Coğrafiya
və təbii resurslar, №1, 2017 (5)
AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
49
HİDROLOGİYA
© H.L.Mustafabəyli, Y.R.Rəhimov
ŞİN VƏ KİŞ ÇAYLARI HÖVZƏLƏRİNDƏ TƏHLÜKƏLİ SEL HADİSƏLƏRİNİN (03.07.2016-cı
ildə) YARANMA SƏBƏBLƏRİ
H.L.Mustafabəyli, Y.R.Rəhimov
AMEA Səki Regional Elmi Mərkəzi,
AZ 5500 Şəki, L. Abdullayev k., 24
Məqalədə Kiş və Şin çaylarında baş vermiş 03.07.2016-cı il tarixli sel hadisələrində reqressiv
landşaft növlərinə malik sel ocaqlarının fəallaşmasında bir çox fiziki, coğrafi, geomorfoloji, ekoloji,
kimyəvi, geoloji amillərin iştirakına diqqət yetirilmiş və bu sellərin xarakterik xüsusiyyətləri
aydınlaşdırılmışdır. Sellərin əmələgəlməsində qeyd edilən amillərin təsirləri olsa da, bu sellərin
yaranmasının başlıca səbəbləri kimi qəfil isti hava təzahürlərinin təsirindən yüksək dağlıq ərazilərdə
(2400–3000 m) qar altında yerləşən qırıntı materiallarının donunun intensiv surətdə açılması (yəni
soliflükasiya prosesi) və yağan güclü leysan yagışları nəticəsində yaranan sürüşmə və uçqun
proseslərinin həcminin kəskin surətdə artması hesab edilir.
Təhlükəli sel hadisələri, bir qayda olaraq, Bö-
yük Qafqazın cənub yamacının dərin dərələrə ma-
lik dağ çaylarında gözlənilmədən baş verir və xüsu-
silə Şəki-Zaqatala iqtisadi rayonuna çox böyük zi-
yan vurur [1]. Onların yaranma səbəbləri içərisində
ən təsirli səbəb güclü leysan yağışları və böyük
miqdarlı mövsümi qar kütləsinin sürətlə əriməsi
hesab edilir. İri qaya parçaları ilə yanaşı, süxur qı-
rıntıları, mineral hissəciklərin və toz halına düşmüş
gillərin də böyük miqdarda toplantıları (50–60%-ə
qədər) sellər üçün səciyyəvidir. Onlar qabaqcadan
formalaşmış süxurların aşınma qabığında yerləşən
sel ocaqları (1), süxurların qırıntı materialları ilə
doldurulmuş çuxurlar (2) və maili yamaclararası
dərələr boyunca aşınma materialları ilə toplanmış
uzunsov azdərinlikli çökəkliklərdən (3) ibarətdir
[2,3]. Yaranma səbəblərinə görə sellər erozion, qa-
zıma-yarma və uçqun-sürüşmə tipli olur. Ərazidəki
süxurların tektonik və geomorfoloji quruluşları
arasında qarşılıqlı əlaqələr müşahidə edilmədiyin-
dən, denudasion və akkumulyativ proseslər əsasən
relyef və müəyyən qədər geokimyəvi xüsusiyyət-
ləri ilə bağlıdır [4,5,8]. Bununla belə, antiklinal qı-
rışıqlıqların tağ hissələrində yer səthinə çıxan sü-
xurların daha intensiv aşınmaya məruz qalması
müşahidə edilir.
Sxem 1. Şəki rayonunun Şin və Kiş çayı hövzələrinin sel ocaqları (1–maili yamacların aşınma zonaları, 2–
dərin çuxur və çalalar və 3–yamaclararası uzunsov çökəkliklər )
Coğrafiya və təbii resurslar, №1, 2017 (5)
50 AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti
3 iyul 2016-cı il tarixli Kiş və Şin çaylarında baş
verən sellər uçqun-sürüşmə tipli olduğundan, on-
lara müvafiq olan selyaradıcı ilkin səbəblər aşağı-
dakı bəndlərdə qeyd
olunan amillərlə müəyyənləş-
dirilir:
1.
Böyükqalınlıqlı qar kütləsinin sel ocaqla-
rında intensiv surətdə əriməsi. Bu hadisə II-tipli
qırıntı materialları ilə doldurulmuş çuxurların (50–
60 m dərinlikli) üzərində toplanan 4–5 m-lik qar
kütləsinin sürətlə əriməsi nəticəsində baş verir.
2.
Böyükmiqyaslı soliflüksiya prosesinin
getməsinə şərait yaranır. Qar altında yerləşən və
mövsüm ərzində donmaya məruz qalmış qırıntı
materiallarının dondan azad olması sel kütləsinin
tamamilə yumşalaraq boşalmasına və "delyapsiv"
tipli sürüşmələrin əmələgəlməsinə səbəb olur.
3.
Ağırlığa tab gətirməyən çuxur–oyuq tipli
morfoloji sel ocaqlarının çay dərəsinə yaxın əra-
zilərdəki toplantıları “asekvent” tipli sürüşmələr və
uçqunlar yaradır.
4.
Bu tipli uçqunların başverməsi çay dərələ-
rinin ensiz hissələrində müvəqqəti bəndlərin əmə-
ləgəlməsinə səbəb ola bilər. Bu hallarda çayların
aşağı axarlarında suyun birdən-birə kəskin azal-
ması müşahidə edilir (02.07.2016-ci il tarixdən
03.07.2016-cı il tarixə keçən gecə Kiş çayının Da-
marçın qolunda eyni bu cür vəziyyət baş vermiş-
dir).
5. Çayın yuxarı axarlarındakı dərələrdə ötən
illər ərzində yaranmış müvəqqəti təbii bəndlərin
arxasında toplanan iri gölmçələrin suyu şişərək və
özünə tunel və keçidlər yaradaraq qırıntı
materiallarını palçıqlı-daşlı sel növündə turbulent
axınla daşımağa başlayır.
Yuxarıda inkişaf mərhələləri ilə təsvir olunan
uçqun tipli turbulent sel hadisələrinin yaranmasın-
da iştirak edən fiziki, kimyəvi, geoloji, geomorfo-
loji, coğrafi, bioloji və ekoloji amillərin
bu proses-
dəki ümumi rolunu qiymətləndirmiş olsaq, aşağı-
dakı sıranı almış olarıq:
1 – coğrafi (radiasiya aşınması, mövsümi iqlim
dəyişkənlikləri ilə əlaqədar tez-tez baş verən tem-
peratur və rütubət tərəddüdləri, yüksəklik qurşaq-
ları, landşaft növləri – fasiya, yarımərz və mərzlər,
sel ocaqlarının ərazidə yerləşmə mövqeyi və s.);
2 – fiziki (istilik +5°, +15°, +25°, +35° C və
şaxtanın – 5°, –15°, – 25°, –35° C təsirindən mexa-
niki aşınma, soliflüksiya və s.);
3 – geomorfoloji (qədim moren və qlassial, ero-
zion, denudasion, sürüşmə, uçqun, akkumulyativ
və s. relyef formaları, təngi, dərə, qobu, çuxur, çala,
şırım və s.);
4 – ekoloji (meşələrin qırılması, seyrəldilməsi
və yaxud Şin və Kiş çayları hövzələrində cavan
pöhrələrin təsərrüfatlarda “lobya şaxları” və ya
yanacaq kimi istifadəsi üçün kəsilməsi hesabına
zəiflədilməsi, alp çəmənliklərinin qoyun sürüləri
ilə normadan artıq miqdarda otarılması, atmosferdə
CO
2
və SO
2
qazlarının faiz miqdarının yüksəlməsi
və s.);
5 – kimyəvi (həllolma, yuyulma, suffoziya,
hidroliz, hidratlaşma, oksidləşmə, sementləşmə,
aşınma qabıqlarının yaranması və s.);
6 – geoloji (litoloji-mineraloji tərkibdən, strati-
qrafik bölgü, struktur quruluş, neotektoniki və
seysmiki, klivaj və s.) proseslərlə əlaqədar olaraq.
Şin çayının Baş Göynük kənd körpüsü ərazisin-
də çayın gətirmə konusunun sonuncu 03.07.2016-
cı il tarixli sel hadisəsindən sonra iri daş, palçıq və
lil materialları ilə şişməsi bu ərazidə daha çox uç-
qun tipli sel hadisəsinin baş verdiyini göstərir.
Sürüşmə proseslərinin üstünlüyü ilə xarakterizə
olunan sel hadisələri zamanı Kiş və Şin çaylarında
“afat” tipli struktur sellərin ( 03.07. 2016-cı il)
əmələgəlməsi səciyyəvi xarakter daşıyır. Struktur
tipli sellərin əmələgəlmə mexanizmi aşağıdakı şə-
kildə baş verir:
1.
Güclü leysan yağışı nəticəsində III tipli
maili yamaclararası dərələr boyunca toplanmış
uzunsov çökəkliklərdəki (uzunluğu 400–500 m,
qalınlığı 4–5 m) kifayət qədər kimyəvi aşınmaya
uğramış toz materialları islanaraq çay dərəsinə
doğru topalar şəklində hərəkət edir.
2.
Toz materialın islanması onlarda toplan-
mış qələvi birləşmələrin həll olması ilə baş verdi-
yindən, proses endotermik reaksiya kimi istiliyin
udulması fonunda baş verir və havanın temperaturu
kəskin aşağı düşür.
3.
Əlavə olaraq mütləq hündürlüyü nisbətən
aşağı olan və qar ortüyündən azad olan sahələrdə
yer səthinin qızması və leysan yağışı vasitəsilə ani
müddətdə soyuması nəticəsində isti və soyuq hava
cəbhəsi yaranır ki, bu da çay dərəsi boyunca sürətlə
soyuq küləyin əsməsinə şərait yaradır.
4.
Burada sonuncu sürüşmə hadisəsindən
sonrakı mövsümlərdə dəfələrlə soliflüksiya prose-
sinin getməsinin ardınca hökm sürmüş quraq iqlim
şəraiti sel ocağının üst qatında kimyəvi aşınmaya
və toz materialının miqdarının xeyli artmasına sə-
bəb olur.
5.
Maili yamaclararası dərələr boyunca top-
lanmış uzunsov çökəkliklərdəki qar altında yerlə-
şən və mövsüm ərzində bir neçə dəfə donmaya və
əriməyə məruz qalmış qırıntı materiallarının don-
dan azad olması sel kütləsini tamamilə yumşalaraq
boşalmasına səbəb olur və leysan yağışlarının təsiri
altında “delyapsiv” sürüşmələrin yaranması ilə nə-
ticələnir.
6.
“Delyapsiv” sürüşmələr nəticəsində çay
dərələrinə dolan lilli materialın içərisində suyun