153
motivlərinin əksinə olaraq, C.Cabbarlı öz müsbət
romantik qəhrəmanı Durnanı mütərəddid, nə isə
hərəkətlərində ardıcıl olmayan bir qız kimi vermişdir.
O, qətiyyətli deyil, elə bil ki, atanın həqiqi, sevən bir
aşiq təsiri bağışladığı səhnələrdə ona güzəştə getmək
istəyir:
Sən özün heç, sözün də biməna,
Fəqət eşqin uca, vuruldum ona.
Lakin C.Cabbarlı bu «uzaq» və «köhnə» mövzu-
da əsər yaradarkən yenə də ona müasir cəhətdən
yanaşmış, ülvinin, alinin, müsbətin, işığın qələbəsini
tərənnüm etmişdir.
Bu baxımdan poemanın bir yerində şairin Dur-
nanın ictimai xarakter daşıyan istək və arzuları, qəlb
dünyası barədə Qız qalası abidəsinə dediyi misraları
xatırlayaq:
Ta o çağdan özün unutmuş o,
Başqalarçın çəkir fəqət qayğu.
Ta o çağdan o, bir peyğəmbər tək
Bəşərin halına yanıb acıyır.
Zirvəsində fanar, uçanlar üçün
Odlu bir ölkənin yolun açıyor.
Zənnimizcə, Durnanın başqaları üçün örnəkliyi
poemada indi əsrlər keçmiş, qərinələr ötürmüş Qız
qalası abidəsinin timsalında məhz bu misralarda
ümumiləşdirilmişdir.
154
Əlbəttə, böyük dramaturqun romantikasını
dramatik əsərlərində izləsək, daha bariz, daha parlaq
nümunələrə rast gəlmək olar: «Aydın», «Oqtay
Eloğlu» «Ədirnə fəthi», «Ulduz», «Od gəlini» və son
əsəri – «Dönüş».
M.Arif yazır: «Aydının şəxsiyyəti iki xüsusiyyət
ifadə etməkdədir. Onun sözlərində bir tərəfdən üsyan
edən bir insanın inadkar və döyüşkən səsi, digər
tərəfdən, kapitalizm məngənəsi altında əzilən bir
insanın fəryad və iniltisi eşidilir».
1
Deməli, Aydın surətinin ziddiyyəti də buradan
irəli gəlir. Üsyankar Aydın əsl faciə qəhrəmanı, inil-
dəyən və fəryad qoparan Aydın isə miskin, yazıqlıq
doğuran xırda bir bədbəxt adama çevrilir. Onun
sözləri bu ikiliyi dürüst ifadə edir: «Mən istəyirdim
bütün dünya mənimlə hesablaşsın, küçələrdən keçər-
kən Aydın gəlir deyə xalq məni barmağı ilə göstərsin.
Mən diriliyi yeni əsaslar üzərində qurmaq üçün bütün
cəmiyyəti qan dənizində çimdirib, insanlığın
çeynənmiş sümükləri üzərində sağ qalacaq beş yaşlı
səbi üçün səadət sarayları tikdirmək istərdim».
2
Romantik qəhrəmanın XX əsrin əvvəlləri üçün
səciyyəvi olan bu arzularını həyata keçirmək bəlkə də
mümkün idi? Belə ki, müsbət qəhrəman mütərəqqi və
inqilabi qüvvələrə arxalanaraq, onlarla əlbir, dilbir
olub ardıcıl, prinsipial mübarizə nəticəsində
məqsədinə çata bilərdi. Lakin Aydında məhz bu
xüsusiyyətlər çatmırdı. O, istismar dünyasının, altun
1
M.Arif. C.Cabbarlının yaradıcılıq yolu, Bakı, 1956, s.68.
2
Yenə orada.
155
ağalığının zəhmini görən kimi qanadlı ibarələrlə
danışan bir «filosofa» çevrilirdi: «... Əsrimizdə şöhrət
və böyüklük qapalı bir evdədir ki, yiyəsi altun, açarı
təsadüf, qoruyucusu isə ölümdür» sözlərini deyən
Aydın sanki düşmənin qəviliyi qarşısında şaşırır,
sarsılır və geri çəkilirdi. Ondakı mütərəddidlik, inilti
üsyankar cəhəti öldürür, işi məqamında görmək
əvəzinə, ovu bərədən qaçırırdı. Həm də onun intiqam
hədəfi konkret yox, çox ümumi və bəlkə də mücərrəd
baxımdan izah edilir. Kimə qarşı üsyan? Sualına o,
konkret obyekt göstərə bilmirdi: «bütün bəşəriyyətə
qarşı, bütün qanunlara qarşı» cavabını verirdi.
Aydının fəlsəfəsi, fəaliyyət proqramı çox bəşəri və
cazibədar idi və biz bunun üçün onu sevməyə
bilməzdik: «Mən elə bir dünya istəyirəm ki, orada
millətlər azad, fərdlər azad, zəhmət azad, vicdan azad,
hərəkət azad, bütün varlıq azad, istila zənciri yox,
altun yox, hər kəs öz zəhmətinin, öz arzusunun
quludur».
1
Bu ideal cəmiyyət və ya mühit haqqında onun
arzusu, təəssüf ki, söz olaraq qalır, necə deyərlər, öz
maddi silahını tapa bilmirdi. Ona görə də dostu
Surxayın «öz günbatan fikirli, gündoğan duyğulu»
sərsəm dostu barədə dediyi sözlər çox maraqlıdır:
«Yaxşı oxuyursan, amma bizim toyuğun qaqqıltısı
heç olmazsa bir yumurta ilə təmin olunduğu üçün
daha maraqlıdır». Lakin buna baxmayaraq, bizi daha
çox real əməl adamı olan Surxay yox, daha çox xəyal
adamı olan romantik Aydın surəti cəlb edir. Çünki
1
C.Cabbarlı. Əsərləri, 1-ci cild, Bakı, 1968, s.159
156
Aydın özünü yox, başqalarını düşünür, onun arzuları,
idealları bəşəri olmaqla, həm də böyükdür.
Aydın düşünür və düşündürür. Bu isə əsas
məziyyətdir. Aydın böyük bir iş haqqında, böyük bir
amal haqqında fikirləşir, onu praktiki olaraq həyata
keçirə bilməsə də, hər halda ona can atır, belə bir işin
zəruriliyini başqalarına da anlatmağa çalışır.
«Aydın»da ən dəhşətli səhnə kazino səhnəsidir.
Burada Aydın öz arvadının qolundan tutaraq «məsum
bir qadın namusu hərraca qoyulur» – deyərək simvol
dərəcəsinə yüksəlir, barışmaz, ardıcıl, üsyankar bir
ideoloqa çevrilir. Onu öldürməklə hədələyən, əlini
belinə tapançasına aparmaq istəyən bəylərlə də aman-
sız rəftar edir: «Siz əlinizi belinizə aparmaqdansa,
cibinizə atın... Çünki sizin silahınız oradadır, kişiliyi-
niz də oradadır». Lakin, təkrar edirik, bütün bunlar
bizdə Aydına qarşı müəyyən yazıqlıq hissləri, acıma
duyğuları oyatmaqdan irəli gedə bilmir. Lirik-ro-
mantik duyğularla yoğrulmuş bu müstəsna səhnələr
daha çox surətin və yaxud əsərin tragizminə səbəb
olsaydı, həmin romantika daha şairanə, daha
mütərəqqi və beləliklə də, daha inqilabi vüsət kəsb
edərdi.
C.Cabbarlının romantik tragediyaları içərisində
«Oqtay Eloğlu»nun öz yeri, öz qiyməti vardır. Bütün
tədqiqatçıların dediyi kimi, Oqtayın proqramı daha
konkret, daha aydındır: «Milli səhnəmizi həqiqi
sənətin zirvəsinə qaldırmaq, teatrı müqəddəs bir yerə
çevirmək!..»
lakin
Oqtay
burjua
mühitində,
şəxsiyyətin mənən azad olmadığı bir dövrdə həlli
mümkün olmayan gözəl xəyallara daldığını unudurdu.
Dostları ilə paylaş: |