200
III fəsil
axmaq cavab verməklə həm özünü gülünc vəziyyətə salır,
həm də sınaqdan çıxa bilmir. Arzusuna çata bilmir. Eyni
vəziyyətə «Yola nərdivan ataq» nağılında da təsadüf edilir.
Müasir həyatdan bəhs edən bu real, inandırıcı nağılda
Azərbaycan məişət nağıllarına xas olan bir çox
xüsusiyyətlərə təsadüf edilir. Burada da qız sevdiyi oğlanın
ağlını, düşüncəsini tapmacalar vasitəsilə yoxlayır. Oğlan
kasıb olsa da, qız onun ağlını hər şeydən üstün tutur. «Ağlı
varsa var-dövlət qazanacaq, ağlı yoxsa, olanı da
dağıdacaq», - deyərək onu imtahana çəkir. Burada da oğlan
qızın suallarına doğru cavab verərək onun məhəbbətini
qazanır.
Bu nağılda xalq qadını sədaqəti, təmkini, tədbiri ilə
seçilən vəfalı yoldaş, insanları valeh edən gözəl bir varlıq
kimi tərənnüm edir.
Ümumiyyətlə, «Odunçu qızı», «Xayın vəzir», «Palançı
qızı» və s. İraq-türkman nağıllarından da göründüyü kimi,
patriarxal dünyagörüşürtdən fərqli olaraq Xalqın qadına
münasibəti həmişə müsbət olmuşdur (133, 145, 150, 155).
Burada qadınlar ağıllı, cəsarətli, iradəli, mətin, vəfalı,
sədaqətli, namus və şərəfini hər şeydən üstün tutan varlıq
kimi göstərilirlər ki, bu xüsusiyyətlər onları Azərbaycan
nağılları ilə doğmalaşdırır.
Demək lazımdır ki, qadına müsbət münasibət İraq-
türkman folklorunda təkcə nağıllarda deyil, atalar sözü və
bayatılarda və eləcə də «Arzu-Qəmbər»
və başqa
dastanlarda da özünü bariz şəkildə göstərir.
M.Qorkinin qeyd etdiyi kimi, çox qədim zamanlardan
bəri yorulmadan öz xüsusi yolu ilə tarixə yoldaşlıq edən
folklorun epik növünün nağıl janrında müxtəlif təbəqələrin
mübarizəsi qəribə bir tərzdə öz əksini tapmışdır. Bu
baxımdan, igidlik nağılları «Məhəmməd Çələbi», «Sığır
oğlu» və xüsusən də Keçəllə bağlı İraq-türkman nağılları
fərqlənirlər. M.H.Təhmasib baş qəhrəmanı Keçəl olan
nağıllardan danışarkən göstərmişdir: «Nağıllar öz təması,
Kərkük folklorunun janrları 201
öz qəhrəmanı və bu qəhrəmanın təqib etdiyi məqsəd,
daşıdığı ideologiya etibarı ilə müəyyən bir təbəqə ilə
bağlıdır. Bu qəhrəmanlardan birisi muzdur-nökərdir.
Qəhrəmanı muzdur-nökər olan nağıllar Azərbaycan
nağılları içərisində ən xarakterik nağıllardır. Bu
qəhrəmanlar Keçəl adlanırlar. Keçəl Azərbaycan nağılının
mübariz qəhrəmanıdır» (213, 137).
Bu, İraq-türkman folklorunda da eynilə belədir. İraq-
türkman məişət nağılları arasında geniş yayılan və xalq
tərəfındən çox sevilən nağıllar keçəllə bağlı olanlardır.
Keçəl İraq-türkman nağıllarında da, Azərbaycan və bəzi
türk xalqlarının nağıllarında olduğu kimi, əzmindən
dönməyən, haqsızlığa dözməyən, ağlı, zəkası ilə nahaqqı
damğalayan, çətinliklərdən çəkinməyən qoçaq, qorxusuz
mübarizdir.
Ona girişmək, onu hiylə ilə aldatmaq mümkim
deyil. Ona yalnız oğuzların «kiçik ölüm» adlandırdığı
yuxuda olarkən qalib gəlmək, onu tələyə salmaq olar. Odur
ki, xalq arasında keçəllə bağlı deyirlər:
Qaçsa tutulmaz,
Oynasa udulmaz.
Günnən əvvəl bəlkə aldanar
Gün çıxsa aldanmaz (149, 98).
Keçəllə bağlı iraqlı tədqiqatçı Məhəmməd Xurşidin
fikri də maraq doğurur: «Keçəl oğlan bəzi masallarda
keçən tanınmış bir şəxsiyyətdir. İlkin sönük olaraq
önəmsiz bir rolu olur. Masal irəlilədikcə doğruluğu və
igitliyini göstərməyə başlar. Paşa və padşah qızını alar.
Xoşbəxt yaşarlar» (149, 135).
Dünya xalqlarının folklorunda keçələ bənzər
qəhrəmanlar çoxdur. Məsələn, ruslarda ağıldankəm İvan,
hindlərdə pinti yetim, Skandinaviya
ölkələrində peçin
üstündə yatan və s. belələrindəndir (306, 213-255). Lakin
həmin qəhrəmanlar istəklərinə başlıca olaraq sehr
vasitəsilə nail olurlarsa, keçəl göstərdiyimiz kimi, istəyinə
ağlı, zəkası ilə çatır.
202 III fəsil
Keçəllə bağlı
Kərkük nağıllarında, Keçəlin
Azərbaycan nağıllarında olduğu kimi (193, 105). həmişə
müsbət planda verilməsi bizcə hər şeydən əvvəl bununla
bağlıdır. Keçəl mübarizdir. Onun mübarizəsi ictimai
həyatın hər bir sahəsində özünü göstərir.
Bu mübarizə
bəzən sadəcə olaraq mübarizə xatirinə edilirsə, çox vaxt
ictimai-iqtisadi ziddiyyətlərin zəruri nəticəsi kimi
meydana çıxir.
Ümumiyyətlə, Keçəllə bağlı nağıllarda öyüd-nəsihət,
həyat təcrübəsi və s. qabarıq şəkildə özünü göstərir.
İraq-türkman folklorunda Keçəllə bağlı nağıllar
arasında uşaqların yaş xüsusiyyəti, psixologiyası nəzərdə
tutularaq yaradılan nağıllar da yox deyildir. Bunların ən
yaxşı nümunəsi «Keçəl oğlan» nağılıdır.
Bu kiçik həcmli nağılda uşaqlara insanlar, sənət və
sənətkar, heyvanlar, təbiət və təbiət hadisələri, bitkilər,
meyvələr və s. haqqında məlumat verilir. Nağıl onların
dünyagörüşünün inkişafına, nitqlərinin rəvanlaşmasına,
təkrarlar hesabına uşaqların yaddaşlarının möhkəmlən-
məsinə kömək edir.
Bütün İraq-türkman
və eləcə də Azərbaycan
nağıllarında irəli sürülən ideya xeyrə rəğbət, şərə nifrət
aşılamaqdadır. Bu baxımdan, «İki keçəl» nağılı xüsusilə
fərqlənir. Bu nağılda ağıl, zəka, düşüncə, yumor,
hazırcavablıq və s. təqdir edilir. Paxıllıq, acgözlük,
tamahkarlıq və s. kimi sifətlər isə pislənir.
İraq-türkman ağız ədəbiyyatında da Azərbaycan
nağıllarında olduğu kimi, keçəllər yazıq, çirkin olur,
həmişə gülməli vəziyyətə düşürlər. Onlar uçuq-sökük
daxması, bircə anası və ya nənəsi, var-dövlətdən vur-tut
bircə danası, cöngəsi və ya xoruzu olan kimsəsiz yoxsullar
kimi təsvir edilirlər.
Lakin hadisələrin gedişində onun əsl siması üzə çıxır.
Xalqın arzu və istəyini ifadə edən keçəllər, ağlı, zəkası,
hazırcavablığına görə xalqın sevimlisinə çevrilmişlər.
Azərbaycan nağıllarına xas olan baş qəhrəmanların
Kərkük folklorunun janrları 203
ümumiyyətlə, ideallaşdırılması -
ilahi gözəlliklərə, yüksək
insani keyfiyyətlərə malik olmaq, ağıl, kamal, rəftarda
tayı-bərabəri olmamaq və s. xüsusiyyətlər eyni ilə İraq-
türkman nağılları üçün də səciyyəvidir.
Epik növün çox geniş yayılmış janrı olan nağılların
bədiilik cəhətdən böyük əhəmiyyəti vardır. Süjetli olmaları
və başqa janrlara bu istiqamətdə təsiri, onları başqa
janrlardan müsbət mənada fərqləndirir.
Xalq təfəkkürünün əvəzsiz xəzinəsi, «xalqın
psixologiyasını öyrənmək üçün vacib və lazım olan əsl
xalq yaradıcılığı nümunələri» (302, 610) sayıları nağıllar,
о cümlədən də İraq-türkman nağılları Xalqın milli xüsu-
siyyətlərini, adət-ənənəsini, məişət tərzini, ümumiyyətlə,
mədəniyyətini öyrənmək baxımından nə qədər uzaq
keçmişlərlə bağlı olsa da, bu gün də öz əhəmiyyətini
itirmir.
ATALAR SÖZLƏRİ VƏ MƏSƏLLƏR
Atalar sözləri və məsəllər başqa janrlarla bərabər onu
yaradan Xalqın tarixini, inkişaf mərhələlərini, həyat tərzi-
ni, dünyabaxışını, inam və etiqadını, adət və ənənəsini və
s. əks etdirən müstəsna dəyərə malik bir xəzinədir. Bu
xəzinədə uzaq keçmişlərlə bağlı hadisələrə, adət-ənənələrə,
hətta unudulub getmiş, hafızələrdən
silinmiş tarixi
həqiqətlərin güclə sezilə bilən izlərinə belə təsadüf edilir.
Odur ki, tədqiqatçılar bu mənəvi incilərə istinad edir,
onların vasitəsilə müəyyən hadisələrin izlərini və köklərini
axtarırlar. Tarixçi atalar sözü və məsəlləri qədim tarixə,
tarixi hadisələrə dair məlumat baxımından, hüquqşünas
onları xalq həyat yazılmamış qanunları baxımından,
etnoqraf atalar sözü və məsəlləri unudulub getmiş adət-
ənənələrin hifz olunub saxlarıdığı mənəvi dəyərlər
mənbəyi baxımından qiymətləndirir. Filosof atalar sözü və
məsəllər vasitəsi ilə Xalqın düşüncə tərzini öyrənməyə,
məntiq aləmində yerini dürüstləşdirməyə can