Coğrafiya
və təbii resurslar, №1, 2017 (5)
AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
43
© Ə.Q.Xudeynatova
ŞİRVAN DÜZÜ GƏTİRMƏ KONUSLARI VƏ KONUSLARARASI ÇÖKƏKLİKLƏRİ
LANDŞAFTLARININ DİFERENSİASİYA XÜSUSİYYƏTLƏRİ
Ə.Q.Xudeynatova
AMEA akad. H.Ə.Əliyev adına Coğrafiya İnstitutu
AZ 1143, Bakı ş., H.Cavid pr., 115
efsane.xudeynatova@mail.ru
Məqalədə Şirvan düzü gətirmə konusları və konuslararası çökəklikləri landşaftlarının diferensi-
asiya xüsusiyyətlərindən bəhs olunur. ArcGIS proqramında ərazinin meyilliyi, parçalanmanın də-
rinliyi və sıxlığı xəritələri tərtib edilmişdir. Ayrı-ayrı gətirmə konuslarının relyef xüsusiyyətləri və
qrunt sularının səviyyəsindən asılı olaraq diferensiasiyası araşdırılmışdır.
Şirvan düzünün relyefi, landşaft xüsusiyyətləri
XX əsrin 60-70-ci illərində bir sıra alimlər tərəfin-
dən tədqiq olunmuşdur (N.Ş.Şirinov, 1975,
M.A.Müseyibov, 1975, O.A.Kərimov, 1975,
Y.Ə.Qəribov, 1982 və s). Ötən dövr ərzində ərazi-
nin landşaftlarında ciddi transformasiyalar baş ver-
mişdir.
Şirvan düzü Kür-Araz ovalığının
ən böyük dü-
zü olub, Kür çayının sol sahilində yerləşir. Səthi
əsasən hamar allüvial ovalıq olub, meyilliliyi 5°-
30° arasında dəyişir. Düzənliyin səthində qədim
çay yataqlarının qalıqlarına, yataqboyu bəndlərə,
hamardibli çökəkliklərə, düzənliyin kənarlarında
çayların yelpikvarı formada əmələ gətirdiyi yastı
gətirmə konuslarına rast gəlmək olur. Şirvan düzü-
nün kənar hissələri dağlara tərəf yüksələn maili
düzənlikdir. Çayların gətirmə konusları relyefin
əsas nahamarlıqlarını yaradır və meyillik 0,5°-1,5°
-dən 3-5°-ə kimi artır [6].
Şirvan düzü Mingəçevirdən Hacıqabul gölünə
qədər 180 km məsafədə uzanır, maksimal eni 55
km-dir. Şirvan düzünün mütləq hündürlüyə görə
paylanmasına nəzər saldıqda, relyef həm şimaldan
cənuba doğru, həm də qərbdən şərqə doğru alçalır
(şəkil 1).
Ərazinin dəniz səviyyəsindən aşağıda yerləşən
hissəsi 464 km², yəni Şirvan düzünün 12%-ni təşkil
edir. Düzənliyin ən çox hissəsi 0-20 m mütləq hün-
dürlüklər arasında yerləşir (2051,8 km², 52%), 20-
40 m arasında yerləşən ərazi də kifayət qədər olub,
Şirvan düzünün 21%-ni təşkil edir (823,9 km²).
Mütləq hündürlüklərin artması ilə ayrı-ayrı hün-
dürlüklər arasında yerləşən ərazilərin sahəsinin
ümumi əraziyə görə faizlə nisbəti azalır.
Şirvan düzünün şimal hissəsi Əlicançay, Tür-
yançay, Göyçay, Girdimançay, Ağsuçay çaylarının
gətirmə konuslarından və batıq konuslararası dü-
zənliklərdən ibarətdir. Türyançay, Göyçay və Gir-
dimançayın gətirmə konusları daha böyükdür.
Şirvan düzünün şimal kənarında çayların gətirmə
konusları olmayan hissəsində Bozdağ və Ləngəbiz
silsilələrinin cənub ətəyi boyu ensiz (3-5 km) delu-
vial-proluvial maili düzənlik uzanır. Bu ərazilər
yarğan və qobularla parçalanmışdır. Şirvan düzü-
nün Kürətrafı zonasının mütləq yüksəkliyi 0 m-dən
aşağı olan allüvial düzənlikdir. Relyefin ən geniş
yayılmış formaları allüvial hamar düzənlik, Qarasu
yatağı, Kürboyu qabarıq akkumulyativ yaldır. Şir-
van düzü relyefin xüsusiyyətlərinə görə fərqlənən
aşağıdakı sahələrə ayrılırlar:
1. Çayların gətirmə konuslarının üstün olduğu
alüvial-proluvial maili dalğavarı düzənliklər sahə-
si.
2. Səthi hamar çalalı-tirəli allüvial sahil düzən-
liklər.
3. Deluvial-proluvial maili və azmaili düzənlik-
lər [11].
Çayların gətirmə konusları landşaftların forma-
laşmasına təsir edən ən əsas amillərdən biridir. Şir-
van düzünün qərbində yelpikvarı formada yerləşən
Türyançay gətirmə konusu müxtəlif landşaft kom-
plekslərinin formalaşmasında mühüm rol oynayır.
Onun sahəsi 550 km²-dir. Gətirmə konusu üzərində
landşaftın formalaşmasında və onun daxili dife-
rensiasiyasında Türyançayın akkumulyasiya, ero-
ziya-akkumulyasiya fəaliyyəti ilə yaranmış relyef
formaları aparıcı amillərdir. Gətirmə konusunun
zirvəsindən ətək hissəsinə doğru meyillik azalır.
Şəkil 1.Şirvan düzünün mütləq hündürlüklər
üzrə paylanma xəritəsi
Coğrafiya və təbii resurslar, №1, 2017 (5)
44 AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti
Nəticədə landşaftəmələgətirici amillərin diferensi-
asiyası baş verir. Süxurların litoloji tərkibi dəyişir,
çaydaşıları və çaqıldaşıları, qum və gillərlə əvəz
olunur. Qrunt sularının dərinlik səviyyəsi azalır,
minerallaşma artır. Quru-çöl bitkiləri yarımsəhra
bitkiləri ilə əvəz olunur. Konusun zirvə ətrafında
meyilliyi 2,1-3°, ətək hissəsində 0,1-0,5°-dir (şəkil
2).
Gətirmə konusu şimalda 120
m mütləq yüksək-
likdən başlayıb, cənubda 0 m-lik səviyyəyə kimi
davam edir. Gətirmə konusunun səthində yerləşən
yalların üzərində yaşayış məntəqələri, bağlar, taxıl
və pambıq əkinləri yerləşir. Yalarası çökəkliklər
əsasən şoranlıqlardan ibarətdir. Türyançayın gə-
tirmə konusunun iqlimi yarımsəhra
və quru-çöl iq-
limidir. Gətirmə konusunun zirvəsinə doğru, 70km
məsafədə tədricən mütləq yüksəkliyin 120 m-ə
qədər artması illik günəş radiasiyasının azalmasına
(130-125 kkal/sm²), yağıntıların isə artmasına
(300-450 mm ), torpaq və bitki örtüyünün dəyiş-
məsinə səbəb olur [9].
Gətirmə konusunun relyefi qrunt sularının də-
rinlik səviyyəsi və kimyəvi tərkibinə təsir göstə-
rir. Qrunt suları kimyəvi tərkibinə görə hidrokarbo-
nat – sulfat tipli olub, minerallaşma dərəcəsi 3-30
q/l arasında dəyişir [1]. Ağdaş şəhərindən 1-1,5 km
şimalda 70-80 m mütləq yüksəklikdə səthin
meyilliyi 2,1-3°, qrunt sularının dərinlik səviyyəsi
6 m, bəzi yerlərdə isə 10 m-dir. Qrunt sularının də-
rinlik səviyyəsi və minerallaşma dərəcəsi konus-
lararası çökəkliklərdən konusun zirvəsinə doğru
dəyişir. Gətirmə konusu ilə konuslararası çökəkli-
yin təmasında qrunt suları 1-3 m dərində yerləşirsə,
konusun zirvəsində səthin parçalanması ilə əlaqə-
dar bu suların dərinlik səviyyəsi artıb 4-5 m-ə çatır
[6]. Gətirmə konusunun təpəsində qrunt suları iç-
məyə yararlıdırsa, gətirmə konusunun ətəklərində
qrunt suları şor (sulfatlı-xlorlu) olub, içmək üçün
yaramır. Gətirmə konusunun yastı ətək hissəsi və
yalarası çökəkliklərin şorlaşmış boz-çəmən torpaq-
ları üzərində ətli və ağacşəkilli şoran, seyrək yov-
şan bitkilərindən ibarət yarımsəhra landşaftı for-
malaşmışdır. Gətirmə konusunun zəif maili terras-
laşmış ətək hissəsində çimli-çəmən torpaqlar üzə-
rində müxtəlif ot və seyrək yovşanlı bitkili yarım-
səhra landşaftı formalaşmışdır. Bu landşaftların
formalaşmasına relyefin zəif meyilliyi (0,6-1°) və
onun bir qədər erozion parçalanmaya (1,5-
2km/km²) məruz qalması şərait yaratmışdır. Relye-
fin meyilli olması və erozion parçalanması həm də
burada qrunt sularının bir qədər dərində yerləşmə-
sinə səbəb olmuşdur. Gətirmə konusunun zəif
meyilli ətək hissəsində torpaq səthini 90-95% örtən
çəmən bitkiləri (çayır, biyan, süpürgə və taxılkimi-
lər) inkişaf etmişdir. Kanal və arxların sahillərində
yovşan , qarğı, qamış və böyürtkənə rast gəlinir.
Gətirmə konusunun maili yamac hissəsində
kserofit kollu, qarğılı, qamışlı, müxtəlifotlu land-
şaftlar formalaşmışdır. Ərazinin cənubunda basdı-
rılmış qalxmaların təsiri və relyefin yastı olması ilə
əlaqədar olaraq qrunt və səth sularının toplanması
üçün əlverişli şərait yaranmışdır.
Gətirmə konusunun zirvəətrafı – təpə hissəsin-
də kserofit kollu, taxıllı və müxtəlifotlu
landşaftlar
formalaşmışdır. Konusun zirvəətrfı qabarıq hissə-
sinin mütləq yüksəkliyi 100–120 m-dir. Relyefin
mütləq yüksəkliyinin artması ilə əlaqədar iqlim
tədricən quru-çöl xarakteri alır. Burada relyefin
üfüqi parçalanması 3
km/km²-
dır. Gətirmə konusu-
nun ətək hissəsinə nisbətən zirvəətrafı təpə hissə-
sində qrunt sularının dərində olması (5-10 m) qu-
ru-çöl landşaftının formalaşmasına təsir etmişdir.
Gətirmə konusunun təpə hissəsinin təbii landşaft-
ları insanların təsərrüfat fəaliyyəti nəticəsində xey-
li dəyişmişdir. Təbii landşaftlar yalnız çay sahillə-
rində dar zolaqda saxlanılmışdır [6].
Göyçayın gətirmə konusu Türyançay və Girdi-
mançayın gətirmə konusları arasında yerləşib 450-
480 km² sahəni əhatə edir. Bu konusun səthində
müxtəlif istiqamətlərdə yerləşən sahil yalları, yal-
arası çökəkliklər, qədim və müasir çay yataqları,
basdırılmış qalxmalar landşaftların parçalanmasına
və onun daxili diferensiasiyasına səbəb olmuşdur.
Göyçayın gətirmə konusu 0 m-lik hipsometrik sə-
viyyədən başlamış zirvə hissəsində 120 m mütləq
yüksəkliyə kimi davam edir. Gətirmə konusunun
səthində zirvəətrafı və yamac hissəsinin relyefi nis-
bətən mürəkkəb, ətək hissə isə nisbətən yastı və
sadə quruluşludur. Göyçayın gətirmə konusunun
landşaftını relyefin meyilliyi və morfoloji qurulu-
şuna görə iki hissəyə ayırmaq olar: meyilliyi çox
olan zirvəətrafı və azmeyilli terraslaşmış ətək his-
sə. Birinci hissə 30-120 m, ikinci hissə isə 0-30 m
hündürlüklər arasında yerləşir. Göyçayın gətirmə
Şəkil 2.Şirvan düzünün meyillik xəritəsi