Camal Zeynaloğlu
Yüklə 1,18 Mb.
|
71
güc yox. İstədiyin kimi, sağa-sola gəzərsən özünçün, - deyə Aynur yenə də Rənanı sancmaqdan çəkinmədi. - Aynur, sən nə danışdığını bilirsən heç? Mən nə vaxt gəzməyə getmişəm? Özün də bilirsən ki, bun günə qədər mən icazəsiz heç mağazaya belə getməmişəm. Bundan sonra nə danışdığına fikir ver! O ki qaldı günortaya qədər yatmağıma. Sən məni nə vaxt yuxudan gec oyanan görmüsən?! Əksinə,
sən yuxudan qalxanda, mən artıq həyət-bacanı süpürüb təmizləyirəm.
Birdə ki, niyə günortaya qədər yatmalıyam, Aynur? Bəs, evin işləri, uşaqlar? İndi Gülüsüm xala istirahət etməlidir. Bunun ona haqqı daha çoxdur. Çünki mən işləyəndə, evin bütün işləri, uşaqlara baxmaq hamısı onun üstündə idi. Allah onun ölənlərini qəni-qəni rəhmət eləsin. O, olmasaydı, mən işləyə bilməzdim. Haqqı deyəsən, Gülüsüm xalanın üzərimdə əməyi çoxdur, nə qədər çalışsam da onu ödəyə bilmərəm. - Hə, düz deyirsən. Elə bir-birinizi tərifləyib durursunuz. Nə yaman qayın-qədim olmusunuz, balam. Allah mənə də bir övlad versəydi, indi mənim də qayınanamın yanında sənin kimi xətir-hörmətim olardı. - Aynur, sən allah, başlama görək. İnşallah sənin də övladın olar. Ancaq bunun üçün gərəkdir ki, hər zaman Allaha dua edib, onun rəhminə, kəramətinə, bizlərə bəxş etdiyi naz- nemətlərə görə şükür edəsən. - Rəna Aynuru yenə də haqqın yoluna dəvət etmək istədi. - Hansı günümə şükür edəcəyəm, ağəz?! Sən də tutmusan, şükür elə. Nəyə və nə üçün şükür etməliyəm ki? - Aynur Rənanın sözlərindən cin atına mindi. - Aynur, sən düz danışmırsan. Necə yəni, nəyə və nə üçün şükür etməlisən? Sən ona şükür etməlisən ki, evin-eşiyin var. Şükür etməlisən ki, Anar kimi ailəcanlı, işgüzar, mehriban, alicənab ərin var. Şükür etməlisən ki, Anarın işi var və ailəsini halal zəhməti ilə dolandırır. Kimsəyə əl açmır, kimsənin qarşısında əyilmir. Sən ona şükür etməlisən ki, istədiyin paltarı
72
alıb geyinirsən, könlün istədiyi yeməkləri yeyirsən, istədiyin yerə getmək istəyəndə , Anar sənə heç zaman etiraz etmir, həmişə çalışır ki, sənin istəklərini yerinə yetirsin, sənin qəlbini qırmasın. Allaha şükür et ki, həm ərinin, həm də sənin canın sağlamdır. Daha bundan artıq insana nə lazımdır? Sən ilk növbədə sağlamlığına görə, ərinin işi olduğuna görə, ev-eşik sahibi olduğuna görə Allah-təalaya şükür etməlisən. Əgər sən Yaradana sidqi ürəkdən dua etsən, namaz qılıb, oruc tutsan, qəlbini ona bağlasan, onun qüdrətinə və mərhəmətinə sığınsan, o zaman Allah istədiyini sənə hökmən verər. Çünki O, hər şeyə qadirdir. Yetər ki, qəlbindəki şeytani hisslərdən uzaq olasan! Bizlər həm də ona şükür etməliyik ki, bizi Yaradan bizə bu gözəl dünyanı və gözəllikləri seyr etmək üçün bir cüt sağlam göz, Allah kəlamlarını, ürəklərə sərinlik verən, onu rövnəqləndirən xoş və xeyirli sözlər eşitmək üçün iki qulaq, Allahın varlığını təsdiq edən, Məhəmməd Peyğəmbəri (s) tanıyan, Qurani-Kərimi oxuya bilən, doğru-dürüst danışa bilən, insan könüllərini fəth edə bilən sözlər söyləyən, həmişə haqqı söyləyən, insanları bir-birinə dost, yoldaş, həmsirdaş edən, qırılmış, incik düşmüş qəlbləri barışdıran şirin dil, dünyanı dərk etmək, dünya elmlərinə sahib olmaq, doğru yol seçmək, gələcək həyatını müəyyən etmək, onu necə qurmağı düşünən, çətinliklərdən çıxış yolları aramaq üçün, yaxşını pisdən ayırd etmək üçün bizə düşünən sağlam təfəkkür, haqq yoluna, xeyir işlərə getmək, yüyürmək üçün bir cüt sağlam ayaq, xeyir işlər görmək, hər cür bəladan səni hifz edən iki əl, haqqı-nahaqdan ayıran, axirət üçün daim xeyir əməllər görməyə səsləyən,
şeytanı yaxına buraxmayan, daimi onu özündən uzaqlaşdırmağa çalışan, mərhəmətli, saf, təmiz və imanlı bir qəlb vermişdir. Məgər bütün bu dediklərim şükür etmək üçün səncə, yetərli deyilmi?! Ancaq indi elə insanlar var ki, nə evi-eşiyi var, nə gündəlik işi var, nə də ki, yeməyə bir tikə çörəyi. Yaman günləri xatırlayıb, xoş günlərə şükür etmək lazımdır, Aynur. 73
- Ağəz, bəsdir görək, sən allah. Sözlə qarın doymur, ay Rəna xanım. Sən özünü ağıllı hesab edirsən? Ancaq mənim fikrimcə, sən həyatda heç bir şey bilmirsən, dünyagörüşün də məhduddur. Sən ətrafında baş verənləri doğru-dürüst görə bilmirsən. Bəs harda qaldı sənin o bir cüt baxar gözlərin? İnsanlar fərqlidir, hamı eyni cür düşünə bilməz. Məsələn, səninlə mən ayrı-ayrı adamlarıq, biz bir-birimizlə fərqli dünyanın insanlarıyıq. Mən heç bir zaman istəməzdim ki, sənin kimi düşünüm. - Aynur əda ilə dilləndi. - Əlbəttə, mən bunu inkar etmirəm. Biz səninlə ayrı-ayrı düşüncə tərzinə malik insanlarıq - Rəna dedi. - Yaxşı, gedim, şam yeməyi hazırlayım. “K stati”, Rəna keçən həftə, axşam səni maşınla qapımızın ağzında düşürən adam kim idi? - Müdirimiz Rizvan idi. Həmin axşam
soyuq olduğundan bütün işçilər kimi, məni də maşını ilə evə kimi
gətirdi. Necə bəyəm? - Heç
, elə belə soruşdum. Dedim görəsən, Rəna xanım yad bir kişinin maşınında gecə vaxtı nə gəzir. - Aynur, nə danışdığına fikir ver! Elə bir bu qalmışdı adıma çıxarasan. Ayıb deyilmi, o cür düşünürsən? Sən çox qəlbiqara adamsan, Aynur! Daha sənə deyiləsi heç bir sözüm yoxdur. Axı, dürüst insanlar haqqında
bu cür yanlış düşüncələrə varmaq böyük günah hesab edilir. Nəyə görə özünü günaha batırırsan?! - Yaxşı, yaxşı bir sözdür də soruşdum. Sizdən son zamanlar söz də soruşmaq olmur daha! - Aynur fors edib evinə getdi. Bir gün Anar işdən çıxıb evə gələndə, yolda onu maşın vurur. Onu xəstəxanaya aparırlar. Bu bəd xəbəri eşidən Gülüsüm xala xəstəxanaya yüyürdü. Onun dalınca Aynur, sonra da Rəna uşaqları qonşuya tapşırıb, Anarın hayına tələsdilər. Həkimlərin dediyinə görə, Anarın hər iki ayağı möhkəm əzilmiş, ayaq sümükləri çilə-çilə olmuş, damarları qırılmışdı. Yeganə çarə Anarın ayaqlarını dizdən kəsmək idi. Gülüsüm Yüklə 1,18 Mb. Dostları ilə paylaş:
|