17
bizim Burqund şərabına bənzəyir” deyərək, özlərinə bütün yol boyu kifayət edəcək qədər
şərab alırlar. Fransızların bu sözü Forerdə öz işinə inam yaradır, gələcək fəaliyyətini
müəyyənləşdirməyə kömək edir. Qeyd etmək lazımdır ki, Forerlər Azərbaycanda ilk dəfə
pivə istehsalı ilə də məşğul olublar. Həmçinin XIX əsrin sonlarında Avropada çoxdan
tanınan, Azərbaycanda isə məlum olmayan bir içkinin –
konyakın istehsalı ilə məşğul
olmağa başlayıbla
r. 1892-
ci ildə “Forer qardaşları” Yelenendorfda Azərbaycanda ilk dəfə
iki spirtçəkmə aparatı olan konyak zavodu tikiblər. Ağıllı, işgüzar və qənaətcil olan
Forerlər daha sonra 1905
-
ci ildə Azərbaycanda ilk dəfə cecədən spirt çəkmək üçün
rektifikasiya zavo
du inşa ediblər. O vaxtdan 100 il keçməsinə baxmayaraq, həmin
avadanlıqlar bu gün də işləyir.
Azərbaycanın qida sənayesi və kənd təsərrüfatı sahəsinə özlərinin ye
-
nilikləri ilə
silinməz iz qoyan “Forer qardaşları”nın istehsal etdikləri şərablar və konyaklar fəaliyyətə
başladıqları dövrdən 1914
-
cü ilədək dünyanın 81 ölkəsində keçirilən beynəlxalq sərgi və
dequstasiyalarda 39 dəfə qızıl, gümüş medallara, diplom və fərmanlara layiq görülüb.
Tarixi qaynaqların da məlumat verdiyi kimi, almanların Azərbaycanın Qərb
bölgələrinə gəlişi ilə doğrudan da o yerlərin kənd həyatında böyük mədəni dəyişikliklər
baş verdi. Onların məskunlaşmasından sonra qərb bölgəsində yaşayan yerli
azərbaycanlı kəndlilər də almanlar kimi altı zirzəmili, üstü çardaqlı, damı kirəmitli evlər
tikməyə başladılar. O dövrədək həmin bölgələrdə zirzəmili və çardaqlı evlər olmayıb. Bəzi
məlumatlara görə, kənd təsərrüfatında işlədilən dördçarxlı at arabalarının düzəldilməsi də
almanların gəlişindən sonraya təsadüf edir.
Cins inəkləri də ilk dəfə Azərbaycana almanlar gətiriblər. Sənaye üsulu ilə pendir və yağ
istehsalı da məhz onlara məxsusdur. Azərbaycanda ilk yağ
-
pendir zavodu Ziqanter adlı
alman tərəfindən Yelenendorfda tikilmişdir.
Almanlar kənd yerlərində elektrik enerjisindən istifadənin, elektrik dəmir yolunun,
indiki Şəmkirin Dəllər qəsəbəsindən Gədəbəyədək uzanan neft kəmərinin ilk yaradıcıları
olublar.
Gədəbəy misəritmə zavodlarının əsasını da Azərbaycanda yaşamış Simens
qardaşları qoyub. Xanlar Şampan Şərabı Müəssisəsinin əsasını da onlar qoymuşlar.
Sonralar Bakendorfun rəhbərlik etdiyi alman firmaları isə Bakıda
-
Balaxanıda,
Suraxanıda, Ramanada, Sabunçuda sənaye üsulu ilə ilk neft çıxaran firmalardan
ol
muşdur.
Aytac Muradova
AMEA Tarix İnstitunun doktorantı
.
2017-
ci ildə alman icmasının Cənubi Qafqazda, o cümlədən Azərbaycanda
məskunlaşmasının 200 ili tamam olur. Almaniya, Azərbaycan və Gürcüstanın təşəbbüsü
ilə bu tarix UNESCO
-nun 2017-
ci il yubileylər proqramına salınmışdır.
Prezident
İlham Əliyev 30 avqust 2016
-
cı il tarixdə “Cənubi Qafqaz regionunda alman
məskənlərinin salınmasının 200 illiyi haqqında” sərəncam imzalayıb. Sərəncamda alman
məskənlərinin 200 illiyinin Azərbaycanın çoxəsrlik ənənələrə malik tolerantlıq məkanı kimi
təbliğində önəmi və bu yubileyin qeyd olunmasının əhəmiyyəti vurğulanır.
Azərbaycanda zaman
-
zaman müxtəlif xalqların nümayəndələri məskən salıb. XIX
əsrin əvvəllərində Avropadan, Vürtemberq krallığından köç edərək Azərbaycanda
məskunlaşan alman icması da tarixdə izlər qoyub. 1819
-
cu ildə Azərbaycanda ilk alman
koloniyası
-
Helenendorf (indiki Göygöl şəhəri) salındı. Sonrakı dövrlərdə Şəmkir, Qa
zax,
Tovuz, Ağstafa rayonları ərazisində Annenfeld, Qeorqsfeld, Qrünfeld, Eyqenfeld,
Traubenfeld -
ümumilikdə 8 alman koloniyası yaranmışdı. Sənayedə və təsərrüfatda
yaxşı mütəxəssis olan almanlar bu münbit torpaqlarda yeni həyata başlayırlar. Onlar
tərəfindən inşa edilən körpülər, müxtəlif tikililər, şərab zavodları indiyədək qalır. 1941
-ci
18
ildə Almaniya ilə Sovet İttifaqı arasında müharibə başlayandan sonra Volqaboyu, Krım və
Cənubi Qafqazda, o cümlədən Azərbaycanda yaşayan almanlar Qazaxıstan və Sibirə
d
eportasiya olunublar. Ötən əsrin 50
-80-
ci illərində isə alman icmalarının çoxu sovetlər
ölkəsini tərk edərək tarixi vətənlərinə qayıdıblar.
Azərbaycandakı alman icması mədəni həyatda da bir çox izlər qoyublar. Onlar
yerli əhali ilə qaynayıb
-
qarışaraq, tolerant mühitdə yaşamaqla bərabər öz adət və
ənənələrini də yaşadıblar. Alman kolonistlərinin vaxtilə yaşadığı Gəncə şəhərində,
Şəmkir və Göygöl rayonlarında inşa etdirdiyi yaşayış evləri, kilsə (lüteran kirxası) və digər
tikililər Azərbaycanda alman memarlığının nümunələridir. Göygöldə 1857
-
ci ildə tikilmiş
alman kirxası bu gün də şəhərin rəmzidir. Şəmkirdə 1900
-
cü ildə tikilən kirxa da
günümüzədək öz əzəmətini saxlayıb.
Azərbaycanda alman irsinin qorunması, təbliği üzrə müxtəlif tədbirlər təşk
il olunur.
2017-
ci ildə qeyd olunacaq yubiley tədbirləri çərçivəsində Gədəbəy rayonunda “Simens
qardaşları” muzeyinin, Göygöldə qədim alman evləri üslubunda hotelin, Alman irsi
muzeyinin (Göygöldə 2006
-
cı ildə vəfat etmiş sonuncu alman Viktor Klaynın ev
-muzeyi
əsasında), Şəmkirdə alman irsi mərkəzinin yaradılması planlaşdırılır.
Bununla yanaşı almaniyalı kinematoqrafçılar Cənubi Qafqazda alman tarixi
mövzusunda sənədli film üzərində işləyirlər. Azərbaycanın Mədəniyyət və Turizm Nazirliyi
layihəyə dəstək verir, ötən müddətdə nazirlikdə bununla bağlı bir neçə dəfə görüşlər
keçirilib. Layihə Azərbaycanın turizm sektorunun (alman irsinin mədəni turizm
baxımından təqdimatı) təbliğinə də əlavə zəmin olacaqdır.
İki xalq arasında mədəni və tarixi dostluğu indiyədək lentə alınan sənədli və bədii
filmlər də təsdiq edir. "Uzaq Qafqaz ümidi
-
Azərbaycanda alman izləri" sənədli filmində
bunun şahidi oluruq. Film Azərbaycanın "Salnamə" studiyası və Almaniyanın "Züdost"
informasiya agentliyinin birgə istehsalıdır. Alman dilində hazırlanmış filmin rejissoru
Mojkan Ehraridir. Alman-
Azərbaycan Cəmiyyəti tərəfindən hazırlanmış "Azərbaycan
-
alman dostluq əlaqələri" sənədli filmində Drezdendə saxlanılan "Dədə Qorqud" eposunun
əlyazması, Mirzə Şəfi Vazehin Fridrix Bodenştedtlə dostluğu, Leypsiq Kitabxanasında
Azərbaycana dair kitablar, Berlin İncəsənət Muzeyində saxlanılan qədim musiqi alətləri
və antik geyimlər lentə alınıb. Ekran əsərində almanların Azərbaycanda məskunlaşma
tarixindən də bəhs edilir. Göstərilir ki, Azərbaycanda məskunlaşan alman icmalarına
həmişə xüsusi qayğı göstərilmiş, onların mədəniyyətinə, dininə, adət
-
ənənələrinə
hörmətlə yanaşılmışdır.
Xalq artisti, kinorejissor Oqtay Mir Qasımın "Qisas almadan ölmə. Keçmişdən
məktublar" bədii filmi də Azərbaycan ərazisində yaşayan almanlardan bəhs edir. Film
"didərginlik faciəsini yaşamış bütün insanlara ithaf olunur" sözləri ilə başlayır. Ekran əsəri
Azərbaycanda yaşamış almanların 1941
-
ci ildə Orta Asiyaya sürgün olunmasından bəhs
edir.
Lalə Azəri
Mədəniyyət.
-2017.-11yanvar.