gərək?
Biz bir-birimizdən gərək utanaq,
Tanrı qabağında həyadan yanaq
(yenə orada, səh. 140).
Axıradək öz arını-namusunu qoruyan Şirin, Xosrovun dəfələr-
lə təkid etməsinə baxmayaraq, ona tabe olmur və bildirir ki :
Şah olsan belə, kəbinsiz yenə,
Yetişə bilməzsən istəklərinə (4, 78).
Şirinin öz abır-həyasını, namus və ismətini ləyaqətlə qoruyub-
saxladığını görən Xosrov Şah “əhd etdi, söz verdi, and içdi ki, hər-
giz, ona əl vurmasın kəbinsiz”. Belə də olur. Xosrov şah el adətilə
Şirinə toy edib, onunla evlənir. Xosrovun ölümündən sonra Şiruyə-
nin onunla evlənmək istədiyinigörən Şirin öz namusunu, irz- ismə-
tini şirin canı bahasına qoruyub saxlayı: Xosrovun məqbərəsində
özünü öldürüb, əbədiyyətə qovuşur.
134
A a
Şirinin namusunu, abır-həyasını, ismətini eynilə Leylidə də
görürük, – deyən müəllim, əlavə edir ki, o, kamallı, ay camallı, sərv
boylu, ahu gözlü olması ilə bahəm bakirə bir inci, dünyanın həyalı
bir dilbəri idi. Şirin kimi Leyli də öz ismətini axıradək qoruyub
saxlaya bilir. Zorla İbn Səlama ərə verilən Leyli ona and içir ki,
qanının-canının bahasına olsa belə, öz ismətini qoruyacaq :
...Qanımı töksə də sənin inadın,
Hasil olmayacaq məndən muradın.
Bu and təsir etdi İbn Səlama,
O da razılaşdı quru salama (74, 154).
İbn Səlamın ölümündən sonra Zeyd, Məcnunla Leylini görüş-
dürür. Bu zaman içəridə tək qaldıqlarına baxmayaraq, bir-biri üçün
dəli-divanə olan aşiqlərin hər ikisi də öz abır-həyasını, ar ismətini,
namusunu qoruyur. Şair burada öyrədir və təlqin edir ki:
Əgər məhəbbətdə olmasa ismət,
O şəhvət hissidir, deyil məhəbbət.
(yenə orada, səh.259)
Oğlu Məhəmmədə verdiyi öyüd-nəsihətlərdə də böyük müəl-
lim-tərbiyəçi olan N.Gəncəvi namus məsələsinə xüsusi diqqət
yetirir və tapşırır ki, oğlu onun adını özünün namuslu hərəkətləri ilə
qaldırmağa çalışsın:
Elə namuslu ol, desin hər görən;
“Ağıllı oğluna, Nizami, əhsən!” (57,349)
Bu misralaradan aydın göründüyü kimi, dahi şairin fikrincə,
hər bir ağıllı insan eyni zamanda namuslu olmalıdır.
“Məktəb pedaqogikası” dərsliyində əxlaq tərbiyəsinin məz-
mununu təşkil edən mənəvi keyfiyyətlər sırasında halallıq da xüsusi
135
A a
qeyd olunmuşdur. Bu keyfiyyət haqqında da dahi Nizaminin
hikmətli kəlamları kifayət qədərdir. Məsələn;
Halalca nemətimə naşükür olma mənim,
Nemətə xor baxana nemət qənimdir, qənim.
Yaxud:
Halal zəhmət itməyir, əlləşmək deyil eyib.
Tanrı: “Səndən hərəkət, məndən bərəkət deyib” deyib.
(yenə orada)
Əxlaq tərbiyəsinin məzmununa daxil edilən keyfiyyətlərdən
biri sadəlik və təvazökarlıqdır. Doğrudur, bu keyfiyyətin şərhinə
“Məktəb pedaqogikası” dərsliyində (120, 348) ayrıca yer veril-
mişdir, lakin üç atalar sözündən başqa burada proqram materialının
şərhini asanlaşdıran, əyaniləşdirən, dərketmə üçün maraq oyadan
poeziya nümunələrinə heç bir müraciət edilməmişdir. Halbuki,
Azərbaycanın bir çox dahi şəxsiyyətlərinin, o cümlədən, N.Gəncə-
vinin sadəlik və təvazökarlıq barədə hikmətli kəlamları, poetik ifa-
dələri kifayət qədərdir. Nümunə üçün bir neçə misalı nəzərdən
keçirək.
Sadəlik və təvazökarlığın əhəmiyyəti və mahiyyətini şərh
edərkən müəllim, dərslikdəki bu boşluğu aradan qaldırmaq və dərsə
marağı yüksəltmək məqsədilə dahi Nizaminin poeziyasına müraciət
edir və tələbələrin diqqətini onun həmin əxlaqi keyfiyyətlə bağlı fi-
kirlərinə yönəldir. Məsələn, “ağac bar gətirdikcə başını aşağı salar”
hikmətini aşılamağa çalışan şair təvazökarlığı olmayan dikbaş in-
sanları ilana bənzədir və xəbərdarlıq edərək başa salmağa çalışır ki:
İlantək dikbaşlı gəzmə ey insan!
Aşacaq dünyanın seli başından...
Çox da yüksəkliyə ucalma ki, sən,
Torpağa düşəndə inciməyəsən. (4,80)
136
A a
Daha sonra müəllim qeyd edir ki, dahi şairin fikrincə, insan
özünü nə qədər sadə aparsa, nə qədər çox təvazökarlıq göstərsə,
xalqın önündə əyilməyi bacarsa, xalqın gözündə bir o qədər ucala
bilər:
Ucalar özünü əyən insanlar,
Təvazö sahibi hörmət qazanar. (yenə orada)
Şan-şöhrət, bər-bəzək dalınca qaçan adamlara mənfi münasi-
bətini gizlətməyən, belələrini kəskin tənqid atəşinə tutan şair öyrədir
ki, insanın gözəlliyi onun sadəliyindədir, rahat yaşayışı sadə həyat
sürməyindədir:
Torpaq vücuduna vurma min bəzək,
İnsana qum kimi sadəlik gərək. (64,45)
Şair eyni zamanda öyrədir ki, sadə həyat tərzi, insanın asudə,
rahat yaşamasının təminatçısıdır:
Bu dünya malına uyma, çox zinhar,
Hər sadə keçinən asudə yaşar. (4,81)
“Öz-özünə vurulub bəyənmə sən özünü” fikrini hamıya aşıla-
mağa çalışan dahi Nizami demək olar ki, bütün poemalarında özünə
müraciətlə: “təvazökar ol!” – deyir. Şairin fikrincə, özündən razı
lovğalar həyatda hər zaman xar olar, sınar, təvazökar insanlar isə
uzun ömür sürər:
Özünü bəyənsə insan nə qədər,
Öz gözündən ona dəyər bəd nəzər.
Özündən razılar hər zaman sınar,
Ondan qurtarana uzun ömür var. (64,45)
Dostları ilə paylaş: |