![]() Book · January 013 citation reads 419 1
1.3.1-rasm. Hozirgi zamon ekologik fanlar tizimi. tabiat tizimida (ekotizimda) organizmlarning o‘zaro va ularni yashash muhiti (makoni, nishasi) o‘rtasidagi munosabatlarning turli jihatlarini tadqiq qiluvchi fan tarmog‘i, ularga oid bilimlarni beruvchi ta’lim yo‘nalishi, ularni optimallashtiruvchi iqtisodiyot sohasi, deyishimiz mumkin. Ekologiya fan tarmog‘i bo‘lgani uchun ham u ijtimoiy kategoriyaga, ya’ni insonlarga xos munosabat shakliga kiradi. Shuning uchun ham uning maqsadida «inson uchun» degan ibora birlamchi ahamiyat kasb etadi. Ekologiyaning'>Ekologiyaning maqsadi – hozirgi va kelajak avlodlar uchun barcha organizmlar yashash muhiti xavfsizligini ta’minlash. Ekologik xavfsiz yashash muhiti – organizmlar, jumladan, insonlarning muayyan ekotizimlarda normal holatda ko‘payishi, o‘sishi va rivojlanishi uchun toza, sog‘lom va qulay atrof tabiiy muhit holati demakdir. Ushbu maqsadga erishmoq uchun, bizning fikrimizcha, quyidagi ekologik tusdagi vazifalarni bajarish talab etiladi (1.3.2-rasm) Ekologiya fanining boshqa fanlar o‘rtasida tutgan o‘rniHamma jumboq shundaki, biz Sizlar bilan ushbu risolada ekologiyani boshqa fanlar o‘rtasida tutgan o‘rnini aniqlashtirib olishimiz kerak bo‘ladi. Chunki, biz taniqli Amerika ekolog olimi E. Makfedenni fikriga qo‘shilgan holda, ekologiyani boshqa fanlar va ayniqsa biologiya hamda geografiyadan ajratib olishimiz, jumboqning «kalavasi»ni topish bilan tengdir. Barchamizga ma’lumki, biologik fanlar – zoologiya, botanika, sitologiya, bioximiya, genetika, morfologiya, embriologiya, fiziologiya kabilar asosan tirik organizmlarga tegishli bo‘lgan holat, jarayon va hodisalarni talqin qiladi. Ularda atrof tabiiy muhit faqatgina tashqi omil sifatida qaraladi va bir tomonlama tadqiq qilinadi. Organizmlarning morfologik, morfogenetik, morfometrik ko‘rsatkichlari tabiatga bog‘langan tarzda ochib berilishi ham mumkin. Lekin biologik fanlarning bevosita tadqiqot predmeti sifatida organizmlar va ularning atrof tabiiy muhiti – «aks sado», ya’ni ikki tomonlama – muhit organizmlarning o‘zaro ta’sirini o‘rganmaydi. Ha, «Ekologiya»ni ilk bor fanga biologlar olib kirdilar. Ha, «Ekologiya» 1866-yildan to XX asrning 70- yillarigacha biologik fanlar tizimida rivojlandi. Lekin, 1970-yili butun Yevropada «Atrof-muhit yili»ning o‘tkazilishi, 1972-yilda esa Shvetsiyaning Stokgolm shahrida bo‘lib o‘tgan «Atrof-muhit muhofazasi»ga bag‘ishlangan xalqaro konferensiyasida «Ekologiya» mustaqil fan tarmog‘i, ta’lim yo‘nalishi va amaliyot sohasi sifatida e’tirof etilgan edi. Shvetsiya, Daniya, Finlandiya, Germaniya, Belgiya kabi Yevropa mamlakatlarida o‘sha yillardan boshlab
1.3.2-rasm. Hozirgi kunda ekologiyaning asosiy vazifalari. darslik va qo‘llanmalar chop etila boshlandi. Barcha ta’lim muassasalari uchun majburiy o‘quv predmeti sifatida kiritildi, xalqaro munosabatlarda birlamchi munozara obyekti bo‘lib chiqdi. Masalan, «Boltiq dengizi loyihasi» (MUVIN Project), «Shimoliy dengiz», «Toza daryolar», «Kislotali yomg‘irlar», «Yashil bayroq», «Yashil maktab», «Daryo qirg‘oqlarini ekologik o‘rganish va kartalashtirish» va h.k. Umuman olganda, har biri qachonlardir, qaysidir fanlar tizimida turgan. Geografiyada geologiya, metofizikada geografiya, falsafada metofizika va h.k. Bundan biologiya ham istisno emas, albatta (1.4.1-rasm). Biologiya fanining tadqiqot obyekti – organizmlar, tadqiqot predmeti – ularning tuzilishi, funksiyasi, kelib chiqishi, tarqalishi, taraqqiyoti, o‘zaro aloqasi va notirik tabiat bilan aloqasi8. Ekologiyaning obyekti esa – ekotizimlar, tadqiqot predmeti esa biologiya faniga yaqin – organizmlar o‘zaro aloqasi va atrof tabiiy muhiti o‘rtasidagi munosabat qoidalari, qonuniyatlari, holati, funksional bog‘liqligi9. Fan va fanlar metodologiyasida10 har bir fan mustaqil ravishda «oyoqqa turishi» uchun yo mustaqil tadqiqot obyekti, yoki mustaqil tadqiqot predmeti bilan boshqa, ayniqsa, turdosh fanlardan ajralib turishi lozim11. Ekologiya esa biologiyadan aynan tadqiqot obyekti bilan ajralib turadi. U nafaqat mustaqil fan, balki fanlar tizimiga aylanib bormoqda (1.3.1-rasmga qarang). Buni esa keng ekolog olimlar tomonidan e’tirof etilgan amerikalik tadqiqotchi-biolog olim Y.P. Odumning «Ekologiya» nomli rus tiliga tarjima qilingan kitobiga akademik V.Y. Sokolov tomonidan berilgan so‘zboshida (6-bet) «Hanuzgacha biz ekologiyani biologik fanlar qatoriga kiritar edik. Odum bo‘yicha esa u fanlararo bilimlar predmeti ekanligini anglab olamiz ham», deb izoh beriladi. Endi geografiya va ekologiyaga kelsak. Geografiyaning obyekti – geografik tizimlar (geotizim)12. Eng yirik geotizim – geografik qobiq (geosfera), eng kichigi – fatsiya. Ekologiyada eng yirigi – ekosfera (bu biosfera qobig‘iga to‘lig‘icha mos tushmaydi, bu haqda quyi boblarda yoziladi), eng kichigi – tomchi suv, organizmlarning tirnog‘i yoki undan ham kichik nanoolam (bu hanuzgacha aniq bir tasniflanishga ega emas). Geografik fanlar tadqiqot predmeti sifatida geotizimlarning hududiylik, majmualilik, tizimlilik va davriyligini tadqiq qiladi13. Geografiya organizmlarning atrof tabiiy muhiti bilan bo‘ladigan qonuniyatlari, jumladan ijtimoiy-sotsial munosabatlarni ham o‘rganadi. Mazkur holda ham geografiyaning tadqiqot predmeti ekologiyanikiga yaqin turadi. Lekin aynan o‘zi emas. Shunday qilib, ekologiya biologik va geografik fanlardan asosan tadqiqot obyekti bilan farq qiladi. U organizmlar, jumladan insonlarning muayyan ekotizimlar doirasida aloqadorlik holati, qonuniyatlari va qonunlarini tirik va notirik tabiat bilan uzviy bog‘lagan tarzda tadqiq qiladi. Unda har qanday tadqiqot, xoh u tasniflash, rayonlashtirish, kartalashtirish, morfologik va morfometrik ko‘rsatkichlarini o‘rganish bo‘lsin, albatta, ularni ajratmagan tarzda tahlil qiladi, taklif beradi va amalga oshiradi. Aks holda ushbu tadqiqotlar yo geografik, yoki biologik xususiyat kasb etadi. 1.4.1-rasm. Ekologiyani boshqa fanlar bilan uning tizimidagi fanlar Yüklə 4,14 Mb. Dostları ilə paylaş: |