Cənubi Qafqaz regionunda alman məskənlərinin salınmasının 200 illiyi
Yüklə 489,01 Kb. Pdf görüntüsü
|
25
Azərbaycanın Bakı, Göygöl və Şəmkir şəhərlərində olan lüteran kilsələri haqqında
Xilaskar kilsəsi (alm. Erlöserkirche) 1896 - cı ilin martında Bakıda protestant - lüteran kilsəsinin təməli qoyulmuş və 1899 - cu ildə istifadəyə verilmişdir. 24 yaşlı alman Adolf Eyxlerin memarı olduğu bina o dövrdə Bakının ən nadir arxitektura inciləri sırasına daxil olur.
Ünvan : Bakı , Nəsimi rayonu, 28 may küçəsi, 17 .
Göygöldə diqqət çəkən tikililərdən biri alman Lüteran kilsəsidir. Onun tikintisində hər bir alman ailəsi iştirak etmişdir.
Fikrət İsmayılov bildirdi ki, kilsənin inşasına 1854 - cü ildə başlanılıb və tikinti işləri 1857 - də başa çatıb. Sonralar kilsənin qarşısında böyük bağ da salınıb. Kilsənin üstündə almanlardan qalma 3 böyük saat 2009 - cu ildə Almaniyadan dəvət edilmiş usta tərəfindən bərpa edilib. Kilsə 2008 ci ildə Almaniya Texniki Əməkdaşlıq Cəmiyyəti tərəfindən əsaslı şəkildə təmir edilən kilsənin təmiri üçün 250 min avro xərclənib. Göygöl rayonunda almanların dini mərkəzləri olmuş, hazırda Tarix Diyarşünaslıq muzeyi kimi fəaliyyət göstərən Müqəddəs Yelena kilsəsi Göygölün t arixi rəmzinə çevrilmişdir.
Ünvan:
Göygöl,S.Hacıyev,37
Alman lüteran kilsəsinin bu qədim nümunəsi Şəmkirdə demək olar ki, əvvəlki görkəmini qoruyub saxlayıb. Kilsə 1909 - cu ildə burada məskunlaşmış almanlar tərəfindən tikilib. Bina neoqotik üslubda inşa olunub. Kilsə 1941 - ci ilədək təyinatı üzrə fəaliyyət göstərib. 2012 -13-
cü illərdə Azərbaycanın Mədəniyyət və Turizm Nazirliyinin təşəbbüsü ilə kilsədə bərpa işləri aparılıb.
İş rejimi: bazar ertəsi - şənbə, saat 9:00 -dan 18:00- dək.
Ünvan:
Şəmkir şəhəri, Həzi Aslanov küçəsi, 52.
26
Berlində Azərbaycanda alman məskənlərinin 200 illik yubileyi qeyd olunmuşdur
Bakı. 9 mart. REPORT.AZ/ Mədəniyyət və turizm naziri Əbülfəs Qarayev və səfir Ramin Həsənovun adından Almaniya Xarici İşlər Nazirliyinin beynəlxalq klubunda Azərbaycanda alman məskənlərinin 200 illik yubileyi münasibətilə ziyafət verilmişdir.
Azərbaycanın Almaniyadakı səfirliyindən "Report"a verilən məlumata görə, tədbirdə Almaniya Bundestaqının deputatları, Alman - Azərbaycan Forumunun idarə heyətinin üzvləri, Almaniya XİN - in əməkdaşları, Almaniyada akkreditə olunmuş diplomatik korpusun nümayəndələri, bu ölkənin elmi - mədəni, ictimai - siyasi, iqtisadi dairələrinin və digərləri iştirak etmişlər.
Səfir Ramin Həsənov 20 17-
ci ilin iki dövlət arasında diplomatik münasibətlərin 25 illiyi və Azərbaycanda alman məskənlərinin 200 illiyi ilə yadda qalacağını vurğulayıbdır.
Azərbaycan - Almaniya münasibətlərinə toxunan səfir iki ölkə arasındakı əməkdaşlığın bütün sahələrdə, o cümlədən mədəniyyət, turizm və humanitar sahələrdə dinamik şəkildə inkişaf etdiyini qeyd etmişdir.
Azərbaycan Prezidenti İlham Əliyevin Almaniyaya səfərlərinin ikitərəfli münasibətlərə verdiyi töhfəni vurğulamışdır.
Ramin Həsənov həmçinin Ermənistan
tərəfindən işğal olunmuş Azərbaycan torpaqlarının azad olunmasını ölkəmizin və regionun turizm potensialından daha yaxşı istifadə olunması üçün yeni imkanlar aça biləcəyini qeyd etmişdir.
Əbülfəs Qarayev tarixən Azərbaycanda məskunlaşmış 500 alman ailəsinin ölkədə hökm sürən multikulturallıq və dini tolerantlığın bir nümunəsi olmaqla bərabər, iki dövlət arasında mövcud olan hazırkı münasibətlər üçün də möhkəm bünövrə təşkil etdiyini bildirib.
Nazir Azərbaycanda mövcud olmuş tarixi alman məskənləri, onların qorunub saxlanması üçün görülən işlər, həmin ərazilərdə mövcud olan abidələrin ölkəmizin turizm imkanlarına töhfəsi barədə məlumat vermişdir.
Ermənistan - Azərbaycan Dağlıq Qarabağ münaqişəsinə toxunan nazir Ermənistanın təcavüzü nəticəsində Azərbaycan torpaqlarının işğalı və bir milyondan çox azərbaycanlının öz evindən didərgin düşməsi barədə məlumat verib və ölkəmizin bu münaqişəni sülh yolu ilə həll etməyə
çalışdığını diqqətə çatdırmışdır.
Almaniya XİN - in xarici elm, təhsil, tədqiqat və mədəniyyət siyasəti üzrə xüsusi nümayəndəsi, Almaniyanın Azərbaycandakı keçmiş səfiri Haydrun Tempel iki ölkə arasında diplomatik münasibətlərin 25 illiyi və Azərbaycanda alman məskənlərinin 200 illik yubileyinin Azərbaycan - Almaniya münasibətlərinin d aha da inkişaf etməsi üçün stil olduğunu bildirmişdir.
Yüklə 489,01 Kb. Dostları ilə paylaş:
|