Cəbrayılova Şəmail İsrafil qızı Azərbaycanda maliyyə bazarının formalaşması problemləri” mövzusunda magistr dissertasiyasi

3.2. Azərbaycan Respublikasında maliyyə bazarının beynəlxalq əlaqələrin gücləndirilməsi yolları

Keçən əsrin axırında dünya təsərrüfatında borc kapital bazarlarının və beynəlxalq əməliyyatların beynəlmiləlləşməsinin intensivləşməsi prosesi müşahidə olunmuşdur. İlk o laraqbu proses istehsalın beynəlmiləlləşməsinə, aparıcı milli firmaların və bankların transmilli korporasiyalara çevrilməsinə əsaslanmışdır.

Transmilli korporasiyalar (TMK) əlavə mənfəət axtarışında xaricdə istehsal və təchizat bölmələrinə aktiv investisiya yatırmaq hesabına milli bazarların darlı-ğını aradan qaldırmışlar. Həmin şirkətlərin qısa və uzun müddətli kapitala tələbatı yalnız milli bazarların köməyilə deyil, həm də xarici dövlətlərin və dünyanın maliyyə bazarlarının imkanlarından istifadə etməklə maliyyələşdirilməyə başlanmışdı. Banklar öz müştərilərinə kömək etmək üçün beynəlxalq əlaqələrini inkişaf etdirməyə məcbur olmuşdular. Sonda tək xarici bazarlarda maliyyə-kredit idarələrinin aktivliyi artmışdı, birləşmə və udulma, həm də ayrı-ayrı alyansların yaradılması yolu ilə transmilli banklar formalaşdı. Bütün bunlar əməliyyatların miqyasına və dünya maliyyə bazarının strukturuna böyük təsir göstərmişdir.

Hal-hazırda maliyyə-kredit sferasında əməliyyatların beynəlmiləlləşməsi istehsal sferasındakına nisbətən daha surətlə gedir. Dünya miqyasında maliyyənin inteqrasiyası mahiyyəti etibarilə dünya iqtisadiyyatının qloballaşmasının, yəni dünya ölkələrinin təsərrüfat mexanizmlərinin yaxınlaşmasının və vahid dünya maliyyə bazarının yaranmasının katalizatoruna xidmət edir.

Dünyada maliyyə münasibətlərinin qloballaşmasına və inteqrasiyasına təsir edən bir neçə amili göstərmək olar. Hər şeydən əvvəl, söhbət dünyanın qabaqcıl dövlətlərində valyuta münasibətlərinin və xarici ticarət məhdudiyyətlərinin nisbətən yumşaldılmasından gedir. Bundan əlavə, dünyanın aparıcı maliyyə sektorunda maliyyə-kredit əməliyyatlarının eyni zamanda həm tənzimlənməməsi, həm də liberallaşdırılması baş verir. Demək lazımdır ki, kompüter və telekommunikasiya texnika və texnologiyasının mövcud tətbiqi səviyyəsi maliyyə qərarlarının qəbul olunan qaydalarını kifayət qədər sadələşdirilmiş,bu isə bir ofisdən real vaxt kəsiyində bütün dünya üzrə investisiyalaşdırmanın həyata keçirilməsinə imkan vermişdi. Eyni zamanda maliyyə bazarlarının institutsiallaşması haqqında da danışmaq olar.

Qeyd etmək lazımdır ki, müasir dünya iqtisadiyyatında kapitalın beynəlxalq hərəkəti sahəsində maneələrin azaldılması ilə paralel əks meyillər də mövcuddur. Kapitalın beynəlxalq hərəkət surətinin yüksəlməsi müxtəlif dünya ölkələrinin valyuta-maliyyə böhranlarının bütün dünyaya keçməsi qorxusunu gücləndirmişdir. Buna görə də öz iqtisadi təhlükəsizliyindən narahat olan ölkələr milli bazarlarını xarici amillərin mənfi təsirindən qorumağa çalışırlar. Hal-hazırda bir çox ölkələr başa düşürlər ki, müasir dünya təsərrüfatının fəaliyyət göstərməsinin əsas şərti olan kapitalın sərbəst hərəkəti pul vəsaitlərinin əmələ gəlməsinə nəzarət üzrə tədbirlərlə tamamlanmalıdır. Bununla bağlı, “Böyük yeddilik” ölkələrin istəyi ilə 1989-cu ildə məqsədi “çirkli pullarla” mübarizə aparmaq olan FATF təşkilatı yaradılmışdır. “Çirkli pulların” yuyulmasına qarşı mübarizə aparmağa xüsusi diqqət verilirdi. FATF-la qarşılıqlı əlaqə quran dövlətlər tərəfindən 25 əlamət işləyib hazırlanaraq, həmin əlamətlər üzrə beynəlxalq əməliyyatlara xüsusi diqqət verməli olan dövlətlər müəyyən edildi.

Maliyyə bazarı – maliyyə aktivlərinin alınıb satıldığı bir bazardır. Qloballaş-ma nəticəsində iqtisadi agentlərin maliyyələşmə imkanları artıq milli bazarlarında məhdudlaşmır, artıq investorların həm öz ölkələrində, həm də xaricdə investisiya qoyan obyektlərini seçmək imkanları yaranmışdır. Bu səbəbdən müasir dünya maliyyə bazarı öz iqtisadi mahiyyəti ilə ölkələrin, ərazilərin, sahələrin və ayrı-ayrı təsərrüfat subyektlərinin aralarında maliyyə resurslarının rəqabət qaydasında toplanılması və bölüşdürülməsi mexanizmini əks etdirir. Nəticədə beynəlxalq səviyyədə qaytarılanlılıq, müddətlilik və ödənişlilik prinsipi üzrə kredit vəsaitlərinin verilməsi üzrə kreditorlarla borcalanlar arasında iqtisadi münasibətlər yaranmışdır. Göründüyü kimi, dünya maliyyə bazarlarında yerinə yetirilən funksiyalar milli maliyyə bazarlarının funksiyalarının davamı və inkişafı kimi çıxış edir.

Dünya maliyyə bazarı vasitəsilə aşağıdakılar təmin edilirr:

• 
  maliyyə vəsaitlərinin ölkələr arasında yerdəyişməsi mexanizmi;
  
• 
  maliyyə vəsaitlərinin alıcı və satıcılarının qarşılıqlı fəaliyyəti. Bunun nəticəsində maliyyə aktivlərinin qiyməti, eyni zamanda müxtəlif valyutalarda əməliyyatların gəlirliliyi aşkara çıxır;
  
• 
  əldə olan maliyyə resurslarının yenidən satışı imkanları göstərilməklə bazarın likvidliyini artıran əlavə investorların cəlb edilməsi;
  
• 
  investisiya imkanlarının artırılması nəticəsində hesabına maliyyələşdirmə prosesind tədavül xərclərinin aşağı salınması;
  
• 
  sənaye kapitalı ilə yanaşı, maliyyə kapitalının da transmilliləşdirilmə prosesinin sürətinin artırılması;
  
• 
  aktivlərin beynəlxalq diversifikasiyası nəticəsində bazar iştirakçıları üçün investisiya portfeli riskinin ümumi azalmasına köməklik göstərir.
  

Funksional baxımdan maliyyə bazarı səviyyəsində təkrar istehsal prosesini təmin etməkdən ötrü banklar və digər maliyyə-kredit təşkilatları sistemi vasitəsi ilə maliyyə resurslarının toplanılması və yenidən bölgüsünü təmin edən milli və beynəlxalq maliyyə bazarlarının cəmi kimi baxıla bilər.

Dünya maliyyə bazarında müxtəlif cəhətli fəaliyyətlə və bu bazarın seqmentlərinin bir-birilənin qarşılıqlı əlaqəsinin mürəkkəbliyi göstərilən bazarın quruluşunun vahid təsnifatını təsəvvür etməkdə çətinlik yaradır. Bu səbəbdən dünya maliyyə bazarının quruluşunu tam aydınlaşdırmaq üçün biz, hər biri dünya maliyyə bazarını özünəməxsus detallaşdıra bilən bir neçə meyarlardan istifadə edəcəyik.

Dünya maliyyə bazarının seqmentləri müddətindən və bu seqmentdə tədavül edən alətlərin növündən və digər xüsusi meyarlardan asılı olaraq təsnifləşdirilirlər.

Maliyyə bazarı maliyyə alətlərinin tədavül müddəti nöqteyi-nəzərindən pul bazarına və kapital bazarına ayrılır. Pul bazarında bir ilə qədər ödənilmə müddəti qalan alətlər tədavül edirlər. Kapital bazarında isə bir ildən artıq müddəti olan alətlər tədavül edirlər. Pul bazarları kommersiya banklarına və digər istiqamətli firmalara öz aktivlərinin likvidliyinə düzəlişlər etməyə üərait yaradırlar. Düzəliş fərqli üsullarla edilə bilər: istiqrazların yerləşdirilməsi, ssuda verilməsi və ya qiymətli kağızların alqı-satqısı. Bununla birgə kapital bazarlarında aparılan hər bir əməliyyat ilkin məqsədi orta və uzun müddətli perspektivdə riski hərtərəfli nəzərə alınmış gəlir almaqdan ibarətdir.

Alqı-satqı predmetinə xidmət edən alətin növündən asılı olaraq maliyyə bazarıiki yerə- kredit bazarı və qiymətli kağızlar bazarına ayrılır, Bu bazarlardan hər birinə sonradan müxtəlif maliyyə aktivləri bazarlarının cəmi kimi baxılır.

Ilkin və təkrar maliyyə bazarları da fərqlənirlər. Aydındır ki, ilkin bazarda maliyyə alətlərinin ilkin yerləşdirilməsi aparılır. Mövcud alətlərin ticarəti üzrə bütün sonrakı əməliyyatlar təkrar bazarda həyata keçirilir.

Təşkilati struktur baxımından dünya maliyyə bazarı mütəşəkkil bazara və ya birja bazarına və sövdələşmələrin birbaşa, yaxud vasitəçi vasitəsilə həyata keçirildiyi qeyri-mütəşəkkil bazarına ayrılır.

Maliyyə bazarı həmçinin baza (ilkin) maliyyə alətləri bazarına və törəmə maliyyə alətlər bazarına bölünür. Törəmə alətlər bazarında qiyməti bu alətlərin əsasında duran baza aktivlərinin dəyərindən asılıdır.

Demək olar ki, dünya maliyyə bazarında tədavül edən alətlər öz müxtəlifliyi ilə fərqlənirlər.

Dünya maliyyə bazarının inkişaf dinamikası ümumilikdə onun həcmi, iştirakçıların sayı, əməliyyatların və regionların cəlb edilməsi sürəti ilə xarakterizə olunur.

Dünya maliyyə bazarında müvəqqəti sərbəst maliyyə resurslarının borc verənlərdən borcalanlara yenidən bölgüsü həyata keçirilir və bu prosesdə iqtisadi agentlərin müxtəlif qrupları iştirak edir. Müvəqqəti sərbəst maliyyə resurslarının sahibi olan subyektlər (borcverənlər), borc alamağa ehtiyacı olan subyektlər (borcalanlar) və dünya maliyyə bazarının iştirakçılarına xidmət edın maliyyə vasitəçiləri, habelə maliyyələşdirmə və investisiyalaş-dırma proseslərinin tənzimlənməsi prosesini həyata keçirən dövlət və beynəlxalq təşkilatlar da buraya aid edilə bilər. Praktikada kreditorları, borcalanları və malyyə vasitəçilərini həm kommersiya təşkilatlarının, həm də dövlət təsərrüfat subyektlərinin müxtəlif növləri təqdim edə bilərlər. Məsələn, dünya maliyyə bazarlarında borcverənlər kimi sənaye və ticarət firmaları, fiziki şəxslər, dövlət, yerli hakimiyyət orqanları, Dünya bankı, Beynəlxalq Valyuta Fondu kimi beynəlxalq təşkilatlar çıxış edə bilərlər.

Uyğun olaraq borcalanlar qismində beynəlxalq təşkilatlar, müxtəlif ölkələrin hökumətləri və yerli idarəetmə orqanları, qeyri maliyyə sahəsinin müəssisələri çıxış edirlər. Vəziyyətdən asılı olaraq eyni subyekt eyni zamanda və ya ardıcıl olaraq müxtəlif rollarda çıxış edə bilər. Məsələn, banklar bir maliyyə vasitəçisi olaraq öz müştərilərini kreditləşdirə bilər, müştərilərinin istiqraz vərəqələrinin yerləşdirilməsinə kömək edə bilər, banklararası kredit münasibətlərində borcalan sifətində çıxış edə bilər. Dövlətlər həm borcverən, həm də borcalan kimi çıxış edə bilər. Beynəlxalq təşkilatlarlarla birgə onlar həm də bazarların fəaliyyətini tənzimləyir və onlara nəzarət təşkil edir.

Beynəlxalq maliyyə bazarlarında əməliyyatlar xüsusi mürəkkəbliyi ilə fərqlənir.Buna görə də bu əməliyyatlarda hər zaman maliyyə vasitəçiləri iştirak edirlər. Bu vasitəçilər milli bazarlarda olduğu kimi bazarda əldə etdikləri maliyyə aktivlərinin, xüsusiyyətlərini dəyişərək və xüsusi öhdəliklərini yerləşdirməklə, transformasiya edirlər, müştərilərin tapşırığı üzrə və hesabına görə, həm də şəxsi hesabına görə maliyyə aktivlərini alırlar və satırlar. Vasitəçilər öz müştərilərinin maliyyə aktivlərinin yaranmasına da yardımçı olurlar və həmin maliyyə aktivlərini maliyyə bazarının digər iştirakçılarına satmaq üçün müştərilərə kömək edirlər, müştərilərin vəsaitlərinin etibarlı idarə olunmasını həyata keçirirlər.

Maliyyə vasitəçiləri investorlara və emitentlərə maliyyə bazarlarında xərcləri aşağı salmağa, həm də aktivlərin və passivlərin quruluşunun beynəlxalq diversifikasiyası hesabına riskləri azaltmağa şərait yaradırlar.

Dünyada maliyyə vasitəçilərinin müxtəlif tip təşkilatlar tərəfindən həyata keçirilməsi baş verir:

• 
  depozit təşkilatları;
  
• 
  müqavilə əsasında işləyən əmanət təşkilatları;
  
• 
  investisiya fondları;
  
• 
  sair maliyyə təşkilatları.
  

Depozit tipinə aid maliyyə vasitəçilərinə kommersiya və əmanət bankları, kredit ittifaqları, ssuda-əmanət assosiasiyasiyaları aid edilir.

Müqaviləli əmanət təşkilatları uzunmüddətli razılaşmalar üzrə vəsaitləri alır və onları kapital bazarında yerləşdirirlər. Vasitəçilərin bu tipinə sığorta şirkətlərini və pensiya fondlarını göstərmək olar.

İnvestisiya fondları dedikdə xüsusi səhmlərini buraxan və onları investorlara satan xüsusi təşkilatlar başa düşülür. Bu yolla toplanılan vəsaitlər banklarda depozitlərə və ya digər qiymətli kağızlara qoyulyr.

Başqa tipli maliyyə təşkilatlarına investisiya şirkətləri, həmçinin sahibkarlıq sferasında ssuda və lizinq əməliyyatları üzrə ixtisaslaşan işgüzar kredit maliyyə şirkətləri və idxal-ixracəməliyyatlarını maliyyələşdirən ticarət şirkətləri aid edilir.

Dünya maliyyə bazarında maliyyə vasitəçiləri arasında kommersiya bankları xüsusi yer tutur. Geniş dairədə əməliyyatlar həyata keçirən kommersiya bankları həm malik olduğu aktivlərə görə, həm də bağlanmış razılaşmaların həcminə görə lider olurlar. Bununla bağlı kommersiya banklarının dövlət tərəfindən tənzimlənməsinə daha ciddi nəzarət edilir. Bu zaman həm də nəzərə alınır ki, kommersiya bankları maliyyə bazarında beynəlxalq əlaqələrin qurulmasında fəal iştirak edirlər.

Dünya maliyyə bazarı iştirakçılarını qarşılarına qoyduqları məqsədlərdən asılı olaraq dörd kateqoriyaya bölürlər: investorlar, arbitrajçılar, möhtəkirlər və xedcerlər.

İnvestorların üzərinə uzun müddətə vəsaitlərin beynəlxalq bazarda yerləşdirilməsi düşür. Onlar öz fəaliyyətini həyata keçirərkən dünya bazarında vəziyyətin əsaslandırılmış proqnozlarından istifadə edirlər. Milli maliyyə bazarımızın dünya bazarında öz layiqli yerini tutması üçün onun hərtərəfli təhlili aparılmalıdır.

Arbitraj - kotirovkalardakı fərqdən, mənfəət alınması məqsədilə maliyyə bazarının bir, yaxud qarşılıqlı əlaqəli olan ayrı-ayrı seqmentlərində eyni anda biri digərinə əks mövqenin açılmasından ibarət olan, maliyyə aktivlərilə geniş dairədə əməliyyatları bildirir. Arbitraj mənfəəti faiz nisbətində çox kiçik olduğundan ancaq iri əməliyyatlar cəlbedici sayılır. Arbitraj xalis şəkildə bazar risqini özünə qəbul etmədən və mütləq ilkin investisiya yönəlt əks mövqelərin eyni vaxtda açıqlanmasından mənfəətin alınmasını nəzərdə tutur.

Maliyyə bazarının iştirakçılarından biri də möhtəkirlərdir. Onların əsas məqsədi vaxta görə maliyyə alətlərinin kursundakı fərq hesabına mənfəət əldə etməkdir. Möhtəkirlərin fəaliyyəti açıq mövqeləri uzun müddət qoruyub saxlamaq sayəsində risqin qəsdən qəbulunu nəzərdə tutur. Belə əməliyyatlar öz həcminə görə fərqli olur. Möhtəkir razılaşmaları müvəqqəti məzənnədən, həmçinin həyata keçirilməsi üsulundan asılı olaraq təsnifləşir.

Dünya maliyyə bazarında əməliyyatların dördüncü istiqaməti xedcerləmə, yəni bazar risqlərindən müdafiə adlanır. Məlumdur ki, istənilən iqtisadi fəaliyyət həmişə risqlə bağlıdır. Maliyyə bazarı iştirakçılarının uğradıqları risqlər müxtəlif formalarda olur. Dünya maliyyə bazarında (pul və kapital bazarları) qiymətin dəyişməsi ilə bağlı bazar risqləri, (valyuta risqi, faiz risqi və səhmlərin məzənnə dəyərinin dəyişilməsi risqi) xüsusi əhəmiyyətə malikdir. Xedcirləmə operatorun özünə götürmək istəmədiyi risqlərin kontragentə keçirilməsini nəzərdə tutur. Beynəlxalq bazara çıxanmilli maliyyə bazarı iştirakçılarının mənafelərinin qorunması sahəsində milli xedcerlərin formalaşdırılması əhəmiyyətli rol oynaya bilər.

Risqə münasibətdə operatorların davranışın üç mümkün variantindan birini seçmək imkanları vardır:

• 
  gözləmə mövqeyi. Bu, risqin aradan qaldırılması üzrə qəsdən heç bir tədbirin görülməməsidir. Bu, əslində passiv möhtəkirlik görünə bilər;
  
• 
  risq altında olan bütün mövqelərin tam örtülməsi. Bu, valyuta və faiz risqlərinin, səhmlər və digər qiymətli kağızlar üzrə risqlərin yüz faiz aradan qaldırılmasını nəzərdə tutur;
  
• 
  risqlərin və itkilərin təhlili, o cümlədən, itkilərin xedcerləməyə sərf olunan xərclə müqayisə olunması yolu ilə risqlərin seçim örtülməsi. Demək olar ki, bu ən düzgün, faydalıi və iqtisadi əsaslandırılmış davranışdır. Beynəlxalq əlaqələrin qurulması zamanı bu davranışa üstünlük verilməsidir;
  

Valyuta, yaxud faiz risqlərə hər vaxt açıq mövqe xarakterikdir, ondan müdafiə üçün daha açıq mövqeni aradan qaldırmaq məqsədəuyğundur.

Öz əməliyyatlarını xedcirlədikdə dünya maliyyə bazarında iştirakçıları aşağıdakıları edə bilərlər:

• 
  ya hər bir əməliyyatın digər əməliyyatdan asılı olmayaraq xedcerlənməsi kimi mikroörtülmə texnikasından istifadə etmək. Onun müsbət cəhəti bir aktiv səviyyəsində mövqenin müəyyənləşdirilməsini asanlaşdırmaqdan və xedcerləmə alətləri ilə sığortalanan mövqe arasında daha uyğun nisbəti tapmaqdan ibarətdir;
  
• 
  ya da ancaq qlobal valyuta, və ya faizli mövqeni sığortalamaq, yəni mikroörtməni həyata keçirmək lazımdır ki, xedcerin dəyərinə qənaət olunsn. Bu texnika balansın aktivi və passivi üzrə kənarlaşmaların müntəzəm hesablanmasını və yalnız nəticə verən risqli mövqenin xedcerlənməsini nəzərdə tutur.
  

Xedcerlənmə haqqında qərar qəbul edən zaman örtülmənin dəyərini nəzərə almaq lazımdır. Ardıcıl örtülmə siyasətinin dəyəri, yəni risqin hər cür yaranması sıfıra bərabər olmur, ancaq o əsas etibarilə mümkün risqə uyğundur. Bundan başqa örtülmənin dəyəri qabaq göstərilir, mümkün itkilərin həcminin qiymətləndirilməsi xeyli çətindir. Seçim örtülməsinin daha çevik siyasəti proqnozlardan asılı olaraq xedcerləmədən ibarətdir. Bazarın əlverişli dəyişilməsi gözlənildiyi vaxt, bu təkamüldən mənfəət almaqdan ötrü mövqe sığortalanmır və qəsdən açıq saxlanılır. Əksinə, əgər bazarın qeyri əlverişli dəyişilməsi qabaqcadan deyilirsə, mövqe xedcerlənir, bu halda müvəffəqiyyət proqnozların keyfiyyətindən tamamilə asılı olur.

Kommersiya bankları dünya maliyyə bazarında ən fəal iştirakçıları sırasına daxildir. Bu banklar dünya maliyyə bazarında həm investor və borcalan, həm də vasitəçi kimi iştirak edə bilərlər. Bu məqsədlə banklar müxtəlif təşkilati qurumlardan: beynəlxalq idarələr, nümayəndəliklər, digər ölkələrdə filiallar və törəmə qurumlar, birgə banklar, həmçinin ofşor bank qurumları kimi strukturlardan yararlana bilərlər. Bankdan ötrü beynəlxalq əməliyyatların aparılmasının ilkin forması bank müxbirləri sistemi vasitəsiylə müştərilərin maraqlarına çərçivəsində xarici valyuta-maliyyə bazarlarında razılaşmaların bağlanmasıdır. Növbəti addım xarici maliyyə bazarında bankın nümayəndəliyinin açılmasıdır. Nümayəndəliklər sərbəst bank əməliyyatları apara bilməzlə, lakin onlar bazar haqqında informasiya toplamaqla və xarici dövlətdə tərəfdaşlar şəbəkəsini genişləndirməklə, gələcəkdə bankın filialının açılması üçün zəruri baza yaradır.

Bank filialları sərbəst hüquqi şəxs deyil və baş bank tərəfindən ona verilmiş səlahiyyət çərçivəsində fəaliyyət göstərə bilərlər. Bu səbəbdən dövlət tərəfindən qəbul edilən bank tənzimlənməsi və nəzarət sənədlərindən filiallar çıxarılır. Buna görə də dövlətlərin çoxu öz ərazilərində xarici bank filiallarının yaradılmasına icazə vermək istəmirlər.

Törəmə banklar yüz faizli, və ya bankın iştirakı ilə ölkədən kənarda qeydiyyata alına bilər. Belə olduqda törəmə struktur həmin ölkənin qanunvericiliyi əsasında hüquqi şəxs sayılır və tamamilə onun bank və valyuta tənzimlənməsinə tabe olur, baxmayaraq ki, onun kapitalının mülkiyyətçisi qeyri-rezident şəxs hesab edilir. Müəyyən xarici bazarlara istiqamətlənmiş törəmə strukturlarından başqa kommersiya bankları ofşor bankların təsisçisi kimi də çıxış edə bilərlər.

Maliyyə qloballaşmasının dərinləşməsi və beynəlxalq bank sisteminin möhkəmlənməsi beynəlxalq bank biznesinin formalaşmasına səbəb oldu. Beynəlxalq bank biznesi - digər ölkələrin rezidentləri tərəfindən başqa ölkələrin bank idarələrinin əldə edilməsi yolu ilə beynəlxalq bazarlara bank məhsullarının və xidmətlərinin çıxarılmasını özündə əks etdirir. Beynəlxalq bank biznesi bazarın coğrafiyasından və milli tənzimləmə şərtlərindən asılı olaraq müxtəlif formalarda ola bilər. Ümumi şəkildə yanaşsaq, beynəlxalq bank biznesini iki yerə ayırmaq olar: 1) beynəlxalq pərakəndə satış bank biznesi; 2) beynəlxalq topdansatış bank biznesi.

Beynəlxalq pərakəndə satış bank biznesi hər hansı ölkənin fiziki şəxslərə və kiçik müəssisələrə xidmət göstərməyə yönəlmiş bank idarələrinin xarici şəbəkəsinin sahibinə aiddir. Onların fəaliyyəti, əsas etibarilə, depozitlərin qəbul edilməsi və fərdi istehlak kreditlərinin verilməsini nəzərdə tutur.

Beynəlxalq topdansatış bank biznesi digər ölkədə mövcud olan iri korporativ müştərilərə xidmət göstərməyə yönəldilən bank idarələrinin başqa ölkənin nümayəndəliklərinin sahibinə məxsusdur. Biznesin bu tipi kommersiya banklarının ənənəvi depozit-ssuda əməliyyatları, yəni xidmətlərin daha geniş spektri, hər şeydən əvvəl, investisiya fəaliyyəti kimi anlaşılır. Pərakəndə satış bank biznesindən fərqli olaraq topdansatış bank biznesi qeyri məhdud sayda filialların vasitəsilə əhəmiyyətli həcmdə maliyyə resursları ilə az miqdarda xidmətedicilərin işləməsini nəzərdə tutur. Qeyd edək ki, hər il beynəlxalq topdansatış bank strukturları vasitəsilə geniş həcmdə maliyyə vəsaitləri milli sərhədlərdən kənara çıxarılır.

Milli bazarın beynəlxalq bazara qovuşmasında bank konsorsiumları mühüm rol oynayr.

Bu, konsersiumlar onlara daxil olan müxtəlif beynəlxalq bankların risqlərini diversifikasiya etməklə və məhdudlaşdırmaqla, borcalanlara kifayət həcmdə kredit təqdim etməyə imkan verirlər. Beynəlxalq arenada bankların müxtəlif birlikləri hüquqi cəhətdən əsaslandırılmayıb. Beynəlxalq səviyyədə bamkların qarşılıqlı fəaliyyətinin ən məşhur forması sindikatlaşdırılmış bank kreditlərinin təqdim edilməsidir. Beynəlxalq sindikatlaşdırılmış kreditlərin dünyada mərkəzi London şəhəri sayılır. Göstərilən bazarda əməliyyatların həcmi durmadan çoxalır. Burada borcalanların çoxo sənaye cəhətdən inkişaf etmiş ölkələrin müəssisələri sayılır, bazarın doxsan faizindən çoxu bu müəssisələrin payına düşür.

Borcalanlar üçün sindikatlaşdırılmış kreditləşmənin əlverişliliyi təkcə qısa müddətli deyil, həm də uzunmüddətli investisiya layihələrini maliyyələşdirilməsi üçün vəsaitlərin cəlb edilməsi imkanı ilə bağlıdır. Risqlərin sığortalanması məqsədilə faiz dərəcələri adətən üzən olur. Bu, banklara pul bazarının hətta ən ucuz alətləri hesabına da kreditlər üçün resurs bazası formalaşdırmağa şərait yaradır. Sindikatlaşdırılmış kredit verən banklar borcalanın maliyyə-təsərrüfat fəaliyyətini sərbəst təhlil etdikləri üçün ona beynəlxalq kredit reytinq almaq məcbur deyildir.

Sindikatlaşdırılmış kreditin verilməsi, onun təşkili bir neçə mərhələ üzrə həyata keçirilir. Birinci mərhələdə sindikatın idarəedici kimi çıxış edən bank borcalanla danışıq aparır və borcun məbləğini, qaytarılma müddətini və başqa şərtlərini razılaşdırır. İkinci mərhələdə kredit müqaviləsi bağlanır və vəsaitin birbaşa köçürülməsi həyata keçirilir. Üçüncü mərhələdə nəzarət mərhələsidir, sindikatın meneceri vəsaitin borcalan tərəfindən düzgün təyinatı üzrə istifadə edilməsinə və ödənilməsi prosesinə nəzarət edir. Sindikat üzvləri arasında münasibət kreditin ödənilməsindən sonra dayanır. Kredit üzrə faiz gəliri sindikatın iştirakçıları arasında qoyulmuş məbləğə mütənasib şəkildə bölüşdürülür, sindikatın meneceri isə bundan başqa komisyon haqqı alır.

İxrac-idxal razılaşdırılmalarının maliyyələşdirilməsi beynəlxalq banklar tərəfindən göstərilən əsas xidmətlərdən biri hesab edilir. Beynəlxalq ticarətin maliyyələşdirilməsi bir ölkədə yerləşən ticarət tərəfdaşlarının maliyyələşdiril-məsinə nisbətən bank qarşısında daha mürəkkəb vəzifələr qoyur. Burada təkcə tənzimlənmədəki fərq deyil, həm də istifadə olunan valyutanın müxtəlif növlərində və kredit reytinqlə-rində olan fərqlər, valyuta risqi və digər risqlər rol oynayır.

Bank aksepti birinci klass banklar tərəfindən akseptləşdirilmiş idxalatçının təcili vekselini ifadə edir. Bank vekselin üz tərəfinə müvafiq ştamp vurmaq yolu ilə vekseli akseptləşdirir. Beləliklə, bank vekselin haqqının ödənilməsinə təminat verir və idxalatçının rejtinqini özünün kredit rejtinqilə dəyişir. Vekselin müddəti adətən maliyyələşdirilən əmtəənin alıcıya göndərilməsi və onun qəbulu tarixinin çatması nəzərə alınmaqla hesablanır. İxracatçı vekselin ödənilməsi tarixini gözləmədən istənilən anda onu pul bazarında sata bilər. Bu halda o əmtəənin haqqını bank diskontunu çıxmaqla dərhal alır.

Dünya maliyyə bazarlarında bankların fəaliyyət göstərməsi heç də sindikatlaşdırılmış kreditləşməni və ticarət maliyyələşdirilməsini məhdudlaşdırmır. İnvestisiya və kommersiya bank fəaliyətinin yaxınlaşması, universal bankların müəyyən üstünlüklərə malik olması və onların maliyyə fəaliyyətinin bitişik sahəsinə nüfuz etməsi prosesi bankların dünya pul bazarının və dünya kapital bazarının əsas operatorlarından biri kimi çıxış etməsinə gətirib çıxarmışdır. Ona görə də banklar fəaliyyətlərində həm öz şəxsi maraqlarına, həm də müştərilərin maraqlarına uyğun olaraq yuxarıda sadalanan alətlərin hamısından aktiv istifadə etməlidirlər. Bundan əlavə banklar təkcə həmin alətlərə vəsait investisiya-laşdırmaqla kifayətlənməli, həm də xarici banklarda müxtəlif qiymətli kağızların emissiyasının təşkilatçısı kimi çıxış etməlidirlər.