166
Peşmanlıq, fikir, əzab-əziyyət, xüsusilə, vicdan
əzabı, insanın öz daxili məhkəməsi daha təsirli, daha
qorxulu, daha kəskin olur.
Eyni oxşarlığı bir qədər başqa şəkildə olsa da,
«Aydın» əsərində də görürük. Aydın Gültəkinlə
mükaliməsi zamanı deyir:
«Siz mənim xəyalımda yaratdığım bir heykəli
canlı olaraq göstərirsiniz». Bir qədər sonra: «Siz indi
adi haldan çıxmış, böyük bir məna görkəmi
almışsınız...», «mən indi sənə bir qadın kimi deyil, bir
«ideal» kimi baxıb yenidən sevirəm». «İndi mən artıq
sizi deyil, bu xatiratı sevir, bu xatirat ilə yaşayıram»
1
.
Bu qəbildən olan misalların sayını artırmaq da
olar. Məsələn, «Oqtay Eloğlu» əsərində baş
qəhrəmanın məşhur monoloqu bu baxımdan diqqətə
şayandır: «Mən dünyada ədalət adında bir şey
tanımıram. Hamısı yalandır! Yalan deyir Şiller! Mən
yenə ancaq bu zavallı xalqı tanıyır, ona müraciət
edirəm. Ona təslim oluram».
Artıq çılğınlaşmış, ədalətsizlik və yalana əsasla-
nan mövcud quruluşa nifrətlə monoloqunu davam et-
dirən O. Eloğlu deyir: «Son söz onundur. Onu o
söyləsin: kimdir müqəssir? Yaşadaraq öldürən,
öldürərək yaşadan, sevərək parçalayan, parçalayaraq
sevən əliqanlı səfillər padşahı Oqtay Eloğlumu? Bu
zavallı, günahsız yavrumu? (Firəngiz nəzərdə tutulur–
C.A.) Əski mühitin bu gülünc heykəlimi? Və yaxud
alman dahisi böyük Şillerin özümü?».
2
1
C.Cabbarlı. Əsərləri, 1-ci ild, Bakı, 1968, s.310.
2
C.Cabbarlı. Əsərləri. 3- cü cild, s. 326
167
C.Cabbarlı romantikasının bir səbəbi də onun
müsbət qəhrəmanlarının hamısının, heç olmasa böyük
əksəriyyətinin gənclərdən ibarət olmasıdır. Almazlar,
sevillər, yaşarlar, firəngizlər və s. fikrimizi sübut edə
bilərlər. Gənclik isə, xəyal, fantaziya, coşqunluq, güc
və romantika deməkdir.
İyirminci illərdə iki dramaturq gənclərin
diqqətini daha çox cəlb edirdi: Hüseyn Cavid və Cəfər
Cabbarlı. Cavid öz tarixi-romantik qəhrəmanları ilə
çoxdan tamaşaçılara tanış idi. Onu da qeyd etmək
lazımdır ki, bu iki yazıçının əlaqə və münasibətləri
maraqlı
məsələdir.
Gələcəkdə
bu
məsələ
tədqiqatçılarını məşğul etməlidir. Cabbarlı Cavid
yaradıcılığının bəzi məhdud cəhətlərini, xüsusən,
Azərbaycan
həyatından
az
yazmasını,
milli
qəhrəmanlar yaratmağa az əhəmiyyət verməsini hiss
etsə də, hər halda onun dramaturji təsirindən tamamilə
uzaqlaşa bilməmişdi. Cavidin Şeydası ilə Cəfərin
Aydını arasında qohumluq vardı və bunu görmək o
qədər də çətin deyildi. Amma Cavidin Cəfərə təsiri
belə müstəqim təsirdən daha artıq, əks istiqamətdə
olmuşdur. Bu cəhəti biz, hətta Cavidin «Peyğəmbər»i
ilə Cabbarlının «Od gəlini» arasındakı əlaqədə axtara
bilərik. Əgər Cavid Peyğəmbər surətində Məhəmmədi
müsbət planda bir humanist və islahatçı kimi
vermişdisə, Cəfər Əbu-Üseyd surətində Məhəmmədi
mənfi planda, bir qəsbkar və mürtəce şəxsiyyət kimi
verməyə çalışmışdı, yəni Cavidin əksinə hərəkət
etmişdi, onu bir növ təshih etmək istəmişdi. Cavidin
əksinə olaraq, Cabbarlı daha çox Azərbaycandan və
həm də müasir həyatdan yazırdı. Cabbarlı Caviddən
168
öyrənirdi, amma onu nəinki təkrar etmirdi, hətta
müasir ədəbiyyatın qarşısında duran məsələləri həll
etmək işində onu qabaqlayırdı. M.Arif yazır: «Bir
təsadüf məni bu məsələ üzərində bir də düşünməyə
vadar etdi.
Bir gün Azərbaycan Akademik Dram Teatrının
kassası qabağında belə bir səhnənin şahidi oldum:
kassa qabağında asılmış afişada Cavidin «İblis»,
«Şeyx Sənan», Cabbarlının isə «Oqtay Eloğlu» və
«Od gəlini» əsərlərinin tamaşaya qoyulması elan
olunurdu. Afişanı oxuyan iki nəfər söhbət edirdi. Mən
onların söhbətini aydın eşidirdim:
Cabbarlının əsərlərinə baxanda adamın qanı
cuşa gəlir. Cavid də təsirli yazır, amma adamı bədbin-
ləşdirir.
Cabbarlı Cavidin şagirdidir.
Şagirdi olsa da, müəllimi ötür.
Bu adamların kim olduğunu təyin etmək çətin
idi, amma ədəbiyyatla və teatrla yaxından maraqlan-
dıqları hiss olunurdu. Tanımadığım bu adamların, o
zamankı qəzet səhifələrində gedən qızğın və dolaşıq
mübahisələrdən asılı olmayaraq, sərbəst danışmaları,
öz rəylərini açıq söyləmələri mənə o qədər dərin təsir
etdi ki, illər keçdi, amma yadımdan çıxmadı: «Şagird
müəllimini ötür»
1
.
Əlbəttə, o illərdə inqilaba, yeniləşməyə, pafos və
romantikaya qüvvətli bir meyl də müşahidə edil-
məkdə idi. Akademik M.Arif bu fikri çox sərrast ifadə
etmişdir: «Cabbarlı pyeslərinin bizim dövrümüzün
1
M.Arif. Böyük sənətkar.Bakı, 1976, s.27-28
169
gəncləri üzərindəki təsirini sözlə ifadə etmək çətindir.
20-30-cu illərdəki gənclər «Aydın», «Oqtay Eloğlu»,
«Od gəlini» və «Sevil» kimi əsərləri xüsusi bir ehtiras
və aludəliklə, dərin bir həyəcan və coşqunluqla
qarşılayırdılar».
1
Bu baxımdan böyük dramaturqun digər əsərlə-
rində də gəncliklə, təkamüllə, tərəqqi və inkişafla
bağlı, xəyalla, romantika ilə əlaqədar canlı obrazlar
silsiləsi tapmaq mümkündür. Hətta son əsəri olan
«Dönüş»də də bunların müəyyən nümunələrini görə
bilərik.
Böyük dramaturqun yaradıcılığını diqqətlə
nəzərdən keçirəndə onun çoxşaxəli istedadında
realizmlə yanaşı, romantikanın da fəal iştirakını görü-
rük. Hələ ilk şeirlərindən birində deyirdi:
Buraxınız, seyr edəyim, düşünəyim, oxşayayım,
Şu sevimli üç boyalı, üç mənalı bayrağı.
Mələklərin qanadını üzərinə kölgə salan?
Nə imiş bu, aman Allah?! Od yurdunun arpağı!
Göy yarpaqlı, al çiçəkli, yaşıl otlar topasımı?
Xayır, xayır! Çiçək solur, otlar yerdə tapdanır.
Fəqət bizim bayrağımız ucaları pək seviyor,
Yulduzlardan, hilaldan da yüksəklərdə fırlanıyor.
Görkəmli tənqidçi, nasir və dramaturq Elçin
Cəfər Cabbarlı istedadının çoxcəhətliliyi haqqında
orijinal və maraqlı mülahizələr söyləmişdir. Cəfər
Cabbarlı qısa ömründə «Vəfalı Səriyyə» və «Solğun
1
M.Arif. Böyük sənətkar.Bakı, 1976, s.27-28
Dostları ilə paylaş: |