392
İthaflar
– Eşitmisən, Naxçıvana böyük bir ordu gəlir.
– Nə vaxt?!
– Heç kim bilmir hələ. Bakı göndərir. Naxçıvanda da təzə hökumət quracaqlar. Şura hökuməti.
Camaatımız onlara yazıb ki, gəlin, bizi xilas edin...
– Bəs sənin qanın niyə qaradır?!
– Buna görə...
– Daha sən niyə qorxursan?!
– Necə niyə, gül kimi çaparlığım gedəcək əlimdən. Təkcə şəklində çapar qalacağam.
– Fikir eləmə, ay Məcid!
– Eh, ikirdən keçib. Bu şəkilin yaman uzandı ha... Çək qurtarsın, getsin də!
“Qurtar” demək asandır, başa vurmaq isə çətin. Bəhruzun özü də onu tez bitirmək ikrində
idi, ancaq yenə xəstələndi və “Naxçıvan çaparı” yenə yarımçıq qaldı. Bu xəstəliyi müddətində
onun ətrafında pərvanə kimi dolanan Hürnisə oldu. Bəhruz gözünü nə vaxt açdısa başının üstündə
əvvəllərdə olduğu kimi onu görürdü. Həkim Əli Mirzə Abbasovun verdiyi dərmanları vaxtında
içirdir, yemək– içmək və başqa xidmətləri sürətlə və səliqə ilə görürdü.
Həkim Əli Mirzə Abbasov ikinci dəfə gələndə Şirəlibəy onu əvvəlkindən qat-qat böyük
hörmətlə evə dəvət etdi. Nəzakətli, mülayim, yavaş danışan bu adam bir neçə gün bundan qabaq duz
– çörəklə Qızıl Ordunun qabağına çıxmış, onu Gorus yaxınlığında qarşılamışdı. Hamı Naxçıvanda
bunu bilirdi. Odur ki, Abbasovun nüfuzu daha da artmışdı. Şirəlibəy Bəhruzu diqqətlə müayinədən
keçirən həkimə, indi qeyri-adi adama baxan kimi baxırdı:
– Deyirsən daha Naxçıvanda sakitlik olacaq?!
– Təkcə sakitlik yox, bəy! – deyə Abbasov müayinəni dayandırmadı. – Qayda– qanun, gözəl
şərait, insanlıq...
– Təki siz deyən olsun, təki!
– Buna şəkki-şübhə eləmə, bəy! Təzə hökumət ədalətli hökumətdir, haqqın, ədalətin
tərəfdarıdır. Yoxsulların tərəfdarıdır. Avamlığın, cəhalətin düşmənidir.
Bu sözlər Bəhruzun ürəyindən idi. Əvvəllər Əliqulu Qəmküsarın, Tilisdəki dostlarının , Yakov
Nikoladzenin, sonralar Həsən Bektaşının söhbətlərindən belə ədalətli dünya haqqında eşitmişdi.
İndi belə dünyanın öz torpağında, Naxçıvanda bərqərar olduğunu biləndə sevindi, başını qaldırıb
həkimin üzünə baxdı. Abbasov gülə-gülə:
– İndi yaxşısan, oğlum! – dedi – On gün özünü möhkəm qorumalısan. Hələ küçəyə çıxmaq
olmaz.
Bir neçə gündən sonra Bəhruz Narıncdan məktub aldı: “ Salam, Bəhruz. Makuda bərk darıxıram,
həyət bacadan başqa heç yerə çıxmıram. Makunun özünü belə əməlli başlı görə bilməmişəm.
Fikrim – zikrim Naxçıvanda qalıb. Doğma yurddan ayrılmaq nə ağırmış! Sənin yanına gəldiyim
gün Pakizənin də yanına getmişdim. Yadındadır, Tilisdə, xəstəxanada gördüyümüz Pakizənin!
Vəziyyəti yaman pis idi, ondan da nigaranam, atamdan da, başqa qohumlarımızdan da! Yeganə
təsəllim sənin şəkillərindir, onlara baxanda özümü Naxçıvanda hiss edirəm. Naxçıvan üçün elə
darıxmışam ki, olmayan kimi, burnumun ucu göynəyir. Kaş tezliklə doğma yerə qayıdardım, kaş!
Hələlik, Bəhruz! Ümidimi hələ üzməmişəm. Narınc”
Bəhruz məktubu oxuyub qurtaranda, başını qaldırdı, otağın o tərəində kədərlə, nigarançılıqla
baxan Hürnisənin qısqanclıqla yanan gözlərini gördü.
393
İthaflar
3
Bəhruz sağaldı, kağız-qələmini götürüb küçəyə çıxdı. Naxçıvanın mərkəzinə yox, gəzə-
gəzə Şahab məhəlləsinə gəldi. “Süddü nənənin” yanından ötüb tanış küçə ilə irəlilədi. Bu zaman
Narıncın məktubu, kərpic hörgülü darvaza, darvazanın önündəki iri daş üstündə əyləşən ağ saçlı
qoca, hörüklü Pakizə onun yadına düşdü. Tilisdə Mixaylovski xəstəxanasında yaylığını başından
açıb, “çək, məni, çək!” çılğıncasına dediyini xatırladı. O vaxt Pakizənin zavallı görkəmindən tükləri
biz-biz olmuşdu. Görəsən, indi yaşayırmı, bəs qoca necə! Son illər bu məhəllədən keçməmişdi,indi
sanki ayaqları ilə getmir, onu kövrək bir duyğu aparırdı. Hətta bu duyğu kövrək qorxuya dönmüşdü.
Qocanı görmək arzusunun daha güclu olduğunu duyub, addımlarını yavaşıtdı. Küçədə nə ins vardı,
nə də cins, hər yan yay bürküsünün sükutunda mürgüləyirdi.
Həmin qapıya çatıb bir an ayaq saxladı, yenə sükut içində qeyri – adi hadisə gözlədi, elə bildi
ki, yenə o qapı açılacaq, qoşa hörüklü qız bir an içində görünəcək və yoxa çıxacaqdır. Yox, qapı
açılmadı, Bəhruz da yolundan qalmadı, eyni yavaş addımlarla, təəssülə, kədərlə uzaqlaşdı.
Bilirdi ki, bu küçənin qurtaracağı üzü dağlaradır, çoxdan idi ki, Naxçıvanın kənarlarını gəzmir,
bu dağları yaxından görə bilmirdi. Yenə bu istək qəil dalğa kimi qopub onu dağlara doğru apardı.
Dağları görən kimi hər şeyi unutdu,sürətini artırdı. Duman zirvələrin üstünə enmişdi, günəşin
şəfəqlərindən yanırdı. Bəhruzun əhval-ruhiyyəsi təzələndi, bu dağlardan doğmalığın nəfəsi axıb
sinəsinə doldu. Küçə uzanır, sanki birbaşa dağlara doğru gedirdi. Qarşıdan ağappaq, uca bir adam
gəlir, uzaqdan əcaib görünür, yaxınlaşdıqca əcaiblik daha da artırdı. Bəhruz birdən onu tanıdı, daş
üstündə əyləşən qoca idi, qar kimi saçı-saqqalı, yaxası açıq, ağ köynəyinin üstünə tökülmüşdü.
Şalvarı da ağ parçadan tikilmişdi, sanki kəfənə bürünmüşdü. Qızaran gözlərini bir nöqtəyə
zilləmişdi. Ağır-ağır gəlirdi. Bəhruz dayandı ki, onunla söhbət etsin. Qoca isə heç nə görmürmüş
kimi yanından ötüb keçəndə, qeyri-ixtiyari:
– Baba! – deyə qışqırdı, amma qoca bu səsə də biganə oldu, nə dayandı, nə də çönüb arxaya
baxdı. Bəhruz üçün hər şey aydın idi; qara hörüklü qız– Pakizə də yaşamırdı. Çevrilib qocanın
arxasınca baxdı. Elə bil qurumuş, ağappaq bir ağac gedirdi.
Bir neçə gündən sonra Bəhruz şəhərin mərkəzinə çıxanda hər yerdə bir canlılıq, hərəkət
gördü. Hamı harasa tələsirdi. Küçələrdə qırmızı bayraqlar asılmışdı. Bəhruz yay günəşinin şəfəqləri
altında bazara doğru gedəndə ucu şiş papaqlı, sarı köynəkli, toqqalı əsgərlərə rast gəlib maraqla
onlara baxırdı. Bazar yenə qaynayıb daşır, hamının dilində “şura hökuməti” sözləri dolanırdı.
Məscid divarının yanında yaylıqlı kor dilənçi yenə quruyub qalmışdı. Bərk yorğunluğunu duyub,
bazar çayxanasına tərəf yollandı. Xəstəlik hələ tamam canından çıxmamış, onu zəyilətmiş, gücdən
qüvvədən salmışdı. İndi girdiyi çayxana şəhərin ən gözəl çayxanalarından biri sayılırdı. Bəhruz qapı
yanındakı boş yerdə əyləşib, üzünü iri, sarı samovarın böyründə qurdalanan çayçıya çevirdi. Bu
vaxt o başda kimsə məlahətli səslə şeir deyirdi. Bəhruz dərhal o tərəfə baxdı. Gödəkboy, qızsifətli,
zərif bir dərviş gördü, gözləri canlı və iri idi. Tünd şabalıd rəngli yaxası açıq köynəyinə ağ qotazlı
şərid bağlamışdı. Ürəyə yol açan, məxmər kimi yumşaq səsi vardı. Hamı sükut içində diqqət kəsilib
onu dinləyirdi. Oxuduğu şeirin sözləri də adama ruh və qanad verirdi. Çayçı özü də iş görmədən,
piştaxtanın dalından heyran-heyran ona qula asırdı. Şeir sona çatdı, sonra saz çalıb oxudu, yenə
şeir deməyə başladı. Bəhruz heç zaman nə belə səs, nə də belə mənalı söz dinləmişdi. Ona görə çox