olan şəxsə divan tutulmasının nümayiş etdirilməsi hesabına əldə
olunmur. Divan tutmada iştirak etmək tələb olunur. Funksioneri
təqsirsizliyinə şübhə etmədiyi şəxsi (dostunu, yaxın qohumunu)
satmağa, mühakimə etməyə məcbur etmək xüsusilə vacibdir. Sonra
koqnitiv dissonans mexanizmi işə düşür: əgər belə etmişəmsə, deməli,
belə lazım imiş.
Vicdan yarası isə qalır. Onun sağalmaması üçün eksperiment
sonradan təkrarlanmalıdır.
Totalitar cəmiyyətdə idarəetmə sarsılmaz qanunlar əsasında
deyü, hökmdarın iradəsinə görə həyata keçirildiyindən, səhvləri
düzəltmək çox çətin olur. Böhran vəziyyəti yarandıqda hökmdar
hakimiyyətdə qaldıqca onu düzəltmək, demək olar ki, mümkün
deyildir. Hökmdar artıq özünün əsatiri aləmində yaşayır. Buna görə də
çox vaxt hakimiyyətin labüd iflası aydın surətdə dərk edilərək,
kəskinləşən münaqişə qəsd və saray çevrilişi yolu ilə həll olunur. Risk
isə o qədər böyükdür ki, çevriliş amansızlıqla həyata keçirilir.
§7. Demokratik hakimiyyət münaqişələri
Demokratik cəmiyyətdə «oyun qaydaları» müzakirə olunarkən,
onların əməli nəticələri barədə düşünürlər. Qədim Roma senatı su
kəmərlərinin inşası variantını seçərkən belə bir qaydam rəhbər tuturdu:
kəmərin üç yüz il işləyəcəyi layihəyə üstünlük verilməlidir. Hazır
konstruksiyada səhvin aşkar edildiyi andansa, planın qəbul edildiyi
mərhələdə mübahisə etmək daha yaxşıdır. Öz fikrini ifadə və müdafiə
etmək azadlığı məntiqi, elmi, hüquq şüurunu doğurmuşdur. Yeni
qaydaların işlənib hazırlanmasında iştirak edən hər bir cəmiyyət üzvü
yalnız özünün intellektual töhfəsini verməklə kifayətlənmir, həm də
əksəriyyətin təsdiq etdiyi qaydanın saxlanmasına görə öz üzərinə
məsuliyyət götürmüş olur. Burada qəbul edilmiş qaydanın icrasının ən
yüksək təminatı təsbit olunur.
Totalitar cəmiyyətdə hüquq və qanun fərqləndirilmir. Hüquq
qanunun verdiyi imtiyazdır. Qanun isə hökmdarın iradəsinin təsbit
olunmuş ifadəsidir. Hökmdar istəyəndə qanunu, həm də hüquq
münasibətlərini dəyişdirir. Kiminsə imtiyazlarını artı-
105
nr, kimisə imtiyazlardan məhrum edir.
Sabit demokratik ənənələrə malik cəmiyyətdə isə hüquq ictimai
şüurda təsbitini tapnuş, cəmiyyətin nüfuzu ilə qorunan, müəyyən
hərəkətlərin icrasında, müəyyən tələbatların təmin olunmasında
azadlığa təminat verən qaydalardır. Qanun yalnız hüququ ifadə edir.
Buna görə də hakimiyyət cəmiyyətin qeyri- hüquqi hesab etdiyi qanun
qəbul edə bilər. Bu halda cəmiyyət hökuməti devirmək üçün əsas əldə
edir.
Orta əsr Avropa dövlətləri siyasi quruluş etibarilə demokratik
olmamışlar. Lakin bu dövlətlərdə demokratik yarımsis- temlər mövcud
olmuşdur. Məsələn, silki institutlar: sənətkar sexləri, şəhər vergi
parlamentləri, imperiya seymləri, silki məhkəmələr fəaliyyət
göstərmişdir. Avropa Roma hüququnu qəbul etmişdir. Buna görə də
sosial həyatda ən mühüm vassallıq sistemi müqavilə əsası üzərində
qurulurdu. Senyor müqaviləni pozduqda vassal öz hüquqlarını ya silki
məhkəmədə, ya da əlində silah qorumağa borclu idi. Bir çox hakimlər
öz vassalları tərəfindən andım, len hüquqlarını pozduqlarına görə
devrilmişdi.
Qanun yalmz hökmdarın iradəsinə əsaslandıqda həmişə
dəyişdirilə biləcək hüquqi ifadəni təmsil etmiş olur. Qanun hüquq
sisteminə istinad etdikdə isə onu hazırlayıb təcəssüm etdirənlərin
iradəsi ilə möhkəmləndirilir. Hüquq onun hər bir daşıyıcısının şüuruna
sosial ədalət norması kimi nüfuz edir və bu daşıyıcını onun ən fəal
müdafiəçisinə çevirir.
Qanunlar öz-özlü>mndə gücə malik hökmdara lazım deyildir.
Real qanun özünün mahiyyəti etibarilə hakimiyyətin müəyyən
normanın könüllü dəstəklənməsi haqqında cəmiyyətlə müqaviləsidir.
Bu halda sosial aşağıların hüquqları təsbit olunur. Bu hüquqların
mövcud qanun vasitəsilə qorunması və yeni qanun vasitəsilə
genişləndirilməsi hüquq münasibətləri sistemini möhkəmləndirir.
Buna görə də hakimiyyət və cəmiyyət arasında yaranan münaqişələr
hüquq qaydasının təsbitinə və genişləndirilməsinə yönəlmişdir.
Avropa
münaqişənin
seyralərdə,
parlamentlərdə,
andlılar
məhkəmələrində və hətta universitetlərdə qanunlar haqqında
mübahisələr forması kəsb etməsindən yalnız qazanmışdır.
Konkret hallara (presedentlərə) dair qərarlar qanunvericilik
korpusuna daxil olaraq, hüquq sistemini möhkəmləndir
106
mişdir.
İngiltərə kralının 1215-ci ildə təsdiq etdiyi Böyük Azadlıqlar
Xartiyası indiyə qədər qüvvədə olan hüquqi sənəddir, ingilis hüquq
sisteminin əsasıdır.
Bundan əlavə, hakimiyyət qərarları işlənib hazırlanarkən
münaqişə idarəetmə sisteminin fəaliyyətinin əsasında qoyulmuşdur.
Avropada silki birliklərdən başqa, real surətdə taxt-tacdan müəyyən
müstəqilliyə malik daha bir neçə birlik mövcud olmuşdur. Bunlar
mənəvi nüfuza malik və Roma papasına tabe olan katolik kilsəsi,
dövlət hakimiyyətinin inzibati nəzarəti olmadan elmi həqiqət
məsələlərini müzakirə edən universitetlərdir. Universitet elmində
müxtəlif məktəblər mövcud olmuşdur. Hətta kilsə belə monax
ordenlərinə öz nizamnaməsini, davranış normalarını yaratmaq, mənəvi
sahəyə spesifik yanaşma işləyib hazırlamaq imkanı verirdi.
XVII-XVIII əsrlərdə Lokk və Monteskye hakimiyyət bölgüsü
ideyasını nəzəri cəhətdən əsaslandıraraq, üç müstəqil budağı:
qanunverici, icraedici və məhkəmə hakimiyyətini fərqləndirirdilər. Bu
ideya ABŞ-nın konstitusion quruluşunun əsasım təşkil etmiş, sonralar
demokratik sivilizasiyanın ümumi nailiyyətinə çevrilmişdi. Hər üç
hakimiyyət budağı ictimai iradə (millətin, xalqın iradəsi) əsasında
yaradılmış konstitusiyaya tabedir. Millətin rifahı hakimiyyət
institutlarının hərəkətlərini müəyyən edir və məhdudlaşdırır.
Konstitusiya əsas və birbaşa qüvvəli qanundur. Heç bir hökumət,
yaxud məhkəmə qərarı konstitusiya ilə ziddiyyət təşkil edə bilməz.
Bu, o deməkdir ki, bütövlükdə cəmiyyət hakimiyyətin
hərəkətlərinə nəzarət edərək, onun qərarlarını konstitusiya qanunu ilə
tutuşdura bilər. Cəmiyyət idarəetmə orqanlarına seçkilər vasitəsilə
qanunvericilik hakimiyyətinə nəzarət edir, zərurət yarandıqda qanuni
yolla onu devirir, yaxud dəyişdirir. Hər üç budaq öz səlahiyyətlərinə
malikdir, heç bir hakimiyyət digərinin fəaliyyətini əvəz edə bilməz.
Hakimiyyət bölgüsü gerçəkliyin qiymətləndirilməsində və planların
işlənib hazırlanmasında idraki tamlığı, obyektivliyi təmin edir. İki
hakimiyyət üçüncüyə müvəqqəti fayda naminə öz imkanlarından
sui-istifadə etməyə imkan vermir. Onların arasında razılıq isə çox
vacibdir.
Üç müstəqil sistemin informasiyanın işlənilməsi sahəsində
107
Dostları ilə paylaş: |