Buxoro davlat universiteti turobova hulkar rustamovna agrobiznesni tashkil etish va boshqarish
-rasm. «Bek cluster» MChJ QKning faoliyat ko‘rsatish
Yüklə 2,5 Mb. Pdf görüntüsü
|
| 4.2-rasm. «Bek cluster» MChJ QKning faoliyat ko‘rsatish
tuzilmasi 11 . “Bek cluster” dastlab “Bek” ishlab chiqarish birlashmasi sifatida faoliyat ko‘rsatishni boshlagan va tarkibiga “Gul-ren-teks”, “Tekstil market”, “Davron Shavkat Savdo” mas'uliyati cheklangan jamiyatlari, “Guliston medtexnika”, “Sarbonteks”, “Orzu tekstil' SV”, “Sirdarinskiy bereg” qo‘shma korxonalari, paxtachilik, g‘allachilik, chorvachilik, bog‘dorchilik, uzumchilik, parrandachilik va yilqichilikka ixtisoslashgan fermer xo‘jaliklarini birlashtirgan. 2-jadvalda «Bek cluster» MChJ QKning faoliyat ko‘rsatish tuzilmasi keltirilgan. 4.2. Agroklasterlarni belgilovchi me'yoriy huquqiy hujjatlar Agroklasterlarni rivojlantirish uchun huquqiy asosni yaratuvchi me'yoriy-huquqiy hujjatlar tizimini quyidagi asosiy guruhlarga bo‘lishimiz mumkin. 1. Umumiy me'yoriy-huquqiy hujjatlar 2. Maxsus me'yoriy-huquqiy hujjatlar 11 Eshonqulov S.X., Urdushev X. Meva-sabzavot klasterda uzum ishlab chiqarish, qayta ishlash va sotishni optimallashtirish masalalari//“Iqtisodiyot va innovasion texnologiyalar” ilmiy elektron jurnali. № 2, mart-aprel', 2019 yil. http://iqtisodiyot.tsue.uz/sites/default/files/maqolalar/Murodova.pdf 86 Umumiy me'yoriy-huquqiy hujjatlarda korxonalarni klaster usulida faoliyat yuritishi, shakllantirish va rivojlantirishga asos bo‘luvchi me'yoriy-huquqiy hujjatlarni kiritish mumkin. Umumiy me'yoriy-huquqiy hujjatlarga quyidagilarni kiritish mumkin: 1. O‘zbekiston Respublikasi Konstitusiyasi. 2. O‘zbekiston Respublikasi qonunlari. 3. O‘zbekiston Respublikasi Oliy majlis qarorlari. 4. O‘zbekiston Respublikasi Prezidentining farmonlari va qarorlari. 5. O‘zbekiston Respublikasi Vazirlar mahkamasining qarorlari. 6. Vazirliklar, davlat qo‘mitalari va idoralarining me'yoriy hujjatlari. 7. Mahalliy davlat hokimiyati organlarining qarorlari. Misol tariqasida umumiy me'yoriy-huquqiy hujjatlarga quyidagilarni kiritish mumkin: “O‘zbekiston respublikasida mulkchilik to‘g‘risida” O‘z.R.Qonuni (1990 yil), “Xususiy korxona to‘g‘risida” O‘z.R.Qonuni (2003 yil), “Tadbirkorlik faoliyati erkinligining kafolatlari to‘g‘risida” O‘z.R.Qonuni (2012 yil) va boshqalar. Agroklasterlarni shakllantirish va rivojlantirishning maxsus huquqiy-me'yoriy hujjatlari bosqichma-bosqich shakllantirilmoqda va ular quyidagilarda namoyon bo‘ladi: - Vazirlar Mahkamasi qaroriga asosan fermer xo‘jaliklari, qishloq xo‘jaligining boshqa ishlab chiqaruvchilari va to‘qimachilik sanoati korxonalari o‘rtasida bozor munosabatlarini yanada rivojlantirish, yuqori qo‘shilgan qiymatga ega zamonaviy to‘qimachilik mahsulotlari ishlab chiqarishni tashkil etishni rag‘batlantirish va qishloq aholisining bandligini oshirish maqsadida: 1. 2019 yil paxta xomashyosi hosilidan boshlab, respublika mintaqalarida paxta-to‘qimachilik ishlab chiqarishlarini tashkil etishning klaster shakllarini joriy etish; 2. Qoraqalpog‘iston Respublikasi Vazirlar Kengashi, viloyatlar va tumanlar hokimliklari, Qishloq xo‘jaligi vazirligi, «O‘zto‘qimachiliksanoat» uyushmasi O‘zbekiston fermer, dehqon xo‘jaliklari va tomorqa yer egalari kengashi bilan birgalikda: 87 2018 yil 1 oktyabrgacha bo‘lgan muddatda fermer xo‘jaliklarining ro‘yxatini aniqlash va fermer xo‘jaliklari hamda paxta-to‘qimachilik ishlab chiqarishlari va klasterlar tashkilotchilari o‘rtasida 2019 yil paxta xomashyosi hosili uchun kontraktasiya shartnomalari tuzilishiga amaliy yordam ko‘rsatish; fermer xo‘jaliklari tomonidan olingan majburiyatlarni bajarmasligi sababli bo‘shaydigan yer maydonlaridan ishlarni tashkil etishning ilg‘or agrotexnologiyalari va uslublarini joriy qilish, suv resurslaridan samarali va oqilona foydalanish ko‘rsatkichlari bo‘yicha ijobiy natijalarni ta'minlaydigan paxta-to‘qimachilik ishlab chiqarishlari hamda klasterlari tashkilotchilariga ushbu maydonlardan foydalanish huquqini tomchilatib sug‘orishning zamonaviy tizimini bosqichma-bosqich joriy qilish sharti bilan belgilangan tartibda berishga qaror qilindi. - Vazirlar Mahkamasi “Paxta-to‘qimachilik ishlab chiqarishlarini yanada rivojlantirish chora-tadbirlari to‘g‘risida” qarorini qabul qildi (230-son 18.03.2019). Qarorga binoan 2019 yil paxta xomashyosi hosilidan boshlab, respublika hududlarida klaster shaklida paxta- to‘qimachilik ishlab chiqarishlarini tashkil etishga ruxsat berildi - Vazirlar Mahkamasining “Respublika hududlarida paxta- to‘qimachilik ishlab chiqarishini joriy etish mexanizmlarini yanada kengaytirish chora-tadbirlari to‘g‘risida” (914-son 18.11.2019) qarori qishloq xo‘jaligi ishlab chiqarishida tarkibiy islohotlarni chuqurlashtirish va bozor munosabatlarini joriy qilish, paxta xomashyosini qayta ishlash hamda to‘qimachilik mahsulotlarini ishlab chiqarish tarmoqlarining integratsiyalashuvini yanada kengaytirish maqsadida respublika hududlarida 2020 yil paxta hosilidan boshlab paxta-to‘qimachilik ishlab chiqarishlari va klasterlarini tashkil etish hamda ekin maydonlarini kengaytirish; paxta-to‘qimachilik ishlab chiqarishlari tashkilotchilariga belgilangan tartibda paxta tozalash korxonalari hamda paxta tayyorlash punktlarining bino va inshootlarini baholash qiymatini 5 yil muddatda bo‘lib to‘lash sharti bilan sotish; Qoraqalpog‘iston Respublikasi Vazirlar Kengashi va viloyatlar hokimliklari tashkil etilayotgan hamda ekin maydonlari kengaytirilayotgan paxta-to‘qimachilik ishlab chiqarishlari 88 tashkilotchilariga belgilangan tartibda sug‘oriladigan yer maydonlari ajratish va boshqalarni nazarda tutadi. - O‘zbekiston Respublikasi Vazirlar Mahkamasining “Paxta- to‘qimachilik ishlab chiqarishini yanada rivojlantirish chora-tadbirlari to‘g‘risida”gi 397-son 22.06.2020) qarori qabul qilindi. Unda paxta- to‘qimachilik klasterlari faoliyati samaradorligini yanada oshirish, paxta xom ashyosini chuqur qayta ishlash quvvatlarini ko‘paytirish, ushbu jarayonga ilmiy asoslangan usullar va intensiv texnologiyalarni keng joriy etish, shuningdek, paxta-to‘qimachilik klasterlari faoliyatida yuzaga kelayotgan muammolarni o‘z vaqtida bartaraf etish, ularning manfaatlarini davlat hokimiyati boshqaruv organlarida himoya qilish tizimini yo‘lga qo‘yish maqsadida «O‘zbekiston paxta-to‘qimachilik klasterlari» uyushmasini tashkil etish ta'kidlanadi. Uyushmaning asosiy vazifalari va faoliyati yo‘nalishlari etib quyidagilar belgilandi: - paxta-to‘qimachilik klasterlari faoliyatini hamda ular tomonidan loyihalarning amalga oshirilishini muvofiqlashtirish, ularning huquqlari va manfaatlarini himoya qilish, davlat organlari va tashkilotlari hamda xo‘jalik birlashmalari bilan o‘zaro samarali hamkorlikni tashkil etish; - paxta-to‘qimachilik klasterlarini hududlarning salohiyati yanada rivojlanishi istiqbollaridan, xom ashyo bazasi, mavjud infratuzilma, mehnat resurslari va bozor kon'yunkturasidan kelib chiqqan holda joylashtirishga ko‘maklashish; - paxta xom ashyosini yetishtirish jarayoniga ilg‘or agrotexnolo- giyalar hamda resurslarni tejaydigan texnika va texnologiyalarni joriy etish, shuningdek, paxta-to‘qimachilik klasterlari bilan fermer xo‘jaliklari o‘rtasidagi munosabatlarni tartibga solishning shaffof mexanizmini yaratish; - yuqori qo‘shilgan qiymatga ega tayyor mahsulot ishlab chiqarish va eksport qilish, paxta-to‘qimachilik klasterlari faoliyatini kengaytirish hamda mazkur jarayonlarga raqamli texnologiyalarni keng joriy etish bo‘yicha kompleks tadbirlarni amalga oshirish; - paxta-to‘qimachilik klasterlari faoliyatini rivojlantirish uchun unifikasiyalangan imtiyoz va preferensiyalar qo‘llash bo‘yicha takliflar ishlab chiqish; 89 - ichki va tashqi bozorda marketing tadqiqotlarini tashkil qilish, tarmoqni rivojlantirishning o‘rta va uzoq muddatli dasturlarini ishlab chiqish hamda amalga oshirishda ishtirok etish, shuningdek, tarmoqqa bozor mexanizmlarini keng joriy qilish; - paxta-to‘qimachilik ishlab chiqarishini modernizasiyalash, texnik qayta jihozlash, yuqori unumli innovasion texnologiyalarni joriy etishda investisiyalarni, shu jumladan to‘g‘ridan-to‘g‘ri xorijiy investisiyalarni keng jalb etishda paxta-to‘qimachilik klasterlariga ko‘maklashish; - paxta-to‘qimachilik ishlab chiqarishini jadal rivojlantirish va barqaror faoliyat yuritishiga to‘siq bo‘layotgan tizimli muammolarni aniqlash va bartaraf etish, shuningdek, sohaga oid qonun hujjatlarini yanada takomillashtirish bo‘yicha takliflar tayyorlash. Davlatimiz rahbarining 2019 yil 23 oktyabrdagi farmoni bilan O‘zbekiston Respublikasi Qishloq xo‘jaligini rivojlantirishning 2020- 2030 yillarga mo‘ljallangan strategiyasi qabul qilindi. Unga muvofiq, yuqori qo‘shilgan qiymatli mahsulotlar ishlab chiqarish maqsadida meva- sabzavot klasterlari tashkil etilmoqda. 2019 yil 11 dekabrda bu borada Prezident qarori qabul qilinib, barcha tashkiliy-huquqiy asoslar yaratib berildi. “Meva-sabzavotchilik va uzumchilik tarmog‘ini yanada rivojlantirish, sohada qo‘shilgan qiymat zanjirini yaratishga doir qo‘shimcha chora-tadbirlar to‘g‘risida”gi 4549-sonli Prezident qarorida (11.12.2019 yil) meva-sabzavot va uzumchilik sohasida yuqori qo‘shilgan qiymatli mahsulotlar ishlab chiqarish, eksport hajmini oshirish, foydalanishdan chiqqan va lalmi yerlarni o‘zlashtirish, paxta, g‘alladan qisqartirilayotgan maydonlarga eksportbop qishloq xo‘jaligi ekinlari ekishni ko‘paytirish, shuningdek, bog‘, tokzor va issiqxonalar imkoniyatlaridan samarali foydalanishni yo‘lga qo‘yish maqsadida: meva-sabzavot va uzum mahsulotlarini yetishtirish, qayta ishlash va eksport qilish bo‘yicha klasterlarni tashkil etish tashabbuskor, tegishlicha Qoraqalpog‘iston Respublikasi Vazirlar Kengashi va viloyatlar hokimliklari hamda O‘zbekiston Respublikasi Qishloq xo‘jaligi vazirligi o‘rtasida tuziladigan uch tomonlama kelishuv asosida amalga oshiriladi; 90 meva-sabzavot klasterini tashkil etish bo‘yicha tashabbuskorlar, qoida tariqasida, qayta ishlovchi va eksport qiluvchi tashkilotlar orasidan, ularning tajribasi va imkoniyatlaridan kelib chiqib tanlab olinadi, bunda birinchi navbatda mahsulotlarni saqlash va qayta ishlash bo‘yicha to‘liq ishlatilmayotgan quvvatlarni ishga tushirish nazarda tutiladi; meva-sabzavot va uzum mahsulotlari yetishtiruvchilarni meva- sabzavot klasterlariga biriktirish ular bilan qayta ishlovchi va eksport qiluvchi tashkilotlar hamda tuman hokimligi o‘rtasida ixtiyoriylik asosida tuziladigan mahsulot yetkazib berish shartnomalari orqali amalga oshiriladi; meva-sabzavot klasteri ishtirokchilari — mahsulot yetishtiruvchi, qayta ishlovchi va eksport qiluvchi tashkilotlar o‘rtasidagi munosabatlar mahsulot yetkazib berish shartnomalari orqali tartibga solinadi; mahsulot yetkazib berish shartnomalari Qoraqalpog‘iston Respublikasi Vazirlar Kengashi va viloyatlar hokimlari tomonidan qayta ishlovchi va eksport qiluvchi tashkilotlarning takliflari asosida qabul qilinadigan meva-sabzavot va uzum mahsulotlarini joylashtirish to‘g‘risidagi qarorlar va uch tomonlama kelishuv shartlari asosida tuziladi hamda tuman qishloq xo‘jaligi bo‘limi tomonidan ro‘yxatdan o‘tkaziladi; mahsulot yetkazib berish shartnomalari fuqarolik qonun hujjatlari talablari asosida tuziladi, ularda shu jumladan mahsulot narxini haqiqiy xarajatdan kelib chiqib aniqlash, xarid qilinadigan mahsulot uchun oldindan ajratiladigan avans mablag‘lari hisobiga mahsulot yetishtiruvchilarni urug‘, ko‘chat, mineral o‘g‘itlar, yonilg‘i-moylash materiallari va boshqa resurslar bilan ta'minlash, agrotexnika va agrokimyo xizmatlari ko‘rsatish, yangi innovasion texnologiyalarni qo‘llash bo‘yicha tavsiyalar berish, axborot-maslahat xizmatlari ko‘rsatish nazarda tutiladi. Ushbu qarorda agroklasterlarni moliyaviy qo‘llab-quvvatlash chora- tadbirlari ham ko‘zda tutilgan bo‘lib, ular quyidagilardan iborat: - qishloq xo‘jaligi birlashmalari a'zolari va meva-sabzavot klasterlari ishtirokchilari o‘rtasida kooperatsiya aloqalarini rag‘batlantirish ularni moliyaviy qo‘llab-quvvatlash orqali amalga oshiriladi, bunda mahsulot yetishtiruvchilarni uch tomonlama kelishuv ishtirokchisi bo‘lgan qayta 91 ishlovchi va eksport qiluvchi tashkilotlar orqali aylanma mablag‘lar bilan ta'minlash, yangi bog‘, tokzor va issiqxonalar barpo etish, mahsulotlarni saqlash va qayta ishlash obyektlarini yaratish uchun tijorat banklari tomonidan ajratiladigan 20 milliard so‘mgacha miqdordagi kreditlar bo‘yicha Tadbirkorlik faoliyatini qo‘llab-quvvatlash davlat jamg‘armasi hisobidan foiz stavkasining O‘zbekiston Respublikasi Markaziy banki qayta moliyalash stavkasidan oshadigan, lekin 8 foiz punktidan ko‘p bo‘lmagan qismiga kompensasiya yoki kredit summasining 50 foizi miqdorida kafillik taqdim etiladi; - intensiv bog‘ va tokzorlar tashkil etish loyihalarini moliyalashtirishda ishtirok etadigan tijorat banklariga ushbu loyihalar uchun kreditlar ajratishda bog‘ va tokzorlar hosilga kirgunga qadar (turiga ko‘ra) asosiy qarz bo‘yicha imtiyozli davr belgilash tartibini joriy etish; - O‘zbekiston Respublikasi Investisiyalar va tashqi savdo vazirligi, Qishloq xo‘jaligi vazirligi tijorat banklari bilan birgalikda: meva-sabzavot va uzum mahsulotlarini yetishtirish, qayta ishlash va eksport qilish tizimini moliyaviy qo‘llab-quvvatlash uchun xalqaro moliya institutlarining mablag‘lari keng jalb qilinishini; xalqaro moliya institutlarining jalb qilingan mablag‘larini Qoraqalpog‘iston Respublikasi va viloyatlar kesimida mahsulot yetishtiruvchilar, qayta ishlovchi va eksport qiluvchi tashkilotlarga manzilli yetib borishini ta'minlashlari ko‘zda tutilgan. O‘zbekiston Respublikasi Qishloq xo‘jaligi vazirligi huzuridagi Bog‘dorchilik va issiqxona xo‘jaligini rivojlantirish agentligi qoshidagi Bog‘dorchilik va issiqxona xo‘jaligini rivojlantirish jamg‘armasi hamda Uzumchilik va vinochilikni rivojlantirish agentligining Uzum yetishtiruvchilar va vino tayyorlovchilarni qo‘llab-quvvatlash jamg‘armasi hisobidan — qishloq xo‘jaligi birlashmalari a'zolari va meva-sabzavot klasterlari ishtirokchilariga mahalliy sharoitda yetishtirilgan intensiv ko‘chatlar (pakana va yarim pakana) hamda payvandtaglarni sotib olish xarajatlarining bir qismini qoplash uchun subsidiyalar ajratish; 92 O‘zbekiston Respublikasi Qishloq xo‘jaligi vazirligi huzuridagi Uzumchilik va vinochilikni rivojlantirish agentligining Uzum yetishtiruvchilar va vino tayyorlovchilarni qo‘llab-quvvatlash jamg‘armasi hisobidan — uzumchilik yo‘nalishidagi investitsiya loyihalarini moliyalashtirish uchun tijorat banklari tomonidan ajratiladigan kreditlar bo‘yicha kafillik taqdim etishlar nazarda tutilgan. Yüklə 2,5 Mb. Dostları ilə paylaş:
|