Birinci kitab
Yüklə 3,06 Mb. Pdf görüntüsü
|
42
mümkün olmayacaq. — Əvəzində mən Ceynə baxa bilərəm, mənə lazım olan hər şey budur. — Bəlkə Lizzi, hər halda atlann dalınca adam göndərək? — atası soruşdu. — Yox, həqiqətən, lazım deyil. Mən hətta yeriməkdən şad olacağam. Adamın qarşısında müəyyən məqsəd duranda məsafəni hiss etmir. Buradan oraya olsa-olsa üç mil yoldur. Nahara qədər evdə olaram. — Yaxın adama kömək etməyə hazır olmağına heyranam, Meri dedi. — Ancaq hər bir qəlb çırpıntısını ağıl-kamalla yoxlamaq lazımdır. Düşünürəm ki, hər işdə tələb olunan fəaliyyətə uyğun güc sərf etmək lazımdır. — İstəyirsənsə, Meritona qədər birlikdə gedək? — Ketrin və Lidiya təklif etdilər. Elizabet razılaşdı və üç qız evdən eyni zamanda çıxdı. — Əgər tələssək, — yolda Lidiya dedi, — bəlkə də kapitan Karteri yola düşməzdən qabaq tapa bilərik. Meritonda onlar ayrıldılar. Kiçik bacılar zabitlərdən birinin arvadının yanma yollandı, Elizabet irəliyə doğru tez-tez addımladı, ta Nezerfildin özünə çatana qədər sahələri bir- birinin ardınca keçdi, təpələri tələsərək adladı, xəndəklərdən tullanaraq getdi. Nəhayət, yorulmuş halda palçığa batmış corablan və piyada yeriməkdən alışıb-yanan çöhrəsi ilə mənzil başına yetdi. Onu Ceyn istisna olmaqla Nezerfild camiəsinin toplaşdığı səhər yeməyi otağına apardılar. Elizabetin downloaded from KitabYurdu.org
43
gəlişinə görə hamı xeyli təəccüblənmişdi. Onun səhərin erkən çağında, belə bir havada, həm də təkbaşına bütöv üç mili piyada qət etməsi mister Binqlinin bacılarına, sadəcə, qeyri-adi görünürdü. Tamamən nəzakətlə qarşılansa da, Elizabet onların gözlərindən hərəkətinin bəyənilmədiyini anlayırdı. Mister Binqlinin davranışında isə əksinə, sadə nəzakətdən daha böyük nələrinsə əlamətlərini sezmək mümkün idi. Onun rəftarında rəğbət və təqdir hiss olunurdu. Mister Darsi qaradinməz idi, mister Hörst isə, ümumiyyətlə, heç nə demədi. Birinci - mister Darsi Elizabetin sürətli yerişdən qızışaraq necə də qəşəngləşdiyi, onu yola çıxmağa vadar edən səbəbin bu qədər cəsur gəzintiyə nə dərəcədə bəraət qazandırdığı haqqında düşünürdü. İkincinin - mister Hörstün fikri-zikri isə bütünlüklə səhər yeməyinə cəmləşmişdi. Ceynin sağlıq durumu haqda məlumatlar təsəlliverici deyildi. Miss Bennet həyəcanlı gecə keçirmişdi və yataqdan qalxsa da, özünü o qədər pis hiss edirdi ki, otaqdan çıxa bilməmişdi. Elizabetin xahişi ilə onu dərhal xəstənin yanma apardılar. Bacısının gəlişi Ceyni çox sevindirdi. O, hədsiz həyəcan doğurmasın deyə məktubda onu nə qədər böyük arzuyla görmək istədiyini yazmamışdı. Fəqət Ceyn, demək olar, danışa bilmirdi və miss Binqli onları ikilikdə buraxanda o, yalnız burada onun qayğısına qalanların qeyri-adi xeyirxahlığından minnətdarlıq ifadə edə bildi. Elizabet xəstənin qulluğunda susaraq durdu. downloaded from KitabYurdu.org 44
Səhər yeməyindən sonra mister Binqlinin bacıları gəldi və Elizabet onların rəfiqələrinə necə qayğı və diqqət göstərdiklərini görərək özündə onlara rəğbət hiss etdi. Tezliklə gəlib çıxan əczaçı xəstəni müayinə edərək dedi ki, güman olunduğu kimi, xəstəlik güclü soyuqdəymədən yaranıb. O, ən təsirli tədbirlərin görülməsini tələb etdi, xəstəyə yataq rejimi yazdı və dava- dərman göndərəcəyini vəd etdi. Yataq təyinatı dərhal icra edildi, çünki qızdırma və başağnsı elə hey güclənirdi. Elizabet bacısını bir an belə tərk etmədi. Başqa qadınlar da, demək olar, ayrılmadılar - doğrusu, onların görəcəyi bir iş də yoxdu, çünki kişilər evdə yox idi. Saat üçə yaxınlaşanda Elizabet hiss etdi ki, qayıtmaq vaxtıdır və o, həvəssiz halda bu barədə dedi. Miss Binqli ona ekipajla getməyi təklif etdi və o, demək olar, ondan istifadəyə hazır idi. Ancaq Ceyn qarşıda duran ayrılıqdan o qədər qüssələndi ki, miss Binqli istər-istəməz ona daha bir müddət Nezerfilddə qalmağı təklif etdi. Dəvət minnətdarlıqla qəbul olundu və ailəni xəbərdar etmək və lazımi paltarları gətirmək üçün Lonqborna nökər göndərildi. VIII
FƏSİL Saat beşdə qadınlar paltarlarını dəyişməyə getdilər və saat altının yarısında Elizabeti masaya çağırdılar. Xəstənin sağlıq durumu barədə nəzakətlə suallara cavab verərək, o, özlüyündə mister Binqlinin səmimi narahatlığını məmnuniyyətlə qeyd etdi. downloaded from KitabYurdu.org
45
Təəssüf ki, hər hansı bir təsəlliverici xəbər vermək mümkün deyildi. Ceynin vəziyyəti əvvəlki kimi ağır olaraq qalırdı. Mister Binqlinin bacıları bunu eşidərək üç, ya dörd dəfə kədərləndiklərini bildirdilər, soyuqdəymənin nə qədər müdhiş bir şey olduğu və onlardan heç kimin xəstələnməyi sevmədiyi barədə mühakimə yürütdülər və artıq rəfiqələrini yada salmadılar. O, olmadığı vaxt onların Ceyn barədə az düşündüklərinə əmin olan Elizabet bacılara əvvəlki kimi nifrət duydu. Bütün məclis əhlindən onun rəğbətini qazanan yeganə insan mister Binqli idi. Elizabet anlayırdı ki, başqaları ona çağırılmamış qonaq kimi yanaşır, yalnız xəstə haqqında mister Binqli öz səmimi narahatlığı və onun bacısına diqqəti ilə bu hissi bir qədər yumşaldırdı. Mister Binqlidən savayı çətin ki, onu kimsə fərq edirdi. Miss Binqlinin diqqətini bütünlüklə mister Darsi unutmuşdu, mister Hörst bacısından geri qalmamağa çalışırdı, Elizabetlə yanaşı oturmuş mister Hörstə gəlincə, bu qəlbsiz insan dünya üzündə yalnız yemək, içmək və kart oynamaq üçün yaşayanlardan idi. Onun səbzəli lobyanı qızartmadan üstün tutaraq xoşladığını öyrəndikdə, Elizabetin daha danışmağa sözü qalmamışdı. Nahardan dərhal sonra Elizabet Ceynin yanma qayıtdı. O otaqdan çıxan kimi miss Binqli onun dalınca qeybət etməyə başladı. Onun ədalan fitnəkar və təkəbbürlü sayıldı və deyildi ki, o, zövqdən, gözəllikdən, zəriflikdən və ünsiyyət qurmaq bacarığından tamamilə məhrumdur. Missis Hörst də eyni cür düşünürdü və o, downloaded from KitabYurdu.org Yüklə 3,06 Mb. Dostları ilə paylaş:
|