Camal Zeynaloğlu
Yüklə 1,18 Mb.
|
65
adil, rəhmdil və mərhəmətlidir. O, tövbə edənləri bağışlar, - deyə Gülüsüm xala təlaş içində Aynura xəbərdarlıq etdi. - Gülüsüm xala, yalan danışıram məgər? Allah-təala bəs mənə niyə heç olmasa, bircə övlad vermir? Mən Ona nə etmişəm ki?! - Qızım, bizi Yaradana həmişə şükür etmək lazımdır. Allaha şükür olsun ki, pis dolanmırsan, sənin ki, heç bir şeydən də ehtiyacın yoxdur, nədənsə korluq çəkmirsən. Nə istəyirsən, Anar dərhal onu səninçün alıb gətirir. Amma bütün bunlara rəğmən mən indiyə kimi, sənin dilindən bircə dəfə də olsun bu nemətləri, ruzi-bərəkəti bizlərə bəxş edən Rəbbinə şükür və dualar etməyini nə eşitdim, nə də ki gördüm. Gün gələr, Allah sənə də övlad qismət edər, inşallah! Ancaq bunun üçün sən qəlbindəki şübhələri, pis niyyətləri, şeytani hissləri oradan çıxarıb atmalısan, onların yerinə iç dünyanı iman, inam, xeyirxahlıq, mərhəmət hisslərilə doldurmalısan. - Siz gündə dəfələrlə namaz qılır, Allaha şükür və dualar edirsiniz. Nəticəsi nə olur? Məgər işləriniz yağ kimi gedir? Heç bir şeydən korluq çəkmirsiniz? Sizin ki, dolanışığınız o qədər də yaxşı deyil, bilirəm ki,
ailə büdcənizdə də “qara gün”ə heç bir qara qəpik də pul yoxdur. Bəs, Allah-təala sizə niyə görə istədiklərinizi vermir? Siz ki, Ondan yerdən göyədək razılıq edirsiniz. Belə olan halda, sizin daha heç bir şeydən ehtiyacınız olmamalıdır ki. Deməli, Allah-təala da insanları düzgün qiymətləndirmir, onlar arasında fərq qoyur, - deyə Aynur yenidən Tanrıya asi kəsildi. - Səsini kəs, ay qız! Əstəğfurullah!!! Azğınlaşdın ha! Bu qızın deyəsən, vələdi dönüb. Ay qız, sən Şeytana uymusan! Sən nə danışdığını bilirsənmi heç?! Bu danışıqlarınla nəinki özünü, elə bizim hamımızı böyük bir bəlaya salacaqsan. İlahi, o, cahillik etdi, Sən onun dediklərini bağışla! Onu əfv et, ya Rəbbim! İlahi, onun bu cahilliyini Fatimeyi - Zəhraya bağışla! Gülüsüm xala nə qədər yalvardı ki, gəlini dedikləri sözlərə görə tövbə etsin, amma gəlin inadından dönmədi. Həmin 66
gündən sonra Gülüsüm xalanın içindəki Aynura qarşı qalmış azca sevgi və istək də tamam yox olub getdi. İndi Gülüsüm xala Aynura tam başqa bir gözlə baxırdı və qəlbində düşünürdü ki, “bu gəlindən nə desən gözləmək olar.” Bundan sonra Gülüsüm xala onunla çox ehtiyatlı davranmağı və müəyyən işlərdə ona güvənməməyi, etibar etməməyi qərara aldı. Raufgilin maddi sıxıntı keçirməsini Anar da bilirdi. O, bir neçə dəfə qardaşına və anasına maddi kömək etmək istəmişdi, amma arvadı Aynur buna imkan verməmişdi: - Onlar özlərini yalandan belə göstərirlər. Raufun pulu qurtaran deyil. Nə qədər istəsən qardaşının pulu var, amma bizə göstərmək istəyirlər ki, guya maddi cəhətdən korluq çəkirlər. Bunlar hamısı sənin o, çoxbilmiş, gülməşəkər gəlinbacının hiylələridir. Ailənin maddi sıxıntı söz-söhbətlərini Rəna yaradır, bütün bunların hamısı onun başının altından çıxır, - deyə Aynur Anarı qardaşına qarşı dold u rmağa çalışırdı. - Sən necə bir insansan, Aynur? Görmürsənmi Rauf aldığı maaşı qəpiyinə qədər gətirib anama verir? Biz iki nəfərik, onlar isə altı nəfərdilər. Qardaşımın artıq pulu haradan olacaq? Sən ömründə heç olmasa bircə dəfə də olsun, doğru-dürüst söz söyləyəcəksən, ya yox?! Suyunu, çörəyini götürüb, düşmüsən yazıq Rənanın üstünə. De görüm, Rənadan nə istəyirsən? Niyə onu rahat buraxmırsan? Bəsdir daha! Sənin də onun kimi bir şirin dilin olsun da! Bezdim daha sənin bu iynəli, atmacalı sözlərindən! Bu həyətdə hamını bezdirmisən! - Anar əsəblərini cilovlaya bilmədi. - Xeyir ola?! Hər dəfə Rənadan söz düşəndə, niyə onu bu qədər canfəşanlıqla müdafiə edirsən? Bəli, mənim sözlərim sənin xətrinə dəyər də! Çünki mən onun kimi sənə küçüklər doğmuram. Bunu hər dəfə mənim başıma çırpırsan, - deyə Aynur qabaqdangəlmişlik etdi. - Heç hənanın yeridir. Mən nə danışıram, sən nə danışırsan. Gör bir söhbəti haraya aparıb çıxartdın. Aynur, sən çox paxıl
67
qadınsan. İndi mənə gün kimi aydın oldu ki, qardaşım uşaqlarını gözün götürmür. İnsana övlad qismət etmək Allah- təalanın məsləhətidir. O, istədiyinə verər, istəmədiyinə verməz. Biz, bəndələr Tanrının işinə əl uzatmamalıyıq. Hər şey bizi Yaradanın əlindədir. Yetər ki, qəlbin Onunla olsun, Onun mərhəmətinə sığınasan. Çünki Allah-təala lütf və kəramət sahibidir. - Anar dedi. Evdəki sıxıntılara görə, bir axşam Rəna Raufa dedi ki, qoy o da işləsin. Amma Rauf buna razı olmadı: - Sənin körpə uşağın olduğu halda, işləmək hardan çıxdı? Sən evdə uşaqlarla məşğul olmalısan. İşləmək sənin işin deyil. - Rauf, evimizin yaxınlığındakı şirniyyat sexində işləmək istəyirəm. Qonşumuz Tənzilə də orada işləyir. Uşaqlara isə evdə Gülüsüm xala baxar. Sən gəl, inad etmə. Azca da olsa, evə yenə bir köməyim dəyər, - deyə Rəna ərindən
icazə almaq üçün üzünü Gülüsüm xalaya çevirdi. - Oğul, Rəna düz deyir, qoy işləsin. İş yeri uzaq deyil ki, məhəllləmizin başındadır. Uşaqlara mən baxaram, - deyə
Gülüsüm xala Raufu razı salmağa çalışdı. Rauf anasının sözündən heç vaxt çıxmazdı, onun sözünün qabağına söz deməzdi. Odur ki, Rauf Rənanın işləməsinə daha bir söz demədi... Бир эцн Gülüsüm xala bazardan gəlincəyə qədər, bir saatlığına yaş
yarımlıq körpəni
Aynura tapşırmaq məcburiyyətində qaldı. Aynur həyətdə bankalara pomidor-xiyar qoyurdu. Qayınana bazara getməsindən bir müddət keçəndən sonra paxıl gəlinin içindəki İblis oyandı. Bu zaman Aynurun daxilindəki həsəd, qısqanclıq, nifrət və paxıllıq
hissləri onu yaranmış fürsətdən istifadə etməyə sövq etdi. O, мясум, эцнащсыз кюрпяйя qarşı uzun müddət qəlbində gizlətdiyi insana yaraşmayan, alçaq və çirkin niyyətinin həyata keçirməyin zamanı gəldiyini düşündü. Aynur ona əmanət olunan Rənanın kiçik oğluna сиркя ичирдib юлдцрмяк qərarına gəldi. О, сиркя şüşəsinin тыхаъыны чыхардараг щеч nядян горхub-
Yüklə 1,18 Mb. Dostları ilə paylaş:
|