224
Vacib və haram hökmlərə münasibətdə bu yanaşma daha da
ciddiləşir. Amma müstəhəb işlərdə bu sayaq dərin araşdırmaya ehtiyac
yoxdur. “Nüdbə” duası da bu sayaq məsələlərdəndir. Bu duanın
mötəbər bir sənəddə nəql olunması bir o qədər də mühüm deyil.
Həmin duanı qorxu və ümid hissləri ilə qiraət etmək kifayətdir.
Duanın mətnindən, sözlərindən onun etibarlılığı görünür. Çünki eyni
məsələlər ayə və rəvayətlərdə də qeyd olunur.
Sual: 374. Səhih rəvayəti qeyri-səhih rəvayətdən necə
fərqləndirmək olar?
Cavab: Bəzi uydurmaçılar həzrət Peyğəmbərin (s) dövründən
başlayaraq hədis qоndаrdıqlаrı üçün səhih hədisi qeyri-səhih hədisdən
seçmək üçün meyara ehtiyac duyulur. Bir neçə meyar göstərmək olar:
1. Qurana uyğunluq – İmam Sadiq (ə) həzrət Peyğəmbərdən (s)
belə nəql edir: “Həqiqətən, hər bir haqq üçün bir həqiqət və hər bir
savab üçün bir nur var. Allahın kitabına uyğun gələni əxz edib, ona
zidd olanı boşlayın.”
1
2. Digər məsumların buyuruqlarına uyğunluq – Həsən ibn Cəhm
deyir: İmam Rizaya (ə) ərz etdim ki, sizin tərəfinizdən bizə fərqli
hədislər çatır. Həzrət buyurdu: “Bizim tərəfdən sizə çatanı Allahın
kitabı və bizim hədislərlə müqayisə edin. Әgər uyğun gəlsə, bizdəndir,
uyğun gəlməsə, bizdən deyil.”
2
3. Ağıla uyğunluq – Həzrət Peyğəmbər (s) buyurur: “Әgər sizə
məndən bir hədis yetişsə Allahın kitabı ilə müqayisə edib, onu
ağlınızın hökmünə verin. Әgər kitab və ağıla uyğundursa, qəbul edin,
uyğun deyilsə, divara vurun.”
3
Sual: 375. “Nüdbə” duası haqqında böyük alimlərin nəzəri nədir?
Cavab: Şeyx Mürtəza Әnsari “Әl-məkasib” kitabında “Nüdbə”
duası haqqında danışarkən ona heç bir etiraz bildirmir və sənədini
araşdırmır.
Şeyx Abdullah Maməğani və İrəvani də uyğun duaya oxşar
münasibət göstərmişlər.
Sual: 376. “Nüdbə” duasını kimlər nəql etmişdir?
1
“Kafi”, c. 1, s. 69.
2
“Vəsailuş-şiə”, c. 27, s. 121.
3
“Şərhe-üsule-kafi”, c. 2, s. 343.
225
Cavab: “Nüdbə” duası bir çox alim və hədisçilər tərəfindən nəql
olunmuşdur. Onlardan bəziləri ilə tanış olaq: Şeyx Məşhədi, “Әl-
Məzar”; Seyyid ibn Tavus, “Misbahul-Zair”; “İqbalul-Әmal”; Әllamə
Məclisi, “Zadul-Məad”; Şeyx Cəmil Әbül-Fərəc Məhəmmədi ibn Әli
ibn Yaqub ibn İshaq ibn Әbu-Qürrə Bənani; Şeyx Әbu-Cəfər
Məhəmməd ibn Hüseyn ibn Süfyan.
Mərhum
Аyətullah Bürucirdi buyurur: “Ricalşünaslığın
(hədisçiləri tanımağın)
yollarından biri onların şagirdlərinin
şəxsiyyətini tanımaqdır. Әgər Şeyx Müfid kimi bir şəxsin daim
müəyyən bir şəxsə istinad etdiyini və ona irad tutmadığını görürüksə,
bu özü həmin şəxsin etibarlılığını göstərir.”
Sual: 377. “Nüdbə” duasının rəvayətçisi imamın müasiri
olmadığı halda bu duanı necə nəql edir?
Cavab: Kimsə iddia etmir ki, Әbu-Cəfər Məhəmməd ibn Hüseyn
ibn Süfyan Bəzufəri “Nüdbə” duasını vasitəçisiz nəql etmişdir.
İmamdan rəvayət nəql etmək üçün onun müasiri olmaq zəruri deyil.
Biz əminik ki, bu duanı Bəzufəriyə istinadən nəql edənlər onun
sənədini göstərməyi zəruri saymamışlar. Ya da Bəzufəri özü “Nüdbə”
duası çox məşhur olduğundan onun sənədini göstərməyə ehtiyac
duymamışdır.
Sual: 378. “Nüdbə” duasını vasitə ilə nəql etmiş Məhəmməd ibn
Məşhədi kimdir?
Cavab: Ayətullah Xoyinin Şeyx Hürr Amilidən nəql etdiyinə
görə, Məhəmməd ibn Məşhədi Məhəmməd ibn Әli ibn Cəfərdir.
1
Mərhum Hacı Nuri isə “Xatəmeye-Mustədrək” kitabında bu
barədə deyir: “Məhəmməd ibn Məşhədi Hairi kimi tanınmış
Məhəmməd ibn Cəfər ibn Әli ibn Cəfər Məşhədidir. O Әbül-Fəzl
Şazan ibn Cəbrail Qumminin rəvayətçilərindəndir. O, Şeyx Müfiddən
iki vasitə ilə rəvayət edir.”
2
Sual: 379. “Nüdbə” duasının digər bir rəvayətçisi olan
Məhəmməd ibn Әli ibn Әbu-Qürrə kimdir?
Cavab: Bu şəxs mötəbər rəvayətçilərdəndir. Nəccaşi onun
haqqında deyir: “O etibarlıdır, xeyli rəvayət eşitmiş və bir çox kitablar
1
“Məcəme-ricalul-hədis”, c. 17, s. 269.
2
“Mustədrəkul-Vəsail”, c. 3, s. 368.
226
tərtib etmişdir. O, imamiyyə səhabələri üçün kitabları vərəq-vərəq
oxumuşdur və bizimlə məclislərdə olmuşdur.”
1
Sual: 380. İbn Məşədi “Nüdbə” duasını Məhəmməd ibn Әbu-
Qürrədən necə nəql etmişdir?
Cavab: Məhəmməd ibn Cəfər Məşhədi Məhəmməd ibn Әbu-
Qürrənin müasiri olmamışdır. Sadəcə, Әbu-Qürrənin “Məzar” adında
kitabı var və İbn-Məşhədi öz nəqlində bu kitaba əsaslana bilərdi.
Sual: 381. İbn-Məşhədi mötəbər sayılmışdırmı?
Cavab: O, Әhməd ibn İdrisin şagirdlərindən sayılır. Və
ustadından rəvayət nəql etmişdir. Şeyx Müfid həmin şəxsdən rəvayət
nəql etdiyi üçün onu Şeyx Müfid tərəfindən etibarlı saymaq olar.
Bəzufəri haqqında rical kitablarında xüsusi bir qeyd yoxdursa da,
o Şeyx Müfidin istinadgahı olduğundan və Şeyx ona dua etdiyindən
onu etibarlı saymaq olar.
Sual: 382. “Nüdbə” duası hansı imamdandır?
Cavab: Zahirən, bu dua imam Sadiq (ə) tərəfindəndir. Bu
həqiqəti mərhum Məclisi də təsdiqləyir. Amma bəzi mənbələrdən belə
görünür ki, bu dua Sahibəzzamana aiddir. Belə bir qənaətə gələ bilərik
ki, “Nüdbə” duası Sahibəzzaman tərəfindən yox, onun üçün
yazılmışdır.
Belə bir ehtimal da var ki, Bəzufəri bu duanı əsrin məşhur
rəvayətçilərindən olmuş atası Hüseyn ibn Әli ibn Süfyandan nəql
etmişdir. Həmin şəxs dörd naib vasitəsi ilə Sahibəzzamanla rabitə
saxlaya bilərdi.
Sual: 383. “Nüdbə” duasını şiə alimləri tərtib etməmişdirmi?
Cavab: Bəziləri bu duanı şiə alimlərinə aid edirlər. Amma bu
iddia bir sıra səbəblərdən batildir:
1. Bəzufəri rəvayətin davamında qeyd edir: “Belə görünür ki, bu
dua məsum imam tərəfindən bəyan olunmuşdur. Çünki beş hökm
(vaciblik, haramlıq, müstəhəblik, məkruhluq, mübahlıq) yalnız
Allahın məsum övliyalarının səlahiyyətində olan işdir.
2. Dua üçün konkret bir vaxtın göstərilməsi onun məsumlar
tərəfindən nəql olunduğunu bildirir.
1
“Ricale-Nəccaşi”, s. 283.
Dostları ilə paylaş: |