12.8. Avtomobil daşımalarının beynəlxalq-hüquqi tənzimlənməsi
Avtomobil nəqliyyatı müəyyən texniki-iqtisadi üstünlüklərə malik olan
nəqliyyat növüdür; nəqliyyatın bu növü istənilən dövlətin iqtisadi-təsərrüfat
həyatında vacib rol oynayır.
Beynəlxalq avtomobil nəqliyyatı sahəsində yaranan beynəlxalq-hüquqi
məsələləri həll etmək və tənzimləmək üçün bir sıra beynəlxalq saziş qəbul
olunmuşdur. Beynəlxalq yük daşınması müqaviləsi haqqında Konvensiya (BYDM)
bu sahədə bağlanan əsas saziş hesab olunur, bu Konvensiya ingiliscə «CMR»
abreviaturası (Convention relative an contract de transport
international des
marchandises par route) ilə tanınır. Göstərilən Konvensiya beynəlxalq avtomobil
daşımalarını tənzimləyən başlıca və mühüm beynəlxalq-hüquqi akt hesab olunur. 19
may 1956-cı il tarixdə Cenevrə şəhərində 11 dövlət tərəfindən imzalanan Konvensiya
2 iyul 1961-ci il tarixdən qüvvəyə minsmişdir.
Avropa ölkələrinin əksəriyyəti sözü gedən Konvensiyada iştirak edirlər. 2000-
ci ildən Azərbaycan Respublikası da onun üzvüdür. MDB üzvü olan ölkələrdən
Rusiya
Federasiyası,
Belorusiya,
Ukrayna
və
digərləri
də
Konvensiya
iştirakçısıdırlar. Konvensiya beynəlxalq avtomobil yük daşınması müqaviləsinin
şərtlərini, müqavilə iştirakçılarının (yük sahibi və daşıyıcının) hüquq və vəzifələrini,
daşıyıcının yükün salamat (olduğu kimi) saxlanmamasına görə məsuliyyətini,
daşınma üçün yükün qəbul edilməsi və təyinat yerində onun yükalana verilməsi
qaydalarını tənzimləyir. Bütövlükdə 8 fəsil və 51 maddədən ibarət olan Konvensiya
imperativ xarakterli sənəddir. Buna görə də müqavilə iştirakçıları Konvensiyada
nəzərdə tutulandan fərqli qayda müəyyənləşdirə bilməzlər.
Azərbaycan Respublikası həm də BYD kitabçası tətbiq edilməklə beynəlxalq
yük daşımaları haqqında Gömrük Konvensiyasına qoşulmuşdur; bizim ölkəmiz 1996-
cı il tarixdən bu Konvensiyanın iştirakçısıdır. Konvensiya 1959-cu ildə imzalanmış,
1975-ci ildə yeni redaksiyada qəbul edilmiş və 1978-ci ildən qüvvəyə minmişdir.
Konvensiya beynəlxalq avtomobil daşımaları zamanı gömrük prosedurunu
tənzimləyir, belə daşımaların gömrük recimini müəyyən edir; o, Beynəlxalq Yol
Daşıma (BYD) kitabçasının tətbiq edilməsini nəzərdə tutur ki, ona ingiliscə «TIR»
(Transport İnternational Routine) deyilir. Buna görə
də sözü gedən Konvensiya, bir
qayda olaraq, BYD Konvensiyası («TIR» Konvensiyası) da adlanır.
Elə beynəlxalq sazişlər vardır ki, onlar yol hərəkətinin təşkilinə həsr
olunmuşdur. Bu növ sazişlərin əsas funksiyası beynəlxalq avtomobil yol hərəkətini
tənzimləməkdən ibarətdir; onlar yol hərəkəti qaydalarını müəyyən edir. Söhbət
aşağıdakı konvensiyalardan gedir:
-Yol hərəkəti haqqında Paris Konvensiyası (1926-cı il);
-Avtomobil hərəkəti haqqında Paris Konvensiyası (1926-cı il);
-Eyni yol nişan və işarələrinin tətbiqinə dair Cenevrə Konvensiyası (1931-ci
il);
-Yol hərəkəti haqqında Vyana Konvensiyası (1968-ci il) və b.
Qeyd etmək lazımdır ki, beynəlxalq avtomobil daşımaları sahəsində həm də
ikitərəfli sazişlər bağlanmışdır; onlar avtomobil daşımalarını beynəlxalq- hüquqi
tənzimetmə
mənbəyidir. Azərbaycan Respublikası
Türkiyə, İran, Rusiya
Federasiyası, Ukrayna, Moldova, Latviya və digər ölkələrlə avtomobil nəqliyyatı ilə
beynəlxalq daşımalar sahəsində ikitərəfli hökumətlərarası sazişlər bağlamışdır. Bu
sazişlər əsasında həm müntəzəm, həm də qeyri-müntəzəm yük və sərnişin daşımaları
həyata keçirilir.
Beləliklə, qeyd edə bilərik ki, beynəlxalq avtomobil daşımalarının hüquqi
tənzimlənməsi beynəlxalq nəqliyyat hüququnun ayrıca institutu – beynəlxalq
avtomobil daşımaları hüquq institutu vasitəsilə həyata keçirilir.
12.9. Beynəlxalq su (çay) daşımalarının hüquqi tənzimlənməsi
Beynəlxalq daşımalar həm də beynəlxalq çaylardan istifadə etməklə yerinə
yetirilir. Beynəlxalq çaylar dedikdə dünya okeanının dənizləri ilə bağlı olan, iki və
daha çox dövlətin ərazisini bölən (ərazisindən keçən) çaylar başa düşülür; belə çaylar
sahilboyu dövlətlərin və ya bütün digər dövlətlərin ticarət gəmilərinin naviqasiyası
üçün açıqdır.
Beynəlxalq su (çay) daşımaları beynəlxalq çayların vasitəsilə həyata
keçirilir;ən azı iki dövlətin ərazisində beynəlxalq çayların vasitəsilə yerinə yetirilən
daşımalara beynəlxalq su (çay) daşımaları deyilir. Bu növ daşımalar sahilyanı
dövlətlər arasında bağlanan çoxtərəfli sazişlərin əsasında tənzimlənir; həmin
sazişlərin əsas məqsədi beynəlxalq çayların ticarət gəmiçiliyi üçün istifadə recimini
müəyyənləşdirməkdən ibarətdir. Onlar çay gəmilərinin hərəkət təhlükəsizliyinin
təmin olunmasına, sahilyanı dövlətlərin çay ətrafında olan obyekt və qurğularından
istifadə edilməsinə, belə istifadənin kommersiya şərtlərinə, ekologiya məsələlərinə və
s. aid normalar nəzərdə tutur.
Avropada beynəlxalq su (çay) daşımaları, əsasən, iki beynəlxalq çayın
vasitəsilə həyata keçirilir: Reyn çayı, Dunay çayı. Reyn çayı ilə beynəlxalq daşımalar
Reyn üzrə gəmiçilik haqqında Konvensiya (1868-ci il), Dunay çayı ilə beynəlxalq
daşımalar isə Dunayda gəmiçiliyin recimi haqqında Konvensiya ilə (1948-ci il)
tənzimlənir.
Beynəlxalq su (çay) daşımaları həm də aşağıda göstərilən beynəlxalq- hüquqi
sənədlərlə tənzimlənir:
-Su nəqliyyatının və beynəlxalq göllərin istifadəsinə və qorunmasına dair
Konvensiya (1992-ci il);
-Beynəlxalq əhəmiyyətli vacib çay yolları haqqında Avropa Sazişi (1996-cı il);
-Təhlükəli yüklərin çaylarla beynəlxalq daşınması haqqında Avropa Sazişi
(2007-ci il);
-Çayla yük daşınması müqaviləsi haqqında Budapeşt Konvensiyası və s.
Beynəlxalq su (çay) daşımaları həm də ikitərəfli sazişlərlə tənzimlənir. Bu növ
daşımaların tənzimlənməsində çoxtərəfli sazişlər əsas rol oynayır. Belə ki,
beynəlxalq çaylar, adətən, ikidən çox dövlətin ərazisindən keçir. Təbii ki, həmin
dövlətlərlə sahilyanı dövlətlər öz aralarında çoxtərəfli beynəlxalq saziş bağlamaqla
beynəlxalq su (çay) daşımalarının hüquqi tənzimlənməsini həyata keçirirlər. Məsələn,
1955-ci ildə sahil dövlətləri Dunay çayı ilə yük
daşınmasının ümumi şərtləri barədə,
Dostları ilə paylaş: |